اذا تهاوشتي مع وحدة..هل ترضين تنعزم حق مناسبات اهلج او يمعات حبايبج ؟

[ام الحوراء زينب]

اذا العزومه ابيتنا تحلم بعرس امها تدخل لو منو كان عازمها اطردها
اما اذا كنت ابيت رفيجتي ويت
صارلي هالموقف وحده ما اعرفها ولا تعرفني خلقه من الله تكرهني وتحش فيني
واسبوعيا احنا نتيمع كانت رازه ويها خليتها من الفشله تنقد على عمرها وتطلع
طبعا العموم مطنشها وكلنا قاعدين نضحك ونسولف ولمن تسأل سؤال ولا تسولف العموم يحقر
لووووووووووووووووول ولمن اضيف البنات اعدها طاوله زايده بالصاله ولمن حطينا العشا اناديهم واطنشها لين قامت وذلفت

 

[امي الحنونه]

لا عادي خل تجي

 

[♥MaSteRiyA♥]

اممممم..
ما صادفني هالموقف من قبل..

بس اذا صار.. عادي ما راح أحط ببالي


يسسسسسسسسسلمو يا حلووو ^_^​

 

[عواار قلب]

موووضوع حلوووو

خل يعزومنها عادي أقعد اتكششخ ولا أعبرهااااااا حتى طااااااف
واسولف واضحك ولااعطيها بال احسسن عشان احرها

انها ماهمتني وماتوقف حياتي من بعدهااا

لامازعل اهما مالهم شغل بخلافاتنا ،،


للامانه تراني طايحه بهالموقف
والشخص ماعبرته وهي ميتتته حره هههههه ماتخزني ولما اعطيها ظهري وامشي تخخخخخخخخز حيييل

 

[موني موون]

لووول عاددي انا شكو فيها خلاص تهاوشنا الله يستر علي و عليها ولا همني وجودها او عدمه
و همن عادي ليش ازعل انهم عزموها مناسبتهم و اهما حرين

 

[بحر هادي]

بحضر ..بس حسب المزاج..يعني لو بحضر والا مااحضر مو عشانها..لا عشان مزاجي انا..

وبالنسبه لاهلي..امممم..حسب..اذا عارفين اللي بيني وبينها ..ويوم تجي يسولفون ويضحكون معها ويسحبون علي بنقهرررر والله وبحقد عليهم..لاني بالمقابل يوم يزعلون من احد ويقولونلي انا اوقف معاهم..مو اغلط على احد لا..بس بصير رسيمه معهم.. و زي مايقولون انا واخوي على ابن عمي وانا وابن عمي ع الغريب..لووول

اذكر موقف..وحده من جماعتنا كنت انا وهي مررره مع بعض ..كانت اقرب شي لي..وصار موقف وسببتلي مشاكل وتغاضيت بس قطعت علاقتي فيها..وهي قد ماحاولت تحتك بس انا من موقفها وتشهيرها فيني ظلم خلااص ماعاد ابيها وزين سكت عنها و مارديت لها اللي سوته..
المشكله اختي تعرف اللي صاير..ولما يجون عندنا تسولف معاها وتضحك وانا ولاكني بالمجلس ..حقدت على اختي..مع انه اختي صاير العكس مع وحده وانا بالعكس صرت رسميه مع هالوحده عشانها وصرت اجلس مع اختي بالجمعات..

ماقلت لاختي لكن جد قاهرررتني يعني دامها عاشت نفس الموقف والحرّه لكن ماردتلي اللي سويتلها!!!

 

[أم توتو]

عادي خل يعزمونها شعلي منها المشكله بيني وبينها واهم مالهم شغل بالسالفه

 

[حظ من عنده انا]

ولا تهمني

احضر المنااسبات واضحك واسسولف عادي.


وان صار في مجال اسلم عليها بسسلم. لان السسلام لله


وخييركم من يبدا بالسسلام


ولا ازعل من احد ولا ششي


مو اكبر همي. عششان اعطيها اكبر من حجمها

يقولج ...

اللي حدى طيب جدانه على الزله ،،، دمحت له زلته. من طيب جداني

 

[نوره 99]

شوفي هو صح انه شي صعب تجلسين معها بمكان واحد
لكن صعبه افرض على اهلي واقول لاتعزمونها
عادي طنشي .. واحضري جمعات اهلك كأنها مو موجوده

 

[الكادي 2011]

ترى تحضرين المكان اللي اهي فيه و تتقبلين وجودها و تحاولين اداحرينها بـ انج اتكونين نجمة المكان و فرفوشية و تجذبين الكل بـ سوالفج عشان اهي تنحقر ؟ :ggdw:

هذا اسلوبي

 

[جنون الهوى]

عن نفسي
عادي تكون موجوده ولا افكر اتحرش ولا اثبت وجودي جدامها مالي شغل فيها موقف وحصل وانتهي
والي عزمنها بتظل مكانتها نفس ماهي
ليش اخلي صاحبه العزيمه ضحيه بين طرفين بينهم شد شنو ذنبها؟

انا اتفق معك:eh_s(7)::eh_s(7):​

 

[شموخه وبس]

راح احضر واقهره واروح واجي من قدامه عنااااااااد
وماراح تدخل بيت اختي او اخوي لو علي قص رقبتي
والي عازمينه راح اخذ موقف منهم ليه يعزمونه ويعزمونا
الف شكر
نصيت اقول وربي لي تنضرب لو اشووووووووفه

 

[!witcha!]

لا ادري بتصير سوالف فاكيد ما ارضي
واذا يت مادري بس مالي شغل فيها و مراح ازعل بالطقاق :s

 

[PuPa^^SWeeT]

ماتهمني

ولا افكر اداحرها ولا اني اثبت وجودي على شانها


لاا ازور و استانس و اذا انا اللي داشة واهيا موجودة امر اسلم عليها ماتهمني اتصير حالها من حال الكل

 

[Unusual]

وجودها والعدم وااااااااحد ...

وماراح اخذ اي موقف من صاحبة العزيمة طالما ان العزيمة في بيتها لانها حتى لو كانت اختي لها كامل الحرية طالما انها تتصرف في حقها

يعني في بيت غيري عادي في بيتنا مستحييييييل تطب عشم ابليس في الجنة ..

هذا الي ناقص ..

ثانكيووووو

 

[ولعتني وصديت]

عادي ’آإطنش واذا سلمت علي ارد عادي بس ماسولف معهاا.

 

[تفديني روحه]

انا من راي المرتاحه

 

[الغاليه نونو]

والله ياقلبي بما اني ماااعمري زعلت احد مني ولا احد زعلني اللهم طراطيش سوالف تروح ومايبقالها اثر بنفسي اتقبل الموضوع عادي كلش اروح وارتز واوجب اللي عازميني واصير حبوبه وسمحه واشزيني وماشيل بقلبي علي احد كلش كلش الحمدلله علي هالنعمه


بس صارت بين ناس اعرفهم وكنت انصحهم انهم ايوون وعادي يتقبلون كلامي وينتهي المجلس بصلح بين المتهاوشين والله يهدي نفوسهم علي خير

الحكمه من العزايم توليف القلوب يمه والانسان لازم يفكر بعقله موبقلبه واللي تبي اخرتها علي دنيتها اهيا اللي تبادر بالصلح حتي لو الطرف الثاني كابر وعاند ميخالف دينا الاسلام دين سمح وهذا اللي تعلمناه من الحبيب صلي الله عليه وسلم قال .....خيرهما من يبدأ بالسلام

يارب بهالايام الفضيله تحنن القلوب علي بعضها ولاتجعل بين احد من خلقك ضغينه ولاكره ولاحسد اللهم آمين

 

[LuLiTa]

مشكورة عـ الردود :** و انا قريتهم كلهم رد رد بس ما اقدر ارد عليهم ما شالله

 

[fatomm]

وبالنسبة لي اكيد احضر وواسولف واضحك واعطيها طااااااااااااف كبر راسها

ولا كانها موجوده اصلااااااااااااااااااااااااااااااااااا