ღ TőOőma ღ
New member
هاااااااااي حبيت انقلكم قصه عجبتني وايد وانشالله تعجبكم بس ابي تفاعل منكم عشان اكلمها
اهم شخصيتين بالقصة:
فطوم: (بنت حبوبة وطيبة) برونزية جسمها متناسق شعرها بني طويل وطولها حلو (بس قزمة شوي) عمرها 17
(تدرس برابعه ثنوي) فطوم هذي حدها فصلة وكلا تبي تضحك إنسانة عايشة حياتها وناسة وضحك وطلعات وما كانت تفكر لا بالحب ولا بهالسوالف وباجي شخصيتها بتعرفونها من القصة
ثاني شخصية سارة: (بنت خالة فطوم) بنت حدها كوول ناعمة وستايلها بسيط وناعم وحده راقي عمرها 16 وتدرس بالبحرين مع امها واخوها امها تحضر ماجستير منفصلة عن ابوها وقاعدين بالبحرين لحد ما تخلص امها من دراستها
بداية القصة بمصر ام سارة وام فطوم قاعدين على البحر قبال الفندق فطوم نايمة بالفندق وسارة تتمشى يو (جاسم وعيسى وفهد ويوسف )
جاسم : 17 سنة يدرس برابعه ثنوي (اسمر طوله زين شعره اسود يرجعه)
عيسى: 19 سنة ما يدرس يشتغل بشركة رفيج ابوه لنه كان مفصول من المدرسة (اسمر جسمه عريض طوله وسط شعره سبايكي )
يوسف: 20 سنة يدرس بكلية سعد العبدالله (برونزي جسمه عريض شعره اسود وستايله قفل)
فهد: 19 سنة يدرس بمعهد تكنلوجيا (برونزي ضعيف وعريض)
ام سارة كانت تعرفهم لن عمة جاسم رفيجتها فيو يسلمون عليها
جاسم: شلونج خالتي شخبارج؟
ام سارة: تمام انتو شلونكم من زمان ما شفتكم وينكم مو مبينين؟
يوسف: بعد تدرين شباب ويمعه وطلعات ما نقعد بالفندق
أم سارة: بس عاد هالله هالله بالاخلاق والسنع
عيسى: افا عليج خالتي لا تحاتين السنع كله عندنا
أم سارة: نسيت اعرفكم على اختي ام فواز (الي اهيا ام فطوم) وهذيل (جاسم ويوسف وعيسى و...)
فهد: معاج فهد خالتي
ام سارة: والنعم انت ما كنت معاهم السفره الي طافت صح
فهد: أي ما كنت معاهم
ام فواز: بتكملون سوالفكم وانتوا واقفين تعالوا خل نقعد على هالطاولة
راحوا بيقعدون سارة شافتهم من بعيد وكانت تبي تعرف منو هالشباب فراحت عندهم
سارة واهيا اطالع الشباب ومستحيه: هاااي
فهد تنح بويها بس اهيا ما لاحظت
ام سارة: هلا هلا اعرفكم على بنتي الوحيده سارة
قعدت سارة معاهم وقاموا يسولفون
ام فواز: ما قلتلوا وين تدرسون
جاسم: انا انشالله هالسنة رابعه ثنوي
موفق حبيبي
يوسف: انا بكليه سعد العبدلله باقيلي كورس انشالله
فهد: انا احسن واحد فيهم ادرس بمعهد تكنلوجيا
ام سارة: أي عاد يمدحونه يقولون لما تتخرج تسير مساعد مهندس
فهد: اي جسوم اطلبلهم شي فشلتنا
جاسم: سامحوني والله نسيت
ام فواز: لا ما يسير اول مرة اشوفكم لازم انا اعزمكم شتشربون
جاسم: لا خالتي ما يسير خليها علينا هالمره
ام سارة: لا خلاص هالمره علينا شنو تشربون
عيسى: كوكتيل جاسم: برتقال فهد: منقا وفراولة يوسف: كوكتيل
ام فواز: هاج يمه سارة روحي طلبيلهم وييبيلنا انا وخالتج عصير برتقال
فهد: لا ما يسير احنا قاعدين والبنت تروح خلج سارة انا اروح
ام سارة: خلاص روح معاها عشان تشيلهم معاك
فهد واهو مستانس: اوكي
راحوا فهد وسارة يطلبون العصير وبالطريج
فهد يفكر يقول شي: اممم سارة جم عمرج؟
سارة: 16
فهد: اها العمر كله ثنوي صح؟
سارة: أي ثالث سنة
وصلو فهد: ازيك يمتحت
الريال قام يضحك: اسمي مش متحت اسمي مصطفى
سارة قامت تضحك على فهد انصدمت منه
فهد: طيب يمصطفى عطنا 3 عصير برتئان (يعني بيتكلم مصري) وواحد منئا بالفراولة وتنين كوكتيل سارة شنو تشربين؟
سارة: اممم كوكتيل
فهد: وكمان كوكتيل يا باشا وطالع سارة وضحك وسارة ابتسمت ما تدري شتقول
مصطفى: تفضل طلبك يحبيبي من فين انتو؟
فهد: من الكويت
مصطفى: نورتونا يحبيبي
فهد: تسلم حبيبي النور نور مصر (يعني مو نورك
)سارة شالت صحن وفهد صحن وراحوا عندهم
لما وصلوا وزعوا العصير فهد واهو يعطي جاسم العصير غمزله جاسم واشر بعيونه على سارة فهد سوا روحه مو فاهم رفعله حاجبه وقعد وظلوا يسولفون وفهد يتنح بسارة كل ما تكلمت بس اهيا ما لاحظت أي شي
نرجع حق فطوم بطلة القصة
تلفونها يرن ...... قامت من النوم طالعت التلفون بس كانت مو قادرة تبطل عينها وبدال ما ترد سكرته
فطوم: اووو شسويت منو الي كان داق طالعت التلفون هذا حمد الحين عباله كاشته فيه ما يدري اني نايمه
(حمد شاب بحريني تعرفت عليه فطوم لما كانوا يسافرون البحرين بس كانت تكلمه على اساس انهم فرند بس اهو يموت فيها)
رد دق مرة ثانية علطول ردت
فطوم: هلا حمادة
حدم: هلا فطوم شفيه صوتج
فطوم: ولاشي كنت نايمه سوري سكرته بويهك بالغلط
حمد: شمنومج هالحزة احد مزعلج
فطوم: لا لا سمله عليي ليش تفاول عليي
حمد: شفيج عيل
فطوم: كنت سهرانه اجهز جنطتي لن بعد ثلاث ايام بنرد الكويت
حمد: بالسلامة انشالله حبيبتي (فطوم كانت ماخذه كلمة حبيبتي عادي على اساس انها مثل اخته) مرو البحرين بطريجكم
فطوم: البحرين وين ومصر وين اقول اقلب ويهك
حمد: لا تدقريني مشتاقلج
فطوم: انزين حمادة انا بسكره الحين بدق على امي بشوفهم وينهم
حمد: اوكي حبيبتي بس رجعي دقي عليي اوكي
فطوم: اوكي يلا باي
حمد: باي
دقت فطوم على امها
(كلهم قاعدين يضحكون على سوالف جاسم رن تلفون ام فواز)
أم فواز: هذي فطوم اكيد قعدت
سكتوا كلهم....
ام فواز: الو
فطوم: الو هلا يما وينكم انتوا وليش ما قعدتوني مخليني انام لي هالحزة
ام فواز: ويييه احنا وين وانتي وين هني ضحك ووسوالف ووناسة منو بيتذكرج
فطوم: أي أي نستوني وساروا الحمارة بعد ناسيتني يما اسمع صوت يمج قاعدين مع منو
ام فواز: هذول شباب كويتيين تعرفهم خالتج ساكنين بنفس الفندق قاعدين معاهم عالبحر
فطوم: اها وانا اقول ساروا ناسيتني
ام فواز: خلصيني شتبين الحين؟
فطوم: يما لا تفشليني جدامهم مابي شي بس كنت بشوف وينكم
ام فواز: انزين احنا قاعدين عالبحر يلا نزليلنا بسج نوم
فطوم: اوكي آخذ شاور وانزل وقولي حق ساروا فطوم تقولج اوريييج يالخاينه
ام فواز: عاد خاينه مره وحده انزيييين يلا
فطوم: بااي
ام فواز: باي ... (طالعت سارة: فطوم تقولج ياوريج يالخاينه)
سارة: اهيا الخاينة كاشته فيني ونايمه
يتبع..
يلا ابي ردود سنعه وحلوة مثلكم عشان اكمل
