اذا انتي بالموقف شتسوين؟؟

[اموت في حبـيـبي]

هااااااااااااااااااااااااااي متزوجات













هالموضوع حق اللي ساكنة مع حمولتها:0bee2e8d89:
تخيلي نفسج كاشخه على سنغة10 ومتجهزة حق طلعه رومانسية مع ريلج
اهوه واعدج فيها من فتره وكشختي ونزلتي ولقيتي عندكم حريم ومافيه بالبيت
غير خالتج والحريم يعني مافيه احد يضيفهم ويقهويهم....شتسوين؟؟؟؟؟؟؟:krkrkr:

 

[( مي )]

الصراحة ؟؟؟
مدام خالتي ما قالت لي من الأساس ان في عزيمة ،، وانا كاشخة لطلعتي مع زوجي ،، عادي اكمل طلعتي مع زوجي
اسلم على الضيوف واعتذر منهم واطلع

 

[الفراولـه]

لووووووول وين خالتج ماتضيفهم ؟؟

انا اذا بمكانج يمكن اقعد ربع ساعه واطلع اسلم عليهم لان اكيد بتكونين كاشخه للطلعه وباين عليج انج بتطلعين

 

[تعويذه الحب]

أأجل الطلعه حق وقت ثاني واجابل خالتي والحريم لان بجذي راح اكبر بنظر خالتي و زوجي واكيد زوجي راح يعوضني بطلعه احسن

 

[*^^حرم الدكتور^^*]

انا عن نفسي بقعد شوي و اشوف الوضع اذا محتاج اقعد و اساعد لا بقعد و بستأذن من ريلي نأجل الطلعة لبعدين

بس اعتقد اني بقعد حرااام خالتي تعبانة و لاااازم اساعدها مع ان عندها بنت مو متزوجة يعني معاها بالبيت بس وجودها و عدم وجودها واااحد

 

[candy21]

عادي اقعد حتى لو على الاقل ساعه وبعدين استأذن

 

[اميره بضحكتي]

عادي اقعد دقايق واطلع مشواري لان بعمري ماشفت احد من الحريم جو بيت اهل زوجي وقعدوا اكثر من 5 دقايق ههههههههههههه
ليش ماادري انا استغرب بس يمرون يسلمون ويطلعوا

 

[حنوونة]

انا عن نفسي بجاملهم جذي ربع ساعة واوجبهم واطلع
لان من الاساس خالتي ماعطتني خبر

وانا ساكنه بشقة مع ريلي مو مع حمولتي

 

[قطرية كوول]

عادي بسلم وبجااامل شوي وبطلع اصلا خالتي اكيد بتنقذني حزتهااااا

وي كفااايه اني مادري ان في قعده مو ملزومه اقعد معاهم طول الوقت

 

[الريشة]

ليش ما عندج مدخل بروحج؟ :080402ask_prv:
انتي شنو سويتي بهالموقف قولي لنا؟؟
الصراحة لو انا أسلم و أطلع لأنه خالتي ما نادتني و قالت فيه حريم ، و فيه خدامة تضيفهم ليش انا أقعد
ألزم ما علي وناستي انا و ريلي :friends:
يعني انتي ما عاندتي و طلعتي ، إنتي أساساً ما كنتي تدرين أكو ضيوف.

 

[قلبي ابيض]

الصراحة ؟؟؟
مدام خالتي ما قالت لي من الأساس ان في عزيمة ،، وانا كاشخة لطلعتي مع زوجي ،، عادي اكمل طلعتي مع زوجي
اسلم على الضيوف واعتذر منهم واطلع

نفس اللي بقوله

 

[βӓḊṏṎṏṘḁ]

كذا مرة صارت بالعكس انزل عباتي واضيفهم بنفسي مافيها شي ولاحقة على الطلعات

 

[الصعيريه]

اقعد معاها واخلي طلعتي بعدين...

 

[مجنونة بس عاقلة]

اقعد

 

[الزين والغلا لي]

طبعا اقعد مع خالتي واضيف اضيوف ام الغالي والطلعه لاحقه عليها يعوضني بغيرها نظر عيني

 

[@ام ضاري@]

تبين الصراحه لاوالله اقعد اذا خالتي ماعندها احد ومشواري يتأجل مع رجلي

نفس ذاك اليوم دقت على وانا بدرب رجعه للبيت قالت وينج قلت قريبه قالت انا بالخيمه حريم عندي وابي من شويهاتج الطيبه

قلت تبشرين نزلت سلمت وقلت ابدل واجي وسويت شويهاتي الحلوه وجيتهم

مع ان رجلي كان يبني بس قلت حريم عندنا وفهم الموضوع اني مقدر اخليهم ولاجيت لك اللي يرضك

 

[fdeetni]

اذا انا مادري من اول شي ان في عزيمة شحقة ارز ويهي واقعد؟؟؟ يمكن اهي اصلا ماتبيني اكون موجوده


عادي تيك ات ايزي اطلع مع ريلي وجنه العيد

 

[جوزائيه مغروره]

اقعد اسلم عليهم واقعد ربع ساعه فيها اضيفهم وبعدها استاذن وامشي

للعلم مو ساكنه مع حموله ^-^

 

[sereen]

والله مافيها شى خاصه اذا الشغله صارت صدفه يعنى ياييين زوارة مو سهر وعزيمه مخطط لها مسبقا , والله اساعدها واعين واعاون شدعوة كلها ساعتين وبيمشووون , بيت خالتى يعنى بيتى وضيوفها ضيوفى وانا
واذا طاولوا استاذن من خالتى بس احسها موووووو حلوة كلش. الجنه حسبت البنت موعدله اهد امى مع ضيووفها والله انها بتستناس خاصه انى كاشخه يعنى الحمدلله كلشى عال العال والمطاعم والسينمات بالكويت حق السهر سوالف الساعه 9 وطالع , واكيد الناس الساعه 9 ماشين خوو موعرس

 

[بتبوتااا]

بهالموقف اقعد معاهم شوي وبعدين اطلع