اذا الرحم مفتوح واحد سانتي ينفع معاه الطلق الصناعي ؟

[noo7a]

اذا الرحم مفتوح واحد سانتي ينفع معاه الطلق الصناعي ؟


السلام عليكم

انا من بدايه الثامن صار معاي ضغط و كل ماله يرتفع
والحين يالي زلال بعد
الدكتوره قالت لي ماراح اخليج تطولين وايد خلال هالاسبوع لازم ولاده*
وراح تحدد متى يوم السبت لانها بتعيد تحاليلي مره ثانيه
قالت ممنوع تمشين و تعبين نفسج
بس قلت لها انا ابي امشي عشان اولد طبيعي جان تقولي انشالله وضعج بالسليم لان الرحم مفتوح واحد سانتي و تولدين طبيعي (بس اهي قبل قالت لي اكون صريحه معاج وايد نحط لهم طلق صناعي و البيبي و الام يتعبون واخرتها يحولونهم قيصريه)
فمادري اهي ليش غيرت كلامها عشان لا اخاف مثلا و يرتفع ضغطي زياده ؟؟؟؟

فبعرف بنات منو كان الرحم عندها مفتوح سانتي واحد و ولدوها طبيعي مع طلق صناعي*
وخاصه اني لي الحين بالثامن ولا في بوادر ولاده كلش ولا طلق ...

 

[غرور الشوق]

اي عادي موشرط واحد سانتي ممكن يكون الرحم مومفتووح ويحطون الطلق الصناعي مافي اي مشكله واكثر شي يستخدمون الطلق الصناعي حق الي فيهم ضغط او اخذت شهرهااا كله وماولدت يعني من هالامور وعادي وسهالات من ربج وانشالله طبيعي وشكرراااا

 

[noo7a]

تسلمين حبيبتي

 

[*peace*]

طاع هذي شنو بتخرعج تقولج نحولج قيصريه الحمدلله والشكر منو دكتورتج بالله!!

حبيبتي انا حمالي اللي فات نفسج بالضبط ماكو طلق ولابطيخ ولا اي عوار والرحم تبطل سانتي واحد بس

وقلت لهم خلاص حطولي طلق صناعي وطولت تقريبا ١٠ ساعات والحمدلله ولدت طبيعي بس انتي صلي استخاره قبل لاتروحين

لدكتورتج من اولتها قيصريه!!!!!!

 

[ام دانة الفواز]

استخيري ربك والي فيه خير ليتج يقدمه وان شاء الله تولدين بأي شكل سواء طبيعي او طلق صناعي المهم تقومين بسلامة انتي والبيبي وادعي ربك يدبرك بأحسن التدبير .
طمنيني عليتج والله معاتج .

 

[noo7a]

Peace
لا حرام اهي كانت بتحطني بالصوره
عشان لا انصدم حزه الحزه
بس بعدين طمنتني
بس انا لي الحين خايفه


ام دانه
تسلمين حبيبتي
وانشالله خير

 

[غلاتي 123]

الله يهون عليج ياربي

كثري من الجماع كثري كثري
صدقيني ينفع حيل

واقعدي قعده الحمام العربي كرم السامع
تساعد على فتح الرحم

 

[بسبوسه بلجبنه]

نوحاا الف سلامه عليج حبيبتي وكلي امرج لله وكثري ادعيه ولاتحاتين مو زين ع الضغط وبنسبه لسؤالج وااايد يدخلون ومافيهم ولاده مثل حالتج ويولدون مع الطلق الصناعي ولاده طبيعيه اهم شي الحين ريحي اعصابج وربج اللي كاتبه بيصير وانشاءالله ماتولدين الاطبيعي وبشهرج بقدرت قادر اللهم ااامين

 

[ام عزووووووز]

اي عادي لا تحاتين و عسى ربي يسهل عليج وتقومين بالسلامة ​

 

[{}{}{ سكرة }{}{}]

انا بحملي بولدي


كنت مفتوحة 1سم من اول التاسع


وبعدين قل الماي على البيبي قالولي لازم ولادة وعطوني طلق صناعي تحميلتين


بس طولت على ما ولدت تقريبا يوم



الطلق الصناعي بطئ اشوي

 

[حبيب قلبي]

ايه عادي حبيبي انا جربت الطلق الصناعي وكان رحمي مسكر ولا فيني طلق والحمدالله السهاله من الله ربي يسهل عليج وتغر عينج بشوفت ضناج ودعيلي بسهاله

 

[الأميرة جوري]

لاتمشين انا مشت بنتى وتعبت بالولاده وبنتى الثانيه ما مشيت كلش وصارت اسهل والسهاله طبعا من الله ...حافظى علي الاكلج ابتعدي عن الدهون والاملاح والعصبيه والله يسهل عليج يارب بولاده طبيعيه

 

[noo7a]

الله يطمن قلوبكم
مثل ما طمنتوني

 

[حرمه المصون]

الله يهووون عليج نوحا وتولدين بالسلامه

 

[om_3azoz]

حبيبتي والله نوحا الله يسهل عليج يارب ويقومج بالسلامه انتي. ووليدج لاتخافين ولاشي السهال من رب العالمين وايد ناس خذو طلق صناعي من غير لايكون الرحم مبطل وولدو طبيعي الله يسهل عليج يارب

 

[انثى الكويت]

الله يسهل عليج نوحا

اذا قالت لج لا تمشين احسن شي تسمعين كلامها لانها شاطره دكتورتج

فا انا اقولج جربي الجماع
وقعدت الحمام العربي اسمها القرفصاء

حطي جدامج كرسي قضبي طرف الدريشه ورفعي نفسج ونزلي شوي شوي وخلي ريلج يمج

لانج لو قمتي بسرعه ممكن تودخين

هالحركه ان شاء الله ما فيها مضره لج بالعكس راح تساعدج باذن الله على الولاده الطبيعيه


وسمعي جهزي شغلج حطيه عند الباب عشان بس بتروحين تولدين الا ل شي جاهز

 

[يا كويتنا]

شوفي نوحا يا قلبي


الدكتوره اللي مخوفها الضغط لا ني اذا ارتفع راح تنظرين انتي قبل البيبي الله لا يقوله



انا حماتي بالولاده نفسها كل شغلها تمام الرحم مفتوح ولا ضغط ولا يحزنون مع الولاده البيبي زادت دقات قلبيه وسييدا قيصري

انا مابي اخرعج

اللي بوصله انه ممكن اتكونين مافيج الا العافيه وبالولاده تنقلب وساعات فيج ضغط وتعبانه وتولدين طبيعي عادي


توكلي عالله ولاتمشين المشي مو زين لج اذا تقدرين اتسوين القرفصاء بغرفتج وخففي موالح



وكثري من الاستغفار والصدقه بنيه تساهيل الولاده


وننطرج اتبشرينا ياقلبي

 

[^^yasmina^^]

الله يقومج بالسلامهيا نوحا وتولدين طبيعي يااارب

 

[كل الحلا فحبيبي]

الله يقومج بالسلامه انتي والبيبي اقولج حيل يمدحون الحلتيته شميها مني لين موعدج وان شاء الله بينفتح الرحم بسرعه

 

[om MaRyooM]

بعد عمري ماتشوفين شر


اللي اعرفه على حسب مرات ينفتح سبحان الله ومرات لأ

انا ببجري صار فيني ولا انفتح مع اني كنت طايفة الاسبوع الاول من التاسع
يوم تعب نبض البيبي حولوني قيصري

وحماتي من شهر ولدت راحت معدية شهرها بس مافي بواااادر ابد حطولها الطلق بعد 3الى4 ساعات تقريبا ولدت


التساهيل من الله

لاتفكرين واااايد نوحا