اذا الاداريات خذوا كادر : بحول من معلمة لادارية

[أع ـاتب غيابـكـ]

بسم الله الرحمن الرحيم

الموضوع مبين من العنوان

الاداريات اغلبهم سوالف وضحك وريوق وجمعه دام بيزيدونهم ويوصلون الى 750 او 800 ونعمه والله بالمقارنه ب المدرسه اللي تكرف في المدرسة وفي البيت . واخرتها الكل وقف ضدها لمن طالبت بالكادر جنه ما تحملنا الضيم مع بناتهم وعيالهم الللي اهم مايتحملونهم في البيت و20 منهم في صف واحد محد قدر الكل وقف ضدنا قالوا ماتستاهلون ليش مانستاهل ؟؟؟؟ . :rgewrg:

ويبون الاداريات اللي الاغلب ماراح اقول الكل سوالف وحلو وقهوه ماكو فرق بينا وبينهم؟؟؟؟

وانا اقوول اذا زادوا ال اداريات وعليهم بالعافيه مو حقد بس ابي ارتاح دام معاشاتهم بتصير قوويه
شاللي حادني على الصراخ وانوثتي اللي راحت هباءا منثورا ولا اهلي اللي مااشوفهم عشان التحضيرات واختبارات وتصليح وغيرها وغيرها ..

احول اداريه والمعاش حلو وارجع البيت احط راسي :ch12: ولا احاتي شي اسويه .

ولاشرايكم ؟

 

[ساندريلا]

والله حتي انا فكرت بس بصراحه اذا بحول ماابي بالمدرسه ماابي اسمع صوت الجرس ولا صراخ البنات صج ابي مكان هادي والله ان توني مخلصه تحضيري ووسايلي يعني الناس قعد تستانس بالعطله وانا قعد اسوي وسايل تعبت والله بس المشكله ريلي مايبيني اطلع من اجواء المدرسه مهما يكون اهم اريح منا بوايد
استخيري احسن

 

[Winter Q8]

أنا لو يحصلي الحين بدون زيادتهم .. في احد يعوف الراحة " أقصد بالراحة ان الشغل ما يوصل للبيت و بالويك اند و العطل "
بس للأسف ريلي مايرضى يقول أخذتج مدرسة و تمين مدرسة ..
​

 

[Turquoiseya]

احنا توجيهنا شايل من مدرستنا ابلات وعندنا ابلات حاجات وصار نصابي 17 حصة مع مناوبة ومربية صف
وعندنا تصليح جماعي وخطط اسبوعية للطلبة وتحضير جماعي واجتماعات ودرس ريادي
وتصليح دفاتر خط مشبك وكتاب التمارين ودفتر الطالبات اليومي ودفتر الاملاء
واسوي تمارين للخطة العلاجية وتمارين لجميع وحدات الكتاب ونحلهم مع البنات ونصلحهم
والحين نزهب اعمارنا لتمارين الضعيفات ووراي اذاعة ووراي رصد درجات
ووراي اسوي وسائل وتحضير يومي يبيله تركيز ولازم انتبه ان البنات فاهمين عدل حتى لو كنت مضغوطة بالحصص
ومضطرة اخذ احتياط عشان اكمل مع البنات التمارين وماعندي وقت اشرب حتى كوفي ينشطني شوي
ارد البيت متكسرة ومعاي قشي لان ماعندنا وقت بالمدرسة نخلص شغلنا ونحضر
وعيالي مادري عنهم ما ادرسهم ولا لي خلق 00 وتوني متراقعه مع رجلي عالسالفه هذي
ماخليت واسطة ابيهم يقشعون من وزارة قلة التربية والادب والتعليم000 اروح لوزارة ثانية محد يحسدني على دوامي ومرتاحة فيه
وراضيه بمعاشه ايان كان

منو تبي شهادتي وخبرتي وكادري وكل شي + تفرغ تام لفلسفات التوجيه الضايع00 قسما بالله اتكلم صج
ابي الطلعه تكفون 00 مالت عالمعاش اللي مايجي الا عقب مااخسر صحتي وبيتي وعيالي

الناس تنفعهم شهايدهم بس انا شهادتي لغة انجليزية كانت قبسة علي
قدر الله وماشاء فعل

 

[قفشـه]

الاداريات مايستحقون زياده على شنو يزيدونهم؟؟

 

[جيتك تعال]

يا جمااعة الله يرزق الجميع ...

واذا الله كاتب لهم زيادة الله يهنيهم فيها

 

[Estelle]

استغفر الله قالوها ديرة حسد

المدرسات حاسدين الاداريات والعكس

وكلن خذا شهادته بتعبه ومزاجه محد طقه علي ايده واجبره علي هالوظيفه صح ولا كلامي غلط

المدرسات اغلبهم ثلاث حصص باليوم والباجي ضحك وتحضير ووناسه وجاي وقهوه وحلو محطوط بالقسم واذا صادفها احتياط حصه وحده
تسوي شغلها كله بالدوام هذي الشاطره .


الاداريه طووول اليووم شغاااله حتي لو حاطين شاي وحلو وسوالف الشغل بإيدها ،

يعني الكل يعاني والكل مرتاح يوم ليك ويوم عليك

لا تحسدوون بعض . الله يهديكم ويصفي قلوبكم و يرزق الجميع .

 

[المستبــده]

الله الرازق
لييش ما تبون الاداريات ياخذون كادرر
ترى احنا قاعدين نطالب بالكادر و قلنا مانبي نفس المدرسات لانه شغلهم اكثر منا
لكن احنا بعد لنا حق بالكادر

بس سؤال
المدرسه منو فتح لها ملف اول تعينها ومنو سوا اوراقها عشان ينزل معاشها ومنو سوا لها ترفيع وظيفي
مو الاداريه ؟؟
المفروض كلنا نفرح لبعض مو نغلط على بعض ونحسد بعض

 

[صلفا]

السلام عليكم انا حبيت أشارك بالموضوع هاذا يعنى دوله الكويت تزيد ثلاث من موظفينها اللى عنده فلوس واجد تقول لا انا بزيدك بس اللى ماعنده تخليه تقول انت منت محتاج صح ولا يعنى زادو النفط المعلمات الداخليه ليش الدفاع مو وزاره المواصلات م وزاره الاداريات مو نفسكم ما يشتغلون يعنى وين جابو شهايدهم منه الوزارات الثانيه ما لهم حق بعدين تقولون الاداريات مالهم حق ليش انتم اللى تعطونا من معاشكم على فكره مثل ما تتعبون تاخذون مناوبات أحتياط فرص احنا اكثر منكم مره جت مدرسه شافت شغلنا قالت الله يعينكم بعدين المناطق التعليميه شفتو شنو يسسون لا بسس كلام هاذى بس وزاره التربيه شوفى الوزارات الثانيه ترى الكويت اهلها ذبحوها بالحسد يعنى يبون الشر يعم بس الفلوس لا خلوها للمدرسات ترى على فكره ندفع مثلكم من ناحيه الفلوس ما تبون أحد ياخذ أستغفر الله صج عقول حريم صغيره هاذا اللى عندى انا يوم قالو زادو المدرسات ما حسدتكم بالعكس قلت اللهم أنى اسئلك من فضلك العظيم يعنى ما ابى منكم ولا من احد يعطينى فلوس أبى من ربي اللى شايف شغلى عاف انى مخلصه فيه هاذا انا بالتربيه فيه غيرى بوزارات ثانيه مخلصين مو بس انتم

 

[أم أنور]

الله الرازق
لييش ما تبون الاداريات ياخذون كادرر
ترى احنا قاعدين نطالب بالكادر و قلنا مانبي نفس المدرسات لانه شغلهم اكثر منا
لكن احنا بعد لنا حق بالكادر

بس سؤال
المدرسه منو فتح لها ملف اول تعينها ومنو سوا اوراقها عشان ينزل معاشها ومنو سوا لها ترفيع وظيفي
مو الاداريه ؟؟
المفروض كلنا نفرح لبعض مو نغلط على بعض ونحسد بعض

حبيبتي اسمحيلي هذا شغلج اتابعين معاملات المعلمات واتدخلين بياناتهم يعني موشغل اضافي اتسوينه فوق شغلج هذاااااااااااااااااااااااا شغلكم
احنا اللي انسوي شغلنا وشغل غيرنا يعني غير التدريس مابقه شي مانسوي
المعلمات يمسكون شغل شئون الطلبه ووووووووووووووووو
(مالي خلق أتكلم):eh_s(1)::eh_s(1):

 

[catt]

ياناس محد حسد الاداريات عليهم بالف عافيه

وصاحبة الموضوع مو حاسدتهم لكن قالت اذا اقرو للاداريين الزيادة بتحول ادارية لانه اريح لها

وانا بعد ودي احول تعبت من التدريس

وياااااااا قفشة ههههههههههه
هدي هدي لا تتحرشين

اخاف ينحل المجلس ويروح علينا الكادر ههههههههه وتبتدي الشماته
يبووووووووووووووووي

 

[قفشـه]

كات انقر كادرنا لو انحل المجلس الكادر انقر خلاص الحمدالله بالعافيه علينا والله عيون هالاداريات بقت اطير البلد بكبره ههههههه

بس ليش الاداريات قاموا يتعدون حدودهم ويقارنون نفسهم بالمعلمات لان بعض الادارات تقط شغل الاداريات على المدرسات وتصدق الاداريه انه هذا موشغلها فلما ترفض الشغل المعلمه وتاخذه الاداريه عباله ان المعلمه ماتشتغل وانه الاداريه اهيا اللي تتعب مع انه الشغل من الاساس للاداريه!!!الاعمال المنوطه بالاداريه شويه وعليها اساسها خذت الراتب يزيدونها ليش؟؟ كل الزيادات بالدوله صارت للمهن الشاقه والشهادات العليا..اللي زادوهم النفط الجيش والشرطه والمعلمين والجمارك

هذيل مهن شاقه ..الاداريه يعطونها زياده على تضييع الملفات والنفسيه الخايسه؟؟؟

----

سبحان الله الاداريه طلعت اللي تشتغل والمدرسه اللي قاعده هههههههههههه

الخبل حتى الخبل يدري انه الاداريه لاشغل ولامشغله!!

مايستاهلون الزياده مفروض يفنشون نصهم لانهم عبء ع الدوله وماكو انتاجيه

الناس كلها تشكي من سوء اسلوبهم ونفسياتهم وتعطيلهم للشغل

حتى بالمدرسه هواش مع الوكيله معطلين الشغل ومضيعين الملفات

بالذمه جم معامله ضيعوها

شوفوا التعيين اليديد جم ورقه متاخره بسبة ان الاداريه النايمه نست الورقه بالطابعه!!!

لا وغلطاتهم غبيه حدهاااااااا!!

 

[ِAL-ANOOD]

انا معاج 100%
قهوه وسوالف ووناسه وتعبهم اول اسبوع بس لا ويطلعون قبل المدرسات
مادري على شنو يبون كادر
المدرسه تتعب بالنسبه اللي تجيبها بالثانويه وتقعد اربع سنين بالجامعه عاد شوف التخصصات كل تخصص اصعب من الثاني
ولا لما اتوضف تاخذلها صفين ولا ثلاثة وكل واحد فيه 30 طالبه لا وعاد شوفي الغثا حضور غياب درجات المشاركه الامتحانات القصيره والامتحانات الشفوي ومتحانات الفصل والتحضير وغيره وغيره
امانه الاداريه على شنو تبي كادر على الاقعده مثلاا
اماااانه تقارنون المدرسه بالاداريه بالعقل

 

[قفشـه]

انا معاج 100%
قهوه وسوالف ووناسه وتعبهم اول اسبوع بس لا ويطلعون قبل المدرسات
مادري على شنو يبون كادر
المدرسه تتعب بالنسبه اللي تجيبها بالثانويه وتقعد اربع سنين بالجامعه عاد شوف التخصصات كل تخصص اصعب من الثاني
ولا لما اتوضف تاخذلها صفين ولا ثلاثة وكل واحد فيه 30 طالبه لا وعاد شوفي الغثا حضور غياب درجات المشاركه الامتحانات القصيره والامتحانات الشفوي ومتحانات الفصل والتحضير وغيره وغيره
امانه الاداريه على شنو تبي كادر على الاقعده مثلاا
اماااانه تقارنون المدرسه بالاداريه بالعقل

عنود اهم الاداريات مسكينات قاموا يقارنون نفسهم بالمدرسات!!

مادري من زين الشهاده والا من كثر الشغل!!

الله خلق وفرق المعلمه مكانتها اتيي بعد الانبياء

تقومين يالاداريه تقارنين نفسج فيها؟؟؟

قارني نفسج باداريات الوزارات الثانيه!!!!!

بالمدرسه عندي الاداريات يطلعون قبل الوحده

طبعا لامناوبه يمسكون ولاشي

وضحك وقهوه وجاي وغياب واستئذانات

وشغلهم ماسكينه ابلات الحاسوب

صج مرتباتهم وايد عليهم لان انتاجيتهم صفر!!

 

[Om_Ksha]

^
^
حرام يا قفشه لا تتعمين بكلامج .. انا كنت قبل بروضه وفعلا كلامج بمحله ورحت روضه ثانيه وطبعا الناظره شديده عالكل فالادرايااااااااات كانو مكروفين كراااااااااف فرق عن الروضه الاولى ,,, فحرام يبا كل واحد ورزقه والله يرزق الجميع ,,

وانتو معلمات المفروض الاسلوب يكون ارقى من جذي ,, مهما كان هذيل خواتنا وزميلاتنا عيب الانتقاص بقدرهم ,, عشان شهاده ماتسوى والله لو يرجع فيني الزمااااااااان جان ماتخصصت هالتخصص البايخ ,, انا حابه تخصصي وكل شي بسسسسسسس الحريم كرهوني فيه !! يوم يكرفونا ويعطونا شغل مو شغلنا وغيره وغيره

المهم ما علينا الحمدالله انه الرزق بيد الرحمن ولا جان علوم

 

[اطباق ناطع]

من وجهة نظري يستحقون زياده ولكن ماتتقارن بزيادة المعلمين لاختلاف طبيعة العمل

 

[قفشـه]

ام كشه انتي ماقريتي شنو اكتبوا عنا..انا بالبدايه كنت معاهم لكن انصدمت من كلامهم طلعوا شايلين وايد علينا

تخيلي اليوم عمتي تقولي انتوا يالمعلمات ماتشتغلون مفروض زايدين الاداريات مساكين!! طلعت بنت عمتي الثانيه تمشي وتسولف وطايحه سب بالمعلمات واهيا اداريه بالمنطقه ولا قبل معترفه انه دوامهم اهيا ورفيجاتها كل يوم على وحده!!بدال مايبصمون يدخلون الكود وكذا مره مديرها طايح عليهم تقول والله ليش نداوم ماكو دوام والحين بعد كادرنا تقول الاداريات اكثر ناس يتعبون

بالذمه شرايج بالتناقض

هم بدوا بالهجوم يتحملون احنا قاعدين نعيد كلامهم اللي قذفونا فيه..قسمنا الايام اللي طافت امتلى سب ماخلوا كلمه ماقالوها لنا!!

 

[الكويتية28]

حب لأخيك ماتحب لنفسك.وجان يتهم زياده عليهم بالف عافيه.الرزق من ربكم مو من جيب احد.

 

[مهـــــآ]

الله معاكم :: ولا تستاأؤون ...

بنات في مصادر بس للحين ما اكدو عليها
<< ان انشالله بيناقشون موضوعنا بكادر الاخصائيات وامينات المكتبات _ وخريجات التكنولوجيا واذل تم اقرار الكادر راح يكون مساواة بس فرق بدل التدريس ..

وانشالله راح يقرونــه @@

عقب اعتصام اليوم واضراب اليوم اثبتت ان نسبة كبيرة ماداوموووو ... >> قلنالكم ماراح يتحركون الا اذا اعتصمنا

 

[مهـــــآ]

>>> ياربي لك الحمد الخير خيرناااااا والغير حاسدنا