اذا الاداريات خذوا كادر : بحول من معلمة لادارية

[ياا راسي التعب]

امبيه امبيه شهالحوار
مايصير جذي واذا دبلوم شنو يعني مو شهاده والله اللي كاتب ان فلانه دبلوم او فلانه بكالوريس او دكتوراه
هذه ارزاق والله اللي موزعها
مايصير تستهينين فيهم هذوله بناتنا وخواتنا وزميلاتنا
كلش ما عجبني اسلوبكم

 

[ياا راسي التعب]

وترى انا جامعيه مثلج وتخصص نادر بعد
وخير ياطير كل ما علقتي جامعيه وجامعيه
عييييييييييييب

 

[أع ـاتب غيابـكـ]

بقولكم شي الزياده ان شاء الله بتجينا
وعن سوالف الحسد والحقد وعيب عليكم
وخلو عنكم سوالف اسياد شنو وين قاعدين حنا ؟؟
ترا حنا بنات قبايل وعائلات معروفه ولها مكانتها بالمجتمع
ماتعودنا ع سوالف اسياد وقله احترام
والحمد لله بخير ونعمه وشنو سوالف شهاده يحلمون ماوصلو لها ؟؟
اهلي وجماعتي فيهم المهندسين والدكاتره والطيارين وفيهم المدرسين وكل الوظايف
وجميع الشهادات من برا وداخل الكويت
الناس تطورت وانتم للحين تشوفون ان المدرس اقوى شهاده بالكون
بس ما اقول الا الله يعينكم ع عقولكم
وياليت اللي تكتب حديث تكون ملتزمه بكلامها احتراما للحديث النبوي
مو تكتب كلام متناقض
طبعا هالحجي يخص مايعم الكل
وعذرا لصاحبه الموضوع

يابنااات سلاماات شهالالفاظ وشنو اسياد وين قاعدين باي عصر عيب والله انا استحيت من ردوردكم والله تفشلت :: وترى كلن يورينا اخلاقه وتربيته :

ترى خواتنا اداريات وبنات عمنا شدعوه اسياد وين بعصر الجاهليه احنا محسسيني اني وزيره مو مدرسه ياهووو ترى الدعوه راي وبس

بس بنات شوفوا الذنب اللي علي منكم

 

[كيكة فانيليا]

الرازق من السماء والحاسد من الارض

 

[Eva-SS]

انا مدرسة روضة ونص معاشي على الروضة .. بس حابه شغلي ومافكر اغير وظيفتي صج اني مرات اقول للاداريات اللي عندنا ياحظكم ماكو شغل بس انا احب وظيفتي ولو شنو ماغيرها

تدرون شنو ضحكني بالموضوع .. وحده من الخوات بالصفحة الأولى تقول معاش المرسة اول ماتتعين 1500 وبعد جم سنة يصك ألفين هههههههههههههههههههههههههه هذا وين بالكويت ؟

انا مدرسة صارلي 5 سنين معاشي بعد كادر موضي توه يوصل 1000 يعني توني اوصل الألف .. ونفس الاخت تقول معاشات الاداريات اول تعيين 800 دينار .. صج هالكلام ؟

المدرسة اول تعيين 860 شلون يعني فرقنا عنكم قبل 60 دينار بس ؟

وترا الكادر الجديد يحوشنا منه اقل من 200 دينار ماتفرق معانا واجد يمكن اللي تفرق معاها رئيس القسم والموجه والمديرة يعني مدرسة اول تعييين ما يوصل معاشها الف دينار حتى بعد الكادر

بعدين انا بفهم انتوا تعتصمون على شنو يعني تقولون ندخل ملفات وبيانات هذا شغلكم والاداريين بكل الوزارات هذا شغلهم مو شي جديد .. ليش تقارنون نفسكم بالمدرس مع اختلاف طبيعة الشغل وحتى الاداريات اللي يقولون انهم جامعيات بس انتوا ماتدرسون افهموا يا ناس الفرق بالمعاش بدل تدريس مو بس شهادة

 

[المستبــده]

حبيبتي اسمحيلي هذا شغلج اتابعين معاملات المعلمات واتدخلين بياناتهم يعني موشغل اضافي اتسوينه فوق شغلج هذاااااااااااااااااااااااا شغلكم
احنا اللي انسوي شغلنا وشغل غيرنا يعني غير التدريس مابقه شي مانسوي
المعلمات يمسكون شغل شئون الطلبه ووووووووووووووووو
(مالي خلق أتكلم):eh_s(1)::eh_s(1):

حبيبتي اول شي انا مو داشه اتهاوش !
انا ادري اللي قاعده اسويه شغلي و ملزومه فيه
انا حبيت اوضح بكلامي بس انه احنا بعد نستحق الكادر
وعليكم بالعافيه الكادر صدقيني مو حاسديكم
انا اختي مدرسه وشايفه شكثر تتعب بالتحضير و التدريس وغيره
كل اللي مستغربه منه انه صار هواش و سب و كلام ماله داعي عشان وصخ دنيا !!

والزياده اللي نزلت لكم واللي اذا ربي رزقنا بالزياده تراها من الحكومه مو من جيب احد
فليش العصبيه ..؟؟

 

[المستبــده]

ايفا اللي حاطه المعاشات غلطانه
لامعاش المدرسه 1500 ولا معاش الاداريه 860
الاداريه اول ما تتوظف عقب الزياده اللي توه اقروها 650

 

[marshmelo0o]

اخاف المدرسات كلش عاد شغل والكرف هذيل صاروا قله المدرسات القدم صج ادرسون بضمير اما الحيييين مدرسات اليدد لوووعه مع احترامي لكم نفسيه وشايفين نفسهم وكل اهتمامهم بلبس ومكياج وجناط وجواتي لا منو تييب طبق احلا من الثانيه شنو هذا
بالاخير ايي الياهل البيت طوفه مو فاهم شي اهوا ولوح واحد واحنا فلوسنا بس ضايعه على المدرسين

 

[اللولو الغالي]

اول شي احترامي لصاحبة الموضوع ماقالت شي غلط
لكن اللي ردوا
اثبتوا انهم مايستحقون الكادر ولا حتى وظيفة معلمه اي مربية اجيال
عندكم اعتراض او ملاحظات قولوا لكن بحترام مو بهالاسلوب الهمجي
للاسف
ان عيالنا تحت ايدكم
شنو نترجا من جيل انتم معلمينه
قاضبين علينا علينا جامعيه وجامعيه
ابفهم هالجامعه اللي انتي مو مصدقه انج تخرجتي منها ما علمتج الاسلوب السنع اللي تناقشين فيه

المهم
بنسبه للاعتراض على كادر الاداريات
اتكلم عن نفسي كسكرتيره ولي الشرف
صحيح ما دخلت جامعه لكن عندي احترام لذاتي وللاشخاص بغض النظر عن تعليمهم ووظايفهم ومثقفه اكثر من اي معلمه تحسب ان الشهاده يعني ثقافه والفرق واااضح

انا اشتغلت اخصائيه وأمينة مخزن وشؤون طلبه لما كان الامر يحتاج ما اعترضت ولا طاولت بلساني على مديرتي مثل مايسون بعض المعلمات اذا زاد الشغل عليهم
اتميت الشغل المكلفه انا فيه من باب تعاون وحب للمدرسه وخوف على مصلحة طالباتنا
هذا زياده على طبيعة شغلنا اللي تتطلب مواجهة المراجعين من اولياء امور الطالبات والتعامل مع نفسياتهم الصعبه ومخاطبتهم وهذا الشي له بدل بجميع الوزارات اسمه بدل جمهور
هذا غير عملنا اللي نقابل فيه الكمبيوتر من الصبح لاخر الداوم واالي له تأثير على نظرنا وعمودنا الفقري نعم لنا بدل شاشه لكن مبلغ رمزي ماله داعي لا يزيد ولا ينقص
وازيدكم بعض المعلمات واغلبهم يلجئون لنا لعمل ورشهم وندواتهم من الكمبيوتر حتى دعواتهم ما يعرفون يستخدون الكمبيوتر ولا يعرفون يسحبون
من فلاشاتهم اللي يستعيرونها من معلمات مجتهدات
*واللي تقول انا شغلتنا نسوي لكم ملف
ما اختصر الامر على ملف والسلام
تغيب المعلمه وتنسى روحها احنا اللي نطالبها بعذرها الطبي ونسجل مباشرتها خوفا على مصلحتها نقدر نسى امرها وتظل طبياتها ضايعه وينخصم
منها
هذا غير الاجازات اللي نطلبها لها من المنطقه التعليميه مثل الوضع والامومه الحج وغيرها وهم نقدر نسى وضعها لان اغلبية المعلمات ما يدرون وين الله قاطهم ولا يعرفون شلهم وش عليهم
هذا غير التصوير اللي تجيج معلمه جامعيه !!
على ورقه احيانا تكون خاصه مو منهج وتترجاج تصويرين لها عجزانه تروح لاقرب خدمة طالب وتصورها بدينار او اقل
وتنزف من وكيلتها وناظرتها على وريقه
لان الميزانيه خاصه بتصوير ما يخص المنهج والاعتراض من ادارتها مو من عندنا


احنا القلب النابض للمدرسه واللي مو عاجبه فهو اكيييييد جاهل بوظيفتنا
واللي تقول فطاير وريوق وقهوه
اخاف احنا عبيد عندكم او خدم تحسبون لهم الوجبات والساعات اللي تاكل فيها
بعد انتم مو مقصرين في بوفيهاتكم وحلوكم وقهوتكم

اي وحده تروح لاي مدرسه او روضه وتقارن لبس الاداريه ولبس المعلمه وتعرف منو اللي يكرف ومنو العكس
بعض المعلمات تجي من صباح الله خير المكياج واللقنز او الجنز المرصرص والاوان الفاقعه والكعب اللي يلج المدرسه ويزعج الطالبات وسط الحصص
طبعا ماخذه راحتها لان عندها جم حصه باليوم وباحي الوقت من قسم لي قسم تقهوي فلانه وتسلم على فلانه
والاداربه تلبس الجوتي الطبي او الفلات والعبايه المحتشمه لان وراها اولياء امور وروحه وجيه من تواقيع للناظره ومناوبات الفرص وبداية ونهاية الدوام واللي تقول ان المعلمات يناوبون فهي ايضا جاهله لان المناوبات على الاداريه وهذي نشره موقعه من مكتب الوزير
وتعاملنا كله باوراق رسميه مع الوزاره والمنطقه وهالشي فيه مسؤوليه كبيره
عكس المعلمه اللي خدها توجيهاا هذا اذا مو مضبطه معاهم

وازيدكم بعد اي رئيسة قسم تاخذ دورة وكاله تلجأ لنا نعلمها على نظام سجل الطالب وطبيعة الشغل الاداري يعني نقدم لها دورات مجانيه
وحتى اي وكيله تاخذ نظاره نعلمها نفس الشغل

يعني يالجامعيه مردج اداريه




المهم سواء طالبنا بالكادر او
ماطالبنا شي راجع لنا وحق من حقوق اي مواطن

شنو اللي حاركم مو اخذتوا اللي تبونه وبغيتوا تموتون على ما اقروا لكم الكادر
مع ان والله والله حرام على بعضكم ( البعض ) اللي تجي تحط نفسياتها ومشاكلها على روس عيالنا وتنسخ منهجها من اي زميله لها وتلقيه القتء على الطالب لا توضح ولا تشرح ولا تحفيز واذا تكرمت وخضرت اجتماع اولياء الامور تقعد ساعه تتذكر الطالب لانها تذكر دفترها وكرسيها اكثر منه
*

 

[انسام الكويت]

كل هالاسلوب والحسد طلع منكم يالمدرسات من عقب ما اقروا الكادر لكم

وبعدين اشفيها اللي معاها دبلوم ناقصها ايد ولا رجل ولا عشان انتم جامعيات

رفعتوا خشومكم عالدبلوم ترا كلنا كدينا وتعبنا ودرسنا ومحد فيه زود عالثاني*

واللي تقول معهد تجاري ومهلب شهالنغزات حمدالله والشكر والمشكله مدرسه ومربه اجيال

جذي الاسلوب عيل شلون ادرسون الطلبه اذا جذي اسلوبك بالحوار *وبعدين اللي بتحول اداريه

تحول محد ماسكها بس لاتتعدى حدودها وتقول من زين شهاده او تنزل من مستوا الادرايات بهالاسلوب

والله حسافه عليكم الكادر دام قلوبكم جذي سوده واللي تقول المدرسه من الاشغال الشاقه تعتبر ليش شاقه*

شايله حديد ولا سلاح بيدج ولا واقفه بالشمس طول اليوم ولا داومون طول السنه واللي يزيد حره انه الزياده من الحكومه مو من جيبكم عشان تحلطمون هالكثر

عيب ارتقوا بأسلوبكم وحبوا للناس الخير ترا باجر الله يسخط فيكم وبمعاشكم ولا يهنيكم بكل فلس يجيكم دام قلبكم اسود والمشكله

للحين ما انقر شي*

وللعلم انا اداريه بس مو بالتربيه بس

حزت بخاطري رد الاخت قفشه لمن قالت

من زين الشهاده اللي عندهم مادري الاخت

قفشه ماخذه شهادتها من امريكا ومعاها*

ماجستير ودكتوراه ترا كلها بكالريوس الهندي

اللي بشتغل بالنفط عنده بكالريوس ولا بعد*

احسن منج من امريكا فيعني محد احسن من*

احد*

 

[أحلى البشر]

مصدومه من ردود بعض المدرسات الله يعين طالباتهم عليهم

 

[شـيـوخـهـ]

بنات بالبدايه ماني مدرسه ولا اداريه بس لي تعقيب صغير

من وجهة نظري زيادة المدرسات ماكانت مدروسه لان الزياده مبالغ فيها ماني ضد المدرسات عليكم بالف عافيه بس ارتفع الراتب بحدود 300 دينار وهذا الشي مو هين صراحه تقولون انتوا جامعيات بقولكم انا جامعيه بعد وتخصصي قوي جدا وللاسف راتبي اقل منكم بمبلغ مو هين وشغلي حساس باي وزاره عى الرغممن هذا ما اقروا لنا كادر يعادل كادركم مو حسد بالعكس والله كل مره اقول المفروض نحب لبعض الزياده وفرحت لكم بس اتمنى تكون الكوادر المره الجايه بدراسه افضل وتشمل كل شخص دراسته وشغله يستاهله بس المأخذ هالمره الزياده كانت مبالغه وبالاول وبالاخير الكادر بينزل لكم ومن غير حسد ولا غيره ما نحسدكم عليه والله يوفقكم

نجي للاداريات..بما ان ما اعرف اداريات بالمدارس معرفه شخصيه فما اعرف بصراحه جم رواتبكم ولا طبيعه عملكم عشان احكم وياارب يعطونكم كادر لان الرواتب المفروض تزيد بما ان شغلكم واجد
بس عندي ماخذ على البعض الي كانوا منفسين من المدرسات ثاني الزياده ما اقروها المدرسات لنفسهم وهذا موقف حصل مع اختي تقول دخلت اقول نبي نصور امتحان قصير ردت عليها الاداريه عطيني دينارين! اكيد هالوحده ما تمثل الكل بس المدرسات مالهم اي علاقه بالزياده الي صارت لهم عشان تاخذون موقف منهم

بالاخير احنا بعد نطالب بالزياده مو حسد بالمدرسات لان احنا لنا اكثر من سنه لحد الان مااقروه لنا اي كادر مع ان شغلنا حساس نطلب هالشغله من باب الاستحقاق من غير حسد

 

[اللولو الغالي]

شيوخه
احيج على موضوعيتج بالرد
بس اتوقع اللي قالت عطيني دينارين قالتها من باب المزح والله العالم
مو عشان انا اداريه بقول هالكلام لااا بس كلمة حق اكثر بنات يقطون فلوس ولا يهمهم الدينار والدينارين اهم الاداريات
وانا اجيب لج مثل
اذا صارت مناسبه بالمدرسه واحنا مالنا شغل فيها من باب المشاركه نقدم اللي نقدر عليه وسائل ورود بخور اي شي نقدر عليه من حسابنا الخاص لان مالنا ميزانيه مخصصه كل اقسام المدرسه لها ميزانيه الا احنا والله في مناسبه من المناسبات قطيت تقريباً ٧٠ دينار من حسابي الشخصي غير صديقاتي كل وخده ومبلغها ومن طيب خاطر لا حد امرنا ولا حد قالنا او اقترح علينا
فما يهمنا الفلوس او مبلغ الكادر كثر ما يهمنا الاحترام والتقدير

 

[عصفورة صغيورة]


لا تعليق علا بعض الردود
اشدعوه بنات تعوذوا من الشيطان مافي شي يسوا
مو لهالدرجه عاد الرازق الله وكل شي كاتبه الله وترا المعنى مو بكثرة المعاش المعنى بالبركه ادعوا ان الله يبارك في معاشاتكم
واحمدوا ربكم ويجيكم رزقكم ان شالله ولان شكرتم لازيدنكم محد له شغل بالثاني الي جاهم كادر الله يباركلهم فيه والي ماجاهم الله يرزقهم
ليش تتسببون بحزازيات بينكم
الله المستعان شي يحزن صراحه !!!!

 

[ريانا]

والله خوش يعني وحده متهجمه علي وقايله قليله ادب ومن عايله ماعندها مصداقيه واحترمي نفس وانتي فيح وفيج لما رديت عليها وقلتلها كلمه وحده صار التهجم كله علي والله الي موقاري ردود البنات علي احسله لايحط بذمته ما احلل ولابنت تتهمني وموشايفه السب الي خذته عشان جمله قلتها
ان مايتساوى حمله الدبلوم بالجامعي واعتقد ماقلت شي غلط كل دول العالم تعطي المعاش حسب المستوى الوظيفي وهذا رايي والي موعاجبه براحته مو الا يعحبه
ثم بالنسبه لشنو يلبسون المعلمات والاداريات هذا صج نظره سطحيه للامور كل من يلبس حسب ييئته وتربيته يعني الي تلبس لقن مرتاحه والعباه مقطعه الشغل
وتكفون منو الحاسد الثاني احنا جمعيتنا طالبه بالكادر كنتو ساكتين من اقرو طالعين بالجرايد والقنوات نطالب بتساوي المعلم بالاداري
منو الي حسد الثاني

 

[ريانا]

والي تقول حنا بنات قبايل واهلي وبنات عمي شهادتهم جامعيه

يبا ماقلنا ان عايلتكم مافيها ولا واحد شاطر اكيد الي درس يستاهل بس انتي تتمنين ان ولدج باجر يكون جامعي ولا دبلوم وان قلتيلي لا عادي حده دبلوم اقولج اسمحيلي انتي ماعندج طموح وصدقيني لو كنت دارسه ومكمله بكالريوس ماترضين ان الي متخرج بسنتين وبمعدل ٦٠ يتساوى معاج ال يبتي ٩٠ وعندج شهاده
انا ماقلت شي غلط لو معاش السكرتير صار نفس المعلم ولا الطبيب مجد بيصير عنده طموح يتخرج بمعدل

 

[missq8_6]

عمر الشهادات و المناصب ما تسويك انسان محترم ولا ترفع قدرك شعره المحترم يحترم

 

[missq8_6]

كلامج صح مو معقوله يتساوي المدرس مع الطبيب مع المحامي مع المهندس والمحاسب و الاداري بس كان ممكن تشرحين وجهة نظرج من غير تجريح مهما يكون الناس قدرات واذا الكل خدا شهادة دكتوراه وحط ريل علي ريل الديره شلون بتمشي كل فرد له دورة بالمجتمع و اذا الاداريات يطالبون بكادر فهاذا من حقهم بس مو معنه هذا انهم يتساون في المدرس كل واحد ياخذ حقه اساسا المفروض يرفعون سقف الراتب الاساسي الحين انتي مستانسه في هالكادر وحتي المهندسين مساتنسين عليكم بالف عافيه بس تالي وقت التقاعد شنو راح يبيه ماكووو شي اذا الدوله بتزيييييد تزيد الاساسي علشان مو كل شوي احد ناط ويقون بنظرب نبي كادر

 

[كريستل]

خلونا نكون صريحين شوي..

صج ان بعض المدرسات و الإداريات هني غلطوا بالحجي، بس الي يبط الجبد ان الكل عاتب المدرسات و وحدة أو ثنتين بس عاتبوا الإداريات.

و المشكلة ان بعض الإداريات هم الي بدوا بالغلط (من بعد اقرار الكادر للمدرسات)، لكن محد واجههم بهالشغلة.

بفهم يعني ليييييييييييييش؟؟؟

من وجهة نظري زيادة المدرسات ماكانت مدروسه

يا حبيبتي لا يقصون عليج!

الزيادة كلها مية دينار أو أكثر بشوي، فشلون تقولين مبالغ فيها؟؟؟

 

[missq8_6]

يمكن قصدها انه ساوهم مع مدرسين الاوقاف يعني بصراحه مدرسين التربية كراف اكثر من الاوقاف