ادوية للدورة

[وردة الخميلة]

السلااام عليكم صبايا .. شلوونكم ؟؟


بناات عفيه ابي مسااعده ابي الادوية الزينة للدوره شنوو ,,,


وشلون تستخدمونهاا اذا في عواار او افرازات ,,,

واللي تعرف رقم مره تبيع ادوية حلووه تقولي عفيه .. الله يجزاكم خيرر لا تطنشوون ...

 

[جوف الليل]

ـآآبب ..
نصيحة قبل لاتجيج الدوره باسبوع اشربي شاي ينسوون .. وشاي مرميه .. ~ واول 3 ايام من الدوره
واذا بيجيج الام طبيعي بس شويي .. < مقدوور عليييه .. ,
والنتيجه خير البرهااان

 

[عذبة السجآيآ]

هلا فيج حبيبتي

نصيحه انتي سوي شغلج بنفسج وانا بوقلج عليهم وانتي اشتريهم من العطار

اشتري,,,,

فلفل ابيض + رشاد + حبة البركه + كمون مطحون + دارسين مطحون << هذول احسن شي انا اجربهم ورووعه


بقولج شلون تستخدمينهم

الفلفل الاببيض >>> اطحونيه وحطي معاه حليب حطي شوي موواجد لانه حار اشربيه مرتين باليوم الصبح وقبل لاتنامين

الرشاد >> جيبي تمر وسمن او زيت زيتون وحطي معاه وحطي حبة البركه واعجنيهم مع بعض وتقدرين تضيفين شوي فلفل اسود و اكليهم طول الوقت حتى مع القهوه

الكمون + الدارسين >> اشربيهم مثل الجاي طول ايام الدوره تنظف الرحم وتخفف العوار


وسوي لج خبز وحطي معاه رشاد وفلفل اسود وتريقيه الصبح

واهم شي حبيبتي ماتحسين بالجوع


وان شاءالله ما اكون قصرت معاج بشي

 

[Vous jamais]

تمر مع رشاد

و اي مشروب حار ( دارسين - حلبة - يانسون )

 

[وردة الخميلة]

يسلموووو بناات ع الرد ما قصرتوو

السنافيه عندي سؤال ؟؟ الفلفل الابيض اغليه بروحه مع ماي بعدين احط الحليب ولا شلون بالضبط


بنات اللي تعرف صج السبوح بالدوره مو زين ولا بس اول ايام لان صعبه الدوره كلهاا بدون سبووح

 

[شيماء المطيري]

الرشاد مع التمر يطلع ريحة آنا مجربة--روحي العطار وطلبي منه ( كشعة ) تغلينها مع ماي وتصفينها وتشربينها أول أو قبل الدورة تنظفج تنظيف---تحياتي عزيزتي

 

[حلاي يخفي غلاي]

ماقصروا البنات

 

[وردة الخميلة]

فديتكم بناات ماا قصرتوواا


واللي عندها معلومات بعد لا تبخل علينا

 

[وردة الخميلة]

آآب

 

[ҜęҜสђ]

وعندج بعد الرزنه..اهيا عشبه بس انا اخذها من مره(بالسعوديه)
تكون مطحونه ..اكل منها ملعقه ع الريق ويا حليب حار..
عجييبه للتنظيف والهوا..

 

[ҜęҜสђ]

واذا ع السبووح نفس مااقلتي صعبه تقعدين طول فتره الدوره من دون لاتتسبحين ..
انا احسب لي اول ٣ايللم مااتسبح ..
بعدها اتسبح مره باليوم الرابع..وعليها لي بعد يومين اطهر واتسبح مره وحده..
(يعني حاولي اول ٣ايام ماتسبحين وبعدها تسبحي للحاجه ولاتكثرين..)

 

[Tom ♥ Jerry]

,،


دآرسين
بآبونج

و انا آكل قفشه وحده أول خمس ايام من " لهوم النفاس "
و شربي حسووو و عصيده اذا في أحد يسويلج (=

ابتعدي عن اي شي بآرد بهالـ فتره ؛*
و هالآعشاب كلا موجوده بالـ حواي ؛**