بسم اللة الرحمن الرحيم
حبيبتي الدكتورة أم خالد يعطيج اللة ألف عافية و يعينج علي و على قرقتي
بالنسبة لأول عشر أيام عندي ثمان أسئلة ( أدري وايد راح أتعبج معاي بس واللة نيتي أستفيد و أفيد ) :s141:
انتي قلتي ان الرشاد وايد زين للنفاس و لازم تاخذة من أول يوم يوميا لمدة 10 أيام على الريق و هم قلتي في العشر أيام الأولى للنفاس لازم ناكل اللهوم على الريق يوميا .
السؤال الأول هو : هل خلطة اللهوم اللي تسوينها تحتوي على الرشاد , هل تعتبر كافية و تغني عن أخذ الرشاد بروحة ؟؟؟؟؟
بخصوص خلطة الوجه اللي ذكرتيها في صفحات سابقة من هذا الموضوع و هي عبارة عن قناع يستعمل 3 مرات في الاسبوع للقضاء على الكلف و السواد .
السؤال الثاني هو : شنو اهوا الطين الأبيض و شنو اهوا السفيد أب ووين أحصلهم ,عند منو و شلون شكلهم ؟؟؟ و قلتي نعجنهم بعصير فراولة أو رمان ( العصير يكون طبيعي و لا معلب و اذا معلب انتي أي نوع تستعملين و فادج ) ؟؟؟؟؟؟؟؟
بالنسبة لمعجون التمر
السؤال الثالث هو : الكيلو يكفي لكم يوم , يعني بالأربعين برايج أحتاج كم كيلو ؟ انتي قلتي انة يعتبر من أغراض النفاس الكاملة اللي حضرتج تسوينهم ( على فكرة أنا ناوية أطلبهم منج بس أدخل التاسع ان شاء رب العالمين ) انتي تسويين كمية تكفي حق كل الأربعين ؟
السؤال الرابع هو : انزين شنو أفضل طريقة لحفظهم ؟ اذا ما كان عادي أحفظهم بدرجة حرارة الغرفة و لازم أحطهم بالثلاجة اشلون أسخنهم ( عادي و لا لأ )؟؟؟؟
بخصوص الحسو , في موضوعج النفاس ليس فترة عقاب , آنا وايد استفدت من طبخاتج اللذيذة و طبقت بعضهم ما شاء اللة شرح وافي و كافي و المكونات 10/10 و طلعت الأكلة مضبوطة ( مشكورة وايد و تسلم ايدج ) بس بكل طبخاتج كنتي تستعملين بهارات الحسو اللي قلتي انج حاطة فيهم 25 عشبة للنفاس .
الشؤال الخامس هو : هل أقدر أحصل على بهارات الحسو و الأعشاب الخاصة بالعصيدة من ضمن أغراض النفاس منج (للاشارة انتي قلتي سابقا ان عندج حسو جاهز بطريقة عجيبة لا يحتاج للحفظ بالثلاجة او التجميد ) في عصيدة التمر اللي سويتيها
السؤال السادس هو : شنو يعني تمر معبوط اللي استخدمتية في عصيدة التمر ؟؟؟؟؟؟؟ بمناسبة الكلام عن الأكل آنا ما شاء اللة واااااايد أحب الفواكة بكل أشكالها برايج تضر بفترة النفاس اذا كثرة منها ؟؟؟؟؟؟؟
بالنسبة لمنقوع المرة انتي مرة قلتي مكوناتة : مقدار ملعقة صغيرة من المرة + ضعف المقدار من الصبرة + ملعقة كبيرة من الخواجوا + ملعقة صغيرة عنزروت + ملعقة صغيرة محلب و تنقع لمدة يومين في لتر ماء دافىء و مرة أخرى قلتي يتكون من ملعقة متوسطة مرة , ملعقة متوسطة مباركة , ملعقة صغيرة عنزروت او علج مر تنقع الأعشاب في لتر و نص ماء ثم تستعمل كغسول
السؤال السابع هو : شنو مكونات منقوع المرة بالضبط لو سمحتي ؟
شي ثاني انتي قلتي انج تستعملين نفس الاعشاب بس اتضيفين معها تحميلة بيتادين و اتنقعينها ثم اتستعملينه كغسول في ايام الدورة.
السؤال الثامن هو : هل ممكن أسوي نفس الشي بفترة النفاس و أضيف تحميلة بيتادين و كم وحدة أضيف برايج ؟
أنا بنتظار تعليقج على جدول الانفاس للعشر أيام الأولى و ردج على الأسألة و بالمناسبة أنا عندي طفلين اللة يحرسهم البكر ولدتة طبيعي و الثانية و لدتها قيصرية . انفاسي الأول عانيت من الشمم بس الحمدللة مرة فترة النفاس على خير . بالمرتين كان انفاسي زين و طلعت من الأربعين ما أعاني من شي الحمدللة
:33_1185028183:
_03BA:
