ادمنــــت شربـــه...بس تعالوا قولولي شنو اضراره

[Miley-Cyrus]

السلام عليكم بـنـــــــــــات ... انا بصراحه مادري وين ابتدي بس انا وحده ادمنت شرب الريدبل ... يعني بالاسبوع اكون شربت 14 علبة !!! وباليوم اشرب اكثر من علبة .. والوضع للحين تمام لأني امووووت فيه بس وين المشكله ؟؟؟ اقولكم المشكله ...... المشكلة هي ان كل من شافني اشرب قعد ينصحني ... اللي يقول فيه نسبه من الكحول واللي يقول يجيب امراض القلب واللي يقول رفيجي شربه وطاح بالطبيب والثانية تقول رفيجتي تقول ان ولد جيرانهم شربه ومات .... لدرجة ان حاولوا يقرفوني منه ما تتخيلون شنو كانوا يقولون .... المهم ان انا مااااا اثق حتى بالاعلام العربي يعني اتوقع شفتو المقطع اللي يوم المراسل بقناة الام بي سي يوم يقول ( انه مضر نعم نعم ويشــــــــــرب) يعني وين المصداقية !!!!!!!!!:eh_s(14):!ابي اعرف الحين شنو سامعين عنه يمكن تحسوني ابالغ شوي بس جد جد ابي اسكت اللي حولي .... ومشكووووووووووورين :eh_s(17):

 

[فـــخـــر]

انا سمعت انه يسبب عقم :|

صج جذب مادري بس هذا اللي سمعته :\

 

[Miley-Cyrus]

يا فخر الله يهديج انا قلت ابي اسكت اللي حولي مو اسكت نفسي ههههههههههههه ... اسعدني مرورج

 

[فـــخـــر]

هههههههههههههههههههههههههههههه


فهمتج غلط :krkrkr:

 

[ماكواسم2]

يطلع التجاعيد هاهاها .
الشئ الاكيد اذا انتي مااقتنعتي بمضاره ماكو فايده ..... اكيد في يوم من الايام راح انتي تنصحين الناس انهم يبتعدون عنه من خلال تجربتج

 

[بلآني زمآني]

اختي صابها انتفاخ بمنطقة الابطين

ولما راحت الطبيب قال لها اكيد تشربين مشروبات الطاقه

وعملت لك خلل في الغدد

وكانت كل تسقط كل ما تحمل تسقط لين تركته وثبت الحمل

الناس تبي مصلحتك

الي اكلهم صحي مو مرتاحين من الامراض كيف الي تشرب هالاشياء ؟!!

 

[AL34BA]

انا بعد لدرجه اشتري كرااااتين !!!

بس انا ماتعدى ثلاث علب باليووم واحيانا 4 علب صج ادمان بس شنسوي !!

 

[[ نور عيني ]]

-


الله يهديكم بنات
احنا نخاف حتى من البيبسي وكثرته شلون على مشروبات الطاقه
اللي اعرفه مشروب الطاقه ما تشربينه وتقعدين لازم تحركين عشان ما يتوقف القلب ..
والناس تنصحكم من حبها لكم ما تبي لكم الشر ..
حاولو قدر المستطاع تلغبون على هالادمان ..

 

[أم حورية]

حبيبتي بغض النظر عن الاضرار شنو اهي

البيبسي مضر فمابالج مشروبات الطاقة ؟؟

شنو تبين نقولج ؟ تبين نقص عليج ونقولج كل اللي ينقال جذب ؟

يمكن في مبالغة بالسوالف بس اضرارها وايدة

وانا بقولج شي محد قالي اياه قريته

كانو نسوين دراسة واكتشفو ان فيه نسبة كوكايين قليل ومنعوه من وايد دول الا الخليج

حتى لو الكلام مو صج مثل ما قتلج الاضرار وايدة

نصيحة ديري بالج ع صحتج والله محد بينفعج لي طحتي لا سمح الله

بتقولين يمكن ابالغ بكلامي بس شوفي المستشفيات وشوفي الامراض شلون زادت

وطلعت امراض يديدة ماكنا نسمع فيها قبل

 

[(حكاية قلب )]

طيب شربي بس لآ تكثرين يعني باليوم بس اكثر شئ حبتين
كل الدكاترة قالو مشروبات الطاقة آبتعدوو عنها ...
وأنا اشوف طعمة مو ذاك الزود حق انه يكون ادمان
شربي عصاير احسن =)

 

[ليه الجفآ]

والله ماادري .. بس صج كله اسمع مو زين .. وانا اشربه بس في المناسبات يعني عشاان الطاقه ومااتعب

 

[امـل لاينتهي]

توه مطرشين لي برودكاست انه كثرته تجيب جلطات لان يسبب لزوجة الدم الدم مايمشي عدل ويتجلط شرايج تبطلينه وتتركينه ولا لاسمح الله تروحين فيها او تنشلين لاسمح الله من الجلطة عاد جسمج امانة والله يوم القيامة راح يسالج عنها ويحاسبج اشبتقولين وقتها؟؟

 

[ϻʟǎƙ ཞǿ7ყ*]

حاولي تتجنبينه ياقلبي اضراره كثيييرهةة