ادعووووووووووووولي باجر عمليتي

[بنفســـــج]

اشكر كل اللي دعولي ماقصرتوا انا ولله الحمد طلعت من المستشفى بس اعذروني تعباااااانه اول ما اصحصح راح اكتب بالتفصيل

الحمد لله على السلامة حبيبتي



:aha::aha:اجر وعافية يارب :aha::aha:

 

[كشموووشه]

الحمدلله على سلامتج وناطرين تجربتج حياتي

 

[ام ريماس>>]

يقومج بسلامه حبوبه وبشرينا

 

[عمري الخالد]

اشكر كل اللي دعولي ماقصرتوا انا ولله الحمد طلعت من المستشفى بس اعذروني تعباااااانه اول ما اصحصح راح اكتب بالتفصيل

حمدلله علي سلامتج حبيبتي ونااااااااااااااااااطرين اخبارج

 

[نن نوسه]

حمدلله على سلامتج
طمنينه عنج

 

[أستر البنفسج]

الحمدلله على السلامه

 

[plsdontgo]

الله يسلمكم بنات ما قصرتوا وعسى ربي يوفقكم ويحقق كل امنياتكم واللي ناوية تسوي عملية يارب تقوم بالسلامة .

الحمدلله انا راضيه بالنتيجة والدكتور بصراحة ما قصر معاي لوعت جبده بس استحملني وعلى فكرة هذه عمليتي الثانية عنده من قبل سويت شفطت للبطن والفخذ كان شهر 9 اللي فات بس انا ما سمعت كلامه من اول ما شافني قالي اشد بطنج احسن انا رفضت قتله شفط بس لاني كنت خايفه من الجرح .
المهم لما رحتلة للعياده هالمرة رحتلة وانا ناويه على بطني وفخذي شفط وشد بس قالي ما انصح بشد الافخاذ لان الجرح بكون كبير ومكانه حساس وقالي اشفطهم لج واشد البطن ومع الرياضة والمشي بيشد الجلد انا اقتنعت بكلامه وخذيت ورقة التحاليل واستخرت ورجعتله قبل العملىة باسبوع وهذا شي مهم بنات لما تسوين تحاليلج راويه النتيجة قبل العملية بمده عشان لو في لا سمح الله مشكله يحلها لج انا كانت نسبة الدم ضعيفه شوي
فركزت على الاكل اللي يرفع الدم وخذيت حبوب حديد .
يوم العملية يوم الرعب طبعا النفسية صفر وتهاوشت مع الممرضة اقولها عطيني صروال تقولي مايصير تروحين العملية بصروال قتلها كيفي ما راح ابدل ملابسي الا لما تييبيلي واشوا يابتلي صروال مشخل لوووول عادي المهم صروال يستر . نسيت اقولكم حجزت بالسلام كلفتني 750 ليلة وحده بس ما عجبني كلش أولا معاملتهم بطيئة تخيلو كنت عندكم من الساعة 7 ما دشيت العملية الا الساعة 9 !حتى دكتوري ياي بدري بس التاخير كله منهم وبدأت اللحظة الخايسه لحظة لما خطط لي جسمي واااااي بنات حسيت قلبي وقف وهو المسكين يضحكني ويحاول يرفع معنوياتي بس ماقدرت اتفصخ جدامه معني شبه مستورة ( الله يخلي صروالي المشخل ) .
وخلص شغله الدكتور واستودعت اهلي والدموع اربع اربع ونزلوني العمليات وعطوني الابرة اللي تهدي الاعصاب وهذا الشي بعد ما عجبني كان المفروض يعطوني الابرة قبل نزولي العمليات لانها مو بس تهدي الاتدوخ وتسطل لاني تعبت تحت وبجيت وقلت خلاص بهون بس لما عطوني انثولت وسكت ياني الدكتور ويابلي الستاف كله اللي بيشتغل معاه بالعمليات طلبتهم كلهم حريم حتى دكتورة التخدير تهبل ياحليلها تمسح على راسي وظهري وقالي انا بس ودكتور الجراحة اللي عرفته بنات انه أي دكتور زائر ما يدش العمليات بروحه لازم يطلع معاه دكتور من نفس المستشفى ماذكر اسمه بس اذكر كان شكله حلو

بعدها حطولي الاكسجين ودكتورة البنج واقفه فوق راسي وقالتلي راح نبتدي تشهدت وتوكلت على الله وما وعيت الا وانا بالافاقه يقعدوني فتحت عيني وحمدت ربي على العافية بس الالم بنات شي لا يطاااااااااااق
وابصدمكم الحين والله بنات بطني مايعورني مع انه شد يعني جرح اللي يعورني فخووذي الشفط عذااااااااااااب
شلون اوصفه شفتو ريولكم لما تنمل وتخدر وتحاولون تحركونه شفتوا شلون الالم ؟ نفسه بس ضربيه ب 100
وبطني كان يعورني لما اكح طبعا صارت فيني كحة وياتني الدورة فتخيلوا الالم والعذاب ودوخه ما اقدر امشي
ياني الدكتور وتحرش فيني شوي يغنيلي وسطك ولاوسط كمنجا لوووول
نصحني بالمشي والاكل والحمدلله طلعت من المستشفى وانا بالبيت حاليا قاعده اقرق على راسكم وفعلا بنات الحركة هى اللي تساعد على الشفاء بسرعة وموعدي عنده بعد اسبوع يفكلي الغرز

الملخص بنات الدكتور ما شاءالله عليه شاطر ومقنع ومش مادي ولا طماع وترتاحيله
المستشفى ما عجبني بطيئين حتى السسترات ما يرون عليج بالسرعة
النتيجة الف الحمد لله كافي اني مجابله المنظرة كل حزة وانا توني بالاول والخصر على قولته كامنجا

وهذه تجربتي بكل امانه والله شاهد علي لا تعتبرونه دعايه وانصح كل بنت بتسوي عملية تستخير بالاول وتختار الدكتور المناسب وتسمع نصيحة الدكتور



سامحوني بنات على القصور

 

[haya20]

يعطيج العافيه وربي يهنيج بالكمنجا انشالله

 

[عمري الخالد]

ما قصرتي حبيبتي والله يهنيج باللوك الجديد

ياااااااااااااارب

جم طلع عليج شغل الدكتور؟؟؟؟؟؟؟؟؟؟؟؟

 

[بنفســـــج]

السلام عليكم حبيبتي
الف الحمد لله على سلامتج

يوم العملية يوم الرعب طبعا النفسية صفر وتهاوشت مع الممرضة اقولها عطيني صروال تقولي مايصير تروحين العملية بصروال قتلها كيفي ما راح ابدل ملابسي الا لما تييبيلي واشوا يابتلي صروال مشخل لوووول عادي المهم صروال يستر
اي اعرفه , بقيت بالبنطلون وملابسي الداخلية ليما جابوا سرير العمليات ههههههههه , وقتها لبست المشخّل لوووووووول

. نسيت اقولكم حجزت بالسلام كلفتني 750 ليلة وحده بس ما عجبني كلش أولا معاملتهم بطيئة تخيلو كنت عندكم من الساعة 7 ما دشيت العملية الا الساعة 9 !حتى دكتوري ياي بدري بس التاخير كله منهم
لا صج صج صج صج صج مختربيييييييييييين ,, انا من سنة سويت شد بطني عندهم كانوا غير عناية واهتمام الحين لا والله مختربين

وبدأت اللحظة الخايسه لحظة لما خطط لي جسمي واااااي بنات حسيت قلبي وقف وهو المسكين يضحكني ويحاول يرفع معنوياتي بس ماقدرت اتفصخ جدامه معني شبه مستورة ( الله يخلي صروالي المشخل ) .
لا انا ضحكي علي , لابسة بنطلون الرياضة والملابس الداخلية ولما خلّص تخطط ايدي وجوانبي وصدري ( طبعا عقّدته على الصدر مسكين ) وقتها رفع راسه وقال لي انتي مش عوزة شفط فخوذك والا غيرتي رايك ؟!؟! قلت اي :: قال البنطلون :eh_s(6): وقتها اطريت اشيله لكن ملابسي الداخلية علي لوووووووول

وخلص شغله الدكتور واستودعت اهلي والدموع اربع اربع ونزلوني العمليات وعطوني الابرة اللي تهدي الاعصاب وهذا الشي بعد ما عجبني كان المفروض يعطوني الابرة قبل نزولي العمليات لانها مو بس تهدي الاتدوخ وتسطل لاني تعبت تحت وبجيت وقلت خلاص بهون بس لما عطوني انثولت

صح والله أنا بعد ما ادري شفيهم لما نزلت يالله عطوني اياها ,, انا العادة ما احتاج ولا اخاف لكن هالمرة نفسيتي كانت صفر بسبب عمليتي الخربانه قبلها ( تعقّدت :0bee2e8d89

وابصدمكم الحين والله بنات بطني مايعورني مع انه شد يعني جرح اللي يعورني فخووذي الشفط عذااااااااااااب
شلون اوصفه شفتو ريولكم لما تنمل وتخدر وتحاولون تحركونه شفتوا شلون الالم ؟ نفسه بس ضربيه ب 100

صاجة والله ,, انا زنودي وصدري وحوانبي وإلي كان يعورني شفط فخوذي ؟!؟! هي إلي أزعجتني



سامحوني بنات على القصور

ما منّج قصور ,, وأنا مصّختها بالرد لوووووووووول

 

[plsdontgo]

يعطيج العافيه وربي يهنيج بالكمنجا انشالله

تسلمين يالغالية ما قصرتي

 

[plsdontgo]

ما قصرتي حبيبتي والله يهنيج باللوك الجديد

ياااااااااااااارب

جم طلع عليج شغل الدكتور؟؟؟؟؟؟؟؟؟؟؟؟

تسلمين حبيبتي شغل الدكتور 1800 + الكورسيه 75

 

[plsdontgo]

السلام عليكم حبيبتي
الف الحمد لله على سلامتج



ما منّج قصور ,, وأنا مصّختها بالرد لوووووووووول

هلا والله الله يسلمج بعد قلبي يا حلوج ويا حلو تعليقاتج تمونين يالغالية

 

[حرم الحوت]

الحمدلله على السلامه ياالغاليه وتتهنين باللوك الجديد وبخصر الكمانجا وعسى الله يتمم عليج الصحه والعافيه

 

[نظاميه5]

الحمدلله على سلامتج

 

[plsdontgo]

الحمدلله على السلامه ياالغاليه وتتهنين باللوك الجديد وبخصر الكمانجا وعسى الله يتمم عليج الصحه والعافيه

الله يسلمج حبيبتي ما قصرتي يالغالية

 

[نظاميه5]

الحمدلله على سلامتج

 

[plsdontgo]

الحمدلله على سلامتج

الله يسلمج حبيبتي

 

[سندريــــلا]

الحمدالله عالسلامه اختي
وتتهنين بجسمج يارب وان شاء الله تكون النتيجه مثل ماتبين
انا ناويه باذن الله بعد شهر على شد البطن عنده وقالي 1500 شغل ايده و500 المستشفى
بس خرعتيني صج مستشفى السلام موشي
شلونج الحين وعوار جرح البطن وايد وشلتي الغرز ولا بعد وشلون الخياط
سامحيني كثرت عليج اساله بس والله احااااااتي

 

[سندريــــلا]

الحمدالله عالسلامه اختي
وتتهنين بجسمج يارب وان شاء الله تكون النتيجه مثل ماتبين
انا ناويه باذن الله بعد شهر على شد البطن عنده وقالي 1500 شغل ايده و500 المستشفى
بس خرعتيني صج مستشفى السلام موشي
شلونج الحين وعوار جرح البطن وايد وشلتي الغرز ولا بعد وشلون الخياط
سامحيني كثرت عليج اساله بس والله احااااااتي