ادعولي راح اسوي تلقيح اصطناعي يوم الخميس4/28

[@ام يوسف@]

الله يرزقج الذريه الصالحه وان شاء الله توم

 

[@محروسه@]

امين يارب العالمين المهم الحمل
يارب ارزقني الذريه الصالحه المعافيه باذن لله

اللهم لاتذرني فردا وانت خير الوارثين

 

[ترووفه]

ربي يرزقج بالتواائم

 

[rubella]

حبوبة عسى الله يرزقج بالحمل السليم
بس نصيحه لا تروحين العرس تعذري باي شي.. انفلونزا.. اسهال اضبط شي
بس لا اتعبين عمرج تل العرس وقفه وكعب عالي كافي لوية الصالون
عسى بي ما يخسر تعبج ويرزقج ويرزقني ويرزق كل مشتهي بالولد الصالح المعافى

 

[@محروسه@]

لله كريم
وللللللللله خايفه من هالتجربه الثانيه انشالله تنجح
ماابي يصير فيني احباط من التلقيح الاول

 

[أم لطووف]

ياربي ياكريم يارحيم ياواحد يا أحد يافرد ياصمد يامن إذا قلت للشي كن فهو يكون
ربي إن كنت إن الحمل فيه خير لها في دينها ودنياها وعاقبت أمرها فيسر أمرها ورزقها بالحمل السليم الثابت وفرحها فيه..وإن كنت تعلم إن فيه شر لها في دينها ودنياها وعاقبة أمرها فعوضها خيرا منه ورضها بما قسمته لها يارب العالمين..الله معاج حياتي يسهل أمرج ويرزقج من حيث لا تحتسبين..

 

[@محروسه@]

لله يجزاج خير يا ام لطوف وياررررب يستجاب الدعاء امين
اللي يخليني متفائله ان كل ماسويت تلقيح تزيد فرص الحمل وفي وحده من جماعتنا ماشالله سوت تلقيح اول مره فشل ثاني مره نجح واستانست عسى ربي يتمم عليها
وانشالله انا بعد احس تعبت من الابر يارب تعوض تعبي بحمل يارب العالمين

اللهم لاتذرني فردا وانت خير الوارثين

 

[@محروسه@]

بنات محد رد علي منو جرب ابر التفجيريهchoragon5000
اول مره اخذهم اللي مر عليها ترد تكفون

 

[بخـــارى]

الله يسهل عليج ويرزقج يارب
نصيحه لاتروحين العرس
وبشرينا
نبي توائم
اتشرط بعد لووووووووووووووووووول

 

[زينب محجوب]

هلا فيك حبيبتى
انا كمان راح اسوى تلقيح صناعى بس ناطرة مواعيد الدورة
اذا عملتيها امانة تخبرينى بالتفصيل
بالنسبة للعرس اذا مارحتى بشوف افضل واذالابد تروحين ريحى نفسك على الاخر
موفقة حبيبتى وربنا يرزقنا جميعا

 

[So MuCh PaIn]

طمنينا شراح يصير معاج

 

[مملكة الحب]

الله يفرحج بالحمال وتبشرينه

 

[@محروسه@]

بناااااات سويت التلقيح الصناعي ماحسيت بأي شي اول مارحت لمستشفى العرف عطيناهم العينه وقعت انطر وله الدكتور منصور العرف بالعمليات نطرنا ساعه بعدين نادوني وانا قبلها قعدت استغفر من البيت لييييييييييي الطبيب لحد ما دخلت الغرفه المهم قعدت جتني السستر مدااام شيلي سروال قلت بقلبي اكيد بشيله بعدين جا الدكتور قالي بويضاتج ممتازه وعينه الزوج ممتازه وشرعت رجولي وقعد جدامي ومااااااا ادري شنو دخل فيني وطلعها بس قالي لاتشدين وخلصت علا خير بس استغربت لما سويت التلقيح شهر واحد اللي طاف كنت برهبه وخااايفه حتى لما يدخل الحديده كنت اقول اه اه يرد علي الدكتور لبدن ماعليتس لله العافيه فديته ولله هالمره هذي ماحسيت بولاشي وعطاني تحاميل سايكلوجيست وحبوب مثبته وبعدها طلعت رجعت البيت صليت لي وكعتين انا وزوجي ولله يكتب اللي فيه الخير انشالله بس بقول لكم اسم الحبوب منو جربها

 

[So MuCh PaIn]

ربي يكتب لج اللي فيه الخير ويرزقج الذرية الصالحة وانشالله تحملين وتفرحين وتفرحين قلب ريلج وانشالله ما يضيع تعبكم

يا رب آميييييييين

 

[ام مراسيل]

الله يكتبلج اللي فية الخيرر
ان شاء الله تحملين و تفرحين
بحملج

 

[@محروسه@]

بنات رحت العرس رقصت رقصه وحده وقعدت تصدقون من بعد التلقيح عوار بالمبايض وانا بالعرس الكل يخز اكيد الكل قال ايه حامل
بنات بعد ابر التفجير والتلقيح عوار بالمبايض اثناء الجماع مت من العوار ولله صياح
فضحته واااااو حسيت اني عروس خخخخخخخخ

 

[فانتا ستروبري]

الله يكتب لج الحمل يارب ويسهل عليج

بجم سويتي حبيبتي =)

وانتي شنو كان فيج بالضبط ​

 

[Q8_QT]

الله يسهل حبوبة وإن شاءالله تبشرينه إنج حامل يارب

 

[دانة الدنيا144]

ان شاااااااااااااااااااااااء الله حامل

 

[عيش و مرق]

الله يسهل عليج وتحملين