ادري ماراح ألقى حل لمشكلتي لكن ابي من يواسيني

[Patcholli]

كسر خاطري زوجج
اولشيء امس قريت قصة وحده طلقها زوجها بسبب نحاسة امه ودوابيرها
وقارنت الحين موقفج بموقفها
لو ريلج واحد خايس وجليل اصل ومريض جان حتى تلفون مادق عليج ولا خلا اهله يدقون
هاذا دليل على انه يحبج وشاريج
بس اتوقع شخصيته ضعيفه جدام امه واهله
يعني محتاس وصاير بين نارين ومايعرف يتصرف
كبير العايله لازم ينزر هالحريم حتى لو كانت امه لازم يعرف انج انسانه لج كرامه واعتبار وخل يسدون حلجهم ويحترمون روحهم
مو شرط ريلج اللي يتكلم
ثاني شي بما ان ريلج دق واعتذر واهو اساسا ماله ذنب عيبه بس انه ساكت فحرام اهو مثل ماقتلج ضايع ومحتاس
ثالث شي خلي علاقتج فيهم سطحيه وخلي ريلج يحطلج مطبخ حتى لو كاونتر بالصاله مثل ما انا مسويه كاونتري شصغره بس ولا كلشوي نازله ماكله ويتمننون علي ويعايروني ..!!
مو شرط تسوين طباخ حتى لو اشياء بسيطه
مغسله وجوله وفرن يكفون ترى وكبت صغيرون حق مواعينج حتى لو تحطين 5 صحون و3 جدور بس كافي عليكم المهم تمشين امورج وحالج ..
رابع شي لاتنطرين من احد اعتذار خصوصا الحريم
بس لازم الرياييل يتصرفون ويكلمونهم هالنسرتين اللي مايخافون الله
خامس شي مو اي واحد انهد عليج قلتيله اسفه جنج تشتغلين عندهم ..!! هالناس يبيلهم وحده شخصيتها قويه وعينها حمره مو شرط صراخ بس ردي بقوه وثقه قولي مو انا وعطيها ظهرج
سادس شي لاتاكلين شي من وراهم احسهم يخرعون ومايطمنون والله لا سمح الله يحطونلج شي بالاكل يغربلونج لاتاكلين شي منهم
وسابع شي اذا في مجال شرطي على ريلج يطلعج من البيت ويسكنج بشقه بروحج بعين عن عيونهم وامراضهم النفسيه
سابع شي ريلج لا تطولينها معاه الحين يعتذرلج ياجر يفرون راسه ويقول بالطقاق ولاتستبعدين يشيونه يتزوج @@
ديري بالج وردي بيتج بعد ما الرياييل يكلمون الحريم ودايما اذا تظايقتي طيحي بحظن ريلج وابجي واتدلعي عليه خليه ياخذلج حقج بهالطريقه لاتطلعين وتهدين بيتج خصوصا اذا اهو مو طالع منه اي شي
ادري موقفج صعب ويحرق القلب بس شتسوين الله بلاج بهالناس مو معقوله بتعاقبين ريلج على تصرفات امه وخواته
حاولي تطلعين من البيت وتسكنين برا

 

[مجهوله تايم]

رييلك ماعليه قصور محترمج بس ودي هو يتفاهم وياهم يعني لا تعرضولك خلي ريلك يسكتهم وانتي حاولي تسوين مطبخ صغير ببيتك حتى لو تسوينه بالصاله لو كانت كبيره خليه نظام امريكي وبكذا ريحتي راسك منهمالله يكون بعونك

 

[ملاك الأمل]

طلعي شقة بروحج وبس

 

[الزيـــــ^^ـــــن]

ماكو حل غير تطلعين شقه بروحج

 

[(!!!)]

كسر خاطري زوجج
اولشيء امس قريت قصة وحده طلقها زوجها بسبب نحاسة امه ودوابيرها
وقارنت الحين موقفج بموقفها
لو ريلج واحد خايس وجليل اصل ومريض جان حتى تلفون مادق عليج ولا خلا اهله يدقون
هاذا دليل على انه يحبج وشاريج
بس اتوقع شخصيته ضعيفه جدام امه واهله
يعني محتاس وصاير بين نارين ومايعرف يتصرف
كبير العايله لازم ينزر هالحريم حتى لو كانت امه لازم يعرف انج انسانه لج كرامه واعتبار وخل يسدون حلجهم ويحترمون روحهم
مو شرط ريلج اللي يتكلم
ثاني شي بما ان ريلج دق واعتذر واهو اساسا ماله ذنب عيبه بس انه ساكت فحرام اهو مثل ماقتلج ضايع ومحتاس
ثالث شي خلي علاقتج فيهم سطحيه وخلي ريلج يحطلج مطبخ حتى لو كاونتر بالصاله مثل ما انا مسويه كاونتري شصغره بس ولا كلشوي نازله ماكله ويتمننون علي ويعايروني ..!!
مو شرط تسوين طباخ حتى لو اشياء بسيطه
مغسله وجوله وفرن يكفون ترى وكبت صغيرون حق مواعينج حتى لو تحطين 5 صحون و3 جدور بس كافي عليكم المهم تمشين امورج وحالج ..
رابع شي لاتنطرين من احد اعتذار خصوصا الحريم
بس لازم الرياييل يتصرفون ويكلمونهم هالنسرتين اللي مايخافون الله
خامس شي مو اي واحد انهد عليج قلتيله اسفه جنج تشتغلين عندهم ..!! هالناس يبيلهم وحده شخصيتها قويه وعينها حمره مو شرط صراخ بس ردي بقوه وثقه قولي مو انا وعطيها ظهرج
سادس شي لاتاكلين شي من وراهم احسهم يخرعون ومايطمنون والله لا سمح الله يحطونلج شي بالاكل يغربلونج لاتاكلين شي منهم
وسابع شي اذا في مجال شرطي على ريلج يطلعج من البيت ويسكنج بشقه بروحج بعين عن عيونهم وامراضهم النفسيه
سابع شي ريلج لا تطولينها معاه الحين يعتذرلج ياجر يفرون راسه ويقول بالطقاق ولاتستبعدين يشيونه يتزوج @@
ديري بالج وردي بيتج بعد ما الرياييل يكلمون الحريم ودايما اذا تظايقتي طيحي بحظن ريلج وابجي واتدلعي عليه خليه ياخذلج حقج بهالطريقه لاتطلعين وتهدين بيتج خصوصا اذا اهو مو طالع منه اي شي
ادري موقفج صعب ويحرق القلب بس شتسوين الله بلاج بهالناس مو معقوله بتعاقبين ريلج على تصرفات امه وخواته
حاولي تطلعين من البيت وتسكنين برا

اول شي شاكره لج مرورج و متابعتج لموضوعي
شوفي الحق ينقال لانه لمن طلبت الانفصال حسيته وايد تضايق و ايد حزة بخاطره و ما كان يبي هل الشي يصير و قال انتي غاليه عندي و كنوز الدنيا كلها ما تعوضني فيج لانه يشوف بعينه شلون أهله يعاملوني و وايد طنشت و مسكره بابي على نفسي و مالي شغل باي احد لا في خير و لا في شر و الله الشاهد على كلامي يعني كافيه خيري من شري عنهم و لا كأني ساكنه معاهم في البيت

فعشان جذي لمن صار هذي المشكله هزته طلعتي من البيت و حتى لمن رديت البيت استغربت لمن شفت البوم العرس لقيته مبطل و حاطه بالغرفة و صورتي و صورته مالت يوم العرس الي مكبرينها حاطه يم راسه على السرير
بس لمن شفت جذي ما علقت على شي سكت و ما قلت له شي
قلت انشالله ربي يفرج همي و يسرلي امري يا رب
الا يقولي تدرين ما كنت احب أنام بالغرفة كنت أنام بالصاله هم سكت و ما علقت لنه احس بداخلي انه الي ردني أهوه و انه رديت عشان خاطر ولدي لكن بعدني بداخلي جرح من هل البيت و ناس أخذت منهم موقف
لكن الله سبحانه أقوى من الكل يعز من يشاء و يذل من يشاء و هو على كل شي قدير

 

[Patcholli]

اخيييه حرام ريلج يحبج كسر خاطري والله
الله يخليكم لبعض ويبعد عنكم كل شر يارب ويهدي اهله الدنيا ماتسوى كل هالحقد
وحمدي ربج والله العظيم في رياييل يشوفون ظلم اهلهم بعينه بس مايرضى عليهم ويوقف معاه ضد مرته حتى لو كانو غلط ويعذب مرته ويبهذلها وتلاقين اهله يحركونه مثل اللعبه
زين سويتي انج رديتي
والحين بطلي معاه موضوع الطلعه من البيت بكل هدوء ولا تحسسينه انج شايله عليه بالعكس حسسيه ان هالشي جرحج لانه بعدج عنه وحسسيه انج تحبينه وماتبين فراقه بس مشاكل اهله وكلامهم اهو اللي يجبرج على جذي
اخذي قلبه وكسبيه بهالكلام الحلو والدلع وصدقيني بيتصرف اذا تكلمتي معاه بالتفاهم

 

[قمرية الفيس]

صراحة اسمحيلي انتي ماعندج سالفة تزعلين وتخلين زوجج الذهبه شاريج وباغيج تهدينه عشان يعايرونج باصلج انتي ان قعدتي تسمعين اعقول الحريم ماراح تخلصين وثقي انه لو مايعايرونج باصلج يعايرونج بشي ثاني
خليهم يولون واحرصي على بيتج

 

[منورة الكويتية]

مادري بصراحه ماشوفها ذيك المشكله او المصيبه الي تعيشين نفسج بهم عشانها
صحيح تصرفاتهم سوقيه و غلط بس بيدج تجنبينهم
اهم شي ريلج شاريج وراضاج واهو ماله علاقه بالمشكله
وماتدرين يمكن بينه وبذنهم محاجيهم بس مايبي يطيحهم من عينج
الضيقه والوحًده الي انتي فيها شكلها من الفراغ
شغلي وقتج بهوايات دوام نادي ولدج زوجج
الحياه اكبر من حماتج وخالتج ومعاييرهم
شوفي النعم الب ربي منعمها عليج
الدين الصحه الولد المال الشباب
استمتعي بالي تملكينه
والله يشرح لج صدرج

 

[PuPa^^SWeeT]

خليييج ويا ريلج




صراحةةة معاير الاصل يحرررر


سطحي علاقتج وياهم



و حاولي بصالتج اتسويين مطبخ نحضيري سريع لطبخات الريوق و العشا



انا ما اعتقد اني عطييت نصييحة بتسطييح العلاقة


بس بهالصووورة لا والله الا كرامتي و اصلي ماينهانوون

 

[بيباي لندن]

اه بس الله يعين ويفرج لك

 

[عضوا]

حبيبتي خليج مرفوعه الراس و وواثقه من نفسج
كل ما وثقتي بنفسج و رفعتي راسج بينقهرون
يبونج تطلعين
خليج قاعدة عشان ريلج
مو اهو قال لج انتي قاعدة عشان منو؟ عشانه
فخليج اذن من طين و الثانيه من عجين
و الله يعينج

 

[زبــــــــدة]

احسن شي سويتيه

خلج بروحج .... واعتبري نفسج ساكنه بشقه بروحج ...

وخل يولون وعيييشي حياتج ولا تتضايقين على ناس تافهه !!!


عيشي حياتج سوي كل شي تحبينه ولا تفكرين بهالسوالف اصلا عطيهم اكبر طااااااف اهم شي راحتج :**