ادري شي غبي

[وردة الخميلة]

السلام عليكم .. بنات ادري موضوعي غبي بس شاغل عقلي

انا ملجت على واحد اقصر مني ب 4 او 5 سانتي تقريبا وعمري ما تخيلت اني اخذ واحد اقصر مني كلش كلش وهالموضوع حيييل مارقني .. لدرجة خلاني افكر بالطلاق من اللحين بس ما ارتحت لهالفكره نهائيا ابي رايكم وهل هالموضوع ياتر بحياتنا بعدين ولا شلوون ؟؟

 

[ام الاسيرالشهيد]

اصلحكِ الله يا ابنتي الكريمه
وما دخل الطول او الجمال بديمومه العلاقه وحسن المعشر ؟

 

[انا لحبيبي .]

هاد وسواس حبيبتي لانه انتي من البدايه حاطه ببالك فكره الطول ، الله يهنيكي ويسعدك بحياتك يارب العالمين

 

[سكـــرهـ]

عادي تقريبا طوله
ودايم الرجال لو كان اقصر من المره اذا وقفتي بجنبه يبين هو أطول
سبحان الله

 

[%F&R%]

عادي حبيبتي دام اخلاقه زينه الطول مو مشكله

 

[للزين هيبه]

الله يهدييج

 

[فدوووو]

اهم شي الاخلاق صدقيني

 

[KOKO_284I]

افا عليج حبوبه ابغض الحلال الطلاق وهذا الشيطان يوسوس لج

شوفي ملك الاردن اقصر من زوجته بوايد وامير قطر نفس الشي ومع هذا احلى منهم مافي

الدين والاخلاق اهم شي

 

[ام يوسف2011]

حبيبتي ليييييش الطلاق انتي كنتي شايفته يوم يخطبج ليش الحين تقولين جذي

لاتحطين هالموضوع ببالج خلاص وانتي انسي الكعب عشان يصير شكلكم متناسق

وترى لو تشوفين هذاك الممثل الامريكي الي يقولون حلو نسيت اسمه كل زوجاته اقصر منه

حتى الي الحين علي ذمته اطول منه ..

 

[semaasem]

سانتيات ماتفرق

وعشان ترتاحين من الكعوبه وكسر الظهر

الله يوفقكم ان شاء الله

 

[بحةة آلشۈق]

واي فديتك حاسسه فيك هع
عآآدي حبيبتي والله عادي اهم شي هو طيب وحنون واخلاق والطول مومهم

 

[سوسو حبيبتى]

وليش اخدتيه من الاول!!!


صج ماكوو سالفه

الله يهديكم يابناات اليومين دول

 

[دلع العتبان]

التفكير جدا سطحي دامه الرجال زين واخلاق وين تلقين واحد جذي هالايام والله على طوله ليش ياربي عادي ياقلبي مافيها شي عيل شتقولين عن الي ياخذون بنات رجاجيل اصغر منهم بكم سنه ؟؟!!!!

هذا الشيطان يفرح بالطلاق ويبي يوزج تعوذي منه وكملي حياتج وان شاء الله بعد الزواج بترضين فيه

ربي يوفقج ويسعدج

 

[العز انا]

الرجال باخلاقه مو بطوله !

 

[حبي للابد]

حبيبتي القصر مو عيب ،، ياما شفت حريم اطول من رياييلهم ،، و لا تخلين هالشي يضايقج ،،

بكره تتعرفين عليه و ينسيج قصره ،،

اجمل رجل بالعالم و كل البنات يتمنونه ،، قصيييير !! و كل حريمه اطول منه

صدقيني لا تدورين بالريال عيب من الحين و مالقيتي الا انج اطول منه بجم سانتي ، بتتعبين يا عروووس

الله يوفقج مع خطيبج و انشالله يغلييج و يخليج تندمين على وسواسج هذا ،،

تقبلي مروري
*

 

[حبي للابد]

اجمل رجل قصدي توووم كرووووز

 

[مناير ...!]

عذريني حبيبتي بس تفكيرج حده تافهه
دام مثل هالموضوع يأرقج ويخليج تفكرين اتطلقين

 

[سكوتي بذوقي]

مدامه طيب وأخلاقه زينه ليش تطلقين منه علشان شي عادي

 

[foshia girl]

الأهم الاخلاق

 

[قلب الزعابي]

صح الطول مش سبب يخليج تطلقين
وين دينه وخلقه
صار الشكل وايد مهم يعني
الله يوفقج