ادري بتقولون هذي مو صاحيه...اتذكر دوامه وابجي

[حلم الطفولة]

وييييه ماشفتيني عيل !!
لين يوصلون ثانيه ابتدائي وثالثه بعد رابعه ،،
تخيلي أروح للأخصائيه مسكينه ابتلشت فيني ، أقولها عندي مشكله ،،
ترتز وتجابلني وتتعدل وتقول خير ان شالله
أقول لها لما يروحون عيالي المدرسه أقعد بروحي بالبيت أبجي أبيهم !!
ضحكت وقمتت ضحكتهاااااا قالت حسبالي عندج مشكله صج
المنتدى لهاني شوي وشغلني عن التفكير فيهم ، وماعليهم إلا العافيه ,,
وطخيت أكثر لما حملت ويبت بيبي رقم 4 الله يحفظهم ،،
والحين تروح الروضه وآنا من الحين مجهزه الدموع
بس صج هي مرحله وتتعودين وينتهي الامر ، وأهم شي:
((( حملي كل مادخل ياهل من عيالج المدرسه عشان تلهين باليديد )))

 

[قناديل الخير]

اي حبيبتي عااااااادي ذكرتيني بالذي مضى لما بنتي البجر دشت الروضة اول يوم بجيت عند الابلة في الصف ويالله طلعت من الصف ودي اقعد معاها حتى الابلة أستغربة مني :080402ask_prv: الظاهر اول مرة تمر عليه الحالة وبنتي عاااادي مستانسة وتلعب بس أنا الي متازمة وصدقيني هذي الحالة بس للبجر لما يدش المدرسة سبحان الله

 

[مظلومه ياناس]

رد : ادري بتقولون هذي مو صاحيه...اتذكر دوامه وابجي

حلم الطفوله ............. والله خووووش اقتراح :23_asmilies-com: احمل كل مادخل واحد من عيالي المدرسه

تدرين من باجر بروح اعالج علشان لمن بنيتي ان شاءالله تروح الروضه اكون انا جايبه اللي بعده

ياااااااااا سلاااااااااام عليج يا ام الافكار​

 

[مظلومه ياناس]

رد : ادري بتقولون هذي مو صاحيه...اتذكر دوامه وابجي

قناديل الخير ............ تصدقين عاد انا حاسه مو بس المدرسات بيكرهوني حتى الحارس بيكرهني
ياربي شسوي​

 

[jojowa]

آآآآآآآآآآآآآآآآآه قلبتي عي المواجع و ذكرتيني بالي صار فيني يوم اول مرة بنتي تروح السكول ,,,ياويلي كان يوم مناحة و بجي ,,,طبعا مابي ازيدج بس ماراح تتحملين يوم تشوفينه يبجي و يترجاج لا تروحين ,,,آآه يا قلبي بنتي كانت حدها متشجعه حق السكول بس من وديتها الصف و اهي بجي ماتبي تهدني و اهي تبجي و انا ابجي و الابو العبرة خانقته و يحاول يمسك نفسه بس انا ماكو مو راضيه اخليها و الابلة تسحبها و الابو يسحبني ,,,صرنا مسرحيه يومها ,,,صج عوار قلب ,,,و المشكلة المدارس الخاصة مايخلونج تقعدين معاهم يعني حدج 5 دقايق و يقولولج روحي لانه طول ماانتي قاعده ماراح الياهل يهدج و بيظل يبجي مايبيج تروحين ,,,عاد انا عاندت و قعدت اكثر بس ماخلوني ,,,ورحت وقفت برى عند الدريشة بس ماخليتها تشوفني واقعد اطلطل عليها و مارحت الا لمن سكتت وانا الي ريحني بعد انه ولد اختي ينفس صفها و اهي حيل وياه والابلة تقولي اهو المحامي عنها و كله وياها ,,, و الحمدلله شوي شوي اهي تعودت و انا تعودت,,,

وعاد تكرر الموضوع مع اخوها بعدا بسنتين دخل سكولها ,,,بس ارتحت شوي انها معاه بنفس السكول و ولد اختي بعد و وصيتهم يمرون عليه بالبريك و يتطمنون عليه ,,,وعدت الامور على خير ,,,​

 

[مظلومه ياناس]

رد : ادري بتقولون هذي مو صاحيه...اتذكر دوامه وابجي

لا لا لا لا جوجوا صج خنقتني العبره ياحسرة قلبي
ياربي عاد ولدي مسكين يكسر الخاطر لا اخو لاولد لاولد خاله لاولد جيران بروووحه ياحياتي ............واذا بجى كل شي يبجي فيه يمممممممممممممممممممممممممممممه ماني قادره اتخيل الموقف ... عاد هو دلوووع ماما ما ارفض له طلب
مو بكيفهم اقعد 5 دقايق والله انا داشه بفلوسي :lololoe::lololoe: ادري استخفيت بس ياربي عيالنا مانتحمل نشوفهم يبجون يعني شنو الحل؟؟؟؟؟؟؟:eh_s(22)::eh_s(22):​

 

[برونزية رشيقة]

رد: رد : ادري بتقولون هذي مو صاحيه...اتذكر دوامه وابجي

عادي باجر تتعودين

 

[مسك81]

والله كلنا نفس الحاله وفي كل مرحله نسوي مناحه ونحاتي وحالتنا حاله الله يحفظهم من كل شر وسوء

 

[ورود خذلتها العاصفه]

رد: رد : ادري بتقولون هذي مو صاحيه...اتذكر دوامه وابجي

حالتي نفس حالتج ومن جبته وانا احاتي يوم الدوام الاول


انا ولدي المفروض اسجله من العام ماصدقت لما انتشر مرض انفلونزا الخنازير قلت خيره خليه عندي احسن

بس هالسنه ضروري ادخله وعالاسبوع الجاي بسجله بالخاص

بس ماتدرين شنو حالتي لما اتخيل هاليووم اتوقع اول يوووم اقابله ماخليه

والله ماننلام انا كان فيني خوووف من المدرسة مابي هالشعور يصير لولدي ولبناتي

انتي وين سجلتي ولدج وباي منطقه







الحمدالله اثاري اللي مو صاحيين واجد


اللهم زيد وبارك

 

[مظلومه ياناس]

رد : ادري بتقولون هذي مو صاحيه...اتذكر دوامه وابجي

بنت ابو خالد ........... الحمدلله والشكر وانا حسبالي بروحي اللي مو صاحيه .... بس اشوا يامعوده طلعوا :lololoe::lololoe: اشكثرهم
انا ولدي سجلته بمدرسة الكويت ثنائية اللغه بالجهراء ........... وان شاءالله دوامهم راح يكون يوم 15/9 اذا العيد الخميس
و16/9 اذا العيد الجمعه​