ادخلوا وشوفوا حياتي

[البيداء_77]

يارب يارب يارب يرزقجج


وايد تاثرت وايد تاثرت حسبي اللة ونعم الوكيل


انتي الحين برحمة واللة يبيج قريبة منة علشان جذي عطاج هالامتحان فلازم تنجحين فية


والبجي الي بجيتية على الكيبورد ابيج تبجينة على سجادج جدام ربج الي اهوة بيدة حل لمشكلتج ادعي ربج بكل ضعف


وتذلل وبجي ويارب وما يردج......ولا تنسين انة كلنا نعاني الي تعانينة يعني اني مو بروحج اللة يكون بعونج

 

[هندااا]

نفس حالتي بالضبط باقي شهرين وكمل 3 سنين ....وانا وزوجي فينا عقم غير مفسر...والله النفسية ماقدر اوصفلج اشلون داون داون....بس الواحد شسوي يصبر ومالنا غير الصبر...لان اكيد الله بيفرجها يوم من الايام ...وهذا كل تخفيف ذنوب ان شاء الله.....وانا راح ابذل الاسباب وان شاء الله بسوي تلقيح هالشهر...وانتي بعد اسعي وجربي التلقيح ولاتسكتين عن عمرج...والله يرزقني ويرزقج قوووووووووووووووووولي آمين عاجلا غير آجل

 

[Cacawa]

آمين يارب

يالله انك ترزق الكل من غير حساب

 

[غنوة ستايل]

الله يرزقج اختي بالذريه الصالحه ويرزق كل محروومه يارب

 

[غنوة ستايل]

نصيحه اختي وقفي العلاج كامل
اخذي راحه لمده 3 شهور متتتاليه من غير علاااجات
ما عدا ايام الدوره شربي اعشاب و صدقيني الحمل بيجي بيجي

و صدقيني الله ما اخر الحمل الا لمصلحه لج ومصلحه كبيره بعد

 

[ذكريات]

حبيبتي لا تياسين من رحمة الله

انا حملت عقب 3 سنين ونص و في بنات اكثر من 3

و الله في وحدة بعايلتنا اتذكر انها تزوجت و انا بالمتوسط للحين ما عندها عيال و لا مرة حملت

ان شا الله في امل كبيير خصوصا ان انتي حملتي من قبل

و ترى النفسية واايد تاثر

اذا البيت يضايقج غيري جو .. و بعد ما اقدر الوم ريلج اكيييد ذابحينه بالكلام مثلج

انسي الموضوع شوي .. ادري صعب و صعب واايد بعد بس حاولي


الله يرزقج و يرزق كل محروم

 

[امراة من زمن الحب]

الله معاج ان شاء الله يرزقج

 

[نبض زوجها]

مشكورين كلكم يا خواتي والله كلامك خفف علي وااااااااااااااااايد وماقصرتوا ....
حبيبتي Cacawa الله يرزقني انا وياج بيوم واحد انشاءالله عورتي قلبي يوم قلتي قصتي مثل قصتج ...
وبالنسبه للي سألتني عن تحليل زوجي طول هالسنين ما كان راضي يحلل بس الله هداه قبل جم شهر وحلل وطلع عنده لزوجه والعدد قليل شوي بس . وانا طلع ما فيني شي واخذ علاج وصار زين بس ماصار حمل ...
اما الي يقولولي سوي تلقيح صناعي زوجي رافض نهائياً لأني حملي الاول كان طبيعي فدايماً يقول مالاداعي تلقيح ..
بعد عمري كلكم ما قصرتوا معاي والله يرزق كل محرومه بالذرية الصالحة عاجلاً غير اجلاً يارب العالمين

 

[Cacawa]

والله انه قصتج نفس قصتي وهذا احنا ناطرين رحمة رب العالمين وانشالله يرزقنا وياج الذرية الصالحة

 

[um-naser]

حبيبتي لا تبجين رحمة الله واسعة

أنا كتبت جم مرة عن تجربتي مع العلاح والحمال وياليت الكل يستفيد منها خاصه اللي تبويضهم ضعيف مثلي
أول سوي ريلاكس لايهمج كلام الناس ياما سمعت نغزات و كلام بايخ بس كان عندي أمل بالله قوي والحمد لله

عسى الله يرزقكم ويرزق كل محروم
خواتي أوصيكم بالعسل مع غذاء الملكه وحبوب اللقاح كل يوم
كنت أعاني مثلكم وأكثر لدرجة ان الدكتوره معصومه قالت لي انتي موفايد فيج العلاج جني أطق الأبر بالطوفه
وقالت روحي ارتاحي 4 شهور وبعدين انشوف شنسوي
أنا هنيه قلت الحمدلله انا عندي ولدين الله يحفظهم والظاهر الله مو رازقني
بس كان عندي أمل بالله قوي ان يستجيب دعائي ودعاء أمي ومثل ما قلت لكم تركت العلاج واستمريت علر العسل وحبوب اللقاح وبعدها حسيت ان التبويض صار أحسن و الدوره تنزل طبيعيه مو مثل أول وحسيت بتغيير في هرموناتي من حيث الصدر وعوار خفيف عند المبايض وبعدها طلعت حامل والله رزقني فبنت والحمدلله عسى الله يرزقكم البنات والبنين أمين

ونفس الشي بعدها ب3 سنوات سويت نفس الشي والله رزقني بتوأم عسى الله يرزقكم مثلهم

بس في شي بعد سويته -- تبخرت بشاي ب5 و6 و7 يوم من الدوره وما يصير جماع الا بعد 3 أيام من التبخير في الشهر اللي سويت جذيه حملت وهذي الطريقه سمعت عنها من واحد يعالج بالأعشاب وقال انها تسوي تبويض وصج والله طبقتها والحمدلله حملت بإذن الله
تكفون بنات جربوها منتوا خسرانين شي ومو لازم أحد يدري ان قاعده تتبخرين والا شتسوين خلي الشي بينج وبين نفسج حتى ريلج مو لازم يدري لأن تدرون بالرياييل وتعليقاتهم واذا ما صار من أول شهر جربي بالشهر الثاني مو مشكله

آسفه للإطاله بس الصراحه حبيت الكل يستفيد من تجربتي

 

[اسيرة زوجها]

الله يرزقج انشالله ويفرح قلبج انشالله عاجلا وليس اجلا يارحم الراحمين بس انتي سوي تحليل لج ولريلج يمكن نوع من الالتهابات ماخره الحمل واذا الهرمونات زينه وروحي لدكتور شاطر وجرب المنشطات مع الابر التفجيريه بشهر وعقبها ابر مع تلقيح ترى ميكلف وانا انصحج بمستفى السلام اسعارهم حلوه وعندج نجمه ومحمد بكري لهسوالف وعقب ان مافاد اخذي ابر اللي تزيد عدد البويضات (مالت التوأم) وانالله تحملين لا تيأسين بس لاتروحين عيادات خاصه عان نفسيت زوجج ماتتعب لان حدهم غالين وبقولج وديتج ودفعت هالكثر ومافاد انا مجربه ولاتنسين الاستغفار والدعاء قبل الاقامه وبالسجود واقري موضوعي (اذا تبين تحملين ادخلي )انا كنت نفس حالتج والله كتب لي احمل بعد الدعاء والحبوب والابر والحمدلله

 

[pink-rose]

ياااااااااااارب يرزقج ويرزق كل محروم بالذرية الصالحة

 

[katko_ota]

حبيبتي نبض زوجها انا مرت علي نفس حالتج تقريبا اول مره حملت والله ما تمم علي وطاح الياهل وتميت فتره من العلاج والصراحه تعبت نفسيا منه واخذت قرار اني اقطع العلاج وارتاح وسافرت خارج الكويت تغيير جو وصدقيني عقب السفره تغيرت نفسيتي ولهيت عن التفكير في الحمل وعقبها بشهر حملت والحين بنتي عمرها سنتين
يا رب يا رحمن ترزق نبض زوجها الذريه الصالحه وترزق كل المحرومين امين واسفه لاني طولت عليج

 

[rahaf23]

واي عورتي قلبي صججججج شوفي بقولج تجربتي مع الحمل وهالسالفه اول مره اتكلم فيها بالمنتدى .. انا خمس سنين ما حملت ومثلج جربت الابر والحبوب وسويت تحاليل مافيني شي لا انا ولا زوجي وكنت لما اقول حق زوجي هالشهر بروح حق دكتورة بشوف لي متى يعني ما احمل كان يعصب ويقول خليها على الله متى ما كتب لنا عيال صدقيني راح يرزقنا والحمدالله كان قنوع وصابر عمره ما قالي ابي عيال لانه يدري اثنينا مافينا شي بس تدرين حجي الناس ما يرحم شفيكم خمس سنين ولي الحين لا عيال ولا هم يحزنون اللي اصغر منكم عيلوا وانتوا بعدكم وكنا نطنش وكنت دايما افكر بهالموضوع وكل اشهر احسب فترة التبويض واخاف واحاتي ما اتحرك اقول يمكن حامل هالشهر بس الله ما كتب لي والصيف اللي طاف هم رحت وسويت تلقيح عند دكتورة منال بطيبة كلينك لانه وحده من اهلي سوت وماشالله من اول مره حملت.. قلت بجرب وماني قايله حق احد بس هم ما صار حمل وضاق خلقي وأيست قلت خلاص بعد مابي اروح اعالج وربج ما ينسى احد بس احنا اللي مافينا صبر كل شي نبيه بسرعه وكنا ما ننسى الدعاء انا وزوجي بكل صلاة ندعي الله يرزقنا وخصوصا مع صلاة الفجر .. وبعدين بشهر 9 ريلي سافر دورة شهرين وانا كنت بهالشهرين عندي عفسه مغيره الشقه سيراميك وصبغ وديكورات برووووحي مجابلة كل شي تخيلي ونفس الوقت كنت امشي كل يوم تقريبا نص ساعه بس جذييي تغيير وبحرك دمي بعدين عرفت انه المشي ينشط المبايض واشرب الاعشاب العادية مثل البابونج والينسون جاي اخضر زهورات مو عشان شي بس لاني احب هالاشياء مادري ليش كنت مكثرة منهم بالفتره اللي سافر فيها ريلي ومع انه دورتي منتظمة لا تاخر ولا تجدم المهم عقب شهرين لما رجع زوجي طبعا كان مضبط رجعته عقب ما خلصت الدورة بيوم واحد على قولته مشتااااااااااااق ومابي يمر علي اسبوع المرور شهر كامل لوول :dddds:فكنت عايشه بنعيم جني عروس بشهر عسلها ومو حاطه ببالي سالفة الحمال كلللللللللللللللللش كان يهمني انه زوجي رجع وكان كل يوم يصير بينا جماع مرات مرتين ومرات مره وحده على حسب المزاج عرفتي ولا كنت افكر لا مابي اتحرك اخاف حامل والا شي بالعكس هذا الشهر كان اكثر شهر طبعا كل يوم نطلع ونقز مجمعات وشاليه واركض واشتغل بالبيت وشطانه والدوام كل شي كان طبيعي ولما صار موعد الدورة طبعا حسيت بعوارهااا وياني عوار ظهر مو طبيعي والله من كثر ما كان ظهري يعورني كنت الزق ظهري بالدفايه واقعد عشان شوي يخف..المهم طافتني 5 ايام وانا كل يوم اقووول ولييين هذي شفيها تاخرت اكيد زدنا الجيلة هالشهر ولا ببالي سالفة الحمل ولما صار اليوم الخامس قلت حق اختي طايفتني وحنت الا قومي نروح المختبر قتلها لا يبا مو معقولة انا حامل اكيد من التعب والا شي ما نزلت قالت منتي خسرانه شي امشي حللي تخيلي بهالخمس سنين يمكن مره وحده حللت لانها ما تتاخر علي حتى لما كنت اخذ ابر وسويت تلقيح كانت تييني بموعدها بس هالمره طلعت حامل والحمدالله انا من الصدمه صرت مينونة وقلت يا سبحان اللللللللللللللللللللله كل شي له حكمه عند ربي رحت ابشر زوجي واهلي وانا ابجي ولي الحين انا وريلي حبيبي نشكر ربي ونحمده بكل وقت وبكل صلاة واقووووول ا الحمدالله على هالنعمه.. الحمدالله انا الحين بالشهر الرابع وانشالله االله يتمم علي ويرزق كل محروم من هالنعمه بس انتوا يا بنات خلوا ايمانكم بالله قوي دايما ادعوا الله وشيلوا فكرة الحمل من راسكم لانه النفسية تلعب دوووووووور صدقونيييييييي وخلوا رياييلكم اهما اللي يستغفرون وايد مو بس انتوااا .... وبس ادري اني قرقت وايييييييييييييييييييييييييييييييييييييد بس صدقوني مثل ما تمنيت بيوم من الايام اني احمل اتمنى كل وحده الله يرزقها وما يحرمها من هاللحظه :33_1185028183:

 

[فوفه]

حبيبتي والله عورتي قلبي ... عاد انا بروحي على طريف ام دمعه :0bee2e8d89:

الله كريم انشاءالله

اهم شي انج انتي سليمه ومافيج شي ... جربي تسوين تلقيح صناعي .. واضح من كلامج انج ما جربتي التلقيح الصناعي واذا ودج تجربينه كلميني على الخاص وياااااااااارب ينجح معاج من اول مره وتحملين


ربي يرزقج ويرزقني ويرزق كل وحده بخاطرها الذريه آمين يارب العالمين

 

[أم منصـ 85 ـور]

الله يرزقج عاجلا غير آجلا ياقلبي

 

[um-naser]

الله يتمم عليج رهف و يفرحج بالذريه الصالحه ويرزق كل محروم آآآآآآمين
كلامج صحيح 100 % أنا الشهر الله أسوي فيه رياضه و أنط و أمشي ولا في بالي الحمال كنت أحمل و الأشهر اللي كنت أتمنى أحمل و لا أتحرك كانت تنزل علي حتى لو كانت متأخره ترى هذا شي ضروري اللي ودها تحمل حاولي تسوين رياضه لو خفيفه لأن سبحان الله الظاهر ان الدم يتحرك وتتعدل الهرمونات و تتحرك البويضات بأمر الله سبحانه

 

[كويتية..]

يا الله...يا الله...يا الله
ارزق نبض زوجها بالذرية الطيبة عاجلا غير اجل يا رب العالمين..
انا بعد مثلج للحين ما حملت..

اكثري من قراءة (( فقلت استغفروا ربكم انه كان غفارا،يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا))
الله كريم حبيبتي واصبري ولا تيئسين وحاولي انج ما تبينين حزنج جدام ريلج عشان لا يتضايق..احسن شي انج تكونين طبيعية عشان زوجج حبيبتي
الله كريم..ادعوا لنا يا بنات

 

[زنوبة الحلوة]

بعد عمري

الله يرزقج الذرية الصالحة يارب ويرزق كل اللي ماعندة

بس ثلاث سنين الحمدالله يعني مو فترة طويلة وايد

وانشالله تحملين وماكو شي بعيد عن الله

وبالنسبة للناس لاتعطينهم اي اعتبار وقوليلهم هذا امر الله واذا تقدرون تسووولي شي يالله ليش ساكتين

ماعليج منهم ياما سمعنا وسمعنا وسمعنا

بسس شنسوي يعني هالشغلة بيد الله وحدة وكل شي حكمة منه مانقدر نسوي شي ولا نقدر نعترض على حكمة وقضاءة

بس انتي لا تيأسيين حبيبتي وخليج على العلاج والدعاء والله يكتبلج اللي فيه الخير يارب

 

[عبير الكويت%%]

حبيبتي جربي التلقيح الصناعي وايد احملو من الله ثم منه