اخو ريلي

[مدّهره !]

الوولد مااغلط ولااصدر منه شيء الغلط منج

كثرررري إستغفااااار وصلااة آخر الليل ووربي يصلح شأنج ....~

 

[Perfume]

موقف عادي
شافج وسلم عليج
يحترمج لانج مرت اخووه

 

[حبيبي مالكني]

انا اشوف اخو ريلج ماسوى شي
انتي الي تبين تكبرين الموضوع
ويبين من شكلج انج حاطع عينج على اخو ريلج
استغفري ربج
وشيلي هالتفكير من بالج
انتي الي معجبه فيه وقاعده تكبرين هالاحساس
ترى حتى تفكير باخو ريلج حرام مايجوز
كل ما ايي هالشعور لج قومي توضي وصلي ركعتين

 

[ناتشوو]

زين اذا قلنا لج
نيته ينطرج ويطالعج
هل معنى هذا فرصتج
تبادرين بالعلاقة معاه؟
هل انت ودج تكلمينه بس خايفة يطنشج مثلا
وسلامه عليج شجعج تفكرين؟

ترى الشباب يعرفون الثقيلة والخفيفة حتى لو مرت اخوهم
ديري بالج تخزخز و تستعرضين
هذي فضيحة لج ولاهلج
اخوه بلحظة يطلقج ويفتك منج ومن اخلاقج
ويتورطون اهلج فيج

انت اخت كبيييييرة له ومرت اخوه الكبير
احشمي نفسج واهلج
واحترمي العايلة اللي دخلتج بيتها
واخيرا زوجج المخدوع فيج
والعياذ بالله


والموقف مايدل ع شي
انت حركاتج مريبة عنده
طالعه بعدين رديتي طالعتي صديتي
فقال السلام شي عادي
والمفروض يقول
حمدلله والشكر

 

[رنيم الروح]

تعوذي من ابليس والشيطان شاطر والولد ماصار منه شي وبعدين مالومه يطالعك لانه على كلامك طلعتي من الغرفة وشفتيه بسرعه ومشيتي اشوي ورجعتي اطالعينه
لو مكانه بخترع بقول هذي وشفيها فيها شي ؟ وبعدين يطالعك مستغرب شفتيه ومارديتي عليه السلام

 

[al-musk]

هذي وسوسة الشيطان.. تعوذي من ابليس ولاتتبعين هوى نفسج .. والبنات ماقصرو معاج.. وبخصوص الي داشين يسبون البنت طلبت رايكم ونصيحتكم ماقالت سبوني وهزئوني واليكاتبتلها تفكيرج ساقط خير يعني الواحد اذا بيلقى هالردود حتى النصيحة والمشورة مابيفكر ياخذها ويمكن يتبع هواه ونفسه الأمارة بالسوء بس عشان لايسمع هالكلام منكم .. مادري متى بنرتقي بألفاظنا.. ترا إحنا كلنا بشر ومعرضين للخطأ ومحنا ملايكة فياليت نراعي هالشي .. والكلمة الطيبة هي الي تثمر آخر شي والبنت لو ماتبي رايكم وتبون تساعدونها ما لجأت لكم ...


لصاحبة المشكلة .. حطي ربج وريلج بين عيونج .. وبس

 

[نـعـومـه]

اللي تمرين فيه شي خطير ولازم تخلصين منه !

اول شي شلونج مع زوجج ؟؟

شي ثاني حماج لايحبج ولاشي مجرد وهم منج ولاتفكرين بأي امل تجاهه واتوقع فتره وتعدي وعقبها بتحسينه حماج وبس ظاهر اعجاب

تعوذي من بليس واقري قرآن وذكري ربج وتقربي من زوجج

 

[CANDLES]

اهم شي نكج بصوب وافعالج بصوب ثاني
الله يهديج

 

[PuPa^^SWeeT]

هذا وسواس ابليس

عبالج انه هذا فكرج


بس ابليس واعوانه يوسوسون لج
عبالج انه اهو الصوت من داخلج

 

[pink lip]

[font=.helvetica neueui]حبيبتي الي تحب ريلها ماتشوف غيره[/font]
[font=.helvetica neueui]كل بنات عايلتنا ايلسون مع اخوان ريلهمم شو اعجاب مب اعجاب[/font]
[font=.helvetica neueui]تعرفي لو عرف عنج هالشي بتطيحين من عينه ٱنتيَ و اخوه والله _ ما سووا شي بس سلم وانتي متخسبقه[/font]
[font=.helvetica neueui]تعالي شوفي خالاتي يسولفون مع اخوان ريايلهم عاااادي مثل اخوانهم[/font]
[font=.helvetica neueui]كل رياييل الدنيا اخوانهم ليش؟[/font]
[font=.helvetica neueui]لان فالقلب واحد وهو الزوج ![/font]​

 

[تحب اختها]

اختمي سورة البقره ... واستغفري .. وتصدقي .. وقومي الليل بركعتين وادعي ربي يصرفك عن الحرام ويصرف الحرام عنك ...

وصدقني كل اللي فيك وساوس .. وفضااااااااااوه .... اشغلي نفسك بعبادة ربك و زووووووووووووجك ... وبيتك ... وانتبهي اخو زوجك ياخذ عنك فكره موو زينه لان الرجال يفهمون حركات البنات اللي بلا سنع ... وامكن يقول لزوجك ومن يومها تتبهذلين ....

بعدين وش فيه اخو زوجك تلتفتين له ؟؟؟ زوجك احسن يكفي ان زوجك اختارك من مليون بنت ... وصانك وحبك وقايم عليك تقومين تجازينه كذه ..مايصير حبيبتي .... ودايما تخلي اسوأ الاشياء اللي ممكن تصير لك لو زوجك عرف او لو غلطتي مع اخو زوجك ...الله يصلح حالك ويهديك ويفرج همك ....

 

[ي حليليِ]

عيب عليج يبا !!!


وبعدين انتي اللي مرختيله الحبل ، شلون تطالعينه بنظرات غير نظرات الاخوه ؟؟

عادي كلمبه بشكل طبيعي ، اقعدي سولفي معاه سوي نفسج طبيعي معاه

لا سوين روحج مستحية وان بقلبج مشاعر صوبه .....

 

[الفدعه المزيونه]

الله يهديج استغفر الله العظيم واتوب اليه

 

[Patcholli]

الظاهر لاحظ من نظراتج له ان في شي فبالج وحب يتاكد
نصيحه لاتمصخينها لاتطيحين من عينه باجر لي تزوج يذم فيج ويشوه سمعتج وصورتج جدام مرته وممكن يوصل خبر لزوجج بعد

 

[اذوب بكلامه]

ياقلبي هذي وساوس من الشيطان تعوذي من ابليس وادعي دايما ان ربي يبعد عنك الحرام

 

[بيبي قيرل]

مسكين ماشوفه سووا شي .. سلم والسلام لله !!
المشكله فيج حبيبتي !!

 

[مهـآآآآوي]

الله يهديج ويصلحج...... ويحمينا من شر الفتن والمعاصي

 

[myaar]

يا أخواتي الدين النصيحه

شفيكم اكلتوا البنت


نصيحه لكل وحده تقرا الرد

لما يجيلك انسان يشتكي لك غلطته لا تنهره !
اخذه بالاسلوب الحلو!

اهي جايه تبي تسمع منكم!
انا ما أقول رايكم غلط .. بس الانسان العاقل يعرف الكلمه اللي تنقال والكلمه اللي يحتفظ فيها لنفسه


بالنسبة لاختي صاحبه الموضوع
قولي (( أعوذ بالله من الشيطان الرجيم استغفر الله الذي لا اله الا هو الحي القيوم وأتوب اليه )) 3 مرات
وتروح عنج هالوساوس

استغفري الله وتوبي وحافظي على الصلة اللي بينج وبين ربج

والله ترى الراحه الوحيده والسعاده الأكيده من رب العالمين
لا كنوز الدنيا ولا كل هالبشر بتنفعج بشي

طهري قلبج بالصلاة والقرآن والستر
وارفعي ايدج للي ما يرد عبد من عبيده
وادعيه ييسر أمورج ويصلح أحوالج مع زوجج ويسخره لج ويسخرج له

تأكدي ان الله سبحانه مايتخلى عن عبد يلجأ له
ولا وحده من البنات بتعطيج حل لمشكلتج
الحل بينج وبين ربج

بس تكون عندج العزيمه والنيه الصادقة

عسى الله يصلح أحوالج ويوفقج
ويصلح أحوال كل المسلمات ويستر عليهم

 

[queen92]

استغفر الله العظيم !! اي و الله المفروض يقول الحمدلله والشكر استغفري ربج و بدال ماتفكرين فيه و بحركته فكري بريلج الله يهديج استغفري ربج بس

 

[موفاهمة شي]

لا تصيرين في نظره ......
ديري بالج !