اخوي ومرته

[Mrs Al-Nasser]

^^^ خواته ؟؟


ليش اهوا مو اخوج يعني خواتج ؟؟

لاحظت وايد ردود كاتبه اهله واهلها
ومره خواته


اممممم عالعموم ...


حرام التفرقه بين راسين وهدم بيوت والدنيا دواره ..


الله يصلحهم

يمكن خواته من ام او ابو ثانين
فمايصيرون خواتها عرفتي؟

 

[Mjnont '3lay]

والله حبيبتي مابي انصحج بشي خاصتن بهالموضوع ودي افيدج بس مابي اتكلم بشي ماعرفه الله اعلم بكل شي
بس نصيحه خليه يتلزم بالرقيه الشرعيه كل يوم واذا مايقدر ماعليه حبيبتي انتي اخته اوقفي معاه بوقت شدته وحاجته جزاج ربي كل خير واقري عليه كل يوم الرقيه وفواتح البقره واواخرها ضروووري
وخليه كل يوم يقرا المعوذتين بعد كل صلاه ويقول اللهم من ارادني بسوء فرد كيده بنحره واجعل تدبيره تدميرا له
واشغله في نفسه والشغله الثانيه اذا شخصيته ضعيفه ومو قادر على مرته يوكل محامي شااطر يطلقها منه بالغصب من غير حقوق اذا مافي بينهم بيبي او حمل
ومابيدي غير اني ادعي له بهالجمعه المباركه وبهالشهر الفضيل انه الله ييسر له اموره ويفج كربته ويفكه من هالمره ويريح باله

 

[shak!shoka]

موضوعج صراحه فيه ثغرااات واااايد


انتي تكتبين سالفة اخوج و طبيعي راح تنحازين له

انا متأكده لو البنت عندها اخت و اختها اكتبت سالفتها الكل راح يتعاطف معاها



وبعض البنات بردودهم خذو ذنب البنت المسكينه و سووها حقيره و خبيثه

محد عارف الموضوع عدددل او من جميع النواحي

لا تظلمون البنت و تسبونها



قاعده فبيتها في امان الله وماتبي تتطلق


و اخوج مو ملاك اكيد عنده اغلاط
خل يراجع نفسه و يقعد معاها و يتفاهم و يحلونها ودي



لا تاخذون ذنب البنت مو زين



و المحكمه الجعفريه بشكل عام دقيقه وايد و تدور بادق التفاصيل قبل الطلاق

الله يكون بعونهم و يهديهم و يسهل امورهم

 

[ماكواسم2]

رفع

 

[*صَبا*]

الحل بسيط

يروح المحكمة الرسمية التابعه للدوله ويطلق

ترا الموضوع وايد سهل


بعد هاي شرع الله والطلاق واحد

اصلا اذا الريال يبي يطلق المره مالها كلمه
خلاص هو مايبيها عايفها
تتطلق مباشرة بغض النظر من الغلطان والحق على من

الا اذا كانوا توهم متزوجين 6 شهور او اقل القاضي مايرضى يطلقهم الا اذا في سبب قوي جدا جدا

وبعدين ليش مايصير يطلق بالمحكمه العاديه
الناس تتزوج في دوله وتطلق في دوله ثانيه ومحكمه ثانيه

 

[the-angel]

الله يفرجها عليه يارب

 

[@تاج الراس@]

اي اهوا عندها خوات ماهم خواتي
وانا اخر العنقود وانا وياه الي ساكنين ببيت ابونا
ونعرف بعض حيل
وصح كلامكم لازم تسمعون الطرف الثاني وانا والله مو منحازه له بس عشان انه اخوي
انا مع الحق
اخوي ما يبيها مو طايق العيشه من سوالفها
واهيا تبيه بس مو قادرة تصونه لا بلسانها ولا بحشمتها ولا بتصرفاتها
حلول يعدلها ما قدر حاول يفهمها ما فهم
واهيا مو عارفه حتي اشلون تتعامل مع ولده
يعني مو نافعه
شالفاسدة كل يوم ساحبته المخفر مشتكية عليه
واهوا لو يدور مشاكل ونذاله جان راح صكها بقضايا
نفس ما تسوي
بس اهوا ما يبي يبي بس يخلص السالفه
ورجاء هم هديتوا الموضوع الاساسي الي انا فتحت الموضوع عشانه
ورحت تنبشون بشغلات ما تخصكم
كل الي طلبته منكم شلون نتعامل مع اخوي
اشلون نكف شر البنت
اشلون اجراءات الطلاق
اشكثر تطول

هذي اسالتي الي عندها فكرة يجاوب
والي داش بس يقط حجي ويسب رجاء ماله داعي

 

[ماكواسم2]

خلاص هو ماشي بالاجراءات ويخليها تمشي مثل ما هي بعد شنو بايده
وبحاول بتجنبها المكان اللي هي فيه ما يقعد فيه وهي من حقها ان تطلع روحها بريئه وتحصل على اكثر الغنائم

ونكون واقعيين بنت وتاخذ مطلق وعنده ولد اكيد هي اساسا مو مرغوبه لاي سبب

 

[ريماR]

الله يكتب الي فيه الخير

 

[Miss DeTTOL]

الله يكون بعونكم ويفرج همكم

 

[حبيبي مالكني]

انا خبري بالمحكمه الجعفرية تنصف الريال على المراة
مع العلم اني ما عرف عن المحكمه الجعفرية شي بس هاي الي اسمعه من صديقاتي

 

[@تاج الراس@]

شكرا للردود

 

[@تاج الراس@]

ادعوا بنات لاخوي ان يرتاح وترجع حياته طبيعية

 

[شوقي]

لا حول ولا قوة الا بالله
الله يصلح الحال ان شاالله ويعين
المواضيع هذي يبيلها طولة بال وصبر
وما تضيق الا تنفرج

 

[granted]

الله يفرج همكم يارب ويهدي سركم

بنات شفيكم ؟!!
كل وحده بسمع من الطرفين وبسمع من الطرفين !؟ خاف انتوا القاضي ولازم تقتنعون وانا مادري؟!!
يبه هاي تفاصيل وامور شخصيه
اهي تبي تعرف الاجراءات وغلطتها يوم حطت جزء من التفاصيل

 

[راحيل العبدلي]

الله يفرج همكم يارب ويهدي سركم

بنات شفيكم ؟!!
كل وحده بسمع من الطرفين وبسمع من الطرفين !؟ خاف انتوا القاضي ولازم تقتنعون وانا مادري؟!!
يبه هاي تفاصيل وامور شخصيه
اهي تبي تعرف الاجراءات وغلطتها يوم حطت جزء من التفاصيل

??
حرييييم يحبون التفاصيل
الله يهدينا و يشغلنا عن عباده

 

[@تاج الراس@]

الله يفرج همكم يارب ويهدي سركم

بنات شفيكم ؟!!
كل وحده بسمع من الطرفين وبسمع من الطرفين !؟ خاف انتوا القاضي ولازم تقتنعون وانا مادري؟!!
يبه هاي تفاصيل وامور شخصيه
اهي تبي تعرف الاجراءات وغلطتها يوم حطت جزء من التفاصيل

مشكورة عالرد
وانا حطيت التفاصيل عشان وحده تتكرم وتفيدني باجراءات القضية بس يظاهر كثرت من التفاصيل

 

[سندس 90]

الله يعينكم ويفرج همكم

 

[انسام الكويت]

والله يختج صعب بتلقين رد مقنع من البنات بخصوص قضية اخوج

لانه اولا محنا محامين عشان نعرف شنهو الاجراءات

وثانيا طلاق المحكمه الجعفريه مانعرف شنهو اجراءاتهم لانه حنا السنه

غير عنكم وبعدين دام اخوج ماشي بإجراءات الطلاق فخلاص وكلوا

امركم لله وصبروا لي الجلسه اللي تحددت وان شاء الله خير واذا طالت السالفه

وامصخت روحوا محكمة الرقعي وسألي شنو لازم تسون عشان الطلاق يقع وتتفكون

واكيد هناك موظفين مرت عليهم حالات شكثر نغس نوعية اخوج ومرته..!


بس لفت نظري شغله يت وقطت ويهاا فبيت زوجها قبل العرس ....! الظاهر ماصدقت انه احد اخذها*