اخوي والثعلبة ...عااجل الله يجزاكم خير ...

[كلي تفاؤل]

السلام عليكم ورحمه الله..

بنات الله يحفظكم بغيت دكتور جلدية سمعتوا عنه او جربتووووه بعلاج الثعلبة ..أخوووي بعد عمري عمره:eh_s(2): طلعت بلحيته قبل فترة واستمر ع الثوووم وماكو فايده بدت تكبر...

هو اول موووراضي يرووح لدكتور مايبي ابر بس انا اقنعته ,,,وقلت بسألكم عن احسن دكتووور ..

بإنتظاركم ....

 

[^^دموع الكويت^^]

شوفي الرابط :

تجاربكم مع دكاترة الجلدية خاصة حق (( الشعر )) يوجد تصويت


وما يشوف شر .

 

[كلي تفاؤل]

جزاك الله خير حبيبتي ...شفت الموضوع ...

وقلتله يروووح لموسي الجبر ..

وما يجيج الشر

 

[سارا ديور]

واااااااااي الثعلبه وما أدراك ما الثعلبه

أنا ياحبيبتي عقب عرسي طلعولي 9 ثعلبات بشعري

وكل وحده أكبر من 100 الفلس

عقب رحت للدكتور مادري شنو مال الله إللي بعمارة السلام إللي بالسالميه

وطقني أبر كرتزون (( ماتعور )) والحمد لله طلع شعري مره ثانيه

تخيلي بغيت أنهار كل يوم أكتشف وحده بمكان

مايشوف شر اخوج على الأقل أهوا ولد يقدر يحلق بس البنات أهما المشكله

 

[كلي تفاؤل]

هلا سارا اول شئ خرعتيني :eh_s(12): انتى و جماااااجمج قاعده بالظلمة على إضاءت الشاشةويطلع لى توووقيعج ...لووول صج خفت


ياااقلبي انتي 9 عااد الحمد لله الله لطف وتشافيتي ....

وما يجيج الشر يا عمري...

واخوي بعد قلبي ملتزم ما يحلق لحيته الله يثبته ..

فكاسر خااطري فديته :eh_s(2): :eh_s(2):

 

[الكرملين]

انا طلعتلي قبل ست شهور واهي نوعين انثى اللي بسرعة تنتشر وذكر سهل علاجها ورحت لحلاق معروف بالفحيحيل تخصص ثعلبة حكها بموس وبعدين حط خلطة ثوم والله وحدة بوحدة الحمدالله طلع شعري بعد اسبوع

 

[كلي تفاؤل]

اهو قالي انه راح لحلاق شااطر عندنا وقال له ان الجلد ملتهب وماراح يحط له كريمات الا عقب ما يخف الإلتهاب ....

ووين صاير اللى بالفحيحيل ؟؟

 

[nono78]

نفس الحاله

كل يوم اكتشف بشعري وحده

من شهر 1 الي طاف

وللحين

تعبت ونفسيتي زفت من الثعلبه

امس مكتشفه وخده براسي ولا كبيره بعد

 

[الزين كويتي والدلع جهراوي]

اسمعي جهراويه

جيبي قطعة خامه كبر الكف من الصوف أو الكتان (أو جيبي بشت قديم وقصي منه قطعه لان لازم خامه خشنه) وحطي بوسطها ثومه مدقوقه ولفيها وافركي الثعلبه لين يصير لونها احمر

لمدة يومين الصبح وبالليل لازم يسويها

ومايشوف شر ان شاءالله

 

[سارا ديور]

هلا سارا اول شئ خرعتيني :eh_s(12): انتى و جماااااجمج قاعده بالظلمة على إضاءت الشاشةويطلع لى توووقيعج ...لووول صج خفت


ياااقلبي انتي 9 عااد الحمد لله الله لطف وتشافيتي ....

وما يجيج الشر يا عمري...

واخوي بعد قلبي ملتزم ما يحلق لحيته الله يثبته ..

فكاسر خااطري فديته :eh_s(2): :eh_s(2):

هههههههههههه بعد عمري والله هاغيرت توقيعي علشانج

الله يعينه للمطوع أدري عزيزة لحيته عليه الله يتمم عليه ويشافيه

 

[سارا ديور]

اسمعي جهراويه

جيبي قطعة خامه كبر الكف من الصوف أو الكتان (أو جيبي بشت قديم وقصي منه قطعه لان لازم خامه خشنه) وحطي بوسطها ثومه مدقوقه ولفيها وافركي الثعلبه لين يصير لونها احمر

لمدة يومين الصبح وبالليل لازم يسويها

ومايشوف شر ان شاءالله

حبيبتي هالطريقه موزينه أدري وايد سووها بس وحده أعرفها قالولها تسوي

هالطريقه المهم يالها إلتهاب وعقب ماتعالجت ماقام يطلع شعر

اثاري حرقت بصيلات الشعر إللي بهالمنطقه

 

[سارا ديور]

نفس الحاله

كل يوم اكتشف بشعري وحده

من شهر 1 الي طاف

وللحين

تعبت ونفسيتي زفت من الثعلبه

امس مكتشفه وخده براسي ولا كبيره بعد

وااااي نونو الله يعينج أكيد كنتي زعلانه قبل لا تطلع لج

 

[لؤلؤية]

بنات...

الثعلبه يصير فوقها قشرررة ؟؟؟

لانه بنتي (ام عشر سنين) طالعه لها بقعه بشعرها كبر ال100 فلس..كلها قشوور وتحكها...ويطلع منها دم...والحين ياااابسه..ومغطاه بالقشرة

قالوا لي انه فيه نوع من الثعلبة جذيه

صج؟؟؟؟!!!

واللي قالت عن الحلاق اللي بالفحيحيل ... الله يجزاها خير ...تفيدنااااا بمعلومات اكثررر​

 

[ام^^حمودي]

خوتي بلا اطباء جلديه بلا بطيخ حاولو تحصلون بول ناقه! ناقه وليس بعير وهو دواء لكلك داء ومذكور بالطب النبوي والله يشفي جميع المسلمين انشاءالله

 

[ام^^حمودي]

حبيبتي هالطريقه موزينه أدري وايد سووها بس وحده أعرفها قالولها تسوي

هالطريقه المهم يالها إلتهاب وعقب ماتعالجت ماقام يطلع شعر

اثاري حرقت بصيلات الشعر إللي بهالمنطقه

الثوم مفيد وايد حق الشعر بس اعتقد لمه تحونه بشكل مباشر يحرق فروه الراس ...

رفيجتي ابوها صار في ثعلبه وشرى امبولات ثوم من الصيدليه وراحت منه

 

[الزين كويتي والدلع جهراوي]

سارا ديور

حبيبتي السالفه كلها ثوم وقطعة خامه ليش موزينه ؟؟

والثوم مفيد للشعر يسوونه بخلطات الزيوت والخامه حق التدليك والفرك بس مو حيل خفيف


على العموم هالطريقه مجربه ومضمونه من ناس

وانا حبيت اساعد بللي اعرفه

والله يشافيه

 

[كلي تفاؤل]

هلا والله خواتي ..

الحين اخوي راح لسلامة جبر وعطاه ابر ياحياتي اكتشف وحده ثانيه ...

nono78ياحياتي الله يشفيج ..بس بالهداوووه ديري بالج على نفسيتج ترى مرات تجي من النفسية ...والله اخوي يمدح سلامة يقول فاهم وعطاه ابر وعلى فكرة 10 ايام يحط من هالثوم وما فاد لآن ثعلبته نثية مو ذكر ..والنثية هي اللى تنتشر بسرعه ,....


الزين كويتي والدلع جهراوي جربنا الثوم ما فاد ...وسارا صاجة الثوم يسبب التهاب ويقتل البويصلات اذا حطها المريض على خدة لفترة طويله.المفروض بس نستخدم عصير الثوم او نفرك بالثومه بس ما نخلى الثومه نفسها على الثعلبه فترة طوويله ...وشاكرة لج مرورج ,,

سارووونه :eh_s(6):


ام فيصل والله ما ادري ,,ان شاء الله البنات يفيدونج وما تشوف شر بنتج ..اذكر بنت اخوي طلعت لها وهي صغيرة راحت للطبيب عطاها كريمااات وابرة والحمد لله تعافت ,,,,

فطوم1صاجة والله فطووومه بول الناقة مفيد بنشوف اول علاج الدكتور دامه بدا معاها وبقوله عن الناقة...

جزاكم الله خير :eh_s(17):

 

[bambena]

انا الدكتوره قالتلي سببها نفسي تطلع لما الواحد يحاتي شي او على طول متوتر وقالتلي استخدم خل تفاح او ثوم بس قالت لا تفركينها !! بس مسحي الثومه او الخل عليها بدون فرك !

 

[nono78]

مشكورين بنات ما قصرتوا يعطيكم الف عافيه والله يبعد عنكم الأمراض


بجرب خل التفاح

اوو بشتري امبولات ثوم من الصيدليه والله يعيني ويعين كل شخص من

الثعلبه

والله كريم

 

[سارا ديور]

خوتي بلا اطباء جلديه بلا بطيخ حاولو تحصلون بول ناقه! ناقه وليس بعير وهو دواء لكلك داء ومذكور بالطب النبوي والله يشفي جميع المسلمين انشاءالله

انا إللي سمعته بول الناقه :eh_s(3): حق تطويل الشعر مو شرط تعالج الثعلبه