اخوي من شاف حلقه العوضي يبي يتوب ساعدوني ....

[HoNeY_GirL]

السلام عليكم

بنات ابي احلى اشرطه قصص وشغلات مفيد حق شباب يبي يتوبون من سماع الاغاني ويارب يهديهم ويلتزمون

اخوي من شاف حلقه العوضي مع حسين الاحمد قالي ابي اسمع اشرطه قصص حق الشيخ نبيل العوضي وجذي اي شيء عفيه قولي لي شنو احلى شيء عشان اروح اشتريه واعطيه ياه .

يارب يهديه لانه كان واااااايد يحب حسين الاحمد وشكله تأثر فيه

ويارب يهدي جميع شبابنا وبناتنا

 

[منطلقة بطموحي]

مشاركة: اخوي من شاف حلقه العوضي يبي يتوب ساعدوني ....

اختي هوني جيرل
شوفي المكتبات و التسجيلات الاسلامية اللي في حولي ..
اول ما تدشين حولي من صوب مجمع المهلب .. لما يكون مجمع المهلب على يمينج .. اول اشارة تاخذينها يسار .. بعدين راح تشوفين التسجيلات الاسلامية .. اتييج اشارة .. كملي سيدة .. بعدها اكو لفة عاليمين .. دشي .. و تلاقين منطقة كبيييييرة بالمكاتب الاسلامية ، و لا 20 مكتبة يم بعض ، يمين و يسار .. تلاقين عندهم اشكال و الوان .. و ان شاء الله بيفيدونج و يفيدون اخوج .

الله يوفقكم جميعا .. اسأل الله ان يجعلنا جميعا نسير على الطريق الصحيح ..

 

[منطلقة بطموحي]

مشاركة: اخوي من شاف حلقه العوضي يبي يتوب ساعدوني ....

http://www.emanway.com

هذا موقع الشيخ نبيل العوضي .. اهو المشرف العام للموقع .. و فيه مكتبة كبيرة من دروسه و محاضراته الرائعة ..

 

[أميرة الورد]

مشاركة: اخوي من شاف حلقه العوضي يبي يتوب ساعدوني ....

الله يهديه ويشرح صدره ان شاء الله

 

[^^ jory^^]

مشاركة: اخوي من شاف حلقه العوضي يبي يتوب ساعدوني ....

الله يهدية ويهدي شباب المسلمين كان ودي اساعدك بس بدعيله وانشالله اخواني يتوبون

 

[HoNeY_GirL]

مشاركة: اخوي من شاف حلقه العوضي يبي يتوب ساعدوني ....

يزاج الله خير حبيبتي ماقصرتي وإن شاءالله بحاول اروح واشوف

وتسلمين على الموقع

 

[HoNeY_GirL]

مشاركة: اخوي من شاف حلقه العوضي يبي يتوب ساعدوني ....

اميره الورد
آمييين يارب ويهدي الجميع



وعد
يزاج الله خير يكفي الدعوه وان شاءالله يهديه ويهدي اخوانج وجميع شباب المسلمين

 

[@ مضاوي @]

مشاركة: اخوي من شاف حلقه العوضي يبي يتوب ساعدوني ....

تبين الصج أنا استفدت حييييل من الشيخ نبيل العوضي وأنا اسمعله من لما كنت بالمتوسط وأن ألحين بالجامعة ، وهذولي أسماء بعض أشرطته إلي أسمعهم :
لماذا لا نتوب وقصص من الواقع وأين المصير

والله يهدي اخوج ويهدينا .

 

[على البال]

مشاركة: اخوي من شاف حلقه العوضي يبي يتوب ساعدوني ....

السلام عليكم

بنات ابي احلى اشرطه قصص وشغلات مفيد حق شباب يبي يتوبون من سماع الاغاني ويارب يهديهم ويلتزمون



اللـــــــــــــــــه يهديه أختي في شريط كلمة رووووووووووعة شوي عليه وسعره نص دينار وتلقينه عند جميع محلات الاشرطه الاسلاميه اسمه (هذه قصتي )حق مطرب تائب اسمه يوسف الصالح

 

[-Bello-]

مشاركة: اخوي من شاف حلقه العوضي يبي يتوب ساعدوني ....

الله يهديه انشاءالله ويثبته اللهم امين

 

[HoNeY_GirL]

مشاركة: اخوي من شاف حلقه العوضي يبي يتوب ساعدوني ....

مضاوي
على البال
بنوته

آمييييييييين وتسلمون حبيباتي

والله يذكركم بالشهاده مثل ماذكرتوني بأسامي لاشرطه سامعه جم واحد من زمان بس ناسيته

 

[ANGELICA]

مشاركة: اخوي من شاف حلقه العوضي يبي يتوب ساعدوني ....

الله يهدينا كلنا ويوفق اخوج....انصحه اول شي لايطوف صلاة بالمسجد ويدور فيه جماعات بالمسجد يسون دروس يومين بالاسبوع....راح يرتاح معاهم حيييييييييل... صدقيني خل يسأل بالمسجد

سلام

 

[زيـنـه]

مشاركة: اخوي من شاف حلقه العوضي يبي يتوب ساعدوني ....

بصراحه البنات ما قصروا بس حبيت اقول الله يهديه و يصلحه و يثبته ان شاء الله و يكتب لج الاجر بمساعدته على الهداية

 

[غريبة الديار]

مشاركة: اخوي من شاف حلقه العوضي يبي يتوب ساعدوني ....

اسال الله ان يهديه ويعصم قلبه ويريه الحق حقا والباطل باطلا ويجنبه اتباعه ... واللهم اهدي شباب المسلمين وايقظهم من سباااااااااااااتهم العميق ..اللهم انا نسالك باسمائك الحسنى وصفاتك العلا بان تجعلنا وشبابنا هداة مهتدين لامضلين ولاضالين برحمتك ياارحم الراحمين ..


اللهم يامقلب القلوب ثبت قلوبنا على دينك اللهم اعنا على ذكرك وشكرك وحسن عبادتك انك مجيب الدعوات وغافر الزلات يااااااااااااااااااارب الارض والسموات ....





الله يتم فرحتج يارب وتشوفينه تايب تفرح نظرتكم بنور وجهه آميييييييييييييييييييين


فيه شريط روووووووووووعه (( الصلاة تشتكي )) للشيخ : خالد الراشد الله يحفظه


وانصحج باشرطه خالد الراشد لانه من النوع اللي يبجي في محاضراته لعل يرق قلب اخوج عند سماع بكاء الشيخ نسال لنا وله ولشباب المسلمين الهدااااااااااااااااااااااية والثباااااااااااااااات على الدين

 

[الحــــــلا كله]

مشاركة: اخوي من شاف حلقه العوضي يبي يتوب ساعدوني ....

الله يتمم عليه ويهديه انشاء الله وتفرحون فيه

 

[HoNeY_GirL]

مشاركة: اخوي من شاف حلقه العوضي يبي يتوب ساعدوني ....

واثقه من نفسي
آميييييين وحمدلله صلاته اللحين بالمسيد تقريبا احسن من قبل وصاجه اهم شيء الصحبه الصالحه



زينه
آميييييين حبيبتي والله يهدي الجميع

 

[HoNeY_GirL]

مشاركة: اخوي من شاف حلقه العوضي يبي يتوب ساعدوني ....

غريبه الدار
آميييييييين حبيبتي الله يسمع منج
ان شاءالله راح اشتري له اشرطه الشيخ خالد الراشد الله يحفظه

الحلا كله
آميييييييين يارب ويهديه للاحسن


بنات توه اخوي كان عندي وشكله متضايق مو عارف شنو يسوي لانه حييييييييل متأثر بحسين الاحمد وبجي عليه مو قادر يصدق اشلون كان وشنو صار اتحسون متردد يبي يبتعد عن الغلط بس ربعه الله يهديهم
بس حمدلله اليوم طلع كل اشرطته اللي موجوده بسيارته جيييييس اشكبره وقال محد يأخذ منه شيء بوديه اللجنه حمدلله يارب الله يتمم عليه

الله لايحرمني منكم ريحتوا قلبي بدعاويكم الحلوه

 

[حبيبة أهلها]

مشاركة: اخوي من شاف حلقه العوضي يبي يتوب ساعدوني ....

خبر يفرح اختي الغالية الله يوفقة لما يحبة ويرضاة تقدرين تشترين كل اشرطة العوضي واهم شئ نصيحة لوجة الله خلية يستبدل الاغاني بالاناشيد سبحان الله لانة راح يكون فراغ كبير وعلية بالصحبة الصالحة سبحان الله لهم دور فعال واختاري المشايخ المتميزين مثل محمد العريفي واذا كان يحب اسلوب الغير جدي سليمان الجبيلان والكتب مرة مفيدة مثلا عن سوء الخاتمة وفي شريط حلووو مرة لخالد الراشد واسمة الي محبي الاغاني اخوي سمعة مرة تأثر منة وسامحيني طولت عليك

 

[حبيبة أهلها]

مشاركة: اخوي من شاف حلقه العوضي يبي يتوب ساعدوني ....

تصحيح معلومة حق اختي على البال يوسف الصالح مدمن تائب وليس مطرب تائب وشكرا

 

[HoNeY_GirL]

مشاركة: اخوي من شاف حلقه العوضي يبي يتوب ساعدوني ....

حبيبه اهلها
يزاج الله خير حبيبتي بشوف الاشرطه اللي قلتي عنهم
وشكرا على تصحيح المعلومه