اخوي طقني

[نحوله عسوله]

الله يهدي ما بينكم ويهدي نفوسكم

 

[~.ąvȍƈaȚ.~]

حلوه هذي

غلط تروح تشتكي عليه و صح يطقها....زمن !!!

انا اقول زين سويتي فيه قلعته

المخافر ما انحطت بس حق الخدم المنحاشين والا الجثة المذبوحه

الله يعينج عليه بسس

 

[L a w y e R]

دام رياييل العايله مو قادرين عليه

رياييل المخفر انشالله قادرين عليه

وطالما اهلج عندهم علم وماحركوا ساكن ، زين سويتي

فرق العمر كبير ، وطوله وعرضه على قولتج مايشفعوله ولايخلونه يتمادى

الديره فيها قانون والا ليش حطوا المخافر ؟؟؟

 

[روائع الجوري]

احسن يستاهل نافش ريشه على شنو انشالله يوقف عند حده اتوقع الموضوع كبير والا ما كان رحتي يوم بكره يكسر لج سن والا ايد والايسبب لج عاهه وعلى شنو الله يسخره لج بس عفيه عليج زين سويتي الدنيا مو سبهلله

 

[خزنه]

والله غلط ومليون غلط وين قاعدين هذا من لحمج ودمج
وبعدين المفروض تدعين ربي يهديه مو تشتكين
ولا تقولين المخافر بتوقفه عن حده ترا من اللحين اقولج الي يقوقف اخوج عن حده انج تدعين ربج يفكج من شره
وفوق هذا خسرتي اخو وبيكرهج اكثر حتا اخوانج وخواتج بيكرهونج
نخيلي شعور امج وابوج بنتهم مشتكيه علا ولدهم
الله يهديج انتي واخوج

 

[مرا دلع]

مدري احس تصرفك غلط
بسس الله يهديه يااارب

 

[رجــــه بـس رزه]

زين تسوين فيه احسن يستاهل واااي قهرني اففف ..ماعاد فيه اخوان بس مناظر عالفاضي الله ياخذهم ويفكني منهم ..واللي تمدح اخوها وشاده الظهر فيه اشوفج باجر لاصارت مصلحته ضدج منو يختاااار ..((ياني بشوف المواضيع بالمشاكل الاجتماعيه اشكثرها ياااااااااااو))​

 

[Fiori]

زين تسوين فيه خل يتأدب وين قاعدين يطق اخته الكبيره

ويابنات اللي يقولون اللي سوته غلط ترا اللي ايده بالماي مو مثل اللي ايده بالنار والطق مو شي هين ترا لا وفوق هذا من اللي اصغر مني ..!!

ماعليج انتي ماسويتي شي غلط هذي بس لسعه صغيره له عشان مايعودها ويمد ايده

ياكرهي حق الرياييل اللي يطلعون رجولتهم على بنات .. استغفر الله ..​

 

[3oosh <3 MJ]

حبيبتي مب غلط، بس مب حلوة فحقج كبنت انج تدشين مخافر
كان الافضل انج تخلين احد من العايلة يتصرف معاه

 

["GloRia"]

امبـــــــــــــيه

غلط في غلط الـــــــــــي سويتيه

اشـــلون تشتكين عليه بالمخفر

ترى في حل ثاني انج تــقولين لابوج او خوالج او عمامج يمسكونه ويوقفونه عند حده

هذا اخوج من لحمج ودمج

 

["GloRia"]

والي تقوله الي ايده بالماي مو مثل الي ايده بالنار

حبيبتي ياما اخوي يكفخ فيني وابوي وقفه عند حده ولدرجه دخلنا خالي بالموضوع والحين ولا يمد ايده علينا

في تصرف ثاني تسويه قبل لا تروح المخفر تدخل احد من اهلها واذا مانفع تروح تشتكي

والله يهدي مابينكم

 

[ام زايد العتيبي]

:bbbiu:

انا اخواني كلهم بالثانوية ياما انطقيت منهم بالعكس استانس وافتخر لما اروح لامي او ابووووي اطلع انا الغلطانه بس سالفة تشتكين بالمخف مو حلوووه بسمعتج الصراحه

ههههه الحمدالله والشكر امبيه في ناس جلدها متعود علي الطق حبيبتي يعني اذا صار فيها عاها ولا انكسرت ايدها شنو ينفعها امها وابوها حبيبتي زين سويتي في ناس ما تفهم اذا المخفر ياخذ حقج زين سويتي ما عليج من اللي جلدهم متعود علي الطق ههه تقول ياما انطقينا ناس مريضه

 

[قطوة@@]

حبيبتي انتي ما سويتي جذيه الا شفتي الضيم من اخوج

اهم شي صحتج و عافيتج و اذا انتي مرتاحه مالج شغل من كلام احد

و اذا طحتي لا سمح الله من بقوم فيج


الله يكون في عونج

 

[منيرة بنت حمد]

تقدرين تغيرينه تخلينه يموت عليج مو بس يحبج
تعرفين شلون اعرفي كل فضايحه وقعدي هدديه اذا حاول يسوي لج شي
عند أبوي أو أمي أو اي شخص يخاف منه
صدقيني يصير خاتم بيدج اذا الكبار تنفع معاهم شلون واهو صغير
الفكره مجربه :rerrerek: تخيلي حتى اذا كان معصب عليج
و ذكرتيه شوي بنفسه بيتغير وبتروح العصبيه شلون واهو يبي يضربج
جربي وادعي لي و لا تسون زحمه بالمخافر:eh_s(15):

 

[بيلسآن~]

البنات الي يقولون غلط ولحمج ودمج ، اقولهم الي ايده بالماي مو مثل الي ايده بالنار !

صحيح غلط تشتكي على اخوها ، بس اذا هي مره مستضعفه وماتقدر تاخذ حقها بايدها وهو ماينفع معاه التفاهم ولا لاقي احد يوقفه عند حده واكيد راح يتمادى !


وياليت ع اسباب تسوى البنت تقول اسباب سخيفه ؟ مايصير جذي يعني عشان مره ماتقدر تدافع عن نفسها يطقها ؟ الرسوول قال رفقا بالقوارير يعني هو الغلطان موو هي عشانها بتدافع عن نفسها خليتوها غلطانه !




والله دنيا غريبه وتلخبطت فيها المفاهيم ، المخطي تخلونه على حق وتغلطون المظلوووم !

والاخو الي المفروض يحمي اخته من الذيابه الي حولهاا يصير هوو ذيب وتضطر تلجأ للمخفر عشان يحمونها منه


!


عموما اختي حاولي فيه يمكن الله يهديه وتصير علاقتكم زينه ، وادعي له بالهدايه

واحرصي انج تجنبين اي شي ينرفز اخوانج واهلج واكسبي امج وابوج يمكن يقدرون يصلحون الوضع

 

[بمبة المفترسة]

تقدرين تغيرينه تخلينه يموت عليج مو بس يحبج
تعرفين شلون اعرفي كل فضايحه وقعدي هدديه اذا حاول يسوي لج شي
عند أبوي أو أمي أو اي شخص يخاف منه
صدقيني يصير خاتم بيدج اذا الكبار تنفع معاهم شلون واهو صغير
الفكره مجربه :rerrerek: تخيلي حتى اذا كان معصب عليج
و ذكرتيه شوي بنفسه بيتغير وبتروح العصبيه شلون واهو يبي يضربج
جربي وادعي لي و لا تسون زحمه بالمخافر:eh_s(15):

سويت هالطريقة بس امي تدافع عنه دايما وماترضى عليه
اعرف كل فضايحه حتى البنات اللي يكلمهم اعرف اسماءهم
بس امي ماترضى وتفر راس ابوي ماعليك منهاا
وهو هذا طبعه من يوم صغير اذا ماخذا الشي اللي يبيه يطق ويكسر اللي جدامه
وللحين جذيه
حتى بالمدرسة يتهاوش مع المدرسين ابوي كل يوم رايح المدرسة

 

[بمبة المفترسة]

والي تقوله الي ايده بالماي مو مثل الي ايده بالنار

حبيبتي ياما اخوي يكفخ فيني وابوي وقفه عند حده ولدرجه دخلنا خالي بالموضوع والحين ولا يمد ايده علينا

في تصرف ثاني تسويه قبل لا تروح المخفر تدخل احد من اهلها واذا مانفع تروح تشتكي

والله يهدي مابينكم

اعمامي متوفين وماعندي الا خال واحد ومايتدخل بهالامووور
بعدين مو مييانة معاه شقوووله
ولو قلت له بتتدخل امي وتقول ماعليك منها كالعادة
البلاا بالام

 

[بمبة المفترسة]

والله غلط ومليون غلط وين قاعدين هذا من لحمج ودمج
وبعدين المفروض تدعين ربي يهديه مو تشتكين
ولا تقولين المخافر بتوقفه عن حده ترا من اللحين اقولج الي يقوقف اخوج عن حده انج تدعين ربج يفكج من شره
وفوق هذا خسرتي اخو وبيكرهج اكثر حتا اخوانج وخواتج بيكرهونج
نخيلي شعور امج وابوج بنتهم مشتكيه علا ولدهم
الله يهديج انتي واخوج

الكره موجود من زمان اصلا مانحتك ببعض نهائيا صار لي جم شهر ماشفته من اخر طقه
وكسر الباب علي بعد فخفت يتعود كل يوم يطقني ويكسر الباب علي
وياما دعيت حبوبة ماكو فايدة هذا طبعه
وفي ناس تشجعه
واخواني محد يدري عن الثاني كل من يالله نفسي
حبوني وكل كرهوني نفس النتيجة

 

[بمبة المفترسة]

عادي حبيبتي مافيها شي وربي في اخوان كنهم عدوينك مب كفو


بعدين وشو اللي يقولون سوي اللي تبينه ومدري شنو ليه هي بزر يعني


في شباب كذا متسلطين وخصوصا اذا الام ساكته




انا اقولك حقك تاخذينه بيدك ماعليك من احد



ودامك الكبيره لا طقك طقيه



شي ينرفز صراحه

والله يابنت الحلال ما اقدر له طويل وعريض ويلعب حديد
وياخذ حبوب اللي تطلع عضلاات وين اقدر عليه

 

[بمبة المفترسة]

جان كلمتي أعمامج او خوالج او احد قريب منج لإنج تسرعتي ،،،،، وصدقيني اخوج لو كان مراهق بالعشرينات باجر لي صار وماصار راح يضفج أبيته

ههههههههههه ضحكتيني وانا ماودي اضحك
محد يضف احد بهالزمن الاهل مايضفون عيالهم
تبين اخوي يضفني هذا اذا ما خلوني خدامة عند حريمهم
اخوي الكبير مسوي خواتي خدم عند مرته ودوا لها وييبوا لهااا
الحمد الله ما احتاج احد وشايلة عمري بس يفكوني من شرهم