اخوي بيتزوج مو كويتيه والاهل رافضين

[ام طيبه1]

الله يهديه حبيبتي هذول يدلعون الريال علشان يوصلون حق الي يبونه بعدين الله لايقول اذا توفي تزوج غيره نفس مرت خالي

 

[ألدلآل]

الله يسمع منكم يارب

الجادل الصعب .. اهو مسكين ياي مستانس يعني احسه ناطر هالشي من زمان على كلام الوالده تقول يعرفها من ايام دراسته
يعني تقدرين تقولين ناطر يتوظف علشان يتزوجها والله اعلم

اهي مو سالفه يجادل ولا يناقش , اهو حيل طيب ما يحب يزعل الوالده بكلمه فا سكت وقال خلاص ماني متزوج غيرها وسكر عالموضوع
اهو على نياته وما يحب عوار الراس اخوي واعرفه مايحب المشاكل والدندره


مادري ليش البعض يقول طمع شدعوه خوو الخير بس عند الكويتيين امبييه يعني شنو ترى كلنا بشر مثل ما احنا شايفين خير هم الناس شايفه خير

حدي مقهووره مادري ليش هالنظره ماحب التفرقه .. سوري بنات بس والله يا ان في كويتيات اهم اللي يطمعون وتطلع حق الولد قرون

مادري احس جذي لان طلباتهم ما تخلص .. من اللي شفته من رفيجاتي اللي متزوجين والله احس بس يبون ياخذون اللهم يا كافي
وتلاقينها لما كانت عند اهلها ماكله هوا وتزوجت وقامت تفلسف والله اعرف جم وحده جذي استغفرالله ياربي


ناطره باجي الخوات ومشكورين حبايبي عالكومنتات

والله يا انه كلامج عييييييييييييييييييييييييييييييييييين العقل

والله يوفق اخوج
:eh_s(7):

 

[miss_cuta]

الله يهديه حبيبتي هذول يدلعون الريال علشان يوصلون حق الي يبونه بعدين الله لايقول اذا توفي تزوج غيره نفس مرت خالي

منو هذول ؟؟
مشكوره اختي عالكومنت بس ترى اصابع ايدج مو سوا فديتج

 

[miss_cuta]

والله يا انه كلامج عييييييييييييييييييييييييييييييييييين العقل

والله يوفق اخوج

اجمعين يارب مشكوووووره فديتج

 

[ألدلآل]

لبنيانيات فيهم الزين وفيهم الشين
وهاذي مبين عليهم محترمه ولو مو محترمه جان ما رضى يتزوجها

والله يوفقه اذا كان له معاها نصيب

واسفه ع الرد بس حبيت احط رايي

 

[FeShinGoOo]

العرج دساس

 

[ماني من الناس]

واااي قريت كل الصفحات ابي اشوف شصار عليكم خخخخ فضول

بس صج اذا صار شي طمنينا

ومسكين اخوج شكله قلبه رقيق وحساس

وخل ياخذ وقته ويفكر عدل اذا صج يحبها ومايقدر ينساها وبيحس انه بيظلم نفسه لو اخذ غيرها ياخذها احسن من العذاااب واذا شاف ان الوضع عادي بدونها يعيش حياته


الا سوال عبيط

اهي موافقه او لا فتح لها سالفه الزواج مو يمكن مو موافقه من اساس

يعني حب من طرفين ولا طرف

 

[- BambeNo -]

أنا رايي من راي الوالده .. تبين الصدق أغلبهن مصلحه ومن
غير العادات والدين غير .. وكل شي عندهم فررررري وباجر
بتيبله عياله هم اللي بيتوهقوون ..الحل يصلي استخاره اذا الله
يسرله ووفقه بيكون خير له..

 

[om-3azo-83z]

انا مو ضد ياخذ مو كويتيه بس اتوقع امج و ابوج يدورون مصلحته لان بزواجه من وحده مو كويتيه وايد حقوق بتروح عليه و اغلبيه المو كويتيتات (مو الكل الاغلبيه) من يتزوجون و يتجنسون يتفعنوووووووون
ديري بالج انا اقول دوري وحده تشغل باله خطبوله غيرها

 

[رقـة الاحسـآس]

ترا محد سوا المشاكل الا الاهل
واخرتها الريال يا ما يعرس يا ياخذه وحده ما يباها و يعذبهاو يتعذب وياها العمر كله هذا اذا استمر زواجهم

كلمي امج و قوليلها خلينا نتعرف عالبنت و اهلها و تشوفونها
و ان جفتوها بنت زينه و اخلاقها حلوه ليش لا
بعد اللي بياخذها عربيه ولو مب عربيه
فالنهايه هو بيعيش معاها مب انتو

 

[miss_cuta]

مشكورين عالكومنتات

اهو مكلمها عالزواج وموافقه واهلها موافقين حسب كلامه ان البنت فاتحت امها بالموضوع ورحبت بالفكره

اليوم انا كلمت اختي العوده وقلت لها لان اهي تعرف شلون تقنع الوالده ,,, انا كلمت الوالده وقالت لي يصير خير

الدور على اختي .. اليوم زواره عندنا والحين كلهم موجودين ونشوف شيصير

 

[miss_cuta]

الا سوال عبيط

اهي موافقه او لا فتح لها سالفه الزواج مو يمكن مو موافقه من اساس

يعني حب من طرفين ولا طرف

الاثنين يحبون بعض


ومشكوره بعد عمري عالكومنت وقولي انشالله توافق لان اليوم اختي العوده بتكلمها

 

[miss_cuta]

العرج دساس

ممكن توضيح

 

[اخت خالتهم]

خلووه واذا رد فتح الموضوع زوجـووه

 

[اخت خالتهم]

بنات شالردود ؟؟ الدين و الاخلاق مو بالجنسيـة
ليش شكثر البنات اللي امهاتهم مو كويتيات !

 

[كربون امها]

انا راي اذا يحبون بعض ليش لا واذا كانت زينة
وخلوقة بعد بس حبيبتي راي امه مهم الكبار دوم لهم نظره
بالامور شالفايدة اذا تزوجها والام ماتبيها بعيش اخوج طول عمره بحسره لان بيشوف امج مومتقبلته خلي يصبرشوي
على امج يمكن تحس بتانيب الضمير والاية القرانيةالكريمه
تقول عسى ان تحبوا شيئا وهو شر لكم صدق الله العظيم

 

[miss_cuta]

والاية القرانيةالكريمه
تقول عسى ان تحبوا شيئا وهو شر لكم صدق الله العظيم

تصحيح بس يالغاليه ياريت تاكدين قبل لا تكتبين شي

( وعسى ان تكرهو شيئا وهو خير لكم )


حورفتي بالايه الله يهديج

يتبع بالرد اللي بعده

 

[miss_cuta]

باك

بنات اختي الكبيره كلمت الوالده وحاولت تقنعها والوالده وافقت تشوف البنت وتقعد معاها ومع امها

والوالده راحت اليوم بعد صلاه المغرب لهم

الخبر الحلو ان الوالده بلعت البنت وتقول شكلها طيبه وبنت حلال وتقول ان امها مره كبيره على نياتها ورحبت فيهم وشالتهم شيل لما راحو لهم


عاد باقي نسأل عنهم والله يكتب اللي فيه الخير انشالله

 

[miss_cuta]

ومشكوورين وايد وايد وايد على اهتمامكم وردودكم ونصايحكم عسى الله يخليكم لاهلكم فديتكم وحده وحده

 

[!! Ba6a 7lwa !!]

انا اقول قعدوا مع البنت وبتعرفون شنو مايتها

بس من وجهة نظري لو ولدي بيكون رايي نفس رايي الوالده الله يحفظها واهلنا اهما اللي يشوفونه ترى صح

والله يوفقه وييسر اموره يارب