اخوي بيتزوج مو كويتيه والاهل رافضين

[زوجة عزيز]

حاولو تقنعون امج عشان راحة اخوج مايصير يتزوج وحده مايحبها تالي يتحسف حتى لو مافيها اي عيب بس يمكن يحن للي يحبها او يتزوجها على زوجته راعو مشاعره

 

[شامبو]

ما انصح ياخذ غير كويتيه

عاداتهم و تقاليدهم غير
اقل شي اهم عتنهدم عادي يقعدون مع اعيال خالاتهم بدون حجاب

و اهو توه صغير ليش يفكر بغير كويتيه

و بنات الكويت ما عليهم زوود من ناحيه الاخلاق و الجمال و الاصل

 

[shy rose]

لو اخوج ولدي
كان منعته من الزواج طول العمر وخليته عزوووووووبي:eh_s(4)::eh_s(4):
يترك بنات الديره الزين والحلاة:rerrerek:
وياخذ وحدة لاتقاليد ولا عادات مثلنا:eh_s(10):
ولو انه يحبها من قبل هذا الحب بيتبخر بعد الزواج وبتبان النتيجه

 

[فمـــان الجــرح]

منو قال ان الزين والحلا مرتبط بجنسية !

و ليش نأكد على فشل اي زواج كان مختلف الجنسيات !

شنو هالنظرة المغبرة !

الراحة مالها شغل بجنسية ... ممكن ياخذ كويتية وما يرتاح لها ويحصل الطلاق لا سمح الله

كل انسان يحق له يعيش حياته براحة و سعادة

و ابسط حقوقه ان يحقق هالشي مع شخص من اختياره

برايي

مافي مانع يتزوجون

مو يمكن تصونه وتحافظ عليه وتداريه اكثر من الكويتية ..

لا تربطون الجنسية بالزين والسنع و الايمان

محد يحاسب البشر الا رب البشر



والوالدة ما اشوف رفضها له مبرر ... اذا بنت زينة و تخاف الله و مريحة ولدها

هذا المهم

و هذا اللي تبيه كل ام لولدها ...


صعب الريال ينسى حبه ... و سهل الوالده تقتنع باختيار ولدها

هذا المفروض يصير

 

[simone]

الله يكتبله اللي فيه الخير

 

[منال $]

والله كل شي بالدنيا قسمة ونصيب
وشو يعني تكون لبنانية
اهم شي انها بنت ناس وعايشة بنفس الكويت واهلها موجودين وعارفة العادات والتقاليد
واخوكي عمرة22 سنة والله ياقلبي هالايام مافي حدا صغير وبينضحك علية
خلية يستخير وادا من نصيبة راح ياخدها
وانتي احكي مع مامتك روحو شوفو البنت واهلها يممكن تتغير وجهة نظر اهلك فيها
والله يتمم عاخير

 

[shy rose]

منو قال ان الزين والحلا مرتبط بجنسية !

و ليش نأكد على فشل اي زواج كان مختلف الجنسيات !

شنو هالنظرة المغبرة !

الراحة مالها شغل بجنسية ... ممكن ياخذ كويتية وما يرتاح لها ويحصل الطلاق لا سمح الله

كل انسان يحق له يعيش حياته براحة و سعادة

و ابسط حقوقه ان يحقق هالشي مع شخص من اختياره

برايي

مافي مانع يتزوجون

مو يمكن تصونه وتحافظ عليه وتداريه اكثر من الكويتية ..

لا تربطون الجنسية بالزين والسنع و الايمان

محد يحاسب البشر الا رب البشر



والوالدة ما اشوف رفضها له مبرر ... اذا بنت زينة و تخاف الله و مريحة ولدها

هذا المهم

و هذا اللي تبيه كل ام لولدها ...


صعب الريال ينسى حبه ... و سهل الوالده تقتنع باختيار ولدها

هذا المفروض يصير

هذي وجهة نظر نحن ضدها
ولا تمت لمجتمعنا بصلة

 

[om.googi]

شفيها اللبنانية !!! ماعتقد كافرة ,, أحسن من هذيلا اللي يروحون يتزوجون من ورا أهلهم وياخذون من شرق أسيا

الرسول تزوج بيهودية بعد ما أسلمت وهذي القصة بالمختصر ( يعني أصلها يهودي )

صفية بنت حُيي بن أخطب (رضي الله عنها وأرضاها): بنت زعيم اليهود، حيث وقعت في الأسر بعد فتح خيبر، وكان أبوها وأخوها وزوجها قد قُتلوا في المعركة، ورفقًا ورحمةً بها خيَّرها الرسول صلى الله عليه وسلم بين إطلاق سراحها وإلحاقها بقومها إن أرادت البقاء على يهوديتها وبين الزواج منه إن أسلمت فأسلمت وتزوجها النبي.

( أعتقد اللبنانية شي هين وثاني شي عربية ) وثاني شي العلة مو بالجناسي بالأخلاق نفسها بس والله العظيم كل ما أقعد مع عيايزنا الله يخليهم لنا
لا طريتي لهم هالجنسيات قالولج وشفيها الكويتية! اقولهم مافيها شي بس اختيار الولد أو البنت للولد وهذي حياتهم محد جبرهم ..

مثل 4 اخوان ارباب سوابق ومخدرات وسكر وبينهم اخوي متدين اكيد بيقولون هذا كان مثلهم وتاب وشدرانه ما يرد مثل أول ويصف مع اخوانه !! الحكمة في قذف الناس بالخير مو بشي اهم ما سووه ..

وأمج لا تحكم من ناحية الجنسية راح تتعب مع اخوج ..

وأخوج له مربط من سكوته ,, بيخلي امج تفكر بينها وبين نفسها شاللي زود فيها اللي متمسك فيها ويوم قلت انا اللي أختارلك زعل .. اهني راح تبدي القصة وتقول خل نسأل عنها ونشوفها ,, الخ الخ الخ

والله يكتب اللي فيه الخير لو الله كاتب اهما لبعض راح يتزوجون حتى لو امج مو موافقة
بالأخير راح تطخ وترضى أو العكس ,, يمكن يتم الزواج على خير أو يتفنقش ,, الزواج مثل البطيخة
ما تدرين زينة من شينة ,,​

 

[om MaRyooM]

اخوج جم عمره ؟؟؟

يعتمد

اذا وايد صغير حرام يمكن بعدين يغير رايه ويظلم البنت معاه


بس لو اخوج كبير وقد مسؤولية معناته اهو عارف منو يختار

ومافيها شي لبنانية وشنو يعني ؟؟؟ اهل السنع والله

 

[عشقك وطن]

شوفي حلاة الثوب رقعته منه وفيه ‘ بس انا لو اخوي يبي من برا عادي ماعندي اي اعتراض

دام عارف البنيه ويبيها ليه اكسر بخاطره


من ناحيه امك الكبار صعب يوافقون بس اذا يبيها جد لازم يحاول ويحاول ويصبر لان هالموضوع يتعب

 

[تذكر خافقي رمحك]

انا مع امج
بنات الديرة مو ناقصهم شي
واذا عيال الديرة ماخذوهم
منو ياخذهم !!!

 

[ام محمد النصار]

سؤال للى اقولون الامثال ؟ الثوب رقعته منه وفيه هل هذا عن كلام الرسول عليه الصلاة والسلام واحنا مثلنا واحد بس سنة الرسول عليه الصلاة والسلام واتمنى واتمنى لا اتقولون امثال تتعارض على كلام خير البشر لان الرسول حلل هالشي اتمنى من كل الخوات يرجعون للدين قبل كل شئ ومافيها شئ لبنانيه خلى سئلو عنهم وخلى يستخير والله اوفق الجميع

 

[مرايم2009]

وجه نظري انج تكلمين اخوج وتتعرفين عالبنت اذا تستاهل اخوج قنعي امج انا ولد خالتي ماخذ لبنانيه عسسسسسسسسسسل امووووووووووووووووووت فيها والكل يحبها بس اشلون لازم انتو تحبوها وتحترمونها جذيه عمر المشاكل ماراتقرب منكم ماتتخيلين اشكثر نحبها حيييييييييل مثل اختي واكثر ابجي عليها وتبجي علي والله ان الكبر على الناس داهيه والتواضع احلى شي هاللبنانيه الي يوم ولد خاتي يابها انا محد كان راضي فيها ولا احد ايحبها الحين الكل يسال عليها ويحبونها خالاته وهماته جنها وحده منا والله بس لازم انتو تتقبلون واكييد فالبدايه راح تكون فيه مشاكل بس لازم تتخطونها عشان المركب تمشي واهم شي لحد يتدخل بحياتهم نهائيا وعسى الله يوفقه​

 

[دكتورة التطنيش]

انا احب الكويت واااااايد وكوني خليجية بصارحكم بملاحظتي اتمنى ماتزعلكم
لاتزعلون يابنات كويت بس في اكتشاف اكتشفته(نيوتن)
انكم لو يصير تعبدو الليبنانية بتعبدونهم(استغفر الله) كأنه على عيونكم غشاوة ماتشوفون بنات الكويت الحمايل بنات السنع والزين
لو واحد من ديرة ثانية بقول مب شايف خير لكن الكويتيات الي حطمن الشحرورة وناسي عجرم ولا بعد جويل بصراحة احلى
المشكلة حريمكم وعربكم كلكم مقصة قاصين عليكم هالزلامات والشامين والليبنانين..........وهلهم ماجرى.اللهم احفظنا منهم وابعد ديارنا من ديارهم وجعل كيدهم في نحرهم ومن ارد بنا سوء فاشغله بنفسه.

 

[Laidy n3ooma]

بيني وبينج ولد خالتي ماخذ لبنانيه ولا مسيحيه بعد

واسلمت عشانه وكاهي قاعده معاه بغرفه وحمام معنه مو غني

يعني مو كل اللبنانيات او العربيات داشين على طمع

بس حلات الثوووب رقعته منه وفيه ودام هو اختار الله يوفقه مع اللي اختارهاااا واقنعي امج

وقعدوا مع البنت وامها مره ومرتين و3 وصدقيني لو في شي امج بينقبض قلبها وانتي بعد من المره الاولى

 

[miss_cuta]

السلام عليكم بنات

بصراحه بعض الردود تضحكني شدعوه عليكم !!!! بنات العالم كلهم كخ والكويتيه بس اللي تعرف السنع ؟!

اول شي احب اوضح ان البنت لبنانيه ومسلمه واهلها مواليد الكويت هذا اللي عرفته من الوالده

الشي الثاني , البعض احس من ردها جنه اخوي متزوج عليها ! شفيكم اللهم يا كافي الولد بيتزوج
ما قللنا الكويتيه فيها عيوب ! بس هاذي اللي حبها .. نقوله غصب حب كويتيه ؟! لوووووول والله حدكم مو صج

واللي تقول بنات الديره مو ناقصهم شي ومنو ياخذهم اذا ما خذوهم عيال الديره .. ترى البنت السنعه نصيبها بيي لي عندها والريايييل مو خالصين ترى ..


نرجع للمووضووع ..

اللي تقول اخوج صغير ,, اهو فعلا صغير ٢٢ سنه وتوه متوظف اسمله عليه من سنه تقريبا
وانشالله قد المسووليه .. اما اللي تقول حب مراهقه هاذي قويه شوي ( ٢٢ سنه عمره مو ١٥ سنه ) لوووول الولد طول وعرض وموظف وشايل عمره وتقولين حب مراهقه الله يهديج



يتبع بالرد الياي ....

 

[miss_cuta]

سوري عالرد اللي فوق بس انصدمت من بعض الردوود حييييييييل .. في ناس شايفه نفسها مادري ليش .. ترى كلنا كويتيات بس لا تخلون العالم تاخذ فكره عنا ان عنصريين والله فشله استغفرالله ياربي


المهم


بنات انا كلمت اخوي وقلت له ابي اكلم البنت بتعرف عليها

اهوو كان قاعد بالصاله يطقطق بتلفونه

جان يرفع راسه ويخزني ( اووول مره اشوفه معصب بحياتي كلها ) .. على فكره اهو اصغر مني بس اول ما خزني طاح قلبي ببطني لوووووووول
قلت الحين بيحوشني كف يفر ويهي لووووووووووول يماااي شفته رفع حاجبه ويخزني قلت هالقبقب بيقوم ينام ببطني لوووووول

ملاحظه القبقب ( علوقه انا مطلعتها عليه من يوم دش نادي لووووول )

جان يقولي اي بنت تقصدين ؟ جان اتأتأ واقوله اللي تبينا نخطبها لك ..

جان يقولي قعدي ... قعدت يمه جان يسولف لي عنها

يقولي البنت خوش بنت واهو تعلق فيها لانها مو مثل باجي البنات ويقولي البنت ثقيله ومحترمه وبنت ناس

جان اقوله مسلمه ؟ قالي اي شرايج يعني

قلت له جم عمرها ؟ قالي ٢٤ يعني اكبر منه بعد

قلت له مو جنها كبيره ؟ قالي اي بس مو وايد بينا سنه ومادري جم شهر قال لوووووول حاسبهم ضحكني

قلت له ابوها منو , جان يسرد لي تاريخ العايله من الالف الى الياء .. طلع سائل عنهم وعارفهم عدل

قلت له شوووف حمنوو انا بكلم الوالده وبحاول اقنعها كثر ما اقدر


تدروون شنو قالي ؟ قالي الموضوع طلع من خاطري ادري ماراح اتزوج اعرف نفسي قبسه .. وقالي مافي شي بالغصب حتى لو خذيتها بالغصب محد بيحبها وانا مابي البنت تحس انها غريبه بين اهلي

جان اقوله عيل شبتسوي ؟ قالي بسكت لين تقتنع الوالده مابي احن واقبس على عمري




وسلامتكم هذا اللي صار اليوم


قالي لا تكلمين الوالده الحين


شرايكم اسوي اللي قالي عنه ولا افاتح الوالده بالموضوع ؟

 

[LadY BuG 80]

انا مع امج
بنات الديرة مو ناقصهم شي
واذا عيال الديرة ماخذوهم
منو ياخذهم !!!

خلاااااااااااااص راح نصيب بنات الكويت كلهم لو اخوها تزوج لبنانيه :؟؟؟

هههههههههههههههه

حبيبتي لا تتحسسون اذا كوتي خذ لبنانيه كأنه يعيب بنات الكويت سمله عليهم مو ناقصهم شي و هو ما عيب فيه خواته و امه منهم !!

بس هو حب هلبنيه قلبه تعلق فيها

نص شباب الكويت يروحون في عمر ازهور بحوادث سيارات ما قلتي يا ربي ليش تاخذهم منو بيتزوج بنات الكويت ؟؟ الموت قضاء و قدر ؟؟ و ازواج بعد نصيب و قضاء و مكتوب و محد تاخذ نصيب احد :eh_s(17):​

وجه نظري انج تكلمين اخوج وتتعرفين عالبنت اذا تستاهل اخوج قنعي امج انا ولد خالتي ماخذ لبنانيه عسسسسسسسسسسل امووووووووووووووووووت فيها والكل يحبها بس اشلون لازم انتو تحبوها وتحترمونها جذيه عمر المشاكل ماراتقرب منكم ماتتخيلين اشكثر نحبها حيييييييييل مثل اختي واكثر ابجي عليها وتبجي علي والله ان الكبر على الناس داهيه والتواضع احلى شي هاللبنانيه الي يوم ولد خاتي يابها انا محد كان راضي فيها ولا احد ايحبها الحين الكل يسال عليها ويحبونها خالاته وهماته جنها وحده منا والله بس لازم انتو تتقبلون واكييد فالبدايه راح تكون فيه مشاكل بس لازم تتخطونها عشان المركب تمشي واهم شي لحد يتدخل بحياتهم نهائيا وعسى الله يوفقه​

الله يسعدهم​

 

[شندوخه]

تبين الصج اخوج توه صغير ومو مفكر بالمستقبل عدل
اهو يحبها ويبيها وبس
ياما قرارات اتخذناها واحنا اعمارنا 22 و 23 والحين كبرنا وعرفنا انها غلط وشلون نظره اهلنا لها
لايستعجل ان شاءالله العمر جدامه والله يرزقه في بنت الحلال اللي تسعده

 

[miss_cuta]

اهو صح صغير
بس اخييتيي هالايام الليي يتزوجون ترى من هالعمر واصغر وترى امهاتنا وابهاتنا تزوجو اصغر من هالعمر بعد
ودامه متوظف وقادر يصرف وبيت العايله موجود يضفه ويا مرته ودام اللي يحبها موجوده وتحبه وبنت ناس
ماشوف ان في مانع

انشالله انه قد المسوليه وانشالله مو قاصره شي