اخوي بيتزوج مو كويتيه والاهل رافضين

[فطوم 84]

اقنعي اهلج ترا مافيه فرق اللبنانيات احلي بنات وناضجات وخبره بحياه صج ينحبون انا كنت اعرف وحده عسل ترا تشوفينهم نظافه ثقافه وطبخات درجه اولي وتحوف ريال تدلعه وجرييه ولسان عشان جذي تولع فيها اخوج

 

[Kensington]

الله يوفقه
ويكتب اله اللي فيه خيره
نبهية ممكن يواجه مشاكل معها
بخصوص العادات والتقاليد اذا الحين متفقين
يمكن بعدين يصير شي بحكم التربيه والمجتمع
وااذا البنت كويسه ليه لا

 

[miss_cuta]

والله يا بنات سالفه ثوب ورقعته وخياطه كلام ماخوذ خيره اسمحولي
ماله شغل الجنسيه بالسنع ياما كويتيات اذو رياييلهم ومايعرفون كوعهم من بوعهم

توني شفت اخوي داش البيت راجع من دوامه متضايق لما شافني قعد يبتسم يسوي روحه مو متضايق
احسه مقهور بس ما يتكلم

انشالله بقعد مع الوالده بقنعها واحاول اوصل حق البنت واعرفها واشوف اخلاقها وعسى الله يكتب اللي فيه الخير

 

[النوري نور عيني]

اخوج ان كان يحبها صج ..وما راح يغير رايه ..وبيحن على الوالده والوالد ...

 

[miss_cuta]

اهو حيل طيب وما يبي يزعل الوالده بكلمه خصوصا الوالده على طريف الله يحفظها ضغط وسكر فا ما يبي يضايقها او يحسسها انه بيكسر كلامها ,, اهو مرخي الموضوع .. اللي عرفته ان الوالد يقول كيفه بس الوالده الله يهديها راسها يابس انا ادري تبي تخطب له بنت خالتي بس مستحيل اخوي بيرضى اهو ما يواطنها اصلا لووووووووول

 

[miss_cuta]

اتوقع بيسكت لين يكسر خاطرهم الظاهر بيطبق نظام ( تمسكن لين ما تمكن ) لووول
بعد عمري اخوي عاد صج شيطون شوي بس قلبه طيب

انشالله اقولكم شيصير باجر لما اقعد مع الوالده

تصبحون على خير

 

[kuwaitya_zoGaa]

ما اشجع كلش ﻻنه اخوج ضعير وهالشي يعتبر نزوة واول حب في حياته كلمية وقولي لة باجر عيالك منو خوالهم ؟؟ اهم شي العادات والتقاليد والدين ومايندرا يمكن اهلها مو على دينا شراح يتعلمون العيال ؟ حتى تدخين الحريم عادي عندهم انا اقول لج حﻻت الثوب رقعته منه وفية وضكو الشالفة احشن

 

[انا لحبيبي .]

الله يكتبلكم يلي فيه الخير ،

 

[أم ميميتو]

الانسان بأخلاقه مو بجنسيته مو ضروري ياخذ كويتيه عشان يرتاح معاها و تسعده اكثر لبنانيات عندهم عزة نفس و شايفين خير و عندهم اذا الوحده تزوجت تعيش و تموت مع زوجها انا كويتيه ومعاشره لبنانين وايد محترمين و حبوبين انا زوجي لبناني وايد مرتاحه معاه ومع اهله الحمدلله الجنسيه مو اهم شي ولا كل شي اهم شي الدين و الاخلاق اذا صج اخوج يبيها و شاريها قنعي اهلج*

 

[Judy . abbot]

حبيبتي لا تلومين امج ترى مهما كان الام اهيا الي تحب تخطب حق ولدها
ومن كلام امج انها حاطه عينها علي وحده حق اخوج
لازم يوصلون حق حل وسط واحد فيهم يتنازل
مايصير يتزوج من غير رضى امه ولا يصير يتزوج وحده مايبيها واخر شي يطلق وتنظلم البنت
بس مشالله عليه اخوج شكله عاقل و خوش واحد والدليل انه ماحب يزعل امه عشان وحده
انشالله يارب الله يرزقه فبنت الحلال الي تسعده وتهنيه وتكون امه راضيه عليها
سواء نصيبه مع هاللبنانيه ولا اي بنت ثانيه

 

[قلبي عبدالله]

انتي مبين حيل فاهمه

ومدام اخوج كاسر خاطرج جلسي مع الوالده واقنعيها انه الافضل لاخوي يختار شريكة حياته بنفسه لانه هو اللي راح يعيش معاها مو احنا سواء كويتيه او لبنانيه

للاسف لازالت النظره للاجانب عقيمه وافكار لكبار صعب نغيرها

 

[Cander]

الله ييسر امركم اذا الزواج هذا فيه خير الله ييسرة واذا طمع الله يفككم منة

تذكرت سالفة واحد من الاهل

عقب عشرتة مع زوجتة 30 سنة راح تزوج عليها سورية

 

[حضريه وااايد]

حلات الثوب رقعته منه وفييييييه​

 

[sosowaty]

بيزعل الحين بس باجر بيرضا و بيدعي لامه

و بنفس الوقت اقول

استغفر الله اخاف باجر يتزوج له كويتيه و يظلمها و بيتم يتذكر اللبنانيه

ماادري والله

 

[يالبىآ]

بكون صريحه معاك

انا عندي من جماعتي ماخذين اجانب


امانتاً

كلش مو على قلب وبينهم رسميات
حتى لو حاولو يقطون الميانه
هم طبعهم حسااااااااااااااس مايتقبلون اي شي
عيشتهم وحياتهم غيرنا
كل بلد لهم طبعهم

اعرف ناس ماخذين
سويات ومصاريه
ولبنانيات

بنت ديرتك غيييييييييييييييييييييييييييييييييييييييييييييييييييييييييييييييييير

و الولد مافيه شي ليه ياخذ اجنبيه وش ناقصه

اذا يبي بيضا ولا شقرا ولا جسم

مومعقوله الكويت كلها مافي هالمواصفات ؟؟


مسكوه وكلموه بالمنطق
مثلا قولوله
بصراحه معروف الرجال اللي ياخذ اجنبيه فيه عيب
هل انت فيك شي
غلطان مع البنت لاسمح الله ولا شي
ماله داعي الناس تتكلم فينا ووووالللخ ومن هالكلام الزين
واذا انتو بنات مابعد تتزوجون قولو من بياخذنا اذا ماتفكر فيناا
الناس شتقول عنا كسرو خاطري بكم كلمه

وان شاء الله ربببببي يهديه
< اكره الرجال اللي كذا )= >​

 

[يالبىآ]

ملحوظه :
لاتجبرونه على شي

بكرى اذا تزوج الكويتيه وهو مومقتنع يوريها الوييييييييل

مالها ذنب

انتبهو لهل نقطططه

والله يعينكم ​

 

[فوفو22]

الحب لا يعرف الجنسيه

انا مع الموافقه بالزواج من اي بنت يحب الولد

حتى لا يتزوج بنت يظلمها معه عشان خاطر رضا اهله

الام رفضت يمكن قصدها تعطي فرصة اكبر يراجع نفسه اذا في مجال بتركها خاصة انه ببدايه العمر والشباب

والقرار بالاخير بيده

فوفو

 

[Miss^NeozZ]

لو مقتنع فيها الف بـ % كان نآقش او اعترض ..
بس حبيبتي هو شكله مو ماخذ الموضوع جد ..
نصيحتي لا تدخلين ..!

عدل كلامها

 

[شادن33]

خلوه يخطبها وتكون الخطبه طويله علشان يعرف مايتها زينه وانتو بعد تعرفون
لان أخوج يحليله صغير
ويمكن أتكون البنت حليوه وتحبونها علشان لايعاندكم

 

[بيتي بوب بس كويتيه]

يمكن خيره له
وأمج تشوف شي أنتو مو شايفينه