اخوي أخذ من مهري

[سفيره الكويت]

ماعليه خلي الفلوس تروح بس لا تسوين مشاكل باجر يطردج من البيت في ناس اذا طالبتيهم بحقج مايرحمونج ان شاء الله زوجج يعوضج

كل خير اهم شي كسبي قلب زوجج وخلج زينه معاه

 

[Tulips]

لا حول ولا قوة الا بالله
بدال لا اهو اللي يعطيج من جيبه
ماعليه حبيبتي عديها دفعة بلاء وفوضي امرج لله

 

[sosowaty]

اااااااب

 

[عبوره ماما]

اول شي الحمدلله ع السلامه والله يرحم اموات المسلمين
بعدين ياختي هو ماخذ من مهرك غصب انتي تصدمين بسياارته وتعدمينها وماتبين تصلحينها
و تقولين ليش ياخذ من مهرك > حطي نفسك بمكاانه معه فلوووس ولاما معه> انتي الي غلطتي وهذا درس لك
علشاان ياحلوه ماتعيدينها

 

[عبالي حبيبي]

خل حد من اهلج يكلمه علبو انج ماتدرين

موفقه وعسى ربي ييسر امورج

 

[جوجوو نايس]

حبيبتي ادعي الله يهدي اخووج ويسخره لج
كثري الدعاااء والاستغفااار
الله يعووضج بزوووج الصاالح ان شااءالله

 

[Mrs.Q]

حبيبتي لا تزعلين من كلامي بكلمج كٌخت تخاف ع اختها
شلون ترضين تركبين سيارة تتدربين علبو ماعندج ليسن وتبين تتدربين؟ ماهموج ارواح خلق الله؟ ترى يمكن بدال ماتدعمين وتخربين السيارة كنتي ممكن تدعمين بشر ويموتون حزتها موبس تدفعين مهرج راح تدفعين دبلات هذا اذا ماقطوج السجن
وشي ثاني هم انتي داعمة بالسيارة ومخربتها وهم انتي زعلانة لانج بتدفعين؟ اسمحيلي اصلا عيب ماتدفعين هذي سيارة حبيبتي اقل سيارة بالكويت تنشرا ب٦ الاف مع الاقساط اكيد بيصلحها
واللي يقولولج شرعا مايجوز غلط كلامهم انتي اللي شرعا واجب تدفعين فلوس التصليح وهذي حقوق ناس الله يحاسبج
اما الشي اللي يزعل بالموضوع اسلوب وتعامله وياج
بيني وبينج الرياييل يوم يعصبون ينسون طوايفهم ومفروض مايسب امج وابوج وانتي اللي تدرين اخوج شري ولسانه فالت ليش تتعرضين له وتطلبين سيارته
ادعيله الله يصلحه ويهديه وانتي لازم تديرين بالج على نفسج وماتسوقين بدون ليسن وراج عرس وواحد يبيج وناطر اليوم اللي تشوفون فيه بعض ووراج حياة حلوة ويديدة انتي انسي هالسالفة وكملي حياتج وردي المدربة احسنلج واضمنلج
حبيبتي لاتزعلين :**

 

[DALALEY]

عادي يبا كلها فلوس وهذا اخوج سندج بالدنيا ماصر الا الخير وانشالله ربي يوفقج بحياتج :*

 

[..<< ندى الورد >>..]

اهو قال هطيني فلوسالتصليح ماقال عطيني من مهرجيعني قصده من مصروفج لانج خربتي السياره ولازم تتحملين مسؤوليه تصليحها

ودامه ما اخذ الا ١٠ ٪ فعليه بالعافيه سيارته وخربتيها وطالعه وما معاج ليسن

انتبهي لـ هالنقطه قال عطيني فلوس التصليح مو فلوس من مهرج ..!

والله يهديه لكم

 

[..<< ندى الورد >>..]

^^^^^^
بدليات

سوري بنات لاني اكتب من فون

 

[!witcha!]

الله يهديه بس

 

[أحلى عروس 2012]

بناااااات سمعوني زين
أنا اطلع يم بيتنا واختار وقت مافي واحد حركة
وأخوي حالته المادية وايد زينة
طبعا الفضل لله ومن ثم لامي
بس الي تقول من حقه شلون من حقه
وانا لأني موظفة ولا شي
واهو مو سندي ع قولتكم
طيب ليش ماسندني وقال لي
فدوة لج يااختي
والله يابنات ماودي اشوف رقعة ويهه
خلاص الي ماسندني وانا محتاجة
هذا اخو ع الورق بس
اولا اسلوب ماكو خير شر
وثانيا حالته زينة والي سواه عيب
لانه اهو المسؤول كوني بيته
وع فكرة اخوي من النوع الي يحب يسوي نفسه
أنا وبس
واهو مايسوه
وع فكرة والله من اكتب كلمة اخوي.
احس قلبي يعورني
لانه هل الكلمة مو له
ولا اهو فيه خير من البداية مسكني وعلمني
بس اهو مافيه خير
اكره يابنات
اكره

 

[nany_82]

هونيها حبيبتي
ولا تعطين الموضوع اكبر من حجمة
الفلوس مو كل شي بالدنيا
اهم شي الاخوة

 

[gala q8]

الله يهـديــهْ يآرب ’’

 

[اشلون يعني &]

غلطتج لازم تتحملينها حبيبتي لو ماعندج فلوس وتخلى عنج هني تكلمي

 

[بدلية]

معاه حق يمكن يبي يعطيج درس ان الي سويتيه غلط عشان مايتكرر
بس ميخالف لا تحرين عمرج الحين اتوقع بردلج اياهم ان شاء الله

 

[غير كل الناس]

شكلج بخيله ؟؟؟؟؟؟؟؟؟؟؟؟؟؟؟؟؟؟؟

السموحه اتقشمر

اقول جعلها فدوه له يابنت الحلال

راح اللي اغلي من الفلوس

وكم اخذ امانه

وليش متازمه

هونيها يابنت الحلال

 

[أحلى عروس 2012]

في ردود ضحكتني
ع كل حال الف شكر ع تفاعلكم
وانا ماهمني الفلس بس همي وقفته معاي
الحمد لله ع كل حال
والحمد لله ع سلامتي خخخ
بنات اي وحدة تبيني أوصلها من عيووووني
لووووووووول*

 

[^^ريهام^^]

تبين الصج

معاه حق

انتي خربتي سيارته والسيارة محتاجة فلوس

اذا تنازل عن حقه فهذا كرم منه

واذا لا يظل حقه , وانتي عندج فلوس حتى لو مهر , اخرتها تصرفينها على خلاجين

انتي اللي حساسة

 

[بحر الرمال]

اهو ما اخذ من مهرج, انتي خربتي سيارته و اهو اخذ ثمن التصليح و هذا من حقه
يعني لو اهو داعم بسيارتج ترضين عادي؟