اخووي وبنت خالي ساعدوني

[!! شوق !!]

حبيبتي نصيحتي خلي اخوج يستخير .. واسألوا عن البنت حتا لوو كانت بنت خالتهم
راعين هالسوالف تفوح ريحتهم والشباب يعرفون كل شي ..
ولا تاخذين على كلام البنت دامج ماشفتي شي بعينج .. يمكن انها غيرانه بما انهم بعمر واحد ورفيجات وان هاذي انخطبت قبل .. يمكن في شي وحبت تزلغ واير .. الا هالامور محد يتسرع فيها ..

واذا البنت هاديه ومايبين عليها ماتدرين يمكن هالزواج يغيرها لما تجرب هالاحساس بالحلال ..

من رايي لاتسرعين وتقولين اي شي

 

[حبي حبيبي]

اولا لاتحكمين على البنت من كلام رفيجتها الل اهيا بنت خالتج
يمكن غارت لانكم اخترتوها وما اخترتو بنت خالتج شدرااج !!!!
ولا تقولين حق اخوج
واذا صج يمكن البنت ينصلح حالها بعد الزواج !!
واخوج حر
والله امر بالستر لا تفضحينها الدنيا دواره بعيد الشر !
وهذيبنت خالكم منكم وفيكم

 

[Tom ♥ Jerry]

.

حبيبتي آنتي مو متأكده من الكلآم
اذا تأكدتي 100% بعدين لزوم تبلغين الشيخ بالسالفه
لأزم تقولين حق أخووج ..

 

[om al ghaleen]

حببيتي حتى لو البنت عندها سوالف باجر لاتزوجت بتصير غير
يعني اهي ماكلمت وماخربطت الا تبي زواج
ومافي بنت ماتبي ستر "


ولاتاخذون بكلام اي احد الظلميه شينه

\\

 

[♥ ݤليے ﻁﻔووله ♥]

رد : رد: اخووي وبنت خالي ساعدوني

يمكن البنت الي سألتيها تبي اخووج وخايفه يطير من يدينها >>> لووووووووول

وبعدين اهم شي اخووج يستخير قبل يتقدم رسمي


والي الله كاتبه بيسير

 

[BiiShOoO]

لا تقولين له و لا لاشي

يمكن بنت خالتج محترة منها و الا لو اهيا صج رفيجتها حيي جان ما فضحتها

 

[المـــــها]

قوه بناات

انا دايما ادش المنتدى، وارتاح حق ردودكم،فقلت اعرض عليكم مشكلتي واتمنى
انكم تساعدوني فيها..
بنات اخوي من زمان كان يبيلنا ندورله وحده*وقبل شهر تقريبا قالي ان امي رشحتله بنت خالي واهو قال اوكي عاد خذا رايي انا واختي قلناله خوش بنيه ماعليها كلام، عاد اهوه قال بياخذ رايها قبل لا يتقدم لها رسمي، كلمها بالمسنجر ووافقت، ومحد يدري بالموضوع الا انا وامي واختي، عاد قبل جم يوم انا قلت حق بنت خالتي عن الموضوع واهي كبر هالبنت وواايد معاها وكل اسرارهم عند بعض ،وقلتلها شرايج بفلانه قالتلي ان اهي زينه لكن امانه هي عندها سوااالف شباب وجذي، اناا انصدمت البنيه كلش مو مبين عليهاا، والحين ضااق خلقي ومادري شسوي !
لان اخوي كلمها واهي وافقت عيب فشله يرد بكلامه ! وانا مااا اقدر اقوله هالحجي عنها بصراحه ؛( وانا من قالتلي بنت خالتي عن سوالفها تضايقت وكرهتها ومابي اخوي ياخذها شسوي الحين حدي متووهقه !:cxxxp:

أولا
ليش انتي ما سألتيها بنفسج ؟؟؟؟

ثانيا
لا تصدقين كلام الناس



و سلامتج

 

[DO3A2]

استخيروا ... وماعليج من كلام الثاني
وربج بالاستخاره بيعدل الامور

 

[ورق عنب]

شلون رفيجات وحيل مع بعض وتفضحها !!!!!!!!!!!!!!!!!!!!!!! حتى لو فرضنا صح الكلام شلون تتكلم عنها هذي اللي فتنت ماتستحي على ويها ..... واصلا يمكن تجذب وتبي بتخرب على البنت لغايه عندها.. ماندري مانعلم بنيات الناس بس كل شي وارد ...

عموما اصلا ليش ماتسامحينها لو كان الكلام صج .... ولا احنا بس نسامح الرياييل !!! يمكن خرابيط بنات ومراهقه او يمكن خرابيط نت لا اكثر ولا اقل ...

خل اخوج يستخير ...

 

[غلا رشرشها]

لا و الله حرام عليــج دآآم انج واثقة فيهآآآ لا تسمعين لبنت خالتج يمكنها غيرآآنة

دام بنت خالج تعرفينها توكلوآآ على الله و خليه يصلي الاستخآآرة

و الله يوفقهــم قولي يآآرب

 

[روحي تحبه غصب]

رد: رد : اخووي وبنت خالي ساعدوني

اذا جائكم فاسق بنبأ فتبينوا قبل ان تصيبوا قوما بجهاله وانتم لا تعلموون
شدراج يمكن محتره لانكم ما خطبتوها وبتخرب

صاجه انصاريه


وبعدين حبيبتي لاتنسين انها بنت خالج انتي ستر لها واهيا ستر لج:friends:

 

[مدام زيزو]

رد : رد: اخووي وبنت خالي ساعدوني

ان بعض الظن اثم

 

[((shoOoshoOo))]

ماتدرين اذا اهيا صج تكلم شباب ولالأ يمكن البنت محتره منهااا

او اذا كانت صج تكلم ماتدرين يمكن تابت وتبي تتزوج

في كلتا الحالتين اخوج اهوا اللي اختارها ويتحمل كل شي

 

[tota-elktkota]

حبيبتي لو بنت خالتج الي قالتلج هالحجي رفيجتها وتحبها جان ماتكلمت يعني المفروض ماتفضحها
واخوج ممكن ياخذ من بره وانتو ماتعرفونها ولا تعرفون سوالفها والحين نادرين البنات الي مايكلمون شباب وماعندهم سوالف
فبنت خالج احسن شي عالاقل تعرفونها

 

[ريتااجي]

رد : رد: اخووي وبنت خالي ساعدوني

حبيبتي لاتظلمين البنت

اذا على قولتها انها تكلم شباب ليش ماحاولت تنصحها ؟؟

والا علشان عرفت انها راح تنخطب صارت البنت تكلم شباب

 

[مس سلفرج]

امممم
اولا : يمكن البنت تجذب وتغار منها
ثانيا: دامها وافقت بالاكيد راح تمحي كل ماضيها واكيد محافضه على نفسها
ثالثا: بنت خالج من دمج ولحمج لاتكرهين البنت هذا ماااضي

دام اخوج مرتاح خلااص البنت رااح تتسنع ... وبصراحه قولي للي وصلت لج الحجي انج راح تكلمين بنت خالج وتشوفين الحجي صح او جذب اهني راح تخاف وتعترف اذا كان صج او جذب بس مجرد حجي مو صج تروحين تقولين للبنت واستري عليها

 

[يمة يادلبي]

حتى لو كلمت
ماله داعي تقطعين بنصيبها
وايد بنات يغلطون قبل الزواج وبعد الزواج يكونون من احلى مايكون

 

[أبله شقحه]

الله يستر عليها

 

["GloRia"]

شكلها محتره منها وبتخرب عليها ومالكم شغل فيه والله يوفقهم واذا كان من نصيبها بتاخذه انشاءالله ,,

 

[نشيج الروح]

البنات الي يقولون المفروض بنت خالتها تستر بس هذا زواااج يعني إذا استرت وهي تدري ممكن تهدم بيت ولد خالتها صح ؟! وإذا تكلمت أفشت سر ...

عشان جذي أعتقد أنه عادي تطلع عيوبها لأن هذي حيااااااااااة وعياااااال ومستقبل مو لعب يهاااال...

والحل إما تكلمين بنت خالتج وتقولين لها تهد هالسوالف وتمشي الحياة ... أو خلي بنت خالتج الي تعرفها عدل تكلمها تكون واسطة بينكم ... أو أنتي قولي حق أخوج ارفضها لأنها ما راح تناسبك وأنا سألت بنت خالتي هذيك عنها والله يستر عليها و....إلخ من الكلام ويفضل أنج ما تقولين له ليش وإذا بتقولين له لازم تأمنين أخوج أنه ما يقول لأحد ...