اخوك من امك واخوك من ابوك دعوة للنقاش

[^حبيبة الكل^]

السلام عليكم ورحمة الله وبركاته

كنت قاعدة بيمعة حريم و الا وحدة تقول مقولة حدها أثرت فيني و يمكن اخنقتني العبرة منها الا وهي ركزوا بالكلام عدل خاصة الي عندها اخوان من ابوها

** اخوك من امك مثل الثوب الي يلمك ...و اخوك من ابوك مثل القوم الي حاربوك**
ما مدى صحة هالمقولة وليش انقالت وليش الاخوان من الابو مثل القوم الي يحاربون

ليش الحقد و ليش الكره بينهم ؟؟ هل اهي سنة الحياة وفطرة فطرنا الله اياها و الا اهي شي ذاتي ينبع من البيئة

بس انا اقول يمكن يمكن مو اكيد انها فطرة و الدليل سورة سيدنا يوسف لما اجتمعوا و تآمروا عليه مادري هالمقولة الي

نقالت وااااااااايد اثرت فيني ليش مادري

اترك التعليق و النقاش لكم​

 

[رغم كل الحزن]

رد : اخوك من امك واخوك من ابوك دعوة للنقاش

** اخوك من امك مثل الثوب الي يلمك ...و اخوك من ابوك مثل القوم الي حاربوك**
صحيح كلامها 100%
وانا وحدة مريت بتجارب بينت هذا الكلام وانا من بنات الزوجة الثانية..
.وازيدك من الشعر بيت يحسدونك على كل شي وظيفة .زواج .محبة الناس ومدحهم لك.
واخيرا ما الا الله يخليلنا امي وابوي لان من بعدهم علوم

 

[^حبيبة الكل^]

رد: رد : اخوك من امك واخوك من ابوك دعوة للنقاش

** اخوك من امك مثل الثوب الي يلمك ...و اخوك من ابوك مثل القوم الي حاربوك**
صحيح كلامها 100%
وانا وحدة مريت بتجارب بينت هذا الكلام وانا من بنات الزوجة الثانية..
.وازيدك من الشعر بيت يحسدونك على كل شي وظيفة .زواج .محبة الناس ومدحهم لك.
واخيرا ما الا الله يخليلنا امي وابوي لان من بعدهم علوم

طيب ليش و ليش بنات الزوجة الثانية مكروهين او بالاخص محاربين من عيال الزوجة الاولى
ليش ما الكل ينسى ان الاب تزوج على الام و ان هذيل اخوان و ان رب قدر لهم هالنصيب
سبحان الله الله يصلح الحال

 

[رغم كل الحزن]

رد : اخوك من امك واخوك من ابوك دعوة للنقاش

تخيلي حتى ابوي يشتكي من معاملتهم معا ابوي ماقصر معاهم بأي شئ يخصهم..
ولحد الان ماحد جاء يبارك لابوي باالشهر؟؟وهذا احنا بشهر الرحمة والخير...وهم يبينون للناس انهم متدينين حيل.
واقول بنفسي هذا الشي يسونة بأبوي شلون احنا من بعد عينة معا احنا نحبهم حيل وامي ماهي امي وامدحها طيبة حيل معاهم ولايوم قالت لابوي اللي يسونة فيها امي طيبة ويسون جذية شلون لو امي من زوجات الاب الظالمة واذا شفناهم ننسى اللي سوه بابوي وفينا .
ادعي كل يوم ربي يخليلنا ابوي لان احنا من بعدة ولاشي .
ولو بحكي يبغالي وقت طويل.
دعواتك اختي.

 

[عاشقهH]

حبيبتي لان الام هي قاعدة البيت اذا صلحت صلحت كافة الذريه واخربت خلاص على العايله السلام اهي تعلمهم التسامح ونظافه القلب وصلة الرحم ...

 

[كرز حالي.]

رد : اخوك من امك واخوك من ابوك دعوة للنقاش

مادري انا ماجربت هالشي بس احس علاقة الابناء من الام تكون قويه جدا يمكن لان الابناء يميلون للام وارتباطهم للام اكثر
بس فعلا الام تلعب دور بهالشي
يعني اذا الام صالحه وتنصح ابنائها بصلة الرحم اكيد يتغير هالشي

 

[حجيه هيونه]

عشان الام اهي الى تزرع بالعيال الكره والحب

اممممم هالموضوع شايفته وايد عيال الاب من ام ثانيه كانهم اعداء مو اخوان


الله يهدي الجميع