اخوك من ابوك و اخوك من أمك دشوا خل نتناقش

[غير كل الناس]

من وجهه نظري


الحريم لهم دور كبير بالطبيه والعاطفه

شلون؟؟؟

يعني اخوان من الام ////// الام لها دور كبير في انها تقرب بينهم

اخوان من الاب ////// مرت الابو ماتسوي خير بين الاخوان دايما تزرع الحقد بينهم

وطبعا هالكلام ماينطبق علي الكل في حريم ابو اقرب من الام نفسها وطبعا ماندر

 

[Judy abbott]

رد : اخوك من ابوك و اخوك من أمك دشوا خل نتناقش

والله ما ادري ما جربت

بس يعــود على التربيــه الاهل اذا زرعو بين الاخوىن الحب او الكرهه والحقد

 

[sweet cake]

ابوي ما عندي خوان من امه وابوه .. عنده من امه وعنده من ابوه.. واللي من ابوه اقسميهم 2 لأن حريم جدي ثنتين

اللي من امه وعيال وحده من حريم جدي يعاملونه كأنه ابوهم .. بالذات عيال مرة جدي.. حتى الابو ما يحترمونه جذي.. الله يخليهم وحفظهم ان شاء الله .. اما عيال مرة جدي الأولى يبطون الجبد وما يخافون ربهم وسوالفهم يشيب لها الراس.. سواء معانا ولا مع عمامي الثانين ولا مع الناس بشكل عام..


وخوان ابوي من امه مع اننا ما نشوفهم الا قليل لأن بيتهم بعييييييد بس علاقتهم بابوي جدا قويه

وامي خواتها واخوانها من امها وابوها قراب منها حيل بس خوالي 2 واحد على طول يجيها وبس يبوس ايدها مع انها مو كبيره بس هو جذي والثاني ما نشوفه الا بالمناسبات .. مو قطاعه منه بس يعني هو لاهي بالدنيا
اما خوانها وخواتها من ابوها .. خواتها مالنا شغل فيهم بس بالمناسبات وقفتهم حلوه ما عدا وحده ما تسلم خير شر وشرها منتشر عالعائله كلها..
اما خوانها كل واحد لاهي مع زوجته ما عدا واحد.. حييييييييييل يحب امي وابوي وواصل فيهم اكثر من خوالي الباقين

يعني مو شرط المقوله صحيحه .. هي عالتربيه وتراكمات من الصغر..

 

[lovely jojo]

مو قاعده ..

 

[om...al3ess]

لااااااااااااااااااااااا طبعا اخواني من امي ما اعتبرهم اخواني اصلن حتى كلمتة اخواني ما اقوولها لهم ........اما اخواني من ابووي اي اقول اخواني لانة باجر يصيرون على قلبي اما من الام لا حق اهلهم مو حقنااااااا............

 

[& مــشــايــخ &]

موووشرط

اهو عن اللي الله يحط فيه البركه

امي اخوانها من ابوها كانو اقرب لها من اللي من امها وابوها

 

[شنشووونه]

احس هـ الشي يعتمد على تربية الام حق عيالها

اذا هي بتزرع الحقد في قلوبهم على اخوانهم من ابوهم اهني المشكله

وعن تجربتي بقولج الكلام صح للاسف اخواني من ابوي مشااكل في مشاااكل لاخر درجه

مابي اجيب طاريهم الله يهديهم حق نفسهم

بس بعد عندي صديقاتي علاقتهم مع اخوانهم من ابوووهم ممتااااااااااازه ويحبون بعض

مثل ماقلت في البدايه هالشي يعتمد على تربيه الام

الله يهدي الجميع ان شاءالله مادري وش ماخذين من الدنيا

 

[Loutes]

رد : اخوك من ابوك و اخوك من أمك دشوا خل نتناقش

لا بالعكس كلهم سمن علا عسل من تجربة