اخوج يي ويقولج انا .....؟؟؟؟

[7andoosa]

شوفي اختي في البدايه راح اضيق خلقي و احاول انصحه ..
وان الحياه جدام يمكن تواجهم مشكله ...
و اخليه افكر بالموضوع بروووحه و اخلي على راحته اقلبها اب مخه ...
بعدين اذا شفته اقتنع خير و بركه .. و اذا لا ... ابدي خطوه ثانيه ..
عشان ما اظلم اخوي و اظلم بنت الناس .. اسال عنها و عن اهلها و تربيتها و اخلاق بيتهم سنعين راقييين مرتبين بيئتهم مقاربه حق بيئتنا و لا لا ... اشوف البنت ذربه تناسبنا من ناحية الاخلاق و البيئه بغض النظر عن المذهب (لان انا الحين امام امر واقع و اخوي يبيها )
اذا البنت و اهلها و النعم فيهم ... حرااام اكسر اب خاطرهم ... و الله يوفقهم ...
بس كلشي بالهداوة ممكن ينحل و بالتفكير ...

 

[cherry kisses]

عن نفسي عندي 3 اخوان راح اوافق اذا البنت كانت زينه واهلها زينين
عادي والبيثه الي عايشين فيها احنا تساعد على هالشي
اهلي من صوب امي وابوي كله متزوجين من مذاهب مختلفه بنات وشباب والعكس وحياتهم مرتاحين وعايشين احسن عيشه

 

[al3sooola]

بالعكس انا وجهة نظري شيعيه اوسنيه ما يمنع كلنا مسلمين بالنهايه

صح كلامج :eh_s(15):

 

[عالمي انا غير]

ونعم بكل الناس

بس في عندنا عادات مستحيل يتجاوزونها اخواني اعرفهم مستحيل يطلعون عن العادات ونعم بكل الناس بس اعرف كم بنت تزوجت رجال مو من مذاهبهم وصارت بينهم مشاكل ماتنتهي طبعا حنا ومع احترامي للجميع مستحيل نطلع عن العادات

 

[خوااطر]

ماراح أوافق إلا إذا وافقت تغير مذهبها لمذهبنا

 

[adios]

يسعدلي اوقاتج حبوبه والله انا بدوري بقوله عن بعض المشاكل الي ممكن تصادفه بس بالنهايه الامر متروك له هو يختار البنت الي يبيها تكمل معاه حياته
اذا اخوي يحبها ومتقبل انها من مذهب ثاني ومرتبين امور حياتهم الله يوفقه انا شبي غير راحة اخوي

انا معاها :rerrerek:

 

[بنت حلال]

لا ااااااااااااااااااا والف لا

الدنيا حيا وموت...عيالك بتربيهم امهم على مذهبها!!!
اذا ها الشي عادي عنده..معناته اهو مو متمسك بمذهبه وفكره!!!!!!!!

معارضه وبشده...لو ازعل عليه واخليه غصب يغير رايه!!!

 

[المرتاحة]

انا استغرب من اللي مشتطين وحمقانين وموراضين على هالزواج

صح نعترض ونحاول نقنعهم بس بالنهايه انتي مو بيدج تربطينه بحبل من رقبته و تمشينه على هواج

وبعدين انا اعرف اخواني واعرف اخلاقهم واعرف شخصياتهم اذا شفت اخوي ما باذنه ماي راح اروح واشوف البنت واكلمها واعرف على الاقل مبادئها واذا شفت فيها شي احتمال يسوي مشاكل معانا راح ابين لها واوضح لها من البدايه وانبه اخوي على هالشغله بعد يمكن هو غافل عنها

واذا على الاختلاف اشوف يعني عادي ياخذون مسيحيات وماكو مشاكل اذا صار كل واحد فيهم يحترم دين الثاني ويتفقون من البدايه ان العيال يتبعون ابوهم في الدين

 

[قاهره عذالي]

ما اتدخل

هو كيفه

دام يحبها

الله يوفقه

 

[*ريما*]

لا ماوافق
واحاول اقنعة

 

[[ NOUF ]]

اعتقد بتكون ردة فعلي عاديه او ايجابيه بشكل اوضح
بس المشكله الكبيره اعتقد تكون من المجتمع .

 

[ScarletteO'Hara]

و انا شكو اوافق و لا ما اوافق؟
اوكي انا اخته الكبيرة
بس مادام امي و ابوي الله يخليهم راسهم يشم الهوا و راضين بالموضوع انا ماراح اتدخل
اذا اخوي ريال عود و فاهم ماراح اتدخل لانها حياته و هذا اختياره
و منو قال عاد اذا اعترضت بيلقيني ويه؟

 

[توكلت على الله 22]

لا ماوافق
واحاول اقنعة

 

[انصاريه قمره]

ما اشوف فيها شي واذا عالعيال اكيد على مذهب الاب

 

[الجفووول]

في فرق بانه يبلغني ويبي شوري وبياخذ بنصيحتي
والا اهو اساسا مقتنع وبس بيعطيني خبر ..

خلي المشاكل والاهل على صوب

العيال على اي اساس بيتربون !!!

طبعا ماراح اوافق

 

[w7shia]

آآككيد عااادي ومافيها شي اهم شي البنت اخلآقها عاالية وزينة !
وفووق هذا كلة "بححححبهـآ"
بس الحمد الل االحمد الله االحمد الله
اني بـ عايله فيها سنة وشيعية
يعني ماكو فرق بينـآ ووولا مرة سسسمعت اححد بـ العايله تهاوش ع سالفة المذاهب وماادري شنو
!
فـ الحمد الله !
ويعني لا ناخذ سالفة المذاهب اممم ماادري شلون يعني اذا واحد شاف واحد ثاني بمذهب غغغير عن مذهبة
ينفر من ويعصب وماادري شنو !! ليش؟!؟

المهم قرقرت وايد
قوآج الله

 

[Hi--class]

َََ


محد يفج هالمشكله الا راعيها..
الصبي مقتنع بالبنيه؟
البنت مقتنعه بالصبي؟
ترا سالفة المذاهب جدا هينه بالوقت الحالي ..لأان الحمدلله كلنا نصوم نصلي نزكي اما الاشياء الفرعيه كل واحد ومذهبه
لو انا اييلي واحد مختلف عن مذهبي..لكن على خلق ودين وما يتعرض لمذهبي بسخريه ويحترمه اوافق الصراحه ومافيها شي واخيرا كلنا مسلمين مو يهوود ..
وثاني شي العيال لما يكبرون يصلون مثل ما يبون اهما وما يفرضون عليهم رايهم ..
اما اذا كانت البنت متشدده لمذهبها والصبي كذلك ماعتقد بينجحون ..


َََ

 

[(جووونم)]

اوووووووووكي بنات

وجهات نظر احترمها وجميله وانا وياكم

بس في شغله غفلتو عنها

ترا يجمعنا دين واحد ورب وااحد ونبي وااحد وبقولكم على معلومه !!!

تتدرون المسيحيين عندهم مذاهب اللي اهمه كاثوليك وبروتستاتنت !!!

يموووووووتووون على بعض واحنا حظرتنا حاطين حواجز بين بعض

ليش ما نكسر هالحواجز دامنا مسلمين !!!
ترا كلنا نفس الشي

!!!

ودام سمعت وجهات نظركم بقولكم المشكله بنزلها موضوع

تخص وواحد من الاهل

 

[الفدنه]

خل يستخير بالاول ..
ومااشوف فيها شي غلط كلنا مسلمين..
بس المهم تكون عقولهم متفتحه ويتقبلون مذاهب بعض..
عشان لا تصير مشاكل بعدين..
والله يكتب لهم اللي فيه الخير..
وطبعا كلميه بهدوء وبدون عصبيه؟؟

 

[المرتاحة]

اوووووووووكي بنات

وجهات نظر احترمها وجميله وانا وياكم

بس في شغله غفلتو عنها

ترا يجمعنا دين واحد ورب وااحد ونبي وااحد وبقولكم على معلومه !!!

تتدرون المسيحيين عندهم مذاهب اللي اهمه كاثوليك وبروتستاتنت !!!

يموووووووتووون على بعض واحنا حظرتنا حاطين حواجز بين بعض

ليش ما نكسر هالحواجز دامنا مسلمين !!!
ترا كلنا نفس الشي

!!!

ودام سمعت وجهات نظركم بقولكم المشكله بنزلها موضوع

تخص وواحد من الاهل

اممم حبيت بس اعلق على شغله

بالعكس المذاهب المسيحيه دايما يتداحرون بيناتهم ووايد مذاهبهم ترى مو بس كاثوليك و بروستانت في بعد اليونيتيريان والارثودوكس

ناس منهم يقولون ان عيسى عليه السلام رجل قديس و صالح و ناس تقول ان عيسى عليه السلام هو الرب وناس تقول ان الرب هو الله فوق السماء

وياما قامت بيناتهم حروب في القرون اللي طافت

وفوق هذا كنائسهم تختلف وبعضهم حتى وقتنا هذا ما يتزوجون من بعض اذا مذاهبهم تختلف

بس في البعض منهم ما فيه العصبيه والتعصب

شوفي حبيبتي مدام مافي تعدي و احتقار كل واحد لمذهب الثاني ماراح تصير مشاكل بس لما يبدا احد فيهم يسب ويحتقر معتقدات الثاني اهني تصير الفتن ويمكن توصل للحروب