اخواتى ابى حل للحكه المهبليه لبنتى

[حضن امى]

هلا وغلا فيكم اخواتى
حبايبى ابى غسول او تشطيف لبنتى لانها ملت من الحكه ورحت وديتها الطبيب وعطاها كبسولات وحبوب بس للاسف بنتى ماتقدر تبلع الحبوب وحيل تاذيت منها واذا حبوب عاديه تطحنها وتاكلها

عموما اخواتى اللى عندها الحل الله يجزاكم خير عطونا الحل والله يحقق اللى فى بالكم

 

[*دبدوووبه*]

هلا والله حضن امي

حبيبتي انا كنت مثل بنتج
ولم رحت عند دكتورة امراض نساء ولاده <<ناهده العلي
سألتني وايد اسأله
وسألتني عن طريقتي لتنظيف المنطقه الحساسيه

وقالت لي عن غسول للمنطقه الحساسه
طبعا غسول خاااررجي

يمكن يكون عندها ألتهاب ويمكن مايكون عندها التهاب
على حسب حالتها
لان الحبوب اتوقع معطينها لان فيها التهاب

وان شاء الله البنات بعد مايقصرون وياج
ويقولون لج عن تجاربهم

 

[رومية]

حبيبتي الله يعينج ....

ركزي معاي .... أول شي غسلي بنتج بالبااااابونج.....كأنج تسوين شاي بابونج....وحطيه بالحمام (عزكم الله) في بطل كبير ...وتغسلينها أو تغسل نفسها اذا هي كبيره طبعا بعد ماتغسل بالماي العادي وتنظف تغسل بالبابونج.....كل يوم ليما تروح الحكه....وبعدين ملابسها الداخليه بدليها دايما ولما تغسلين ملابسها الداخليه استخدمي صابون للبشره الحساسه ولما تغسلينه من الصابون نقعي ملابسها الداخليه ( بالديتول ) ...خليهم ناقعين فتره بعدين غسليهم بالماي ونشفيهم.....خليج جذي فتره ليما تتحسن....واعزلي ملابسها الداخليه في الغسيل دايما...وفي كريم ( دكتارين ) للفطريات والحكه...روعه حطي منه نقطه على المهبل من بره على الاجنااااب...بترتاااااااااااح من الحكه. والكريم بالصيدليه وتقدرين تسألين الصيدلي عنه اذا يناسب عمر بنتج. وووبس قرقتج...يالله شوفي شغلج وبشرينا.

 

[سبائك]

شطفيها بماي دافي ولح وحرصي على نظافة المنطقه

ماتشوف شر ان شاءالله

 

[choclatecho]

سوي بالظبط مثل ماقالت الاخت رومية انا اتبعت نفس الطريقة بس زيادة اني الدكتورة عطتني مرهم داخلي لان كان معاي التهابات قوية بس لما تغسلين ملابسها لداخلية خرصي اشد الحرص انج تغسلينها اخر شي كذا مره بالماي عشان لا يضل فيها صابون و خلي كل ملابسها تكون قطنية 100%

 

[مستقبلي احلى]

انا بنتي جذيه ورحت المستشفى تحاليل وعفيسة وما صار شي ولا تحسن فرحت صيدليه في الجابريه وعطتني الصيدلانيه بيتادين اتش اللي عليه خط احمر واسود والله سبحانك ياربي ارتاحت عليه

 

[!! شوق !!]

البنات ما قصروااااااااا
وحبيت اقولج فيه غسول بالصيدليه مكتوب عليه abc حلوووو وفيه غسول البابونج
وغير جذي لوو بنتج صغيره انتبهي لا تتمادى بالحك مو زين عليها

 

[7abebat elq8]

حبيبتي ما لج الا الدكتارين جل كريم مهبلي روعة تستمر عليه اذا فيها التهابات او اي شي يحوشها و ماكو الا العافية حبيبتي و انصحج دايم تخلي عندج هالكريم انا دايم استخدمه و وايد زين

 

[حضن امى]

مشكوراااااااااااات ياالغاليات يابنات ديرتى
الله يحفظكم ويخليكم لزواجكم اذا متزوجين
ويخليكم لعيالكم ويحفظكم من كل مكروه
وينولكم اللى فى بالكم اللهم امييييييييييين

 

[كراميل]

والله اني داشه انصحج بالبابونج و البنات سبقوني

و اذا تبين مفعول سريع .. سوي لها طشت و حطي فيه ماي مطبوخ معاه بابونج و خليه دافي و قعديها فيه ..
لو تكررينه جم مره باليوم بتقطع الحكه ثاني يوم ان شاء الله و كرري لها النقوع اول شهر مره بالاسبوع بعدين مره بالشهر

و لو بنوتج تختوحه تكون معرضه اكثر للحكه . و داااااااااااايما حرصي انها تنشف المنطقه 100%
و استخدمي الكريمات و شطفي بالبابونج مثل ما البنات ما قصروا و اشرحوا

 

[الغاااده]

حياتى خلى بنتج تتنقع او تقعد بتب فيه جاى دافى وشوووووووفى النتيجه
ميه بالميه بيقضى على الفطريات والحكه يعنى من اول مره يبين المفعول تلقينها هدت

 

[حضن امى]

اختى الغاده اى شاى تتكلمين عنه؟؟؟؟؟؟؟هل الشاى العادى؟؟؟

 

[Oceans princess]

أولاً .... ما تشوف شر بنتج ..... وإذا هي صغيرة استخدمي معاها ماي وملح ... وأيضا البابونج اللي انصحوج فيه خواتي اللي قبلي .... وأيضا سمعت عن البقدونس تفوحينه بماي وتتشطف فيه دافيئ .... أيضا .... لكن عن تجربة لا تحاولين تستخدمين الديتول سواء كان السائل أو الصابونة لأن الدكتورة مرة نصحتني بأن هالمنطقة فيها نوعين من البكتيريا واحد ضار ولازم نتخلص منه والثاني مفيد أو نافع ولازم نخليه وعملية استخدام الديتول ممكن أنها تقضي على النوعين مرة وحدة ...

بعدين أنصحج باستخدام صابون الغار تقصينها إذا كانت كبيرة وتخصصينها لتشطيف المهبل أو اللي حوالينها والله العظيم عن تجربة راح تحس ينتج وحتى أنتي إذا استخدمتيه براحة ما بعدها راحة ...

وأخيراً .... عن تجربة ... أخذي بخاخ واخلطي فيه ماي ورد مع شوية مسك أبيض سائل ورشي على المنطقة ... فوق أنه يخليها برائحة منعشة والله العظيم يقطع الحكة والبكتيريا وأيضا يمنع سرطان الرحم الله يبعده عنا ... وفيه موضوع مشابه شاركوا فيه خواتي بهالمنتدى الطيب ....

وأن شاء الله ما تشوف شر ....

 

[^كويتية^]

ماشاء الله البنات ردو و كفوا و فوا إن شاء الله..،
بس حبيت ازيد انج تسوينلها طشت و فيه ماي و ملح خشن تنقع فيه أول ثلاث مرات لمدة نص ساعة و بعدين خمس دقايق.. ما تتخيلين شكثر يريح و يعقم و الله يشفيها وكل مرضى المسلمين