اخــتـي ( بـنـت امـي وابـوي ) دزتـلي واحـد يهـددنـي .. [صــــدمــه ]..!

[Pearl Qatar]

لاحول ولااقوة الا بالله

والله ماعرف شقولج !! انصدمت حدي !! مستحيل الاخت تسوي بأختها جذي

بعدين شلون يوم كلمتي امج عن هالموضوع ماسوت شي ولا قالت شي ، السالفه فيها شرف !!! واختج شلون تطلع مع ريال غريب

والله عورتي قلبي وكسرتي خاطري ، تبارك الله هذا وانتي اصغر منها وتفكيرج اكبر ,, الله يحفظج يارب

ولاتنقهرين حبيبتي دامج نصحتيها ,, ماعليج من تصرفاتها ,, ونصيحه ,, صج هي غلطت في حقج ,, بس سامحيها حبيبتي ,, لانه مايصير تقاطعين اختج اكثر من 3 أيام ، لاتسامحينها علشان سواد عيونها ,, سامحيها علشان خاطر الوالده ,, وقولي حق ابوج يحط لج سايق يوديج النادي متي مابغيتي ,, واختج ماراح تتوب الا اذا طاحت في حفره وذيك الساعه بتعرف اختها من صديقتها

الله يحفظج يارب ويطمن قلبج ويهدي اختج
​

 

[وش عـاد بـاقـي]

استغفر الله الله يهديهاا ...هو كل الخوات تصير بينهم غيره وهواش..بس مو مثل اختج صراحه أحسهاا مريضة نفسيااا وتحتااج طبيب نفسي ..والله يصلحها يآرب ويستر عليها

 

[المكسيكيه]

الله يهديها ويصلح بالها

 

[انوثتي غير وياك]

حبي حرام عليج جذي تقهرين نفسج عشانها مو زين لج وحق صحتج والله
مالج شغل فيها حقريها
لا تكلمينها ولا تعبرينها اهيا بترد تكلمج
انتي سويتي الي عليج واكثر
وادعي الله يهديها ​

 

[انوثتي غير وياك]

لا تصيرين طيبه ازايده عن لازم
ويا الي ما يقدر ويحترمج
وقولي الصج ولا ادافعين عنها فكري بعقلج
مو بقلبج
انشالله الله يهدين ويحنن قلبها عليج يارب ​

 

[ساإرهـ]

الله يصلح مابينكم

 

[مملوحه السهول]

الله يهديهآ !

لا تحرين نفسج ولا شـي وسوقي او خخلي اخوج يقطج المكان اللي تبينه !

ومرد الدنيآ بتعلمهآ منو الاقرب الرفيجججآت ولا الخخخخوآت خليهآ تقول اللي تبيه مالج شغل فيهآ خلي علاقتج معاهـآ سططحيه

والله يصصصصلح مآ بينكم ويهدي النفوس : )

 

[تُخْفِي غَلَاها]

• لاحول ولااقوة الا بالله
  
  حبيبتـــــــي فديت قلبج الطيب هـــــذي اخــــتج لـــــــو شـــــــنو مــــــا صــــار خلي بينــــج وبـــينها حدـــود عيشـــي حيــــــاتج لا تـــركزين اهــي ســـوت لـــي وعـــاملــتني جــذي طنــــــشيها ولا كـــــانها مــــــوجوده مــــــــــجرد الســــــــلام بيـــنكم وانصــــحج بـــــعد لــــو تكــــلمين وحـــده من خـــــواتج الكـــــبار وتقــــــوليلهاعـــــن سالفت >>(المـــسج وتكلمها واذا ما نفع معاها قولي لبوج...
  تقبلو مروي تُخْفِي غَلَاها
  ​

 

[miss_whitemocha]

صحيح إنها أكبر منج لكن للاسف عقلها وااايد صغير..
و جايز فعلا يكون عقلها صغير خلقة ربج..
انا أقول إخذيها على قد عقلها..ولا تتناجرين وياها على كل شي وسحبي نفسج من حياتها..
سويتي اللي عليج والباجي على الله..
ادعيلها الله يهديها بس..​

 

[7lawah]

لآ حول و لآ قوة إلآ بآلله ،

شلون تخلي وآحد يهددج و هي موجوده ، شلون تسمح لنفسهآ جذي !

هي تغآر منج يمكن لإنج آصغر وحده ،

آلحل : تتجنبينهآ و تخلين علآقتكم عآديه جدآ و لآ توضحين لهآ ،
و بيني للكل آن لج خصوصيآتج و مآلج شغل فيهآ ، حتى ملآبسج لآ تخلينهآ تلبسهم !
بس سلآم و آمسحيهآ من آلبي بي ، و عطيهآ بلوك نفس مآ عطتج نصيحة ..
و ديري بآلج منهآ حييييل ..


آلله يكآفيج شرهآآ ، و آلله يكآفينآ شر هآلعآلم ..


’

 

[صادقة بكلمتي]

شوفي انتي لاتصييرين طييبة واااايد
حقرييييها خلتولي لاطرشيلها مسجات ولااا شئ
واذا قطت علييج كلمة لاتردين عليها جنها مو موجودة

واذا خاطبهم الجهلاء قالو سلام

ومثل مامسحتج من البي بي والوتس اب ومسحت رقمج مسحيها انتي بعد خل تحس بقيييمتج
امن سالفت انها تكلم وااحد الله يستر عليييهااا
بس حدي مستغربة من موقف امج !!
يعني باجر البنت تضيع لاسمح الله شبتسوون؟؟
المفروض تقولين حق خواتج الكبار اهما راح يعرفون يتصرفون ويكلمون امج :**
وادعيلها انه الله يهديها

انا بعد معاها ابكلامها بس الله يهديها ويهدي امج غريبة ما تاخاف على بنتها شنو يمكن بيتزوحها مو يمكن اهو ما يخاف الله وباجر يسوي اباختج شي انا اقول بعد كلمي وحدة من خواتج الكبار واشرحيلها كل شي عدل وترا هذي شنو ما صار اختج ولا تقولين كبيرة في بنات وايد عمر كبير وعلى طل وانتي الله يسعدج ويبعد عنج كل شر ويرزقج بكل شي زين انا اقول حبيبتي اعتبري اختج انسانة مريضة ولا غريبة وتغار منج مثلا شي عادي بين الخوات فتعاملي الحين معها بانج خلاص تقدرين تخلصين امورج بدونها لا ادزين لها شي وخشي عنها اي شي خلها صج تحس بقيمتج وتموت ليما تعرف شلي غيرج مو لنها تشوفج بعد كله راكضة وراها وتحنين عبالها انتي اللي تنقهلرين منها وجربي بنات عممامج خالاتج خلانج يوصلونج ولا بنت جيران حتى لو كباااااااااااار بس يودونج النادي والله يعدل الامور بينكم ويصلح حالكم بس حبيبتي وين ابوج خوانج ما ينتبهون ان اختج تطلع متاخر او تتاخر او اواو الله يهديهم بس:yaaaaaarb::yaaaaaarb::yaaaaaarb::eh_s(10):

 

[تآعِبنْ قَلْبِيْ]

لاتقعدين معاها ولا تتفاهمين هو اصلا مافي شي تتفاهمين عليه خليها على ربك وانتي من طريق واهي من طريق

 

[njoy]

آلله يهديها
ليش جذي يعني !!
و بعدين حبيبتي أهو صج ريال بس والله يخاف يسوي شي
لآن في شي إسمه مخفر والله قوليله الي ما تطوله بإيدك واصله بـ ريلك!
و قوليله في شي إسمه مخفر و أنا بنت و أقدر بأي سالفه أوديك بـ ألف داهيه

صدقييني راح يخاف
الرييـآييل يهددون ع آلفـآضي بس


آلله يصلح بينكم

​

 

[! Miss.Q8 !]

اعوذ بالله شنو هالاخت

ما ادري شقول لج بس الله يعيينج ويهدي اختج

 

[يــ عذآبيئ ــآ]

لاحول ولا قوة الا بالله .. شهالاخت العله ؟ .. طنشيها وطقيها بالطوفه تصير ادميه .. حقريها وخلي علاقتج فيها قلييله جدا .. كلميها للضرورات بسسس .. لاا تحتكين فيها .. هالنوعيه البعد عنهم وايد احسن .. لاحد يقول اخت ولا بطيخ .. الانسان اللي جذي ما يفيد معاه شي .. واذا صار اي شي من صوب عديم الرجوله اللي ما يستحي على ويهه اللي تكلمه اختج .. كلمي ابوج على طول .. لاتقولين لامج ولاتقولين لاحد .. ابوج وبس ينهي الموضوع .. شهالاخت اللي ماتستحي على ويهها تخلي واحد غريب يهدد اختها ! غبيه اختج مع احترامي لج ..

 

[حبي لله اشد]

مشكووووورين بنات ماقصرتوا والله
وانا حالياً علاقتي حيييل سطحيه معاها
وصج ابوي خلاها تطلع بروحها بس خذت السالفه فرصه
واليوم طلعت وبدون لا تتحجى وترا ابوي مو لهدرجه عادي
تاخذ جنطتها وتطلع فـ انصدمت ابوي شافها وماسكه جنطة نادي
قالها اوكي لا تطولين !!!!!!!!!!!!
حدي انصدمت وكانت الساعه 7 وشي يعني بليل واول ماقامت
لبست وطلعت واهيا اصلا ماتروح النادي تطلع مع رفيجاتها
فـ انا سكت ولا كلمه واقول بقلبي ابوي مو من صجه كلش ماكان جذي
شوي ولا يقول تعالوا هاذي ليش قامت سيده طلعت !!
وحتى ماتحجت ودق عليها وردت قلت اشواااااااا !!!!!
وبس قالها لا تطلعين بليل تبين نادي روحي الصبح وبس مالج عذر
قلت الحمدلله ..!!
وقبل شوي قالتلي خنروح سينما انا ورفيجاتي تعالي ..!
اتوقع قالت جذي بتاخذني وياها عشان ابوي يرضا
لانه ابوي لو انا بطلع وياها يخلينا نطلع عاااادي لو أي حزه كافي ويا بعض
فـ احسها كانت مخليتني عشان بس اهيا تطلع
من قامت تتعذر فيني وماتبيني اروح وياها
ماقامت تطلع نفس قبل كلش !!!!
وماحسها ندمانه ولا شي أو يمكن ماتبين حقي انها ندمانه
بس حيل صرت وياها عاديه واكثر من عــاديه بعد ..
ولما تقولي خنروح سينما بقولها مـابي مني صج راح تحس
............
شي ثاني
امي وخواتي الكبار مايحبون يطلعون وايد وامي كلش كلش
ماتطلع ماتحب فـ انا قمت اقولها خنطلع بطلع وياج
ونطلع واختي تقول بيي وياكم وانا ماكون ودي اتيي ويانا
وتقول شنو اشوف قبل ماكنتوا تطلعون !!!!
حتى مع امي وابوي اطلع تغار ..!
حتى مع رفيجاتي هم تغار بس تسوي نفسها زعلت عشان تطلع
مع رفيجاتها ..
..........
وصج صج اتمنى الله ياخذ حقي ويعلمها منو اختها ومنو رفيجتها
انا بخلي الايام عاااااااااااادي لما اسمع خبر انشالله
وحتى الصبي لو شفته وياها أو أي شي ثاني سمعته منها
احتمال اشتكي عليه لاني كنت بشتكي سيده بس رفيجتي
قالتلي خلج لا تعبين نفسج خيولون لا تكبرين السالفه اكثر من ما اهيا عليه
لانه مايرضون علي انا اوصل المخفر وهالسوالف ..
رفيجاتي احسن منها !!!

 

[مشآعل مطير]

الله يصصلح الحآل
ويهدي آختك وبنآت المسسلمين

 

[مريومه النزغه]

بصراحه الله يعينج من قلب بس تدري لو منج انا اطلب من اهلي يسوقوني سياره وخلي علاقتج طبيعيه معاها عادي وسطحيه صدقني بتيي اليوم اللي بتشتكيلج من الولد وخرابيطهها وبطيح بشر اعمالها لانج نصحيتها ومافاد النصح

 

[هذاك أول]

شوفي اختي انا تلكم معاك من منطق اني عارفه وفاهمه ومجربه كل الي قاعده تقولينه
أحمدي ربك ان غيرة أختك منك وانها ماتتمنى لك الخير عرفتيه من بدري يعني قبل لاتتزوجين وتجيبين بنات وهي تتزوج وتجيب بنات وتبدأتزرع الغيره والحقد لك ولبناتكفي قلوب بناتها
لآني اعرف وحده والله العظيم تغار من أختها المتزوجه وتتمنى زوج اختها ورغم انها متزوجه قبل أختها والله العظيم اختها فاتحه لها بيتها ومبديتها على نفسها بس الغيره والقلب الآسود مايعرف اخت والا ام
والله العظيم انها تمشي بين الناس وتسب اختها وتتكلم في بناتها تخيلي تتكلم في عرض بناتها واذا احد كلمها وقال بنخطب من اختك تقول لا انا ابي بناتها لعيالي وهي تكذب بس تبي البنات يعنسون ورربي ع الكلمه تتزعل وقسم بالله حتى عينها حااره تتشفح على كل شي ماتعرف تذكر ربها وهي عمرها بالخمسين واختها بالآرربيعن تخيلي يعني شوفي كم سنه
بس أختها وربي تاركتها وسافهتها ماترد على سوالفها الشينه وتستقبلها بقلب طيب بس تكون حذره منها مو كل شي تقوله لها أوتسويه قدامها
أنااقولك خليك حذره كثير من أختك ومن ستر على مسلم ستر الله عليه في الدنيا والاخره
خليك ملتزمه بألاذكار الصباح والمساء وان شاء الله مابتضرك لاهي ولاهو بس انتبهي وخليك حذره كثييييييير منها

 

[ريووفة]

حبيبتي انا اختي نفس الشي تغار كثير
والله ما سكتت عنها كلمتها بس بعدها ع حالها
الله يصلح حالهن ان شاء الله​