اخطاء الآخرين في الترتيب ...خلينا نستفيد منها &&&

[katystyle]

بصؤاااااحه هالموضوع اكثر موضوع شدني صج الف شكر لصاحبه الموضوع
انا اللي ينرفزني ريحه القلي و الحمام اذا مو نظيف

 

[ميس2008]

انا اموت في الترتيب و التنسيق الحلو اوقات العزايم .. بس للاسف اناافتقد هالشي عن كسل مش بخل و الله
اكسل اروح اشتري هالسوالف ماادري ليش :080402ask_prv:
اما من ناحية النظافة طبعا مب حلوة تدخلين بيت وحدة و تلقين ريحة البيت خايسة او الصحون وصخة او البيت مغبر و مبهدل ..
يدل على قله الاهتمام و عدم الترتيب ,,
ساعات اعذر الوحدة اذا دخلت بيتها و لقيت العاب اطفال او كتبهم منثرة او المطبخ مبهدل شوي لان ساعات اليهال ما يقصرون
و الوحدة ماتلحق ترتب الا يردون يخربون ما شالله عليهم :j013:
امااللي مسويه عزيمة هذي لازم تنتبه لكل شي التنظيف الاكل الريحة الترتيب لان الناس مب كل يوم عندها
و عيب يشوفون بيتها مبهدل ووصخ هالساعتين او الثلاث اللي قاعدينها ​

و الف شكر على موضوعج و الله خليتيني افكر في ضيوفي و فكرتهم عني !! يا ترى شو يقولون ؟؟​

​

 

[78MariMar78]

موضوع جميل..

إلى الأمام...

 

[ام يوسف 2007]

خوش موضوع

وللأمانه انا اقوم الصبح الاقي الخدامة منظفه البيت عدل مدل والريحه رووعه
لاني علمتها من البدايه
المقصود من هالحجي انه الوحده لازم تعلم خدامتها النظافه ومع الايام راح تلاقي الخدامه
تنظف كل شي وسخ من غير لاتقولين لها " بصراحه انا خدامتي جذي" بس للأسف تبي تروح

وعلى طاري الريحه في معطر ارضيات يبيعونه بالجمعيات اسمه صفا حده رووووووعه انا احطه بخاخ وانظف فيه الطوف
وارش منه بالمكان وامسح الارضيه فيه حده روعه ريحته تهبل


ومنو منا ما يحب النظافه

 

[victoria1]

تبون البيت دايما ريحته حلوة شي مجرب . طبعا البيوت الحين كلها سيراميك وبحاجة الى مسح يومي ما عليكم الا تغسلون الأرضيات بصابون الملابس المعطر والمشهور جدا ( كومفورت ) يخلي ريحة البيت عجيبة ولمدة طويلة ( شي مجرب ) جربو ما راح تندمون وادعولي

 

[حووررية الأرض]

شكرا جزيلا

 

[حصووونه]

صراحه انا ديني ودين اللي تصب لي القهوه بفنجال مشروم او مكسور اصلا منهي عنه بالسنه يجلب الفقر والدين وارده وجنه العيد واقول للي صبته بدلي لي الفنجال مكسور وعادي ما استحي دام اهي ماستحت وقدمت لي بفنجال مكسور..
ثاني شي ديني ودين الطوف الوصخه المبقعه شدعوه الوحده ماتجيك على بيتها ونظافته واكره الحمام الوصخ لازم اذا عايله ودوس على الحمام تكرمون ينغسل 3 او اربع مرات باليوم والله ماكثر المنظفات والمطهرات..باللنسبه للي ماعندهم غير حمام واحد لهم للظيوف في كباته حلوه الومونيوم وفي بايكيا خشب حطي اغراضج وليفج كلها فيها واقفليه وحطي فوقه ورد او شموع خلي منظر حمامج راقي تحسبا للظيوف باي لحظه...
الزباله العوده لازم يوميا تطلع من البيت..

 

[خبيرة اعشاب]

شاكرة لكم على ها المشاركات الطيبة

و طبعا حنا في هذا الموضوع فقط نحاول الاستفادة من آراء الآخرين , لان ممكن الوحدة تقوم بشئ معين و تظن انه عادي لانها تربت في بيت اهلها بهذه الطريقة و ممكن انها ما تحتك بالناس عشان اتعرف انه غلط و مو حلو ...


من المناظر الي شفتها و حسيت انها مو حلوة :

- انعزمت مرة عند وحدة بيتها حلو و انيق ... و بغت اتوريني غرفة نومها الجديدة
الغرفة روووعة و شاريتها من محل غالي و لكن مخربها منظر بطانيات و ديباجات مسفطتهم فوق الكبت , التسريحة متروووسة اغراض و سلات ... الخ

بالنسبة لي كبت غرفة النوم مو منضد احط فوقه اغراضي البطانيات تتسفط و تنحط باكياس خاصة و احطها سواءا بالمخزن و اذا ما عندي مخزن ممكن احطها بصناديق بلاستك تندز تحت السرير ( و اتحصلونهم بايكيا على 3,5 )
التسريحة اتكون فاضية و اغراضهم حطيهم بالدرج ... التسريحة اخلي عليها سلة صغيرة فيها عطر + مشط + كريم مرطب + حمرة استعملها بشكل يومي بالاضافة لمزهرية صغيرة او شموع


- مرة وحدة في موقع كانت منزلة صور بيت اختها او عمتها ... الخ و عند المدخل الرئيسي للبيت حاطين كبت الجواتي عزكم الله , و الله يسلمكم الجواتي متنثرة عند الباب اشي بلاستيك اشي زنوبة .... الخ و طبعا المنر كان مخرب شكل المدخل بشكل عام و هاذي الاحظها عند ناس واجد ان النعال تتجمع عند الباب الين تسكر المدخل

- ما احب وحدة تجيني و ادش بنعالها عزكم الله , احس ان ما عندها ذوق

- طبعا من اهم قواعد الضيافة بالنسبة للضيفة طبعا اتوقع ( غض البصر ) يعني مو اتروح ادش بالغرف و ادور بالثلاجة و المطبخ ...

مرات اكون بالمطبخ و عندي عزيمة اتفاجئ بوحدة من المعزومات تقوم و تلحقني بالمطبخ مع العبارة الشهيرة ( تبيني اساعدج )
اكثر شي ينرفزني وحدة تدش مطبخي و انا قاعدة اشتغل و احسها ملقوووفة و اكثر الحريم مثلي ما يحبون احد يقتحم خصوصياتهم بالمطبخ

فاذا انتي من النوع الي يحب يساعد رجاءا اطلبي الاذن و انتي بالصالة ههههههههه


و لي عودة

 

[شياكه]

انا من الاشياء الي تلفت نظري

ربة المنزل و اسلوب تقديمها

يعني انا اعرف ثنتين

الاولي

تملي السفره اكلات متنوعه
واذا جت تستقبلك تشوفين العرق يقطرمنها وشعرها رطب بعد السباحه ولازم تقول اني تسبحت (يمكن ما انتبهتي تذكرك)
وتشوفينها منسبهه ياما قامت للشاي او القهوه
و طول ماهي قاعده تقول ياخزياه هذا اقل من حقكم انتم حقكم ذبيحه ياخزياه (علشان يردون عليها الحريم بالعكس انتي ماخليتي شي ماسويتيه وتبتسم ) وكل مره تعيد الجمله
وتقول ما قال لي ابو فلان الامتاخر وتعيد هذي العباره 100 مره
وخذ يا اشارات لبناتها وغمزات ما ادري احنا عميان او وشس السالفه بعدين تقول انا ماجيت شي كله البنات لازم يتعلمون السنع حريم (اسلوب عرض قديم)

اما الثانيه
من تدخلين بيتها
لبسها هادي وبسيط و كحل بسيط و الشعر مرفوع ببساطه
وابتسامه والترامس و البيالات مجهزه من قبل ما نجي يعني تقعد معانا وتختفي شوي مومثل الاولى ماتجي ا متاخره يدخلونا بناتها ويروحون يطلون يصبون فنحال و يمسكون الترمس علشان بس يشوفون الفنجال فاضي يصبون
واذا قدمت الشي بثقه في عيونها
واذا جت على الغدا بهدوء و ثقه تقول تفضلو ما تقلل من نفسها مثل الاولى
وتحب تحط حركات بسيطه عند المغاسل صحيح من ابو ريالين و عشره بس الذوق و الترتيب يفرق

 

[love love]

اكره شي لما وحده تدش واتقول خل اشوف شقتج خو نطري يمكن انا بقول يمكن في شي ماابي احد يشووفه

ومااحب صااحبه البيت تهد المعزومين واتروح اهي واي وحده وياها بنتها ولا اختها ونظل بالصاله بروووحنا اشدعوا ياين نزوور الغنفاات؟؟؟؟؟؟؟؟

 

[love love]

اي وفي وحده سوت حركه سخييفه

اهي شافت البيت كله طبعا انا قلتلها حياج شوفي الشقه لانه من اهلي وتوني ساكنه بالشقه وشافت الشقه كلها الا غرفه وحده وقلتلها انها مخزن وماعدلتها ليلحين فخليتها بس مخزن

ولما قالت بروح الحمام طبعا بعد ماشافت الشقه راحت وبطلت الغرفه الا بتشوووووف لقاااااااافه!!!!!!!!!!!!!!!!!!!! مخزن شنو بتشوفييين خااشه شي خطيير يعني

 

[كيوت_25]

اي وفي وحده سوت حركه سخييفه

اهي شافت البيت كله طبعا انا قلتلها حياج شوفي الشقه لانه من اهلي وتوني ساكنه بالشقه وشافت الشقه كلها الا غرفه وحده وقلتلها انها مخزن وماعدلتها ليلحين فخليتها بس مخزن

ولما قالت بروح الحمام طبعا بعد ماشافت الشقه راحت وبطلت الغرفه الا بتشوووووف لقاااااااافه!!!!!!!!!!!!!!!!!!!! مخزن شنو بتشوفييين خااشه شي خطيير يعني

قطييييييييييييعه شهاللقاااااااافه

انا دم ضروسي الملاقيف :eh_s(13):

مره وحده من رفيجاتي انا ملاحظه انها شوي ملييقييفه بس كنت اجذب عمري

ذاك اليوم زايرتني و انا الي يزوروني يقعدون بالصاله تحت و انزلهم

هذي فجأه وانا احوس بالغرفه و الا داشه علي بغرفتي فوق و تعطيني ذيج الابتسامه الشقاقيه يكون مسويتلي مفاجئه :rgewrg:



<<<<<<<<<<<< ما تدري اني ما اغشمر _03BA:


جان اروح وامسك باب غرفتي و اقولها حبيبتي نطريني بالصاله و انا اييلج و

طـــــرااااااااااااااااااااااخ

صفقت الباب بويها بأقوى ما عندي :23_asmilies-com:


<<<<< إييييي مو على بو انا كيوت حسبالها بسكت لها :sfg:

عاد لا تشوفون ويها طلعت لها عقب 10 دقايق لقيت ويها مصفوق قاعده بالصاله و امي مجابلتها ترقع الموقف قاعد تسولف معاها بأي شي و بكل شي بس المهم بتلطف الجو لإنها سمعت صوتي و انا انزر البنت مع صفقه الباب ههههههههههههه

جان ايي الصاله و اسولف ولا كأني سويت شي :wqedqw:

تستاهل قليله الادب

عاد تصدقون بنات انا ملاحظه كل الملاقيف ما يحبونج تشوفين شي عندهم بس يحبون اهم ينبشون و يدشون كل مكان :eh_s(14):

يعني مثلا هذي رفيجتي تصدقون عمرها ما دخلتني غرفتها

اصلا ولا عمرها قعدتني بصالتهم الي فوق كله تقعدني بغرفه الاستقبال

و طبعا انا مو ميته على غرفتها بس اهي لما تزورني و نقعد بالصاله تقول خنقعد بالغرفه

و انا مثل الخبله اوافق اقول حرام يمكن تبي تقعد براحتها

و لما ازورها و نقعد تحت اخوانها يتخطرفون و اقولها خنروح الغرفه الويه ينصفق و تقول لا لا ماله داعي الحين يروحون و اهني احسن ؟!؟!!؟ :nocommint: ​

​

 

[Doodoo.star]

أنا وحده ما احب الي يحطون مواعين العزيمة من كل شكل لون ماعندج كمالت العدد نسقي بينهم بطقم ثاني
وما احب الي تكون مواعينهم ملامين ويييييييييييييع
ولا احب ادش عند وحده العاب عيالها بكل مكان الواحد مايعرف يمشي
وما احب الي تكون وياراتهم مشربكة ومعقده ومبينه مالت التلفزيون والكهرب
غير الروائح والغبره والترتيب ..............

 

[Doodoo.star]

أنا وحده ما احب الي يحطون مواعين العزيمة من كل شكل لون ماعندج كمالت العدد نسقي بينهم بطقم ثاني
وما احب الي تكون مواعينهم ملامين ويييييييييييييع
ولا احب ادش عند وحده العاب عيالها بكل مكان الواحد مايعرف يمشي
وما احب الي تكون وياراتهم مشربكة ومعقده ومبينه مالت التلفزيون والكهرب
غير الروائح والغبره والترتيب ..............

 

[دره80]

أنا وحده ما احب الي يحطون مواعين العزيمة من كل شكل لون ماعندج كمالت العدد نسقي بينهم بطقم ثاني
وما احب الي تكون مواعينهم ملامين ويييييييييييييع
ولا احب ادش عند وحده العاب عيالها بكل مكان الواحد مايعرف يمشي
وما احب الي تكون وياراتهم مشربكة ومعقده ومبينه مالت التلفزيون والكهرب
غير الروائح والغبره والترتيب ..............

كلامج صح
بس حبيبتي
بعد احترامي لج ترا الصوره الي حاطتها مالها معنى

 

[خبيرة اعشاب]

للرفع

 

[برميت]

انا بصراحه فيني هوس نظافه
حتى ريلي اول ما تزوجنا جرح كرامتي و قالي تحسسيني اني متزوج خدامه
شسوي مااحب خدم يدخلون شقتي ..و احب كل شي يكون من تحت ايدي
بصراحه في وحده ماني قايله صاله القرابه الي بيني و بينها
بس يابنات منصدمه صدمه حياتي من بيتها ..اهي مو بس ام عيال ..اهي يده الحين !!
اول ما ادش بيتهم فيه ريحه ...الحين تقدرون تقولون تعودت عليها ..[س اكيد بس احمل متأكده بتنسى فيها لانها ريحه مميزه
البيت فيه بنتين غير الام و الخدامه
البيت ياابنات كل ما ادش عفسه ...حتى لما ادش يستحون مني و يشيلون الكواشي الي بالارض و يحاولون يلملون شتات الغرفه لووول حلوه هذي شتات لووول
و يم كل غرفه تلقين جواتي محذفه مليون جوتي ..حتى في جوتي طبجه يم هالغرفه و طبجه بالصاله واي مأساه
المشكله البنات كبار فوق ال20 ..بس عفسه ما يعرفون الترتيب و النظافه ويع ماابي اتذكر احس برجع
والله كفر الغرفه شهرين ما تغير
و المطبخ كبييير اينن ..جان زين مطبخي احسن من هالقرقور الي عندي
بس يااهو عفسه ..الماجله محذفه بكل مكان ..و الكبتات كلها بقع دهن
و الحمام و انتوا بكرامه ..البالوعه مكشوفه ..مافيها هذا الابيض الي يغطيها ..جذي تلقين حفره سوده ..و علشان يرقعون حاطين فوقها قطعه زوليه ..طبعا انا اكتشفت هالبالوعه لاني كنت داشه الحمام بكعبي جان اغرز فيها ..بس الحمدالله جت سليمه
و غرفه الخدامه وااي وااي وااااي ...فيها يمكن 3 ستاندات علاليق كلها هدوم ...طبعا غير الهدوم الي بالكبت
و الكبت عفسه طحسه ..و باب الكبت مكسور ...و ماادري ليش حاطين صور من مجلات على الطوفه جنه صالون بحولي
و دار الام مأساه اقتصاديه سياسيه اجتماعيه مو طبيعيه ...كبت اكبر من الغرفه ..و الفراش على كتر و حاطه فيه طاولتين كبار ملوت مكتب
وحده حاطه فيها كمبيوتر و الثانيه قش ..هذا غير التسريحه الي يراراتها منكسره
ودي و منى حياتي و اتمنى هاللحظة تصير ..انه يقولون لي تعالي يا برميت سنعي بيتنا ..اتمنى هاليوم
طبعا الي كتشفته ان الام اهي الغلطانه لانها ما عودت بناتها على السنع ..تخيليل يخلصون من الغدا او العشا يقومون جذي ..حتى ما يفكرون يشيلون الماعين ...و من كثر اللويه الي بشقتهم الخدامه انحاشت لوووول
ماادري اشلون في ناس تعيش جذي
و ماادري يمكن عيني متعوده على التنسيق و الترتيب علشان جذي ما اقدر اتحمل اشوف جذي
و غير جذي الترتيب ببلاش ...و الاشياء الي تحتاجها شقتهم مو غاليه

بس بس تعبت
اللهم لا شماته

 

[شانيل نمبر 5]

اكرهه شئ ريحته القلي والاكل........

 

[لذوذذه]

مرا عزمتني جارتي على عشاء وسمر

وقمنا تطبخ العشاء سواء الا احصاها تقطع الدجاج في حوض مغسلة المطبخ يععع

وبعض الناس ما تشيك على الشغاله كيف تغسل ملابسها تحصلي الشغاله تحط الداخلى مع ملابس العيال

وكرهي ادخل حمام تشاركني فيه شغاله يع يع .

 

[ملح بدويه]

موضوع مميز

اللي ما احبه وتحووم كبدي لما ازور وحده وريحت الحمام ويييييييييييييييييييييييع

واللي تعزمنا وبزارينها يقعدوون قبلنا عالعشاء ويدمرون السفره وييييع تنسد نفسي واتنرفز