اخر موعد للنقل

[جمانه وحنين]

السلام عليكم ورحمة الله وبركاته
مبارك عليكم الشهر
حبايبي
بغيت أعرف متى اخر يوم للنقل للمعلمات؟؟
ودي انتقل من مدرستي حييييل متضايقه مني واخاف يكون موعد النقل انتهى
يصير انتقل الحين؟
واشلون اقدم على النقل؟؟
وين أروح؟

الله يجزاكم كل خير

 

[درة أهل الطولات]

خلص وقت التقديم

لكن حاولي تراجعين المنطقة التعليمية وجربي حظج

 

[سراب فوفو]

ماعندى فكره اب لعيونج

 

[Shathawy]

اي واالله حتى انا طرا علي النقل اللحين يا نقل يا احول تخصصي

 

[مشغوله و محتاسه]

نقل الحين ماكو ..



النقل من شهر 1 الى شهر 3




اذا عندج ظرف قوي روحي لمكتب خدمة المواطن بالوزاره مبنى 1 .. قبل باب المبنى يكون على يسارج


و طلبي نموذج وكتبي الاسباب و عل و عسى يوافقون

 

[ranoona55]

حبيبتي اذا ماكو نقل تقدرين تسويين انتداب بس كلمي المراقبه

 

[ورده عنابيه]

اب اب

 

[** رش رش **]

راجعي مراقبه التعليم بمرحلتج الي بالمنطقه التعليمه و هم يعلمونج

 

[أأأميرة الورد]

ماكو نقل هذا انا احاول فيهم ومو راضييين
يقولون النقل وقته خلص

 

[* فطامي *]

حبيبتي

أنا راجعتهم الاسبوع اللي طاف وكنت طالبه نقل يدوي لان فترت النقل خلص وشفت جبل من النقل اليدوي


روحي منطقه التعليمية ودشي على المدير للشؤون التعليمية وكتبي نقلج مع اسبابج وخل يوقع لج وروحي عند المراقبه و كلميها ان شاء الله ترضا وتنقلج

الله ييسر لج وننقل لمدارس احسن *

 

[>>روضـة الحسـن<<]

بنات اذا بكنسل النقل الخارجي عادي ولالا
وهل اذا كنسلته ارجع لمدرستي القديمه او يحطوني في غيرها ياليت تردوووون