اخذ بنتي ولا مااخذها

[صريحة النسب]

مرحبا بنات شخباركم

بنات والله محتاره

بنتي عمرها سنه وشهرين اسم الله عليها .. وانا بسافر مع زوجي ماليزيا

ومادري اخذها ولا لأ ؟

محتاره

اخاف اخذها واتعب معاها هناك واتعبها معاي .. تغيير الحفاظه واكلها راح يتغير غير اللويه وياها

واخاف اخليها ما استانس هناك

انتوا شرايكم .. مع العلم اني ولا مره سافرت بعد ما ولدتها .. بس جد جد محتاره ابي تجاربكم ؟؟؟؟

 

[بطه فيها نطه]

اذا مضطره وماعندك احد اخذيها معاك ... وشوفي هالرابط حبوبه

http://q8yat.net/showthread.php?t=317780

اما بخصوص تغير الحفاظ واللويه .... اغلب مولات ماليزيا تبارك الرحمن فيها

قسم خاص للاطفال يم حمام الحريم يهبل داخله ( طاولات التغير - ماي ساخن للحليب - صابون - مناديل

معقمه - فيه مكان مثل الحضانه الصغيره اللعاب وغيره .. ) ... وللاسف هذا ماشفته عندنا احنا اهل

البترول ...

 

[أم أحلى جود]

اخذيها عشان ترتاحين وتستانسين اكثر

 

[مشتطة وبس]

والله بصراحة اذا عندج احد تثقين في ومتفرغ ومستعد يمسكها خليها ......... لانها وايد صغيرة ماتدري وين راحت ووين يت؟؟؟؟؟؟لو كانت اكبر شوي جان قلت لج اخذيها بدون نقاش.......بس حرام والله نومتها تتغير وتتعسر خليها اريح لها

 

[صريحة النسب]

مشكوورين وايد بنات عالردود

والله زين في هالحضاتنات في المولات ..

واااي بس للحين محتاره ..

ومن ناحية احد اثق فيه انا طبعا لو بخليها ماراح اخليها غير عند امي الله يحفظها والحمدلله علاقتهم زينه مع بعض :dddds:

 

[المتبرقعة]

غناتي اذا بتسافرين حول اسبوع او اقل خليها عند امج وانتي مغمضه انا والله لو احصل حد جان خليت بنتي عنده لانها واااااااااااااااايد بتبهدلج

 

[اروى77]

انا مكانك اخليها عند اهلي ماعليها شر انشالله احسنلها من تغيير الجو..وبعدين انا من وجهة نظري الوحده تحتاج الراحه والاستجمام بعيد عن لوية اليهال..انتي شوفي شلي يناسبك

 

[mrs_lonely84]

لو منج أسافر وأخليها عند أهلي
بس الله يعينج على تأنيب الضمير
إذا خذيتيها ماراح تستانسين وإذا هديتيها بعد ماراح تستانسين صج مشكلة

 

[إستبرق]

لا من صجج اذا تقدين تخلينها خليها مو تعب لج انتي بس لا حتى لها اهي تعب طريج ولويه ورحلات واكيد كل يومكم طلعات حرام وايد تتعب واريح لج بعد

 

[كتكوته551]

والله انا خليت بنتي بسفرتي لماليزيا الشهر اللي طاف
عمرها 5 شهور وحتى لو بعمر بنتج كنت بخليها لانها بتتعب حيييييل هذا عن تجربة لانا احنا الكبار انا وزوجي تعبنا
فما بالج الصغار خاصة انها ماتفهم وماراح تستانس بس للأمانة انا كذا مره ابجي بسفرتي من شوقي لها خاصة بالليل ...لأنه هدوء وتبدين تفكرين
بس بالنهار مع الحركة واللوية راح تنسين صدقيني ..

 

[ArEEj]

لالا تعب حيل عليها
وما تفهم شي توها
اذا اهى ترتاح عندج امج
انصحج تخلينها

 

[غير كل الناس]

اذا في احد يمسكها لا والله خليها لاحقه مسكينه صعنونه يمكن يتغير عليها الجو او تخاف او تلعوزك

 

[صريحة النسب]

مشكوووورييين ماقصرتوا طمنتوني وااايد والله يعيننا

صج والله انا محتاجه شوية راحة .. وعلى قولتكم راح تتعب هناك من الطريج واللويه وجنه ماسوينا شي ولا سافرنا ولا استانسنا .. وهي كلها اسبوع اللي يعديه على خير قواول اامييين

 

[om MaRyooM]

ماليزيا حلوة لليهال ..


بس اسمالله عليها بنتج حيل صغيرة ورح تأذيج يمكن ..

انا اقول لوفي مكان تحطين بنتج يعني عند الوالدة مثلا أحسن لج .. وانتي اخذي نقاهة شوي مع زوجج
لاحقة تسفرين بنتج معاج من تكبر انشالله

 

[Marka Store]

ذكرتيني السنة اللي طافت اخذت ولدي عمره سنة بالضبط
طلع عيوني