اخت بحاجتكم لاتبخلون برد

[شونغ هونغ]

ياحلو الحب

 

[granted]

اوله
يمني وامه سوريه وعيالهم بياخذون الجنسية بعد 18 سنه وتفكر تتزوجه بالخارج

هذي مرتبه امورها وسائله عن السالفه ومضبطه وضعها وخالصه
على شنو تشاور فديتج؟؟

السؤال الي يطرح نفسه شلووون اتفقت معاه !!
اكيد تحاجيه اهو شنو رايه بالموضوع ؟
اذا قاعد يشجعها ترى هذا فيه بلا
.....
ماادري
انا اعتقد بالسعودية مافي زواج من غير ولي
ولو تزوجت باليمن اشلون اتقط روحها هناك شيضمنها المستقبل
لو لاسمح الله تطلقت شتسوي تطر! من بيضفها
ولاترد لاهلها اللي كسرت كلمتهم
السالفه ملعبكه وفيها مقامره تخرع

 

[قموووره]

ماعندها سالفه كلش
والله ما عمري شفت اثنين تزوجو واهلهم مو راضين ولا حتى اهل واحد فيهم مو راضي وتوفقوا
والله ما تتوفق !!! لا تندفع والله تندم الريال ايي غيره بس الاهل ما يتغيرون ياعيوني​

 

[تبيني آرضى عليك]

والله الموضوع موضوع حب والحب مو كل شي بالحياااه ليت تقولين لها تحكم عقلها شوي

مو استهانه بالشخص اليمني لا بالعكس معروف انهم ناس محترممين لاكن زواجها صعببب جدااا

خصوصا انها بنت قبايل ليه تخرب علا نفسها وعلا اهلها لاتكون انانيه خل تفكر بالمستقبل شوي اهي مراح تبهذل نفسها بس

راح تبهذل اهلها وعيالها مستقبلا بسبب الجنسيه ورااح تندم الحب مو كل شي حب هي اللحين متولعه فيه وبتسوي اي شي علشان تعيش معاه بس خل تنسا الموضوع احسن لها وتستعين بالصبر والصلاه وربي بيرزقها ابن الحلال

من رااييي خل تنسا هالولد وتستخير والله يوفقها بحياة جديدة

:rerrerek::rerrerek::rerrerek::rerrerek::rerrerek::rerrerek::rerrerek::rerrerek:

 

[مشاعلksa]

شي مستحيل
ليه تعب عمرها
حتى لو كان سعودي اذا عرفو اهلها انه تحبه
ماراح تاخذه كيف عاد تحبه وهو مو سعودي
خليها تفكر زين لو سبحان الله اخذته
وصار عليه قضيه وطلعته السعوديه لديرته
كيف بتعيش في اليمن!!!!!!!!؟؟

الله يهديها

اكيد لا لانه مواليد السعوديه ولايعرف اليمن ولوصار لاسمح الله شي بتعيش بسوريا

 

[مشاعلksa]

بالنسبه لي
دام السفاره السعودبيه ماتقبل بزواجي من جنسيات معينه
ما اتزوج هالجنسيات
مهم زواجي يكون موافق عليه من الحكومه

لا السفارة ولاالامارة يرفضون زواج السعودية من اجنبي بس اهم شي يكون ولي امرها مواافق وفوق25سنة البنت ويعطونها موافقه اذى تزوجت من غير هالموافقه مستحيل يوثق هالزواج فالسعوديه
يعتبر شرعي بس غير موثق يعني مالهم حقوق من دون موافقه اساسا الولد رافض الفكره يقول يااهلك يوافقون ياماقدر اتزوجك برا

 

[مشاعلksa]

الله يهديها
بس همها نفسها
مافكرت بمصلحتها ولا فكرت باهلها
تتزوجه برة ؟
اصلا اشلون تسمحين لها تقول هالكلام؟
وفضيحة اهلها
اصلا استمرار علاقتها غلط
وع فكرة اذا تحسينها متهورة وممكن تسوي فضيحة
ترى انت ملزومة تعلمين اهلها
خل يعقلونها ولا يحبسونها بالبيت لا تفضحهم
صج لا قالو
اللي مافيه خير لاهله مافيه خير لنفسه
المثل الجديد بعد التعديل (منقول)

انا ماقدر افشي سرها وهي امنتني ولاعطيتها راءيي بزين او شين مع ان الولد معه ماجستير ومحترم واخلاق وظيفته مره حلوه مركزه حلو واهله نعرفهم كل عيلتنا تعرفهم هم جيران عمتي زمان واصدقاء من30سنة يعني قبل لاينولدون هالثنيين

 

[لقيمات وزلابيا]

طبعا لا
مادري اشلون تفكر الله يهديها
اصلا حتى لو كانت تحب سعودي واهلها مو موافقين لازم تصرف نظر
وين بر الوالدين وطاعتهم
عمرها ماراح تتوفق ان خالفت امها وابوها
وهو بعد اناني لو صج يحبها يشوف شنو الاصلح لها مو يساعدها على التهور

 

[Reelax]

لو تزووجته رااح تعاني بعديين
خل تفكر بعيالها باهلها بحقووقها
اذا اخلاقه زيينه في مليوون واحد غيره تربيه واخلاق

خل تنسااه ولاتفكر فيه .. علشاانها وعلشاان اهلها الي مستحيل يوافقوون

 

[dalo0oa121]

اللي الله كاتبلها بيصير
لانها مب نصيبها والدليل اهلها غير موافقين

 

[غداً القاك]

هالحب ماجاء بالساهل
جاء بعد خطوه وراء خطوه من خطوات الشيطان
هي بتبيع اهلها علشانه وتبي تتزوجه ويمكن يبيعها هو بعد بيوم من الأيام
مصلحتها اهم وسمعة اهلها اهم
خليها تحاول تقطع علاقتها فيه وتفكر بعقلها شوي قبل لاتجيب لااهلها مصيبه هم بغنا عنها

اسفه اذا بردي شده بس اي شي يبدأ غلط بتكون نهاية صعبه ومتعبه بس بتقدر تتجاوزها بأذن الله

 

[قمر بيت أبوها]

انتي تقولين هي بدويه وهو من سادة اليمن يعني قبيلي اهم شي هالنقطه
وبعدين دام الرجال كويس خليه يتقدم لاهلها وافقوا تستخير الله اذا ارتاحت الله يوفقها و اذا لا تنسي الموضوع
اما سالفة تسافر وتتزوجه من وراء اهلها اسمحي لي وين عقلها اهلها توب لا زوج ولا صديقات يجون مكان الاهل اللي ربوا وتعبوا وفوقها تحمل اسمهم
انااقول لو في زواجهم خير الله بيكتبه الله واذا لا تحمد ربها علي الحاصل
انااعرف سعوديه ومتزوجه يمني بناتها ماقدروا يدخلون الجامعات المفتوحه لازم خاصه بس امه وارثه عن ابوها شركات وخير ونعمه يعني زواجها كان مدروس وزوجها قبيلي وعايش بالسعوديه وانا مااشوف في زواجها من عربي مسلم اي مشكله بس زي ماقلت لك بموافقة اهلها واهل اليمن متشددين اكثر من السعوديه بسوالف الزواج يعني ممكن ابوه يرفض مثلا
واذا امه سوريه وش فيها ياكثر اللي متزوجين سوريات ومصريات بنات ناس وماشاء الله عليهن مايعيب احد ان امه كذا ولا كذا
والله يوفقها صديقتك ويستر عليها يارب

 

[البرنسيسه77]

هي من الاول عارفه ان هذا كله راح يصير وان مستحيل تتزوجه اشلون فكرت تحبه من البدايه وهي عارفه النهايه هي جم عمرها الظاهر مراهقه لانها ما حسبتها صح عسي الله يهديها مالها غير الدعاء والقران

 

[ميونة الحلوة]

اذا هو من نصيبها راح يجيها غصبن عن الكل لانها قسمه ربي لكن ما اجي و اقول انا احبه و راح اموت اذا ما تزوجته او افكر اعاند اهلي علشان رجال اهلي هم عزوتي و اهم من اي رجال لا طحت بمشكله شالوني اما الي تعاند اهلها علشان رجال تطيع من عينه و اهو راح يسترخصها لان ما وراها ظهر مهما كان من الطيب ترى الرجال جدام الناس شي و مع مرته شي ثاني

قوليلها راج يجيها نصيبها ان شاء الله و الي الله كاتبه راح يصير و لازم ترضى بالامر الواقع

الله يهديها ان شاء الله و يصلحها

 

[ندى الذكرى]

تراها بتندم لانه مب سعودي راح تتبهذل كثير عشان اولادها

 

[جنتي زوجي]

الله يكتب لها الخيره

 

[نونه المنكوشه]

لاتسير انانيه واتفكر بنفسها باجر بتبهذل عيالها وبتخليهم يعانون ليش وترى الريال مهما كان طيب اذا ماشاف وراها اهل وعزوه بيلعب فيها رضى الاهل بدرجه الاولى لانه البنت بحاجة اهلها حتى لوتكبرواهلها مسسسسسسسسسسسسستحيل يوافقون فليش ادش بحرب وتعب خل تختصر الطريج وتنساه

 

[حديث الروح]

الله يهديها لما فيه الخيرhttp://www.q8yat.com/t886843.html

 

[كريستال]

الله يهديها

الحب يروح خل تفكر بعقلها وتترك عنها العواطف

حرام عليها تفشل اهلها وتفضحهم مايستاهلون منها جذيه

الزواج من شروطه التكافؤ وهالشرط غير متوفر بينهم مب تقليل منه بس هم غيييير عن بعض

 

[اوبالز]

شي مستحيل
ليه تعب عمرها
حتى لو كان سعودي اذا عرفو اهلها انه تحبه
ماراح تاخذه كيف عاد تحبه وهو مو سعودي
خليها تفكر زين لو سبحان الله اخذته
وصار عليه قضيه وطلعته السعوديه لديرته
كيف بتعيش في اليمن!!!!!!!!؟؟

الله يهديها

اذا الاهل عرفوا ماراح تتزوجه ؟