اختي يايين لها خطاب منو مرت بموقف مشابه الكل يدخل

[شطانه طفله]

البنات ماقصروا اب لعيونج وربي يوفقها وعادي يطلب يشوفها مره2 وربي يسهل يارب

انا عزوبيه ادعولي

 

[رتو الكيوت]

الله يوفقها

اهم شي تصير طبيعيه ومستمعه اكثر من متحدثه

والبسس تلبس شي مرتب وساتر ومكياج ناعم

لاتخطط بسوي جذي وجذي بترتبك اكثر خل الوضع يمشي طبييييييعي

 

[Beauty is Me]

عن تجربتي بس احط كريم اساس خفيف ((ما يغير لوني)) ورتوش صغيره ((بلاشر خفييييييييييييف جدا ومسكرا خفييييييييفه)) يعني ما يبين انه حاطه مكياااااااج المهم وعموما انا ألبس عبايه جتف فما اقدر افيدج بهالشي
بس في نقطه مهمه ((لازم اختج تكون مرتاحلته والريال بعد هاذا زواج مو غشمره))
اوكي الحين نيي حق الاسئله:

1- عند سوالف سفرات مع ربعك او دوواين
2- تنام برا البيت
3- تروح قنص شاليهات تايلاند .......الخ
4- المسكن يكون بييت الحموله ولا شقه خارجيه
5- تشرح وضع دوامها وظروفها وتوقل شروطها بالاشياء هاذي
6- تسال اذا عصبي او لا
7- محافظ على صلاته وصيامه والخمس
8- شنو بباله تكون مواصفات شريكه حياته
9- شنو حاط بباله الريال من قرارات
10- يدخن ولا لا
11- اذا مشترك بنادي بناء عضلات يغز ابر وياكل حبوب ولا لا
مادري هاذا الللي ببالي الحين وطبعا الاسئله نصها خل أبو البنت يسألها هاذا اللي يحضرني الحين واذا كان خوش انسان ان شاء الله يكون من نصيبها واذا لأ الله يبعده عنهااا وموفقه اختج

 

[*مرت الغالي*]

البنات كفوا و وفوا ما شاء الله ..
اهم شي تكوووون بسيطة و ناعمة و ذربة ..

الله يوفقها و يسعدها يااارب

 

[florense]

الله يوفقها ان شاء الله

 

[كاملة الدسم]

واااااااي بنات مشكورين وايد على ردودكم اللي تبرد الجبددددد و عسى ربي يوفقكم ويرزق اللي مو متزوجه فيكم

اهيا من ناحية اللبس ذوقها حلو ومرتب وبسيط و همن اختي مملوحه وايد يعني بالنسبه للشكل اوكي الريال عاجبته

بس اهي ترتبك وتخااااااف و هاذي المشكله من اتفقوا اييون مره ثانيه واهي خايفه وما تنام زين وايد وايد خجوووووله

ان شالله بوصلها نصايحكم كلها واهم شي تبين له انها مرتاحه صح عشان الريال بعد يرتاح ويحس بالقبول والله يا بنات الخجل

يخرب كل شي عالوحده اخذوها مني ،

و ان شالله نبلغكم بالمستجدات بالقريب العاجل ادعووووولنا بس نزوجها ونفتك ههههههههههه والفال لكل البنات ياااااااااارب

 

[الأميرة الحزينة]

نفس ماقالو البنات ميكب ناعم ترا الرياييل مايحبون الخبه.. قلوز ومسكره وكحل داخل عينها وبودرة على لون بشرتها .. وتلبس ممكن دراعه كشخه وملفع .. خل تحاول تتكلم هالمرة بس مو هذرة واايد لأ بس ترد على اسألته وتسأله عن الأشياء اللي تحسها مهمه .. مثلا

يصلي ؟ يدخن ؟ وين يشتغل ؟ جم عمرة ؟ والأحسن اهو يتكلم اكثر ... واهي تجاوب << انا كنت جذي ههه

 

[تعبت اداري...~]

الله يوفقها وييسر لها امرها
\

 

[عويتقة]

الله يوفقها ويتمم لها على خير والله يرزقني ويرزقك جميع بنات المسلمين بالازواج الصالحين يااااااااااااااارب

 

[aso0osh_q8]

الله يوفق اختج ... البنات كفو و وفوا ..

 

[G!RLooNa]

الميك اب ناعم و خفيف كحل داخل العين بلاشر خفيف و غلوس

الهدوم مادري تلبس شي ناعم و ساتر ماتخب روحها

شعنه يتكلمون ؟؟

يعني عن الشغل - الدراسه

اذا اهيا تدرس تقوله بكمل دراستي و تشوف رايه بالوظيفه اذا مو متوظفه و اذا موظفه و دوامها خلط تشوف رايه بعد اكو مايرضون

تشوف رايه بالسواقه بعد و اللبس عموما بلبسها عبايه اذا اهيا ماتلبس ؟؟ يرضى تطلع ويا بنات ولا لا ..

و الحين بعد في موديل يديد سامعه اكو رياييل يسالون اذا البنت تشبك بالنت ولا لا خخخخ صراحه انصدمت من هالتخلف بس اكو يسالون خل تهيئ روحها

شنو بعد امممم يقدرون يتكلمون عن السكن اذا صار في نصيب بطلعها شقه ولا
مع اهله

و مادري بس احس من يبدون نقاش راح تيي باجي السوالف بروحها

 

[اشتياق]

ماقصروا البنات خليها ناعمه وعلى طبيعتها
ولاتسولف وايد خل بس اتجاوب على الاسئله

 

[Jna3eYa]

الله يوفقها ويكتب لها الخير ..

 

[كاملة الدسم]

مشكورين بنااااااااااااااااااااااااات وايد وايد ..

يالله الباجي كل واحد تشاركنا بفكره او معلومه و لو بسيطه و اذا كانت عن خبره احسن بعد والله يوفقكم جمييييييييع

 

[دلوعة حمني]

الله يوفق اختج و يرزقها بالزوج الصالح...

و البنات ما قصروا ابدا...و كل ما كانت ذربة و بسيطة و ناعمة كان افضل...
و خليها تسأله عن اللي في خاطرها لان هذا زواج مو لعبة و تفهمه بطريقة حلوة عن اللي تبيه في شريك حياتها
وربي يوفقهم ان شاءالله

 

[ضايعة بدنيتي]

الله يوفقها ان شاء الله

 

[حبي حبيبي]

تلبس لبس بسيط وتكون على طبيعتها..

بالنسبة للاسئله خل تسأل الاشياء اللي تحس انها مهمه بحياتها وشنو الاشياء اللي تحبها بالريال وماتحبها

عشان يكونون عالصورة

وخل تتكلم عن نفسها بعد تقول انا احب جذي جذي ماحب جذي جذي

امثلة: ابي اشتغل.. ابي اسوق .. ابي البس كذا .. ابي شقه بروح مثلا

احب ريلي يكون مهتم بصلاته وفيني يهتم ابيته وعياله ماحب مثلا يسافر وايد من هالحجي

بس عاد مو اطبق نفس كلامي ختقول اللي يناسبها..

انا معاها
والله يكتب اللي فيه الخير ان شاء الله:eh_s(17):

 

[كاملة الدسم]

مشكورين بنات واااااااااااااايد و يستاهل الموضوع اب نبي اكثر تفاعل

 

[honey lust]

اهم شي تكون على طبيعتها و تقول كل شي بصراحه

لا تجامل و اذا طلب شي مو مقتنعه فيه لا تطوف و تقول اوكي

اللي اوله شرط اخره نور عشان ترتاح بعدين

 

[سعوديه واحب الك]

الله يوفقها