اختي وزوجي شسوي ياربي

[أم حنفي]

اول شي شنو نوع الرسايل اللي ترسلهاا أختج لـ زوجك؟!

 

[كادى الحب]

اختج غريبة وريلج يعرف رقم اختج ومخزنة واهى تعرف رقمة ديرى بالج نادية وثنيان الشيطان مامات اللة يهدية لج

 

[لعنبؤؤكـ مغلآكـ]

تعالي يمكن قصدج واتس اب ؟؟؟


اذا واتس اب عادي يجي القائمه اللي موجودهـ كلها ..


بس حتى ولو تقدر تحدد اللي بترسل لهم ..

هي شنو موقعها من الاعراب متزوجه؟ صغيرهـ ؟ شالسالفه قوولي عشان منها احنا نبرر

 

[BaiTotia]

يمكن بالغلط أرست له

أو مع المجموعة

صعبة أعطيج حل لأنها أختج

 

[غـرامـي أنـت]

خيييييييييييييييييييير !!!!!

بسراحه اختك ماتستحي ,, شكوو ترسله !!

آذا انتي يا اختهاا ماترسلك شتبي بالرجااال ّّّّ

لا تسكتين لهااا هزئيهاا ...

 

[النجاح هدفي]

انا اقول شوفي بالاول شنو تدز لزوجج
واذا فيه اشياء الكلام يكون لاختج مو لزوجج
لان اهي اللي سمحت لنفسها بان زوج اختها يكلمها
والله يهداها ويسخر زوجج لج
واب لعيونج

 

[@البتووول@]

حطي الخدمه انتي بعد موشرط اي فون عشان الخدمه اختي نوكيا وعندها الخدمه وشوفي ترسل لج والا لا

 

[ضايعه بينهم]

الله يجزاكم خير والله ما ابي اغثكم بس انا ياناس احترمها وما صدر شي يزعلها مني هي متغيره والله يهديها بس انا بقول لزوجي لاترسل لها لان لو اقولها اعرفها عوبه وتكره امي فيني والله مالي بها الدنيا من بعد الله الا امي وما ابيها تزعل عليب مره زعلت علي والله لو اقولكم السبب تنصدمون قعدت ابجي يمه فوق يتمي وغربتي تزعلين علي قعدت يومين ماتكلمني امي والسبب الاخت والله مافي اي موضوع بيني وبينها بس هي والصحبه اللي تعرفت عليها خلتها انانيه وحسود وتكره شي اسمه لحم
بس خلاص راح اتخذ القرار اني اقوله لاترسل لها واللله موعشان انه زوجي بس هو حبيب ويحترمها ونقاااااااااااااااااااااد من الدرجه الاولى والاختر مومحسبه لاختها
لا حول ولا قوة الا بالله

 

[* بنت المطر *]

صراحه اختج ماتستحي انا من رايي دزيلها مسج وقوليلها كافي يافضيحه طحتي من عين رجالي لاعاد تراسلينه تراه

مومحرمك استحي على وجهج وووبس

 

[انجبر قلبي]

خواتي كلكم كلامكم صح والله منغثه هي كبيره ومومتزوجه بس صايره سخيفه حدها تبي تمشي الدنيا ع كيفها وكل شي فري وتدري انه غلط وما عندي احد اقوله عنها امي الله يعينها عليها هي سليطة لسان وامي بس دمعتها ع خدها واذا حاجيت امي قعدت تبجي تقول شسوي اذبحها والله تعبت ضغطي يرتفع منها وما عندي اخوان يربونها
وحتى ولو شكوترسل لزوجي اين كانت نيتها عيب وحرام والمشكله لو ابين اكثر لزوجي مسكها علي انا طبعي زفت اكبت بس بيتي ياناس لا لا والله تعبت منها وكلكم اتفقتوا ع راي بس زوجي قعدت احن عليه ابي ايفون مو عشان اكشخ لا ابي اشوف تدز لي ولا لا منها اعرف شنو ناويه تكفون ارشدوني والله غاثتني وصاير خلاف بيني انا وزوجي وهي سبب من هالاسباب

آيفـون ..!!

حبيبتي قصدج دازة مسج واتساب!!

امبيه اذا واتساب شكو حده عادي يمكن دزتله بالغلط يختلف عن المسج العادي لان المسج العادي تكون قاصده والواتساب اكيد مو قاصده وانتي بنفسج قايله مسجات مواعظ دازة مو شي مشكوك فيه يعني!

انا لمه ادز واتساب ادز مسج للكل هذا نفس الفوروورد بالايميل ماتقصدين احد معين تمشين وتدزين ويمكن لانها مخزنه رقم زوجج وصله مع الارقام اللي دزتهم ماتوقع مقصودة

لا تكبرين السالفه واتخلين الشيطان يشككج باختج
تعوذي من ابليس بس

 

[نشيج الروح]

دام أنه واتس أب حطي لها بلوك ...وقعدي مع زوجج قعدة سنعة من غير هواش بيني له أنج مو راضية بالي يصير فحال أختج حال أي مرة أجنبية ...
ودزي لها مسج ثقيل من موبايله خليها تستحي على ويها.......

 

[honey lust]

خرعيها قوليلها ان ريلج ناقد عليها و انها ما تستحي

 

[عبااير]

شصار بالدنيا
والله عيب
الله يكون بعونج

 

[جادل سبيع]

خطاء ترسله او يرسلها بغض النضر عن نوعية الرسائل..
انتي كلميها او دزيلها مسج وفهميها ان هاللشيء مايصير..
ويمكن تبي تقهرج عشان اتكلمينها واترد العلاقه بينكم..
الله يهديهم وهذي اختج مهما كان لاتخسرينها وتتفرقون برضاكم باجر الاقدار تاخذ وتخلي واتفرق غصب وساعتها مايقعد الا الندم والحسره..
الله ايعينج خيتي ويهديها زيصلح مابينكم.

 

[honey 2010]

آنا من رايي انج تاخذين تلفون ريلج ودزيلها مسج على بو انج ريلج ووقفيهاعند حدها وهدديها ان ح اقول لمرتي اللي هي انتي
وان ما بيني وبينج كلام وياويلج ان شفت رقمج مرررره ثانيه وارسليه وبعدين مسحيه من تلفوووونه بدووون ما يدري

 

[‏βεŧŧy βσσρ]

كلمي اختج وريلج @@
قوليلها عيب هالحركات وين قاعدين

 

[Lédy LoOlà]

الله يسخرهـ لج ويهديها يارب

 

[فـي ع ـيون خلـي]

نصيحه قولي الى زوجك اختي ما تكلمني عادي احس والله ما فيهاا شيء ليش تحسين انه بيستقوي عليش اذا كان انسان طيب ويحبش اكيد ما بيسوي ذا الشيء

ولا تكلمي اختك اتوقع لو كلمتيهااا بتعاند ... كلمي زوجك وفهميه علاقتك مع اختك

وان شاء الله ينتهمي الموضوع

 

[ber00]

كلميهااا شناطرة بالله لين تلف عليه وتاخذه !! ياما سمعنا سوالف تشيب الراس مثل سالفتج حبيبتي كلميهاا واذا مانفع معاها كلمي احد من اخوانج يربيهااا عيب شنوو هالمونه طيب ع الاقل اراعي شعور اختي واذا ذابحها الدين ليش ماتكلمج وطرشلج انتي هالمسجات اذا فيها خيرر ،، الله يهديهاا ويريح بالج

الستر واجب ومطلوب لو تسوي ماتسوي بالاخير هي اختك

وهو صدق الخوف على زوجك

بس الله يعين ويفرجها

كلمي اختك وقوليها من باب التخويف فقط انك بتفضحينها اذا تمت ترسل لرجلك

 

[*الشيـــهـانـة*]

مدري والله بس احسني الظن يمكن ترسل للكل يعني تحط ارسال للكل مو قصدها زوجج والله اعلم