اختي عضوة مجلس الامه الدكتوره اسيل العوضي اقدم لج اعتذاري

[كريستال ليدي]

الله يوفقها و يوفق كل النائبات وياها

بصراحة بيضوها الحريم بالمجلس

وانشالله من 4 يصيرون اربعين قولوا امييييييييييييين

 

[طال السكوت]

والله مادري ,,,أنا ما شفتها ولا أعرفهااا ,,,,بس ضد ضد ضد أسيييييييييل ومعصومه ورولا ومدري منو .............

وموضي الحمود ونورية الصبيح وهالحريم اللى من يوم يمسكون منصب يطلعون عقدهم علينا وعلى عيالنا وعلى اللى اقل منهم

بس قالها الرسول صلى الله عليه وسلم ( لاخير في قوم حكمتهم امراه)

 

[Hello_kitty]

اسيل نموذج للمراه الكويتيه الطموحه المثقفه الواعيه ذات المنطق والأقناع والحجه والحوار العقلاني والطرح الهادىء
بصراااااااحه اسيل من بنات الكويت اللي نفتخر ونتشرف فيهم

والحمدلله اني صوت لها مرتين بكامل اقتناعي والله يشهد علي لا لي معرفه او مصلحه فيها من قريب او بعيد

 

[al7b '7ald]

قول وفعل والنعم ببناتنا
الله يوفقهم

 

[farforaQ8]

انا اول كنت حدي مستانسة لفوز النساء بس الحين ما شفنا شي
والله يرحمك يا احمد الربعي كان ونعم الرجل

 

[PO PO22]

قال الرسول صلى الله عليه وسلم ( لاخير في قوم حكمتهم امراه)
قالها الرسول صلى الله عليه وسلم ( لاخير في قوم حكمتهم امراه)
قالها الرسول صلى الله عليه وسلم ( لاخير في قوم حكمتهم امراه)

 

[*مارلين_مونرو*]

اي والله كلامج عدل اسيل اهيا اللي اقترحت قانون الجواز ويزاها الله خير حلت مشاكل كثير من المطلقات بهالاقتراح ..

وبعدين بنات انا متعجبة منكم !! التعليم عندنا شفيه !! بالعكس التعليم كل ماله و يتطور و المناهج تتجدد !!
قبل لما كنا بالابتدائي ماناخذ انجليزي ولا كمبيوتر !! الحين ماشاءالله من يدخل الطفل الابتدائي يتعلم انجليزي و كمبيوتر ..

واذا قصدكم تصعيب المناهج ! فهذا بالعكس حق مستقبل عيالنا ! لان ماشاءالله الحين عقول الاطفال كبيره ويفهمووون ماشاءالله فلازم نطور التعليم بما يتناسب مع عقولهم !!

وكل شي ايي بشووييش لا تستعيلون على رزقكم ..

 

[بناتى هم حياتى]

بصراحه انا مع معصومه احسها شقرديه

 

[sereen]

انا ماعرف هالمرشحات , لكن بناءا على كلامكم , اهم قاعدين يتكلمون " طبعا احنا نبى فعل بس هذا لايمكن ولايقدروووون لان الرجل فووووووقها وهو بالنهايه القرار له ", كلام مقنع وكلام يعطى امل ان المراءة ممكن اتسوى شى طالما وصلت المجلس , بس للاسف احنا عندنا اهم من اسيل ومن مسلم البراك" هذا اشهر من نار على علم عشان جذيه ذكرته لا تقوولون بعد حاطه عليه" , المواطن ؟؟؟؟؟؟ وينه احد عطا ويه مسكين , ليش مايشوفون مشاكل وزراة التربيه لاعيبن بحسبة الناس صرف على المدارس الخاصه بسبب تردى مستوى التعليم الحكومى ؟؟؟ ليش مايحسنووووون خدمات وزارة التربيه ؟؟ وبنههم عن البويات والشاذين مافى قوانين رادعه ليش مايصيرون مثل الامارات " ضاربه بيد من حديد والان قطر ياحلوووو نائبهم العام لو بس يسفوووووونه لنا يوم " شوفوا على اليوتيوب , اتقولون الكويت وين وشنو راح يصير علينا وعلى عيال المستقبل
ليش مايسعدون المواطن الكويتى يكونون معاه مو عليه ,
بالنهايه محد مستفيد لان انا وانتى ولا اهى , اللى وصلوا اهم اللى مستفيدين مناصب وفلوس وصيت
حيل يبطلووون هالجامعات الخاصه " الى عليها مشاكل, ومدارس خاصه حق العيال وهالما جرا "

انا هذا راى وياريت تتقبلونه " المراءة ماعندها الاهليه تتزعم الولايه العامه , جان امريكا رشحت سارة بيلان وهيلارى حق مناصب رئاسيه ؟؟"
شلون احنا دول العالم الثالث, اذا نوابنا مناطح بالمجلس بس جنهم يمثلوون على الناس صراخ وضحك والله انهم مرتاحين بس كلام لانه بببلاش

شكرا لكم

 

[sereen]

قال الرسول صلى الله عليه وسلم ( لاخير في قوم حكمتهم امراه)
قالها الرسول صلى الله عليه وسلم ( لاخير في قوم حكمتهم امراه)
قالها الرسول صلى الله عليه وسلم ( لاخير في قوم حكمتهم امراه)

----
مااشاء الله عليج دررررر, خير الكلام ماقل ودل , تعجبنى ردودج نفس ال mantility

 

[ساره.]

والنعم فيها

 

[mimi fawzi]

والله انا عندي اسيل احسن من غيرها من النواب
هذي حريه شخصيه
والله يزيد النائبات
يا حلوهم لا صراخ ولا جنون
صج يا حلو البنات

 

[{ عبره وهلت }]

ماعندي تعليق ع الموضوع

شكرا

 

[الحــــياة]

مشكلتهم الحريم العضوات في المجلس بس كلام وطرح واقناع بس ماكوا فعل !! هذي الصراحه الي لازم انعرفها انتوا لازم اتعرفوون انه مجلس الأمه كل واحد يوهم المجتمع بأنه اهو الي حااس فينا واتيي على الجرح من ناحية الجواز والمرأه مهضومه وحجي مأخووذ خيره وبعدين وين الفعل وين التطبيق ويين وين اقرار القوانين ولا بس جذيه سواو فيلم هندي قبل لا يدشوون المجلس وغابوا والحين حست أسيل العوضي انه في كارثه في المجلس او في حل المجلس وفخافت وسويت مقابلات تلفزيونيه وانا ارفيجاتي عندهم ابرزنتيشن راحوا حقها قالت انا مشغوله مشغوله ابشنو بالقوانين والمقترحات الي نسمع عنها ولا شمينا ريحتها حتى !!!!!!!!!!!!!!!!!!!! والله العظيم لا بينين وبينها عداوه ولا شي ولا أعرفها الى من خلال الجرايد والمقابلات بس هذا الصج ودايما الصج يجرح او الحقيقه مره ...........

والله والله والله انج صااااااجه كلام اخذي بس بسوي وبفعل وبحط وكله .............؟؟؟؟
الله يخليج بس شبعنا كلام.
تقبلي مروري:eh_s(1):

 

[بنت شرق]

قالها الرسول صلى الله عليه وسلم ( لاخير في قوم حكمتهم امراه)

 

[أحبه موت]

انا مو ضد المرأة بالعكس انا معاها بس للحين ماشفنا ولاااااااااااا شي منهم قالوا بنسوي وبنسوي وللحين ماشفنا شي

 

[L a w y e R]

ياحلوها اسيل

دامت ودام تألقها انشالله

 

[العـــائده]

السلام عليكم

أنا عن نفسي خلاص وصلت لقناعة أن المرأة لا تصلح لمجلس فكلامهم اللي سمعناه بندواتهم شيء ولما وصلوا المجلس شيء ثاني

ومقتنعة بشدة بفشل المرأة في منصب الوزير ولا تنسون تغيير المناهج للأسوء هذا كله حصل مع وزيرتين من النساء ... الله يرحم أيام الربعي كانت قراراته مدروسة وتغيراته للأحسن بس لأسف وقفوا بطريجه حسبي الله عليهم وما خلوه يكمل مسيرة الإصلاح

إما الحين فعلى وزاراتنا السلام دام بتكون المحصلة نفس وزارة التربية وقرارتها الحمقاء لنسف مستقبل أولادنا التعليمي وحسبي الله ونعم الوكيل​

.

كثرالله من امثالك.. وجعل هاديه مستهديه مباركه اينما كنت ........

 

[العـــائده]

تنبيه الرجاء عدم الخروج عن صلب الموضوع في حال وجود اي نقاش ديني الرجاء التوجه للقسم الاسلامي

الادارة

 

[ii DareeN ii]

تحياتي للجميع اتمنى عدم الخروج عن صلب الموضوع والنقاش في اعمال النائبة فقط اما الاراء الشرعية يرجى التوجه للقسم الاسلامي لطرحها