اختي تشك فيني وبزوجها!!!!

[bitter-sweetness]

صارحيها قوليلها الكلام اللي انتي كاتبته فوق
انه اهوا اخوج و جذي
الله يعينج عليها

 

[shams2008]

الله يهدي اختج

بس يمكن ريلها يقارن بينج وبينها
حاولي تتحاشينه عشان اختج ترتاح يعني حتي بالزواره سلمي وقعدي بغرفتج
لاتنزلين يمكن الشك يطلع من بالها

 

[مارغريتا]

ماتدرين بعد يمكن اهو يمدحج عندها واهي غارت

فكي عمرج من الحجي ولا تقعدين معاه حتى ع الغدا وحتى الطلعه اللي يكون فيها اعتذري عنها
ترى والله هالعلاقه نار لا تشب

 

[Johnson]

وافقي على اي ريال يتقدملج عشان تفتكين وصراحه الشك هالايام كثران
والدنيا ما فيها امان
انا متأكده انج ما سويتي شي ولا حتى فكرتي فيه بسسس صدقيني ما راح تقدرين تشلين هالفكره من راسها
وبسس

 

[هيبة فتاه]

شالسالفة وربي من المسلسل زادت مشاكل الشكوك بين الاخت وزوجها
حياتي ديري بالج لا تخلتطين معاها وخليج جدية حيل بسالفة إن تشك باخلاقج ولا تعطينها مجال تفكر وبعدين اخذيها من اخرها ولا تزورينها خير شر

 

[tt2tt]

رد : اختي تشك فيني وبزوجها!!!!

اب اب

 

[شغآف الروح]

يبا بعدي عنها باجر تقط بلوة ورآ رآسج وزوجها بعدي عنة ولاتكلمينة ولادقين علية صح انج ماسويتي غلط بس اختج

عشان باجر ماتفضحج ولا لاصارت مشكلة بينها وبين رجلها بتقولج انتي سبب بعدي عنها ولاتكلمينها لاهي ولا زوجهآ

ابعدي الشر وغنيلووة


والله يحفظج ان شاء الله ويبعد عنج المشـآكل

 

[رحيل المرافيء]

رد : اختي تشك فيني وبزوجها!!!!

خلاص لاتقعدين مع زوجها ولاتدقين عليه
ومالج شغل فيه وخلصنا
ابعدي نفسج عن الشبهات

 

[رحيق الورد]

الله يهديها ..

و خلاص لاتقعدين ولا تسلمين على زوجها ..

ابعد عن الشر و غنيله ..

 

[فيلجـ كول ـاويه]

الله يهديها !

 

[بعيونك كلام]

رد : اختي تشك فيني وبزوجها!!!!

الله يعينج ويعين الوالده .. مشكلتنا احنا الحريم ان اقل كلمه من الزوج تعفسنا ...
يعني لو بالغلط مدح بوحده نقعد نحقد عليها ... فما بالج اذا صارت مقارنه مككن توصل للكره ...
ما اجذب عليج .. تزوجت عمري 18 سنه وزوجي كان يقارنني مع وحده من اهله .. وانا كنت انقهر .. بس ما حبيت اطلع او اوريه ان بيكرهني فيها .. يعني مشيت الموضوع ... بس ربي ماقصر ... قام ينتبه لأشياء مافيها وفيني .. وعرف ان في اشياء الواحد يتنازل عنها مو ضروريه مقابل اشايء مهمه في الزوجه ووجودها يريح الزوج ..
تخيلي ان كل ما قال شوفي فلانه والا علانه اسكت ... يدور الوقت .. ويطلع الصج بعدها واقعد انا اضحك ... بالاخير قام يسكت لأن يطلع الصج بالنهايه .. وان شاء الله ربي يرزقج بولد الحلال الصالح ...والله يهدي اختج وزوجها

آمين ,,, والله يتمم عليج العقل
مشكورة حيل ما قصرتي على أسلوبج الراقي ,,, ماشاء الله

سؤال هو شنو ردة فعلة من الممعمة يدري بالمشاكل اللي تصير والشي الثاني قعدي مع اختج وتواجهي معاها وطلعي كل اللي بقلبج وريحيها وسكري الموضوع بتاتا​

والله يا أختي كل مره لما يصير شي أقولها استحي على وجهج هذا مثل أخوي وأنا ماني من الشارع
عشان تكون أفعالي جذي بس للأسف ماكو فايدة ,,,
موقفة انه قال حق والدتي بنتج مادري اشفيها لدرجة انها تقول له شنو بينك وبين اختي ولا اتكلمها !!!

 

[بعيونك كلام]

رد : رد: اختي تشك فيني وبزوجها!!!!

اول شي وخري عن ريل اختج

ثاني شي اختج مريضة وكلميها هم ايهي ما يصير جذي تتكلم وياج
قوليلها ترى انا اختج وام وحده ربتنا

وقفيها عن هالكلام اختج عالعين والراس بس عاد مو جذي

باجر تخرب سمعتج
قوليلها لا تييبين ريلج بيتنا بدام انتي شاكه

المشكله انها ماتدري كلامها يجرح وجني مو متربية مع انها اختي يعني !!!!
والله لما يجي عندنا غدا ولا عشا من أكل أروح داري
ومرات أقعد في داري عشان اخذ راحتي ,,, ومرات بعد ما اطلع ,,
استغفر الله والله شي ينرفز

الله يهديها يارب

اللهم آمين ,,, جزاج الله خير

 

[بعيونك كلام]

رد : اختي تشك فيني وبزوجها!!!!

أختي الغاليه،ياليت تقبلين نصيحتي بصدر رحب،احنا عندنا
في عادات عايلتنا ما تطلع البنت أبد لحماها فاشلون تدق؟؟
حتي لو نيتها وقصدها بريئ،أنت نيتج عادي يمكن بالنسبه لج
مثل أخوج بس هو ما تدرين ولا شنو سبب خوف اختج
وزعلها أكيد حست بشي خوفها،لا تطلعين له كلش وتجنبي
أي مواجهه معه مو حلوه تخسرين اختج عشان سالفه مثل
هاذي،والله يصلح مافي النفوس يارب

أختي انا ما تضحكت ولا تغشمرت معاه ولا سويت اي شي غلط
ويعني لو زوجها في نيته شي أكيد أخوي راح يحس هو ريال بعد ويعرفون إن كان عنده خرابيط
نفس ما احنا نعرف سوالف البنات والحريم ,,,
وأنا دقيت في وجود أخوي ,,, واهوا قعد يمي ,,, يعني راح يشهد على كلامي ,,, وأكيد راح يسمع شنو راح يقول
لأن صوت التلفون عالي ,,, وأنا أخاف ربي قبل لا أخاف الناس ,,,
اللهم آمين ,,, جزاج الله خير

يمكن زوجها مادحج جدامها واحترت
نصيحه اذا شفتيهم قومي ولاتكلمينه خير شر
واذا بغيتي منه شي خلي اختج اتحاجيه ترى صج مو حلوه انتي اتدقين عليه مهما كان اهو مو محرم عليج
لاتعورين قلبج اختي انتي ماتدرين شنو بين المره وزوجها وشنو شايفه او سامعه منه

ترى أنا دقيت مره وحدة ,,, ولا سويت شي غلط أستغفر الله يارب
ولا تميعت ولا سويت شي ,,,
مشكووورة أختي والظاهر هذا اللي بصير صج لا سلام ولا غيره اريح

 

[بعيونك كلام]

رد : اختي تشك فيني وبزوجها!!!!

نصيحه ريحي بالج ولاااااااااااااا تشوووفينه ولا تكلمييييييينه ابدااااااااااااااااااااااااااااااااااااااااااااااااااا

اختج مريضه نفسيا وجاريها

تشك بتربيه امها وابوها الحمدلله والشكر عشنا وشفنا

أقسم بالله هذا اللي قلته من أول مره ,,,
تخيلي خلتني اشك بنفسي واراجع حركاتي وقمت حتى اسأل خالتي وأمي
أنا اسوي شي وانا مادري عن نفسي !!!! يعني لهدرجة !!!
والله أنا قلت لأمي حرام عليها تظلمني والله ما يرضى بالظلم والدعوه المظلوم مستجابة ,,,

السلام عليكم و رحمة الله و بركاته

أهلاً أختي الحبيبة ,, من وجهة نظري لا تكلميـنه و لا تتصليـن عليه أبداً .. للضرورة أو لغير ضرورة ..

طالما الشك دخل في الموضوع فابعدي عن الشر و اقطعي عليه الطريق ..

و أيضاً لا تجلسين مع أختك في حال ( حضورهـ ) ..

طالما رجل غريب ماهوب محرم لك فخلاص ( يُعامل على هذا الأساس ) .. لا سلام لا كلام ,,

و حطي في بالك إن أختك حريصة على حياتها الزوجية و حريصة عليك أنتِ بعد .. و الشيطان موجود ما بعد مات

و أختي كان بالإمكان إنك تتصليـن على أختك و تخلينها هي آللي تكلم زوجها حتى يتوسط للصديقتك ,, أما إنك أنتِ آللي تتصليـن عليه ؟؟

صراحة تصرفك لك عليه يا الغلا و أختك معه حق إنه تزعل و تتضايق ,, يعني هي إمرأة و زوجة و أخذتها الغيرة لازم تتفهميـن الوضع أختي

و هذا حال أي وحدة متزوجة يعني ما جت على أختك ..

مرة غلطانة بتصرفك لامنك لجأتِ للزوج أختك و كان بالإمكان حل موضوع الواسطة عن طريق أختك في إنها تكلم زوجها بالموضوع و انتهيـنا ,,

و حتى لو ما كان فيه أدنى مجال للتفاهم مع أختك على موضوع الواسطة أوكي دخلي الوالدة بالموضوع ,,

و إذا ما ضبطت السالفة خلاص انسيها و لا إنك تتصليـن على زوج أختك

تصرفك شووي أختي الحبيبة مع الإحترام لك ( ينرفز ) ,, و لو إني ما أبي لك الخير ما كنت اعترضت عليك هنـا مرة غلطانة

ممكن هالحركة هي آللي تسببت بإدخال الشك في قلب أخيتك أو زادت من نسبة شكّها فيك ,, و أكيد أنتِ يا عسل ما ترضيـنه

و شفتِ كيف انقلب الموضوع إلى حقد و عداوة و تشكيك بالنوايا بينك و بين أختك و أنتِ نقية و قلبك طيب ما كنتِ تقصدين ..

و هذا الشك لا أنتِ آللي تبينه و لا أختك و لا حتى زوج أختك ,, و لهذا يا عسل ,, لا تتواجدين بحضور زوج أختك

حتى لو مريتِ و سلم عليك لا تردين عليه ( ردي عليه بينك و بين نفسك )

أصلاً شرعاً الأولى للشابة أن ترد السلام في نفسها إذا سلم عليها رجّالن غريب ماهوب واحدن من محارمها , شوفي موقع الإسلام سؤال و جواب عن هذا الحكم :

لا بأس أن يسلم الرجل من غير مصافحة على المرأة الأجنبية عنه إذا كانت عجوزاً ، أما السلام على المرأة الشابة الأجنبية فلا ينبغي إذا لم يؤمن من الفتنة ، وهذا هو الذي تدل عليه أقوال العلماء رحمهم الله .

سُئِلَ الإمام مَالِك هَلْ : يُسَلَّمُ عَلَى الْمَرْأَةِ ؟ فَقَالَ : أَمَّا الْمُتَجَالَّةُ (وهي العجوز) فَلا أَكْرَهُ ذَلِكَ ، وَأَمَّا الشَّابَّةُ فَلا أُحِبُّ ذَلِكَ .

وعلَّل الزرقاني في شرحه على الموطأ (4/358) عدم محبة مالك لذلك : بخوف الفتنة بسماع ردها للسلام .

وفي الآداب الشرعية (1/ 375) ذكر ابن مفلح أن ابن منصور قال للإمام أحمد : التسليم على النساء ؟ قال : إذا كانت عجوزاً فلا بأس به .

وقال صالح (ابن الإمام أحمد) : سألت أبي يُسَلَّمُ على المرأة ؟ قال : أما الكبيرة فلا بأس ، وأما الشابة فلا تستنطق . يعني لا يطلب منها أن تتكلم برد السلام .

وقال النووي في كتابه "الأذكار" (ص 407) :

"قال أصحابنا : والمرأة مع المرأة كالرجل مع الرجل ، وأما المرأة مع الرجل ، فإن كانت المرأة زوجته ، أو جاريته ، أو محرماً من محارمه فهي معه كالرجل ، فيستحب لكل واحد منهما ابتداء الآخر بالسلام ويجب على الآخر رد السلام عليه . وإن كانت أجنبية ، فإن كانت جميلة يخاف الافتتان بها لم يسلم الرجل عليها ، ولو سلم لم يجز لها رد الجواب ، ولم تسلم هي عليه ابتداء ، فإن سلمت لم تستحق جواباً فإن أجابها كره له .

وإن كانت عجوزاً لا يفتتن بها جاز أن تسلم على الرجل ، وعلى الرجل رد السلام عليها .

وإذا كانت النساء جمعاً فيسلم عليهن الرجل . أو كان الرجال جمعاً كثيراً فسلموا على المرأة الواحدة جاز إذا لم يُخَفْ عليه ولا عليهن ولا عليها أو عليهم فتنة .

صح زوج أختك .. لكن هذا ماهوب معناهـ إنه غير عن أي واحد بالشارع أو الجامعة أو مجال العمل , ( يبقى واحدن ماهوب من محارمك )

و الشيطان موجود وربي إنوهـ يستغل أي مدخل حتى يدخل منوهـ ..

و ما فيه شي اسمه نعتبرهـ مثل أخونـا .. يمكن يكون فيه رجال حنـا نحسن الظن فيه و نعتبرهـ مثل أخونـا لكن يا ترى هل هو يعتبرنا مثل ( أخواته ) ؟

يمكن هذا آللي حنـا نحسن الظن فيه جالسن يطور العلاقة من جانب واحد ليه لأ ؟؟

و هم بعد يمكن فيه رجّال يحسن الظن بالبنات و يعتبرهن مثل أخواته ,,

لكن هالبنات ما يعتبرنه مثل أخوهن و إنما ينظرن له نظرة إعجاب أو تفكير ( زواج ) مثلاً و علاقات محرمة , حنا وش درانـا ..

لازم نحط قدام عيونّا هذي الأسباب و الله العالم بالقلوب .. الله يعين و يقينا الفتن ما ظهر منها و ما بطن ..

بارك الله فيك و وفقك في الخير دوماً

احترامي و تقديري

ترانيم القصيم

جزاج الله كل خير أختي ما قصرتي
أنا ممكن أتفهم انها تغار او تشك في بنات في الدوام في الشارع في أي مكان
لكن أنا رابيه معاها وتدري اني أخاف ربي ولا عندي هالسوالف ,,,
وعلى السلام لما يدخل عندنا يدش السلام عليكم وانرد السلام عادي ,,,
وما يتكلم إلا إن كان في موضوع مهم ,,, وإن كان في حديث يكون أهلي كلهم قاعدين وأختي قاعدة,,,
ولا اضحك ولا اسوي حركات وأنا متحجبة وملتزمة بالعباة ولا عندي هالسوالف ,,, أستغفر الله
واذا تغار او تشك تقدر تجي تقول بطريقة مؤدبة او بطريقة غير مباشرة مو تجي
كل فترة تفتح الموضوع وجني أنا مو متربية ولا عندي خوف من الله ,,,
أنا أختها وعيب تجرحني وتخلي حتى زوجها وأمي وخالتي يدور عندهم هذا الشك ويستغربون ,,,
ولنفرض أنا قاعدة واهوا دش وسلم بالاسم شلونك فلانة وهذا طبيعي لما يجي وقت الزوارة او العيد
احقره ولا اقول الحمدلله بخير ,,, واذا مارديت كل مره راح يلاحظون خوالي وعمامي واهلي ,,,
ادري ممكن اصد واطلع من الصالة ولا شي ,,, لكن هم الله ما يرضى على الظلم ,,,
الله يحفظج أختي ولا تنسينا من دعواتج الصالحة ,, وبارك الله فيج وفي أعمالج ,, اللهم آمين

 

[بعيونك كلام]

رد : رد: اختي تشك فيني وبزوجها!!!!

الله يصلح حالكم

وانتي حبيبتي

اذا زاركم لا تقابلينه علشان تعرف ان اللي براسها كله اوهام

الله يهديها بس

اللهم آمين ,,, جزاج الله خير

الله يعينـــــــــــــــــــج عليها مالج الا حل واااااااااااحد كلش لاتشوفينه واذا شفتيه طلعي لاتناظرينه

اللهم آمين ,,, والله لو أنا قاعدة ما انتبه له ولا اطالعة ولا هو على بالي أصلا !!!!

 

[ﺂلعيوטּ ﺂلناعسـﮧ]

حبيبتي ... شوفي الشرع شيقولج
يعني اساسا لا تكلمين زوج اختج ...وريحي عمرج من القيل والقال

انا معاها فكي عمرج يا قلبي ؤابعدي عن الشر ؤغنيله :eh_s:​

​

 

[بعيونك كلام]

رد : اختي تشك فيني وبزوجها!!!!

الله يعينج خلج بعيدة عنه ولاتكلمينه

مع انج ماراح تفتكين بتتبلى علي حتى لوماتكلمينه

الله يعينها شكلها مريضة بالشك

انا عارفة انها مريضة بالشك ,,, لانها حتى تشك في خوات زوجها واهم خواتة من لحمة ودمة
ليش تروح واتسوي لهم وليش وليش !!!!!
الحمدلله على العافية والله يهديها ,,, مشكووورة وجزاج الله خير

لاتكلمين زوجها واذ تبين منه شغله قولي لختك وابعدي عن المشاكل

اهي مره وحدة اللي بغيت شغله يوم الواسطة لصديقتي وبس
الله المستعان

 

[بعيونك كلام]

رد : رد: اختي تشك فيني وبزوجها!!!!

الحمو المووووت يالغاليه

ومايجوز تجلسين معاها وتتكلمين بعد حاولي اذا جا زوج اختك ماتكونين موجوده


الله يهدي الجميع

اللهم آمين ,,, اختي انا ما قعدت معاه بروحنا ولا عمري اصلا سويت هالشي
واللي بينا سلام وان كان في كلام عن موضوع بوجود أهلي ,,, وأهلي بخافون علي ان كان هو مو زين
ولا عنده خرابيط ,,,

خلج بعيــده

اي والله

 

[بعيونك كلام]

رد : اختي تشك فيني وبزوجها!!!!

لا تلومينها المراه اذا حست ان زوجها او حبيبها بيضيع منها
تقلب الدنيا تى لو كانت امها
ويمكن يكون زوجها عنده سوالف وتشك من كل البنات
انتي حاولي كثر ما تقدرين ما تقربين منه وتتحاشينا وقعدي مع اختج قعده صراااحه وقوليلها وفهميها
وانشالله يهديها ربج
الله يكون بعونج

اللهم آمين ,,, والله طقت جبدي وانا اقولها هذا زوج اختي شلون افكر بهذه الطريقة
واهوا حسبة اخوي ولا هو على بالي من الاساس ,, وعيب وجذي وماكو فايدة ,,,
واختي شنو تقلب الدنيا ,,, !!! انا اختها من امها وابوها ورابين مع بعض ,,, هل تشك في أخلاقي !!! ولا تربية اهلها !!! والله الواحد قام يقول الحمدلله على التفكير اللي جذي وعساني ما ابتلي بجذي عقل ,,,
شكلي بتحاشاها اهي بعد ,,, اريح لي والله

شووووووووووفي مادري شصاير فيهم الحريم رفيجتي بنت كبيره ومحترمه اختها ليما الحين تحن عليها انتي تبين ريلي وتقول ريل اختي شيبه شيفه وماكو مرض مو فيه تقول تخيلي اختها مرضت ورحت وزرتها وكانت زينه معاي ويايبه لها هديه وفرحانه فيني اختي تقول جان يدش ريلها فجأه وتقعد تنفس وتطردني خلاص فارجي الزياره انتهت صاير الغيره والكره بين الخوات وايد عسي الله يهدي سرهم

لا حول ولا قوة الا بالله
والله يا قطوة هذا من قلة العقل والدين ,,, والثقة بالنفس
يعني شنو اللي يخليني اشك في اختي !!!!
اقول ممكن زميلة في الدوام ,,, او وحدة ثانية لكن اخت واخت استغفر الله ,,, زمن العجايب
وهذا لاحظت وااايد وااايد صاير هالشي كل اخت تشك بأختها ولا حيا ولا مستحى !!!!
واخت رفيجتج تطرد وجذي استغفر الله ,,, شي عجييييب وغررريب
انا اختي حتى بيتها ما اتخليني اروح عندها !!! تخيلي !!!!

 

[ام الحلوووين]

الله يهديها شنو هذا ؟؟؟؟

انتي لاتسكتين عليها انا مااوزج لابس لازم توقفينها عند حدها

قولي انتي قبل كل شي اختي وليكون على بالج انا ابي ازوج انا لو ااشر اللي ابيه يجيني ترا مواهو او واخر رجاال

اذا زوجج مو تكانه وخايفه منه مو تحطين الحره فيني وترا منتي ملزومه اتجيبينته بيتنا

وانتي حقريه وحقريها اذا جاوكم لاتواجهين اهي كل مره بالاسبوع هاليوم لاتطلعين له او روحي مكان

واهي قولي لها الشهره مو عليج على تفكيرج الخايس واحقريها لاتكلمينها ليما تحس بغلطها وتسنع

ليكون مهند وانا ماادري زوجها