اختكم طالبه نصيحتكم : قبلوني جامعه الكويت , تنصحوني اكمل اوراقي او لا مع ذكر الاسباب

[ON_LY]

((من فرج كربه مسلم فرج الله عنه كربه من كربات يوم القيامه))


بنات اعتبروني اخت لكم وتنصحونها وتوجهونها

والله ينور طريقكم ب اذن الله دامكم تنوروني:eh_s(17):

لان بصراحه بالكويت كلها مافي كلام يعلى على كلام موقع كويتيات نسائيه والاخوات الي فيها

وان شاءالله ماتقصرون

شهادتي ليسانس حقوق وكانوا يبون خبره وقبلوني عندهم

هل اكمل اوراقي (( ليش مع ذكر الاسباب )):bbbiu: والي يعافيكم

او لا (( هم ليش مع ذكر الاسباب )):eh_s(10):


ومشكورين

 

[ghalyah91]

اختي ماعرف وظع تخصصج!!

بس الي اعرفه ان جامعة الكويت مكان راقي حق الشغل وتتعاملين مع ناس راقيه ومثقفه


واذا تبين ترى مؤسسه العامة للرعايه السكنيه مبطلين باب التوظيف وطالبين تخصصج.. تلاقين الموضوع بهالقسم بالمنتدى

 

[ON_LY]

مشكوره ghalayah


ياليت احد موظف بالجامعه مناك او احد من اهله تشتغل مناك تقولنا لان صج محتاجه اعرف


بالنسبه لمؤسسه السكنيه طالبين من شروطهم الا يكون ملتحق بالعمل وقت التقديم ,, وانا للحيني بوظيفتي بوزاره التربيه

فمادري؟؟؟

 

[ghalyah91]

اي كلية قابلينج واي قسم عشان اسال لج

 

[سمو ذاااتي]

يمدحونها

استخيري وربي يكتبلج الافضل

 

[Moi belle]

حبيبتي قبلوج بس لو ماوقعتي هلي شي تري للحين مومتوظفه فعادي تقدمين علي الاسكان اما اذا وافقتي ومشيتي بالفحوصات هني مايصير

 

[honey lust]

الجامعه مكان حلو و راقي بس معاشاتهم عاديه

اعرف وحده تخصصها حقوق تشتغل بالجامعه كرااااف بس مستانسه اهيه تحب الشغل

و اعرف وحده ثانيه تخصصها علوم اجتماعيه قاعده لا شغل ولا مشغله

فمادري هل اهوه علي حسب التخصص ولا الكليه اللي يحطونج فيها

 

[ON_LY]

مشكورين بنات عالمرور والردود

صليت صلاه استخاره وانشالله ناويه اكمل اوراقي

والاسباب كالاتي :

1-لان الوظيفه بجامعه الكويت يضيف لج بال Cv غير مع الوقت لما تترقين يخلونج ( رقابه + رئيس شعبه + رئيس قسم + نائب اداره + مدير ) وهالمسميات ورقابه الاقسام والشعب والاشرافيه لهم بدلات فيها

*-البونص حلو صج المعاش بالبدايه فرق بينه وبينه الوزارات تقريبا 100 دينار بس مع الوقت راح يمشيلي مع تدرجي بكادر القانونيين كادر الجامعه بدل طبيعه العمل بجامعه الكويت + لما تترقين يكون لج مناصب عده هناك بعكس الوزارات

3-جامعه الكويت بالمختصر حلو بعد مرور سنتين ثلاث على دوامج فيها يمسكونج مناصب ورئاسه اقسام ومراقبه لان ينعدون بالاصابع الي متوظفين وياج (( بما انها هيئه مستقله ملحقه لها ميزانيتها الخاصه ) مو مثل الوزارات اللي تلاقي غيرج اكثر من50 ينافسونج

ومثل ماتفضلوا الخوات يكفي مكان يفتح النفس وراقي ولج مكتبج وشغلج وخصوصياتج

والله يكتب الي فيه الخير

 

[مشتطـه]

طبعا كملي اوراقج انا مقدمة وقابلوني وانطر يدقون

مكان ولا اروع احسن من الوزارات التعبانه

 

[جوري الصالح]

استخــــــيري