اخترت القيصريه ،،، بس !

[{ ليت ظني كآن صآيب }]

مرحبا كروشات

بنات انا باخر الثامن و اخترت الولادة القيصريه

و هذي اسبابي :

اولا : مابي اكرر تجربة ولادتي الاولى يومين بغرفة الولاده و طلوق صناعيه

و مافتح رحمي الا 3 سم عقب يومين من التعب و العوارات و اخذت 3 تحاميل طلق صناعي

لاني رايحه وانا لي اكثر من اسبوع بالعاشر وماولدت ولا جاني طلق و رحمي مسكر ولانص سم

و اخر شي ضعف نبض البيبي و انا ارتفع ظغطي وحولوني قيصريه

و الحمدلله خلال 5 دقايق طلعوا البيبي لزوجي

السبب الثاني : راس الجنين الحين كبير شوي

ووزنه اكبر شوي بميتين غرام تقريبا

السبب الثالث : انا خوافه مابي اجرب الولاده الطبيعيه

ابي انام واقوم القى نفسي والده

السبب الرابع : رحت لكذا دكتور وكلهم يقولون اذا ماجاج طلق طبيعي

مانقدر نعطيج طلق صناعي نخاف ع الجرح القديم لاينفتح

يعني اذا ابي الولاده الطبيعيه لازم اصبر وانا مااتحمل الصبر والاعصاب والمحاتاه

واخر شي مو مظمون اني اولد طبيعي


/

اليوم كنت عند دكتوري وقال لي بعد اسبوعين اقرر اذا طبيعي او قيصريه بس اللي

واضح قيصريه لان راس الجنين شوي كبير

الحين المشكله بزوجي بنآت يقول مو على كيفج تسوين قيصريه

و انتي دلوعه و تبين حياة الرفاهيه بكل شي حتى بالولاده

غيرج ولد طبيعي و ماصار فيهم شي

بس الدكتور برد جبدي فيه قال له راس الجنين نفس راسك خخخخخ كبير

بنات دكتوري مأيدني على قراري بس انا خايفه اندم

شرآيكم يالقيصريات

اذا هالمره قيصريه خلاص بيصير كله قيصريات

 

[PuPa^^SWeeT]

بس ترا اذا اخترت القيصرية للمرة الثانية


ترا ماراح تقدرين تولدين طبيعي


وصدقيني الطبيعي وايد احسن من القيصرية

 

[كويتيه مذهله 87]

حبيبتي جربي الطبيعي اشدراج يمكن هالمره سهااله
حبيبتي مو كل ولاده مثل الشي

واذا شفتي روحج تعبتي قوليلهم ابي قيصريه

والله يسهل عليج يااارب

 

[N0oNa]

حالتي نفس حالتج ولادتي الاولى قيصريه و الحين ماادري
متردده بين الطبيعي و القيصريه

 

[دآنة آلرشآيده]

حبيبتي ليش تختارين قيصيريه
انتي خل يحاولون فيج طبيعي واذا مافي مجال
خلاص سوي قيصريهـ

الله يسهل عليج وتقومين
بالسلامهـ​

 

[بخـــارى]

الله يسهل عليج

 

[{ ليت ظني كآن صآيب }]

بنآت انا سالفه المحاوله ماابيهآ

لان تعقدت من قصة ولادتي الاولى

حاولوا بالطلق الصناعي وحاولوا يوسعوني و اخرتها قيصريه

و الحين راس الجنين شوي كبير

ومايقدرون يعطوني محفزات للرحم يعني احتمال الولاده الطبيعيه ضعيف

بس خايفه من سالفه تكرار القيصريات

/

 

[miss mama]

صراحه انا معاج بقرارج لاني مريت نفسج اول ولاده لي تعذبت يومين ومافتح الا 1سم. والنبض قام يختفي أخرتها دخلت عمليات. بثاني حمل لي كنت بنفس موقفج هذا وقلت للدكتور قالي حاووولي طبيعي. عصبت عليه وقلت له لااااااااااءءءءءءءءءء قيصريه يعني قيصريه والله ما أعيد ولادتي الاولى عذاب. اخر ششي لما خلصت من العمليات قالي الدكتور أهنيج على اختيارج لانه البيبي ملتف الحبل السري يعني مافي مجال للطبيعي كنتي راح تعذبين على الفاضي .. فا احسن شي استخيري حبيبتي. ترا اختيارج هذا معناته انج تحددون نسلكم بعدد معين مايتعدا الخمسه. استخيري

 

[ساشا]

بس الطبيعي وايد رحمة عن الفيصرية انا جربت الاثنين
ليش ماتاخذين كف مريم يمدحونه حق تسهيل الولادة
اول ماتدشين شهرج مو الحين طبعا

والله يقومج بالسلامة بالحالتين

 

[حلا vip]

امبيييييه من صجج والله لو انا ما اختار قيصريه انا نفسج وبآخر الثامن بس بخليهم يحاولون طبيعي حتى لو تعبت وادعي ربي مافيه احسن من الدعاء ليش افقد الامل والله سبحانه موجود ادعي يسهل علي واطلع والده طبيعي واكل واشرب على كيفي موقيصري 24 ساعه ما اكل بروحي قبل الولاده ماراح آكل وبكون جوعانه لااااااا ابي اطلع واستانس مع اهلي وزوجي واسولف معاهم موعمليه ولوعت جبد وعععععع ياربي اولد طبيعي بتعب جم ساعه وبعدها برتاح

 

[مس لوتس]

نصيحه دايما ادعي ربي اكتبلي اللي فيه الخيره انتي ماتدرين وين الخير يمكن ربي يسهل ولادتج وتصير سهله كل شي بيد الله وربنا يسهل عليج

 

[جديده 1]

القيصريه مشاكلها وايد من التصاقات بالرحم ولا انسداد قنوات فالوب و من غير عوار العمليه و تحديد جم طفل اتحملين
مشكلتنا اننا مانطبق الاشياء اللي اتسهل الولاده الا قبل موعد الولاده بيومين !!

من توصلين للاسبوع 37 يومياً روحي امشي نص ساعه تقريباً .. الجماع لانه يخلي الرحم فيه انقباضات .. لمده 3 اسابيع و راح يفتح معاج الرحم لان اخر موعد ولاده الاسبوع 40 .. والله يسهل عليكم .. الطبيعي الم و عوار جم يوم و بعدين عااااااااااادي

 

[{ ليت ظني كآن صآيب }]

بس بنآت انا عنق الرحم عندي سميك

وراس البيبي كبير !

يعني امل الطبيعي ضعيييييف ،،،، مابي اتعذب و على اخر لحظه

يحولوني ع العمليات !

بس زوجي مو راضي ،،، و لا اهلي كلهم يقولون توكلي على الله و سوي عمليه



/


كل الخوآت اللي ردوا مشكوريييين

و عسى الله يهون على كل حامل يارب و يرزق كل محرمه آمييين

 

[{ ليت ظني كآن صآيب }]

جديده مافي وحده مشت اكثر مني بولادتي الاولى كنت يوميا امشي ع البحر

و دخلت العاشر بدون طلووق و طوفت تقريبا ٩ ايام ورا موعدي

و توقعت بالفحص ان اقل شي ٢ سم

انصدمت ان الرحم مسكررر

/

انا اخترت الحل الاسهل والاصعب بنفس الوقت

وربج كريم

 

[ورد وردي]

حبيبتي الدكتورة اهي الي تقرر عمليه او طبيعي

في ناس يصرون عالطبيعي ويتهاوشون مع الدكتورة والبنت بجر تلقينها وطبيعتها ماتولد طبيعي لما يشقونها شقوق ويعذبونها عشان شنو عشان طبيعي ؟؟؟؟؟؟
بس هم مو انتي الي تقولين ابي قيصري ........... الطبيبه هي الي تقول

يعني لا تشغلين نفسج بهالموضوع ادعي ربج يكتب لج الخير سواء قيصري او طبيعي وشوفي الدكتورة شنو تقرر وقت الولادة وتوكلي على ربج

ترا كرش القيصري مايروح عكس الطبيعي يرجع البطن ..........بس هم القيصري له مميزات وضروري حسب الحالة نفسها

الله يسهل عليج
وقولي لزوجج خل الدكتورة تختار المناسب

 

[تبطي عظم!]

الله يكتب لج الي فيه الخير

معاي ثننتين بالدوام اول ولاده لهم عمليه والثانيه طبيعي

ووحده هم معانا بالثنتين عمليات والحين قرروا عليها كل ولايدها عمليات وماتقدر تجيب غير ٦ اطفال لان رحمها ماراح يتحمل اكثر

والله يسهل عليج وعلينا ياارب

 

[حرمه المصون]

الله يهون عليج

 

[om MaRyooM]

من قال ان القيصرية رفاهية !!!!!!!



فيها عذاب اكثر من الطبيعي على فكرة



وانتي شوفي دكتورج شنو يقرر واي قرار خلي زوجج يكون معاج عشا يفهم ان هذا سبب طبي .. مو دلع


وسوي استخارة واللي ربج كاتبه بيصير

 

[سكره مالحه]

يا حليلج مختصره الطريج ومقررة وخالصه
شوفى غناتى انا مريت باللى مريتى فيه
بس الفرق بينى وبينج شى واحد فقط
انى تمنيت طبيعى وتميت يومين اطلق واخرتها ربى اختارلى قيصريه
والحمدلله
تبين نصيحتى دكتورج فااااشل
لانة مختار لج الطريق الاسهل له ولج
ويبى يفتك ويزيد رصيده وبس
شنو راس البيبى كبير
انتى تدرين وقت الولاده ان الرحم ممكن يتوسع اذا ربج سهل ويطلع
نصيحتى القيصرية تعب وكل حمل اتعب لج واذا لا قدر الله واستمر حمل ثانى 3 شهور ووقف النبض بيشقون بطنج ويطلعون
الجنين وتروح لج فرصه محدوده
استخيرى وغيرى دكتورج
وروحى حق دكتور عنده ضمير ويخاف ربه
شنو يعنى طلق بدون صناعى اكيد لانج مسويه من قبل قيصريه
وممكن يزرق بسرعه وتصير اسهل ولاده
باختصار هذى فرصه لج وزوجج معاه حق طلع افهم منج
واذا تحبين اليهال تحملى ماكو شى بدون تعب
والطبيعى يا حلاته عند عوار القيصريه تشب معاج اذا ثقل حملج وتحاتين همها هذا غير تشاؤم الاطبا وكلامهم اللى يعور القلب عقب كل قيصرى

وبالاخير احتسبى الاجر

 

[{ ليت ظني كآن صآيب }]

سكره مآلحه هذآ كلام ٣ استشاريين

رحت حق كذا واحد وكل وآحد مستشفى غير

فعلا رآس البيبي كبير

و وزنه بعد كبير

انا معاي سكر حمل عشآن جذي

كلآمج عور قلبي ودي بالطبيعي بس الفرصه ضعيفه عشان جذي مابي اتبهذل