اخاف اقع فى الرياء

[غيوووض*]

مرحبا خواتى ابى اسال سؤال لانى اخاف اقع فى الرياء شاركونى لو سمحتم بالنسبه لى انا دايما اذا فى معلومه او دعاء احب اسجله بالتلفون وارسله كرساله لكثير من الناس لللاجر وحتى يستفيدو الناس ولكن السؤال هو ان فى وحده دايما ادز لها رساله بس المشكله انها اذا دزيت لها الرساله عند اي مجلس نقعد انا معاها تبدا تمدح وتقول والله فلانه طرشلى مسجات دينيه ومن هذا الكلام خفت ان تكون المساله فيها رياء وتبتعد عن الناحيه الدينيه فتوقفت فتره والان انا خايفه انى ما ادز لها مسجات انى احرم نفسى من الاجر واحرمها من الاستفاده وشكرا افيدونا

 

[انا كويتية]

كلميها اختي وشرحي لها

 

[!! الواصليّـــــة !!]

لا ان شاءالله مو رياء
للشيطان مداخل كثيره وخصوصن لقلب الؤمن ..
وهذا من مداخله !!
انه يحسسج ان كل اللي قاعد تسوينه من اعمال خير ماهو إلا رياء منج !
تعوذي من الشيطان .. وطرشي مسج حق رفيجتج بأنج تفضلين انها ماتقول مثل هالكلام قدام الناس لأن اللي قاعده تسوينه لله مو للناس !
اكيد هي بتفهمج صح ..
الله يوفقج.

 

[الغلاااااااكله]

الله يجزاج خيـر على ماتبذلينه

ولا تجعلين للشيطان مدخل عليج

ماعليج كملي وسيري على هالنهج

ماتدرين لو الله يهدي على ايدج انسانه !

وتاخذين اجرها

لو كل واحد بنمدحه بيقول بترك الدعوه

جان ماشفنا مشااااااااااااااااايخ يدعون الناس ويلقون محاضرات

فإنتي يالغاليه :

استمري والله يتقبل منج

 

[تفاخيه مبطوطه]

داخله وبقولج مثل ماقالو البنات .. بما انج باديه بعمل خير لازم الشيطان بيحاول يوقفج عنه ..

ويزاج الله خير

 

[قهوه تركيه]

جزاك الله خير

اختي انتي ترسلين الرسايل بنية اخذ الاجر بإذن الله مو بنتة اخذ مدح الناس
إذن اللي تسوينه مو رياء بإذن الله
و الله أعلم

 

[طنط سميحه]

مسا الخير عليج يا الحبيبة ،، أولاً حبيت أعرفج بنفسي
طنط سميحة ،، آنا عضوة جديدة معاكم ،،
اتمنى تقبلوني وياكم وأكون خفيفة عليكم ،، موضوعج شدني وايد لأني أنا كنت نفس وضعج ،، بس مثل ما قالوا لج البنات مداخل الشيطان كثيرة ،، وانت تعملين لله تعالى وتحتسبين الأجر ،، والله أعلم ما بالنفوس ،، وجزاك الله على ما تفعلين

 

[بنت الاجاويد]

الله يجزاج خيـر على ماتبذلينه

ولا تجعلين للشيطان مدخل عليج

ماعليج كملي وسيري على هالنهج

ماتدرين لو الله يهدي على ايدج انسانه !

وتاخذين اجرها

لو كل واحد بنمدحه بيقول بترك الدعوه

جان ماشفنا مشااااااااااااااااايخ يدعون الناس ويلقون محاضرات

فإنتي يالغاليه :

استمري والله يتقبل منج

بصراحه الغلا كفت و وفت امااااااااااااااااااااااااااااااااااااااانه احملها كل من يقرا هالرد يدعيلها بالتوفيق....

الغلا كله: ا ح ب ك بالله....

 

[الكويتـ80ـية]

بنات ما هو معنى الرياء بالضبط؟؟
فاهمه المعنى بس حابه اتأكد؟