شوفي ياقلبي انا متزوجه
كله سهر بليل مع رجلي
و هممم تعب ماكو فايده
مرات اجي من المسائي تعبببب كرف احط راسي وانام يززززعل ويحز بخاطره
اقولج الوضع وانتي بكيفج ..
انا من تزوجت رككككضه مسائي ماكملت صباحي المهم
نظامي رجلي الصبح دوام انا نايمه واقوم الضحى اكرف بالبيت واسوي الغدى مافي وقت ادرس
واللي مو مساعدني اني اخلي شوية وقت فراغ عشان ادرس فيه هو رجلي لانه مو نظامي يقط واشيل من وراه البيت دايم عفسه اللي يدشه يقول عندي عشر جاهال بس انا ماعندي ولا بيبي واحد الله يرزقني يارب
المهم اخلص غدى وكرف يدووووب ابي اتمدد تعبانه مالي خلق افتح كتاب
انطر رجلي يجي من الدوام نتغدى واشيل الصحون واغسل والبس واصلي وركضه عالمدرسه الساعه اربعه ويدووب وانا بالطريق افتح لي كم كتاب اقراه عالسريع لانه مافي وقت مثل ما قلت لج ادرس بالبيت
اجي البيت الساعه 9 احد واثنين وباقي الاسبوع 9 الا عشر يكون رجلي شبعان نوم يبي يقعد معاي طاااف مالي خلقه كرررف بالمدرسه ويكفي مقابله الكتب وشرح وراسي مفتر من فيزيا كيميا لوووعه احط راسي و انام يززعل ويحز بخاطره
صدقيني مو على بالج تحولين مسائي يعني تسهرين ووناسه بالعكس الا تعب زياده يعني جايه من مدرسه 5 ساعات طبيعي بتنامين مو فاضيه حق سهر وحتى لو بتجاملينه بس مرح تقدرين كل يوم يعني الحال من بعضه من ناحية السهر سواء صباحي او مسائي
الشغله الثانيه المسائي مافي اعمال سنه دشيتها على الله وعلى اختبارات الفتره الثانيه والرابعه وبسسس وتختبرينهم مع الصباحي والصباحي شديدين مافي مجال تغشين وتمشين حالج
يعني من وين المسائي رح يساعدونج ؟؟ مايقدرون لانج على الله وعلى الفتره الثانيه والرابعه نجاحج كله على هالاختبارين نجحتي كان بها ما نجحتي اطسي بالثانويه مرح تطلعين منها قسم بالله وانتي تقولين مهمله وكسلانه يعني ابشرج مررررح تنجحين بمسائي
والشغله الاخيره من ناحية الدراسه انا نفسج قالو لي البنات بالمنتدى يساعدوون مسائي والله ويراعون ويوم رحت انصدمت صدمة عمري اقسم بالله يعاملونا مثل الجاهال زف و معامله سيئه و مافي تقدير اذا وحده تبي تغيب بطبيه او بدون طبيه تنزل لها انذارات ويع
عفففففففففففت عمري واقسم بالله على نص الكورس وطلعت ماقدرت اكمل تعبت مشاكل مع رجلي لاني مقصره زياده من دشيت مسائي مافي وقت له وفوق كل هذا المسائي ما يراعون ولا يقدرون وييييييع الحمدالله اللي طلعت منها ورحت والله العظيم لو قاعده على الصباحي اشرف لي عالاقل درجات ترفعني واعمال سنه
وبالاخييير الحمدالله رب العالمين رحت سجلت المعهد الديني هو حاله حال الثانويه العامه بس اذا نجحتي منها تعتبر شهادتج ادبي
المهم نفس الحاله اول السنه قالو لي مافي اختبارات شهريه ولا اعمال سنه قممه بالتحبيط بس بعدين بشرونا بيحطون اختبارات وربي لك الحمد والشكر يالله الحمممممممممدالله الابلات حيييل راعونا ومعطينا درجات زينه بالاختبارات واعمال السنه
بس بقولج شغله من خلال تجربتي هذي
ترى وين ماتروحين بتلاقين التعب والشقى
يعني المعهد الديني قالو لي راحه وسهل وكله مواد شرعيه ومايبيلها
صراحه يوم دشيت شفت انه هذا الجد
مواد واااااااااااجد تخيلي اختبارات شهريه ثلاث اسابيع ونص يعني يعتبر شهر
15 مااده غير مادتين تسميع شفوي اللي هو نصوص وقران وتجويد ومو بس جذي الا كل ماده يبيلها حفظ من قلب كتب كبيره حيل مثل ملوت جامعه وكمية الحفظ كبييييره تعب تعب تعب مع انه الابلات ساعدونا بالاختبارات بس اختبارات ثلاث اسابيع ونص هذي بحد ذاتها مشقه وتعب نفسي لنا استغفرالله
بس الحمدالله الوقت مريحني دوامي من 4 ونص لي 8 بس معهدنا يطقون الجرس 7 ونص عشان نطلع ابجر الحمدالله يعني مافي تعب مثل الثانويه العامه ارد البيت في وقت اكل واقعد مع رجلي وادرس وصدري منشرح لانه اكثر موادي علوم شرعيه تشرح الصدر انا عاشر حاليا فصعبه بالمعهد الديني وموادها واجد وكميتها كبيره
اذا انتي 11 او 12 نصيحه تعالي المعهد الديني لانه 11 سهل سهل سهل لعب جاهال مافيه صعوبه مافي رياضيات ولا علوم
بس مواد ادبيه ومو مثل العامه لاااا الكتب خاصه بالمعهد اذا قررتي تدشينه كلميني خاص واقولج المواد والنظام
والله يوفق الجميع ونصيحه لا تتركين الشهاده انا صحيح تأخرت بدراستي بس نهائي ما افكر اقعد بدون شهاده لانه الشهادده سلاح المره ومعانا حريم بال40 وفوق تخيلي ويدرسون ويشدون حيلهم مع انه ياكثر المسؤؤليه عليهم وانتي بعدج صغيره كملي قبل لا تكثر عليج المسؤؤليه وتندمين ..
موفقه ياارب
