احنا بمصيبه يا بنات:(

[pain]

قوه بنات

اشلونكم ؟

وااااي يا بنات والله احنا عايشين بحاله ما يعلم فيها الا ربنا

امي يا بنات :eh_s(11):

الله يخلي لكم امهاتكم ولا يغير عليهم يارب يارب

بنات امي من شهر منقلبه 180 درجه


تخيلوا

ماتبينا
ولا تبي ابوي
ولا تبي اخواني

ماتبي الناس

يا يمه شفيج ؟
تقول انا خايفه من عذاب الله

انا يمكن قصرت بحق ابوي"يعني ابو امي"اللي اهو"يدي:

متوفي من 5 تشهر

تقول لاء ابوي ما قالي انا راضي عنج

تخيليوا يا بنات
والله 8 سنين وامي اتبدل له حفاضات اكرمكم الله
وتسبحه
وتلبسه

الخدامه يابتها بس عشان تغسل هدوومه وبطانيته بستمرار الله يبيحه

والله اني احسد نفسي انه هذي امي حييييييل بار ببوها رحمة الله عليه

الحين امي منقلبه ما تاكل ولا تبينا لا يوا الناس تتضايق

ما تطلع من البيت كله فيها ضيجه

يمه شفيج ؟

اقول احس قلبي ضنكه

ماي زمزم
قرت قران
شيخ
رقيه
كل شي كل شي سويناه

تخيلوا

يوم الخميس كان عندنا حريم يخطبون اختي

والله حتى المره اقولها شفيج ليش جذي حالتج ؟؟

ترى ما ايييج مره ثانيه وآخذ بنتج لا ظليتي بهالحله ؟

تقول يمه انا اخاف محد ياخذكم انا عار عليييكم

اقولها يمه انتي ما فيج شي

مجرد ضيقه وبتروح

مو عارفيين شنسوي

لا اقوولون طبيب نفسي حجي الناس ما يرحم يكفي بيت يدي يوم دروا درت الصليبيخات كلها كل الناس اقول امكم شفيها ؟؟

والله ماندري شنقول :eh_s(2):

ابوي وداها ارقى المطاعم وداها احسن الاسوق

قالها اشتري اللي تبين

شرى لها طقمين ذهب كامليين عشان ترتاح

تخيلوا

حتى ابوي ما تبيييه

تقوله تزوج فيه مره تقول جذي ؟؟

والله تعبنا حيييييييل حييييل يا بنات

وهذي شمعة البيت لا صار فيها شي كلنا رحنا فيييها

بنات شوروا علينا شنسوي ؟​

 

[تفاخيه مبطوطه]

لاحول ولاقوة الا بالله

حالة امج تقطع القلب .. موزين هاللي مسويته بنفسها !

مادري شقول ! الله يعينكم ويقومها سالمه

 

[dima]

ya galbiiii alah eshafeha enshalah o yahdeha

madri shagool 3awarat galbi walah

yemken met2athra o met'thayga 3ugb ma tewafa yadkom alah yer7ma

 

[فرحانه]

ان شاء اللة تروح عنها هالضيجه وترجع لكم مثل اول
عليكم بالدعاء والصدقة
وانا اشوف انكم تسون حق يدكم اي عمل خيري مثل ماء سبيل او كفالة يتيم او اي شئ بين فترة وفترة وتقولون لها علشان ترتاح وتستانس

 

[الداعية إلى الله]

يا حبيبتي إنتي
الله يشفي والدتج يارب

صدقتي يالغالية الأم شمعة البيت إذا صار لها شي
حتى لو تتعب شوي البيت يظلم ..

الله يخليها لكم ..

حبيبتي الواضح من كلامج إن والدتج الله يحفظها تعبانه نفسياً
والله أعلم في أحد مكلمها أو سامعه شريط درس خوفها وخلاها بهالحاله
أنا أقول شوفو أحد يأثر عليها وتحسون إنها تآخذ بكلامه وخل يكلمها

وأكثروا من الدعاء لها .. وترى إن شاء الله مافيها إلا العافيه
وشكلها فاقده والدها حييل رحمة الله عليه .. من جذي تحس
إنه موراضي عليها.. حبيبتي بينوا حق والدتكم إنها تقدر تبر أبوها
حتى بوفاته .. كما قال الرسول عليه الصلاة والسلام بمعنى الحديث
(( ينقطع عمل ابن آدم بعد موته إلا من ثلاث .. ومنها ولد صالح يدعوا له ))


طمنينا يالغاليه ..
راح أكون متابعه لموضوعج لين تطمنينا على والدتج

 

[jolie_q8]

ما تنلام امكم

لازم تصبرون عليها وتقوون عزيمتها وتحاولون تقنعونها انه الموت حق علينا كلنا

ولازم نرضى القدر

خل تروح دروس دين واذا باستطاعتكم خل تروح العمره

وان شاء الله يمسح على قلبها ويصبرها​

 

[هدوي]

لاحول ولاقوة إلا بالله
يمكن شايفه حلم أو شي
على العموم مافي شي أحسن من العمره شي يبرد على القلب ويغسل الهموم
وهم قولي لها تاخذ من فلوسها وتبني لأبوها مسجد أو حتى تسويله وقف صدقيني بترتاح

أقولج على شي انا امي تدعي لكل أخواني إلا آنا
بس والله ادري انها راضيه علي الحمدلله مو شرط تقولي لأني انا مجابلتها عكس اخواني اللي يزورونها فلازم تبين لهم اناها راضيه عليهم فتدعي لهم

يعني ان شاءالله جدج راضي عن أمج حتى لو كان بآخر حياته مايدري عن اللي حواليه
أكبر رضا من الله علينا انه يخلينا تحت أمرهم وبخدمتهم
الله يعطيهم طولة العمر ويلبسهم بالصحة والعافيه

 

[غيوووض*]

الله يساعدكم اختى ويعافى امك لكم انشاء الله ودو امكم دكتور نفسى ويمدحونه حيل اعتقد عصام وتلقينه بالجرايد ترى زين بعد الله خاصة للى مثل حالة امك ومجربينه ناس كثير

 

[وسن 11]

ماعندي شي ازيده علي كلام البنات
البنات ماقصروا
والله يشفيها ويخليها لكم

 

[@ دهن العود @]

الله يعينكم ويقومها سالمه

 

[نونو جين]

لاحول ولا قوه الا بالله العلي العظيم يابعد عيني
شوفي انا مادري اذا من يوم وفاته هذا شي بس اذا فجأه صارت جذي يمكن حلمانه والا سامعه حجي
ياحبيبتي لاتخلونها جذي اقرو عليها وخلوو سورة البقره 24ساعه بالبيت
واقرو عليها المعوذات واهي بعد خل تقرا على عمرها الفجر والمغرب

وسمو عليها وخليكم قريبين منها دايم

والله يفرج همها وهمكم يانور قلبي
اسم الله عليكم ماعليكم الا العافيه​

 

[لازوردي]

يا حياتي الله يشافي لكم اميمتكم و يقومها بالسلامه انشالله و حاولوا تودونها العمره و انشالله هناك ربي يفرجها عليها و اترد لكم بنفسيه احسن ياعمري ..​

 

[bnt q8 in usa]

اختي حبيبتي انتوا بناتها يبوا ماي صحه جم بطل واقروا عليه يس والمعوذات
وتالي شربوها كل يوم صبح ونثروا علي ملابسها وابيت شغلوا سورة البقره

واحسن علاج لها ودوها العمره انشالله ترتاح بس الله بذكر الله تطمئن القلوب
العمره وبسسسسسسسسسسسسس

وعسي ربي يشفيها لكم
امكم حاشها وسواس قهري

 

[^^ جـنـونـيـه ^^]

لا حول و لا قوة الا بالله الله يخليها لكم و يشافيها يارب
حبيبتي مالج الا الدعاء و الصدقات
و حاولي تاخذين امج لروس او حلقات ايمانيه عشان ترتاح فيها و يزيد اكثر ايمانها و لو انها ماشاء الله عليها مثل ما قلتي بار بوالده
الله لا يحرمكم منها يا رب​

 

[أم منصـ 85 ـور]

الله يعنيكم .. ويفرج همكم ..

 

[أميرة الورد]

الله يشافيها ان شاء الله ويفرج عنها واقروا عليها سورة البقرة كل يوم لما تحسون بالتحسن ان شاء الله وما تشوف شر الغالية ...

ننتظر منج أخبار طيبة ان شاء الله

 

[رقي]

الله يعينها

 

[Pink GirL]

الله يشفيهاا وتروح عنها الضيجه

الظاهر امج فاقده ابوها الله يرحمه فمأثر بنفسيتها

ادعولها وخلوهاا تكثر من قراءة القرآن والدعاء واذا تقدرون تودونها العمره وان شاء الله مايصير الا كل خير

 

[صمت الهدوء]

الله يشافي امج ان شاء الله مثل ما قالو البنات خل تروح تسوي حق يدج اي عمل خير اهي راح ترتاح وودوها تتعمر مافي احسن من بيت الله

 

[^^دموع الكويت^^]

الله يشفيها

البنات ما قصرو بالردود والحلول

ادعولها كثر ما تقدرون


يا رب يشفيها ويخليها لكم