احلى ... واغلى ... تجمع (مواليد شهر 3 و 4 ) شرفووونا

[مسك وطيب]

اللي عندها واتس اب وحابه تراسلني ونتعرف اكثر ترسل لي رقمها عالخاص ,, صارلنا سنه معرفه وللحين ننادي بعضنا بألقاب المنتدى ... حبيتكم في الله وما بي افقدكم

 

[أم-حسون]

مسك و طيب حبيبتي بحق هالساعة قبل اذان المغرب ادعي لوليدج ان شاءالله مافيه الا العااااافية و الله يفرح قلبج ياااارب

و انتي بعد ادعي لبنتي الله يهديها تبجي بجي صرااااخ من اقرب صدري لها حتى اقول لريلي اخاف ما تحبني ليش تسوي جذي و الممية تمسكها على طووول خلاص حليبي نشف باي باي

 

[أم-حسون]

ام عبدالله حبيبتي ادري مو مكانه هني بس بسالج منظم الجناط بجم عندج؟؟ جناطي عفيييسة مادري شلون ارتبهم بالكبت...

 

[فجر Q8]

شلونكم امهات وشلون البيبيات

لفت لي انتباهي تعليق ذوذو ان ما تقدر تاخذ منع حمل

صارت معاي نفس الحاله

وقالت لي الدكتوره ان عندي ضعف بالمبايض ولازم اعالج وقاعده ابدي بالعلاج

بس مو راضي تعطيني حبوب منع الحمل ما ادري ليش!!!

 

[مسك وطيب]

هلا فجوره شلون وليدج شخباره طهرتيه والا بعد ... جم عمره ألحين ..الله يخليه لج يارب

 

[مسك وطيب]

أم حسون الله يكون بعونج وعسى الله يهديلج هالصغيره ,,,

 

[فجر Q8]

هلا فيج مسك وطيب والله الحمدالله تمام بس صاير شيطوون كله يبينا نشيله واذا ما شلناه قعد يبجي هذا غير انا ما يبي ينام بسريره

اي والله طهرته اسم الله عليه لما طلع من الحضانه بشهر كان عمره تقريبا 3 شهور

الحين بيدش 6 شهور وانتي اشلونج مع وليدج واشلونه وياج

 

[اميرة القصر المهجور]

هلا مسك وهلا فجووره عاش من شافج شلون وليدج اكبر واحد في بيبيااتنا يازينه

مسووكه بطرشلج رقمي ع الخاص وخلنا نتعرف اكثر فديتج

وام حسوون انااا مودعه الرضااعه الطبيعيه من زماااااان لأنها كانت بالمستشفى 10ايام ويوم طلعت حليبي شوووي ومااترضع كللش

 

[أم-حسون]

يالله الحمدلله على كل حال شكلنا كلنا ما نرضع هههههههه

الله يخلي لكم بيبياتكم يااارب ...

بنات شنو تعطون عيالكم غير الحليب؟؟ انا اعطيها حليب سيميلاك و ماي تمر و ودي اذا دشت الرابع بعد اسبوع ابلش معاها عصير جزر مخفف شرااايكم ولا تو الناس؟؟

 

[ام عزيزان3]

هلا ام حسون شلونج وشلون بنوتج،،،انا بنتي اعطيها من كملت شهرين اخر رضعه بالليل أحط معاها ربع قفشه صغيره مالت الاستكانه سيريلاك احطه مع الحليب وشوي شوي زدت الكميه الحين قفشه ممسوحه،،،،،كل عيالي كنت اعطيهم وهم بعد كنت احط لهم مع الحليب ربع بسكوت فارليز بس بنتي هذي لي الحين ماعطيتها وناويه اول ماتكمل الثالث بعد ثلاث ايام بتاريخ ٧-٧ اعطيها عصير مال اليهال الي نفس قراش الفواكه بس عصير حتي الفواكه عادي تحطين ربعها بالبدايه وتخففينه بالماي *

 

[tho tho]

شلونكم امهات وشلون البيبيات

لفت لي انتباهي تعليق ذوذو ان ما تقدر تاخذ منع حمل

صارت معاي نفس الحاله

وقالت لي الدكتوره ان عندي ضعف بالمبايض ولازم اعالج وقاعده ابدي بالعلاج

بس مو راضي تعطيني حبوب منع الحمل ما ادري ليش!!!

حبيبتي انا معاي اجسام مضاده عشان جذي ما اقدر اخذ حبوب منع حمل
اتسبب لي جلطه يا بالرئه او ريولي اسم الله عليكم

 

[@الياسمين@]

شلونكم بنات شخباركم
بنتي صايره تكح وبصدرها بلغم .. شسويلها ؟؟ احس تو الناس على ادوية الكحه
وشنو الاعشاب اللي اقدر اعطيها
انا اليوم عطيتها بابونج
وتطعيمها يوم الخميس أأجله ولا عادي تتطعم ؟؟؟

 

[dantella]

فديتكم بنات تجمعي شلونكم عساكم بخير شلون عيالكم بشروني عنهم
انا كنت معاكم بتجمع الحوامل ان شاء الله مانسيتوني
ولدي الله يحفظه صار عمره 3 شهور وسبوعين
تهقون متى اقدر اعطيه شي غير الحليب؟
احس مافيني صبر انطر لين يصير عمره 6 شهور
انتو شرايكم

 

[*فدك*]

مسوكه ربي يطمن قلبج على وليدج ياارب وووولاتحاتين المهم يشرب شبعه مولازم يتختخ المهم الصحه والعافيه
ام حسوون اانا وياج نفس المعاناااه اصلا حليبي راااااح حتى الشفط ماعاد ينفع وضايق خلقي الحين تخرجت وفاظيه بالبيت ودي ارضعها ست اشهر على الاقل والحين لها شهرين وبس الصبح ارضعها رضعه وحده وماتشرب بس عشر دقايق وترد تنام بس كل يوم الصبح عشر دقايق وطبعا صرااع انا وياه تحن ماتبي واحاول اجبرهاا
اهيا ماتبي عشان تعودت على الصناعي اسهل لها

ام عزيزان انا بنت اختي جي من تروح عند احد تبجي لين كبرت وتغيرت اقري عليها المعوذات
دمثه وام عبود وام عبود 2 واميره وغلاي وذوذو وووووكلكم لكم وحششششششششه:eh_s(7):

:eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7):

 

[*فدك*]

فديتكم بنات تجمعي شلونكم عساكم بخير شلون عيالكم بشروني عنهم
انا كنت معاكم بتجمع الحوامل ان شاء الله مانسيتوني
ولدي الله يحفظه صار عمره 3 شهور وسبوعين
تهقون متى اقدر اعطيه شي غير الحليب؟
احس مافيني صبر انطر لين يصير عمره 6 شهور
انتو شرايكم

اكيد ما نسينااج :eh_s(7):
نطريييي عليه لانه انزيمات الهضم عند البيبي ما تبى تتكون بالمعده الا بالاربع شهور والدكاتره بعضهم يقولون من 6 اشهر اذا الرضاعه بس طبيعييي والبعض من 4 اشهر اذا الرضاعه مكس

وانا ناطره بس تخلص بنتي ال4 اشهر وتبدى بلخمس ببدي بالاكل
بس الحين تقدرين تعطينه ماي التمر كوبه بدال الرضعه بس الكميه اقل من الرضعه وتخففينه ويقولون ماي العيش المشخول بعد نفس الشي

 

[dantella]

اكيد ما نسينااج :eh_s(7):
نطريييي عليه لانه انزيمات الهضم عند البيبي ما تبى تتكون بالمعده الا بالاربع شهور والدكاتره بعضهم يقولون من 6 اشهر اذا الرضاعه بس طبيعييي والبعض من 4 اشهر اذا الرضاعه مكس

وانا ناطره بس تخلص بنتي ال4 اشهر وتبدى بلخمس ببدي بالاكل
بس الحين تقدرين تعطينه ماي التمر كوبه بدال الرضعه بس الكميه اقل من الرضعه وتخففينه ويقولون ماي العيش المشخول بعد نفس الشي

حبيبتي فدك شلونج
انا كنت ارضعه مكس بس اشوفه الايام الاخير قام ماحب الطبيعي يمكن لان انا اصلا ادراري موقوي
انزين لو بعطيه ماي العيش شكثر اعطيه ؟ واذا الماي في ملح عادي ؟

 

[tho tho]

و اخيرا الحل الامثل للياهل الحنان <<<<<<<<< امبيه حسيت اني اسوي دعايه
اشتريت حق ولدي الديرفه اللي على كهربا بس عشان ينام بالليل
يعني تقريبا تعود عليه انصحكم فيه

 

[dantella]

و اخيرا الحل الامثل للياهل الحنان <<<<<<<<< امبيه حسيت اني اسوي دعايه
اشتريت حق ولدي الديرفه اللي على كهربا بس عشان ينام بالليل
يعني تقريبا تعود عليه انصحكم فيه

ذوذو شلونج حبيبتي لج وحشه
شلون ولديج الله يحفظه
خخخخخخ وانصحج تحطين الديره قبال التلفزيون على mbc3
انا ولدي يتنح على هالقناه والغريب ان بعده صغير مادري شالسر

 

[tho tho]

ذوذو شلونج حبيبتي لج وحشه
شلون ولديج الله يحفظه
خخخخخخ وانصحج تحطين الديره قبال التلفزيون على mbc3
انا ولدي يتنح على هالقناه والغريب ان بعده صغير مادري شالسر

حياتي بخير الله يسلمج و يعافيج يارب
انتي شخبارج ؟ ولدج شخباره ؟
اي هذا اللي يصير احطه جدام التي في و يتنح و عباله يسولفون معاه هههههه

 

[أم-حسون]

هلا ام حسون شلونج وشلون بنوتج،،،انا بنتي اعطيها من كملت شهرين اخر رضعه بالليل أحط معاها ربع قفشه صغيره مالت الاستكانه سيريلاك احطه مع الحليب وشوي شوي زدت الكميه الحين قفشه ممسوحه،،،،،كل عيالي كنت اعطيهم وهم بعد كنت احط لهم مع الحليب ربع بسكوت فارليز بس بنتي هذي لي الحين ماعطيتها وناويه اول ماتكمل الثالث بعد ثلاث ايام بتاريخ ٧-٧ اعطيها عصير مال اليهال الي نفس قراش الفواكه بس عصير حتي الفواكه عادي تحطين ربعها بالبدايه وتخففينه بالماي *

اييي حلوة افكارج انا هم بنطر عليها شوي ودي تدش الرابع و تاخذ منه اسبوعين و عقب ابلش معاها اشياء خفيفة مثل عصير مخفف و بسكوت و سيريلاك...