احلى ... واغلى ... تجمع (مواليد شهر 3 و 4 ) شرفووونا

[*فدك*]

امس رحت بطعمها مارضوا اهيا تمت شهرين ويوم بس التطعيم ماخذته بتاريخ 20/4 اخر يوم بالمستشفى وقالتلي مالي شغل اذا ولادتها كانت 18/4 المهم شهرين من التطعيم السابق وقلتها على يوم واحد قبل مايفرق ماااارضت خير شر واليوم العصر ان شاء الله بوديهااا

 

[*فدك*]

بناااااااااااااااااااااااات حبيت ابشركم


الحمدلله

انا تخرجت واخيراا خلصت الجامعة وطلعت نتايجي الحمدلله كل شي تمام

مشكورين يا صديقاتي الغالياات على وقفتكم معاي طول وانا حامل والحين بعد الولاده ودعواتكم لي كل ما كنت اطلب دعائكم عشان الامتحانات ماكنتوا تقصرون بمساندتكم المعنويه الي عطتني دافع اني اشد حيلي واخلص حتى بالفترة الي بغيت اتراجع واسحب قيدي بعد ما ولدت الكل شجعني انه مابقى الا شهرين واخلص والحمدلله درست وحملت وولدت وكملت درست والحين ||تخرجت||​

 

[*فدك*]

بناات وينكم ماكو الا انا ومسوكه...

ردوا للتجمع الحلو

 

[مسك وطيب]

فدووووووووووووووك كللللللللللللللللللووووش

كلللووووووووووووووووووووووووووووووووووووووووووووووووووووووش

ألف ألف مبروووووووووووووووووووووووك

ومنها للأعلى والله يوفقج ويرزقج ماتتمنين

 

[مسك وطيب]

صدقتي فدوك بس انا وانتي بالتجمع حتى ذو ذو اختفت ...؟؟؟

وين غاطين البنات ؟؟؟ ان شاء الله المانع خير

 

[أم-حسون]

سلااااام عليييكم شلووونكم بنااات
ماا كنت ادري انكم متيمعين هنيي والله قبل يومين شفتكم و بعد انتوا ادرى جنوونة ماخذة كل وقتي اسم الله عليها على طووول تبي شي

فدووكة مبروووووووووووووووووووك حبييييبتي والله حيييل استاانست لج حياااتي انتي تستااهلين كل خييير و الحمدلله افتكيييتي و الفال لي ان شاءالله ))
امبيه كل ما تتحجين جنج انااا نفس الحالة ويا الرضاعة الي بس الصبح و بعدين ماااكو شي ( و حتى سالفة قعدتج ببيت امج انا هم سويت جذي قعدت شهرين على ما خلصت امتحاناتي رديت شقتي بس طبعا بهالفترة كنت ايي انام بالشقة بالاسبوع مرة و شوي اضبط اموري...و اليووم اهلي كلهم سااافروا ((( و ضليت بروووحي ويا هالبنوتة و مسؤوولية البيت برووحي ... خالتي عندي تحت بس ما احب اناديها كل شوي و تصعد الدري عشان والله تغسل لي ممية و لا تسوي لها حليبة بس بييب خدامة امي عندي تساعدني شوي...

مسووكة شلووونج حياتي مشتااقة لكم والله انتي و ذوذو و مسوس و كللل البناات ...

بنات انا بنتي متعودة ما تناام الا بالمصاااصة و الدكاترة يقولون لي مو زينة شسويي الصراحة شي مفيييد و مالي غنى عنه بس تالي اذا بمنعها منه راح اتاذى وايد ولا عاادي؟؟؟

انا قمت البس بنتي شورتات للركب و اوفرولات تكون قصيرة شوي بس ما اخلي الشقة باردة حيل و احاول على طول تكون ملفوفة عالخفيف و الحين اسم الله عليها شهرين و عشر ايام و ببدي بعطيها ماي تمر...

انتوا شخباااركم و شمسوييين ويا البيبيااات فدييتهم والله... على كثر ما ياذووونج و ما يخلونج تنامين بس تشوفين ضحكتهم بويهج ولا لمن يبدون يناغون تنسييين التعب كللله :***

 

[أم-حسون]

صج بنااات في وحدة ما اذكر منو كانت تعاني من خشم بنتها ان على طول مسكر او متروس... انا خالتي يابت لي من الصيدلية شفاااط حق الخشم لونه ازرق اذا رحتي و قلتي لهم يعطونج عجيييييب شوية عليه... كل ما يسكر خشمها او تكرمون يصير فيه سنانسين على طووول اقطر لها قطرة و بعدين بالشفاط تبجي شوي بس عقب ترتاااااح كل شي يطلع خخخخخخخخ جربوووه خووش شي

 

[@الياسمين@]

شلونكم بنات

فدك ... الف مبروك والله يوفقج

 

[*فدك*]

الله يبارك فيكم مسووووكه وام حسون ووياسمين والفال حق عيالنا نشوفهم كبروا وتخرجوا اول شي من الروضه ليي نفرح فيهم من الجامعه

ام حسوون المصاصه قصة حب بينها وبين بنتي مااااكو تمصها بضمير لين يطبع على ويها ومرات تدخل صبعها من تحت مع المصاصه واذا طاخت المصاصه من بعيد اسمع صوتها تمص ايدهاا مادري احاتي بعدين لي بقطعها شلون

الفال لج تتخرجين وتفتكين وتفظين حق جنونه الحين احس تعلمت على الروتين معاها والله المستعان

 

[tho tho]

كلوووووولوووووووش ألف مبروك فدووووك
الحمد الله تخرجتي و افتكيتي

 

[مسك وطيب]

اشتقت لكم

 

[tho tho]

البنات ما قاموا يبينون :/
كل من لاهي مع عياله

و اخيرا عطلت ماكو دوام الا شهر 9

 

[ريم لبنان]

الله يخلي ولادكن يا رب ويخليلي بنتي ان شاء الله
بنتي كمان في قصة غرام بينا وبين المصاصة بس ما رح وقفلا هي مريحة كتير
انا بكرية ولدت ب 12/مارس وبرضع بنتي وبشتغل لما داومت بنتي بطلت ترضع مني وصارت تاخد ببرونة اضطلايت اسحب حليب لو رضعتين باليوم من حليبي
لولاد كتير حلوين بس لما يكون في دوام وبيت كتير تعب والله حتى اني نسيت زوجي يا حرام ما عدت اهتميت فيه متل الاول بس رح حاول شوف شي طريقة
الله يعطيكن الف عافية حبيباتي ويخليلكن ولادكن ان شاء الله ويخليلي بنتي

 

[*فدك*]

الله يبارك فيج ذوذوووو شخبار معرسنا؟
ريم لبنان حياج الله والله يخليلج بنتج
مسك احنا بعد "**

----------------------

ااخر الاخبار اشتركت بنادي كيرفز ؟؟وااايد حلو صارلي اليوم ثالث يوم احس وناسه واحلى مافيه انه نظامه بس نض ساااااعه باليوم مو اكثر ولما تروحين غصبنا عليج تشتغلين والمدربه على راسج وان شاء الله التزم فيه يارب اعرف نفسي ملوله بس هاليومين توني باديه ومتشجعه حدي وووالي ماعنده فكره عنه يدش بالمنتدى قسم النوادي راح تلاقون كل المعلوماات

انصحكم فيه حق الامتهات مثلنا بس نص ساعه وتردين

 

[tho tho]

الله يبارك فيج ذوذوووو شخبار معرسنا؟
ريم لبنان حياج الله والله يخليلج بنتج
مسك احنا بعد "**

----------------------

ااخر الاخبار اشتركت بنادي كيرفز ؟؟وااايد حلو صارلي اليوم ثالث يوم احس وناسه واحلى مافيه انه نظامه بس نض ساااااعه باليوم مو اكثر ولما تروحين غصبنا عليج تشتغلين والمدربه على راسج وان شاء الله التزم فيه يارب اعرف نفسي ملوله بس هاليومين توني باديه ومتشجعه حدي وووالي ماعنده فكره عنه يدش بالمنتدى قسم النوادي راح تلاقون كل المعلوماات

انصحكم فيه حق الامتهات مثلنا بس نص ساعه وتردين

هلا حبيبتي
الحمد الله بخير الله يسلمج
حنان بس يدلع و يبجي

اييي كنت باشترك بهالنادي بس حده بعيد علي ماتسوى اطق درب بس نص ساعه اتمرن و ارد
نفس الدرب
حدي متردده اشترك فيه و الا لا :eh_s(10):

 

[مسك وطيب]

ودي أشترك بنادي بس احس اني راح اتقيد وألتزم بمشوار يوميا وانا طبعي بيتوتيه وكافي علي شغل البيت وحوسه العيال مو مخليني اقعد دقيقه أنا باجر وراي روحة شاليه ,,, واكيد بخربها بالجمعه بسوالف الحلو والفطاير

إن شاء الله ناويه من يوم السبت على ريجيم طالب الشمري موجود بقسم الأنظمة الغذائية ...

وان شاء الله اضعف انا وانتم بصحه وعافيه

 

[*فدك*]

ذوذو في للنادي كذا فرع اختاري الاقرب فيه بالسالميه وبالبيرق وبالجابريه وبالشعب البحري

وايد حلو ماتحسين بالوقت كلهه نص ساعه

مسك انصحج اهو التزمي فيه كله نص ساعه بسسسسسسسسسسسسسسسسس


والي بتشترك اكيد خل تقولهم انها من طرفي عشان احصل شهر مجاني

على كل صديق يي النادي شهر وكل 2 3 اشهر و4 سنه

 

[طبعي مزاجيه]

بنات انا ودي احط برضعه بنتي قفشه من الارز المبشور كنت اسويها لبناتي قبل بس بصراحه فقدت الذاكره من هالكمام مادري كنت اعطيهم بالشهر الثالث او الرابع ؟؟ والله نااسيه ذكروني بنات يصير والا لاء؟
وابي اسأل القطاره بيبي فيت <<< قطره فيتامينات

متى ابلش اعطيها والله اني نسيت بأي شهر كنت اعطي بناتي ؟؟

احس اني فقدت الذاكره من هالكمامات

 

[ريم لبنان]

اهلين حبيبتي الرز بتعطيه من الشهر الرابع اوعا تعطيا من التالت
والقطارة انا الدكتور وصفلي هي لبنتي لما صار عمرا شهر

 

[miss2007kuwait]

شلووونكم بنات ولهت عليكم والله :***