احلى ... واغلى ... تجمع (مواليد شهر 3 و 4 ) شرفووونا

[مسك وطيب]

السلام عليكم

بنضم لكم بنتي من مواليد 5/5 للحين ما خلصت الاربعين
بنات لي طلعت من الاربعين شلبس بنتي تبانات ولا عادي بدل البدل في بعضهم حفر ونص جم ؟؟ كل ما اوديها الطبيب يقولي لا تمهدينها بس لفيها خفيف ؟ والحريم لا مهديها حرام عليج والله ما عرفت لهم
ابي من خبرتكم !

الحمدلله على سلامتج ... اذا طلعتي بالسلامه من الاربعين خليها عالتبانات ومهديها على طول حرام توها نتفه واخاف احد يشيلها غلط ويعورها ... اذا جاكم ضيوف كشخيها مع لفه خفيفه وبس تكبر يامالها من الكشخه

 

[مسك وطيب]

فدوك الياهل اذا ماتمهد وهو نايم كل شوي يتفزز خاصه ايدينه ... مهديها توها نتفه

 

[@الياسمين@]

مساء الخير
شلونكم ؟
انا الف بنتي بالمهاد لي نامت
بس بالنهار لمن تنام ما امهدها

وبنتي صايره كله تبجي وتبي شيل
لي حطيتها بالسرير او الكرسي تصرخ ولمن اشيلها تسكت
هذه حاله بالله
وباجر تطعيمها .. واي تعور قلبي
الله يحفظها ويحفظ عيالكم

 

[دمثة]

شخباركم بنات تجمعي اشلونكم مع الامومة

 

[sweeti]

هاي بنات
شكرا كل الي ردوا علي سؤالي



 

[sweeti]

ان شاءالله لي طلعت من الاربعين بطلع بنتي معاي مستحيل اخليها عند الخدامة الا اذا عند امي شي ثاني
بحالة امي طالعه لا اخذها معاي ، ريلي جذي يبي وخدامتي ما تجيسها اهي عليها البيت وانا الياهل لووووول يمكن لانه بجري 

 

[*فدك*]

هلا وغلا دموووثه. شخبارج. انا تمام

سويتي اصلا الخدامه مهمتها مو الياهل بس مهمتها تساعدج تغسلج المميات تهقمهم تغسل ملابس الياهل يوميا تنغسل. تساعدج بالسباحه تمسك معاج
انا هني ببيت امي الخدامه مريحتي ما افكر بالغسيل والكوي والترتيب. باجر ولا عقبه برد شقتي باذن الله. االله يعيني بروحي ماعندي خدامه
وااحين جاري البحث عن خدامه ابي هندية يا القى مسيحيه او كله اثيوبيااات ومابي الاهنديه وتكون مسلمه

 

[sweeti]

فدك
صح كلامج المفروض بس في ناس يعطونها دور الام وهذا الشي غلط
الله يعينج اهم شر لابد.منه الصراحه يساعدون مساعده لا اكثر ولااقل ، انا
الصراحه بخلي خدامتي عند امي لانه ماعندي مكان بالشقة
كل يومين اتيي اتنظف وتغسل ، اللحين الخدم بالتفق ونادر ما تلاقين مسلمات
الله يوفقج ويسخر لج وحدة زينه *

 

[فجر Q8]

السلام عليكم

اشلونكم امهات شخباركم ولهت عليكم

واخيرا لقيتكم لووووووول

طبعا اكيد تذكروني هههههههههه حملت معاكم بس ولدت قبلكم بتاريخ 28/1

طبعا ولدي بيدش خمس شهور وللحين ما تعدلت نومته كنت معودته اول ما طلع من المستشفى ينام بسريره

بس ابوه خرباه وخلاه يتعود على سريرنا وهذي معاناتي كل يوم ما يبي ينام بسريره كلشششش

ومثل ما تعرفون تخرجت وما قدمت على الوظيفه خالتي تداوم وامي عندها بنت اخوي واختي فصعبه اخلي ولدي بعد

وعندي خدامه بس ما احب تجيسه كلشششش مع ان ودها بس ما اخليها

وانتو شمسوين مع البيبيات

 

[@الياسمين@]

انا اليوم طعمت بنتي تكسر الخاطر كله تبجي عطيتها ادول الحين شوي نامت
انتوا طعمتوا عيالكم ؟؟
تسوون كمادات ولا لأ؟؟؟؟

 

[BaTTy]

شلوونكم شخلاركم
شلونج فجوره من زمان عنج شلون البيبي معاج
ياسمين الله يعينج انا شايله هم هاليوم
يوم الاحد تطعيمه ان شالله مسكين بروحه بدون شي صارله يومين مستعسر و ما يكمل حليبته
و اي لازم تحطين كمادات جنه لازم دافيه

 

[*فدك*]

هلاااااااا فجوووره. اليوم يتي على بالي كان عندي فاينل تاريخ كويت عند بنيان تركي. والحمدلله خلصت الامتحاانااات وناطره النتاااايج يترب تكون حلوه وترفع الراس
حاولي تردين تعودينه على سريره وحتى لو يبجي تحملي حنه يوم ولا اثنين ولاااتتوهقين عدل عقب

ياسمين الله يعينج انا احاتي يوم التطعيم بس باقيله اسبوعين الله يسهل

باتي شخباارج. من زمان عنج

وذوذو ومسوسه اقصد ام عبود ٢ وام عبود ١ ومسوكه شخباركم

شخبار ام حسون وشيخه الحلى وغلاي واخت فايز وسبايك. واميره حبيبتنا تفتح لنا التجمع وتغيب

ولهت على تجمع الحمل وسوالفه الي ماتخلص. والحين صرنا امهات ولهينا بعيالنا. الله يخليهم لنا يارب ويحفظهم من كل شر

 

[tho tho]

مساء الخير حبايبي
اشلونكم ؟ شخباركم ؟ شمسوين ؟
بنات عندي مشكله مع ولدي
واييييييد يرجع بطريقة نافوره و مرات يطلع من خشمه :/
مادري اذا عادي و الا لا و شنو الحل
قلت حق الدكتور و قالي قسمي رضعته و قسمتها و للحينه على نفس الحال
باليوم مرتين يصير معاه جذي :/
اتمنى اتفيدوني

 

[مسك وطيب]

صباحكم ورد وياسمين

شلونكم ؟؟؟؟؟

أنا سهرانه مع وليدي حبيبي ,,, طايح له بموال شيليني والا ببجي ,,, البيت كله يسمع صراخه جنني هالنتفه



ذو ذو لاتحاتين انا بنتي الكبيره كانت جذي على طول ترجيع نوافير على قولتج حتى من خشمها يطلع الحليب وديتها الطبيب عطاها حليب نوفلاك تركيبة للإرتجاع بس فتره وتالي رديتها على السيميلاك واستمر الترجيع معاها لحد ماكملت 3 شهور تقريبا وتالي وقف

 

[sweeti]

صباح الخير بنات

وااي حياتي نومي معتفس كله من الحلوه
مادري شلون بعدل وضعي وطلعتي من الاربعين الاسبوع الياي
مو قادرة اخلص شغلي منها ، بنات ابي حل حق بنوتي تعلمت علي الشيل
ماتنام الا واهي بحضني او علي صدري واذا ثقل نومها احطها بفراشها والله خمس دقايق مبققه
عيونها وتصيح ، تعلمت علي الشيل بيت اهلي كل من يشيلها وانا بليل ابتلش فيها شنو الحل بلبز
قبل لا تتفاقم المشكلة لوووووووول

 

[happydays]

هلا يا حلوين

اشلونكم مع النتف

باتي انا طعمت بنتي امس الحمدلله سهلات عاد لما كان الدكتور يفحصها وهي تضحكله واتبسم له فديتها بس كسرت خاطري ابرتين و القطره اللي في الحلج اتقولي الممرضه طعمها علقم بس ورديت البيت وعطيتها ادول وقمت احطلها كمادات

ذو ذو

عن الترجيع احس عادي لان ولدي البجر كان جذي و اموره مانت طيبه الحمدلله صار كتكوت واللحين بنتي ترجع بس مب مثل اخوها

سويتي

انا بعد بنتي كانت نفس بنتج وبعدين قلت لا مب حاله فقمت اخليها في الفراش وتكون شبعانه و مبدله و كل شي و تمت تصيحلي كم يوم و بعدها اعرفت ان خلاص يعني بعورج قلبج على صياحها بس قوي قلبج فتره وتعدي

 

[*فدك*]

انا رديت شقتي. الحمدلله
والحين من الصبح قاعده وواخس عيوني تحرقني وبنااام. وللحين قاعده
شلوووونكم


ذودو. ماادري بس روحي لطبيب قوليله للحين مستمر هالشي. انا اذكر سالني دكتورها عالترجيع قلت ترجع عادي قالي اهم شي مو نافوره يعني

 

[happydays]

فدك

الله يعينج و الله يعينا على السهر و التربيه انا كل شي عندي يهون الحمل والولاده لكن اول 3 شهور هي المتعبه صج

 

[اميرة القصر المهجور]

مرحبااااا حباايبي

اسمحوولي غبت فتره عنكم لأن صارلي ٤ايام مساااافرة رحت انا وزوجي للنمساا اغير جوو بعد الحمال والتعب نصييحه بنات الي تقدر تسااافر تغيرر جو نفسيااا
وان شاءالله راح اكتب لكم تقرير عن سفرتي افرجكم ع المناااظر

متااابعة لكم فدييييتكم

مع السلامه

 

[مسك وطيب]

أميره الله يسعدكم ويهنيكم

يازين السفر

بنات اللي عندها بيبي واحد او اثنين نصيحه تشبع من السفر مع زوجها بروحههههههههههم باجر اذا كثروا اسم الله عليهم يصيرون مسئووليه ثقيله عند اللي بتخلينه عندهم او تضطرين تاخذينهم ويغثونج بالسفره