مرحبا ياالشيخات
بما اني من محبين الباستا بكل انواعها واشكالها بقول لكم على خلطتي حق السباقتي وان شاء الله تعجبكم
المقادير :
لحم مفروم ( الكميه حسب الرغبه )
فلفل اخضر بارد ( فليفله ) حبتين مقطعين صغيرا
بصل مفروم
معجون طماط
ثوم مفروم
البهارات : والحبكه في البهارات
فلفل اسود طبيعي مطحون ( مو البودر كلش )
ملح - ماجي
جارام ماسالا
شويه هيل
شويه دارسين
شويه زنجبيل
" الهيل والدارسين والزنجبيل مطحونين وجاهزين يعني بودر " واايد حلوين حق حمسة اللحم المفوم
طبعا المعكرونه السباقتي مفيوحه بشويه ملح وزيت وبعد ما تشخلينها على طول غسليها في ماي بارد عشان ما تلصق وتبقى فرش
الطريقه :
اللحم المفروم اتحطينه على النار وعليه ( الهيل والدارسين والزنجبيل ) وتخلينه لين ينشف مايه وتخلينه على كتر
بعدين شوية زيت بالمقله وانا افضل زبده تحمسين البصل مع الثوم والجارام ماسلا وماجي لين تطلع ريحه البهارات
تالي كتي عليهم اللحم المفروم ورشي شويه جرام ماسلا والفلفل الاسود اذا تحبين فلفل احمر حار على راحتج
وظلي حمسي لين تحسين ان اللحم صار قامج شوي ونشف حطي فوقه الفلفل البارد وحمسي شوي بعد ( لان حلات الفلفل تحسين فيه شوي كرسبي وانتي تاكلين عشان قيمته الغذائيه لا تروح مع الطباخ والحراره )
تالي عليهم المعجون وحمسي وذوقي الطعم شوفي يحتاج ملح او لاء لان الماجي يفي بالغرض وكثري من الصلصه يعني المعجون وخليها تطبخ على نار هااديه
وبعدين اخذي السباقتي وعلى النار قطعه زبده ووقلبي السباقتي شوي عشان تصير حاره وتاخذ طعم الزبده
بصحن التقديم فرغي السباقتي بشكل حلو يعني بشكل دائره او حلقه وبالنص فراغ وصبي الصلصه بالنص وزينيها بخضره مجففه او رشه اوريغانو
وبالعاافيه
