احلى زوجين شفتهم

[قانون كـيفي]

السلام عليكم


قبل 5 اشهر سوينا حفله عندنا بالبيت

وحضر واحد من جماعتنا شايب عقيم معاه زوجته العجوز

وكان معاها بنت عمرها فوق 25 سنه وبنتين صغار اقل من 8 سنوات

بس ما عرفتها وبنفس الوقت مستغربه لاني اعرف هالعجوز

هي وزوجها ما خلفوا عيال بس عندهم ولد كبير لقيط

المهم سلمت ومشيت

وبعدين قالت لي بنت عمي هذي البنت ( تقصد الي عمرها 25)لقيطه

ومتزوجه ولد العجوز الي قاعده بجنبها ( تقصد ولد العجوز القيطه )



انا ما ادري عن علاقتهم الزوجيه وشلون صايره

بس احس من لبسها وشكلها وصحتها انها مرتاحه

وعندهم بنتين وولد


انا نسيت شكلها لان حضرة زوجها وانا صغيره

بزواجهم مادفعوا شي كل شي على جماعتنا كل واحد دافع مبلغ

لتكاليف العرس والمهر

وبناتها الثنتين يهبلوووووون

بس نفسي اعرف عيالهم الي خلفوهم عوضوهم عن كلمة لقيط؟:eh_s(2):




دعواتكم لهم بحياه زوجيه سعيده وعوض من رب العالمين:eh_s(17):​

 

[قانون كـيفي]

آخيراً

نزل..

 

[فوفو22]

بنظري اللقيط مو سبه ولا دعوه

شخص مظلوم من امه وابوه

وربي يعوضهم بايمانهم وعزيمتهم بحياه كريمه

وربي يسعد كل الناس بكل القابهم واطيافهم

ويوفق الجميع

فوفو

 

[أم توتو]

عسى الله يهنيهم يارب

 

[قانون كـيفي]

بنظري اللقيط مو سبه ولا دعوه

شخص مظلوم من امه وابوه

وربي يعوضهم بايمانهم وعزيمتهم بحياه كريمه

وربي يسعد كل الناس بكل القابهم واطيافهم

ويوفق الجميع

فوفو

هذا الي اقصده

ومدري وجود عيال عندهم

يخفف من مر الحياه الي عاشوها..


يعطيك العافيه فوفو​

 

[قانون كـيفي]

عسى الله يهنيهم يارب

اميييييين يارب ​

 

[مولاي الفرج]

الله يوفقج ويوفقهم

 

[سوسن1980]

اكيد وجود اولاد راح يعوضهم هالكلمه او عالاقل ينسيهم كلمة لقيط

 

[أم ريــــما 22]

الله يوفقهم يارب

 

[ام زهقانه]

انا واحده احب واحس بكلمة القيط والله الحمد مع اني بنت ناس وعيال وقبليه اكبر وحده بالكويت
بس احس انهم مساكين يكسون الخاطر اهم مظلمييييييين
اولا وخيرا

 

[معلمة شيسمونه]

والله جد مظلومين

والحمدالله انهم انهوا المشكله مع الوقت

وبدوا حياة تغير الفكره اللي كانت

الله يوفقهم دنياااااااااااااااااااااااا وآآآآآآآآآآآآآآآآخره
​

 

[غـرامـي أنـت]

الله يوووفقهم ويهنيهم يـارب ّّّّّّّّّ

 

[FeShinGoOo]

انا ماحب كلمة لقيط ولا افكر اقولها واستخدم كلمة متبننيه احسها البق واخف واحنا ماندري بنفسية اليهال هذذيل شنو تلاقين واحد تأقلم وواحد يفكر وواحد كاره عمره كل انسان وشخصيته وحساسيته وقوته بس ان شاء الله هالزوجين يكونون مسوين فيهم خير وخايفين الله فيهم
والله يهنيهم عاشو حياتهم بالطريقه الي اتريحهم وتسعدهم ماشالله عليهم

 

[افراح كبيره]

الله يوووفقهم ويهنيهم يـارب ّّّّّّّّّ ​

 

[Tom ♥ Jerry]

.،


عسى الله يوفقهم يآرب !

 

[Maryam]

اتعرفين اسلوبج فيه تعالي لقيط و لقيط


قولي الحمد الله
و دعو الخلق للخالق
و من راقب الناس مات هماااااااا

 

[senorita.M]

مساكين والله مب ذنبهم .. ذنب مجتمعنا اللي مادري شلون يفكر
الله يتمم عليهم ان شاءالله

 

[قانون كـيفي]

اتعرفين اسلوبج فيه تعالي لقيط و لقيط


قولي الحمد الله
و دعو الخلق للخالق
و من راقب الناس مات هماااااااا

مو تعالي :eh_s(1):

بس معروف هذولي لقيط فقد الام والاب وبنفس الوقت يتم لانه محروم الاب والام

اليتم هذا مثبوت نسبه بس فقد الام والاب

الله يعوضهم خير بحياتهم

 

[قانون كـيفي]

انا ماحب كلمة لقيط ولا افكر اقولها واستخدم كلمة متبننيه احسها البق واخف واحنا ماندري بنفسية اليهال هذذيل شنو تلاقين واحد تأقلم وواحد يفكر وواحد كاره عمره كل انسان وشخصيته وحساسيته وقوته بس ان شاء الله هالزوجين يكونون مسوين فيهم خير وخايفين الله فيهم
والله يهنيهم عاشو حياتهم بالطريقه الي اتريحهم وتسعدهم ماشالله عليهم

فعلاً كلمة لقيط تضايق البعض

بس نحن لهذي الحالات نستخدم هذا المصطلح ( لقيط )

كمصطلح اساسي ومتعارف عليه بين الناس

اما متبني فلا لان التبني حرمه الاسلام

على فكره هالزوجين ماتحسين فيهم فرق عنا

طبييييعين

بس احس البنت ساكته ما تشارك الحريم المتزوجات السوالف

مدري شنو السبب

بس ممكن تكون عشان اول مره تدخل بيتنا وتتعرف علينا​

 

[قانون كـيفي]

جزاكم الله خير

ولكم بالمثل​