احلى ريوق من دموع الكويت توست بالبيض القرص بالخطوات المصورة

[^^دموع الكويت^^]

اليوم اطبق لكم هالطبق الصحي واللذيذ وخاصة حق الريوق مع الحليب الحار راح تشوفون بالصور وان شاءالله يعجبكم وخاصة للي عمرهم اقل من 18 سنة يسوونها وابي اشوف تطبياقتهم.


اول شي خلونا نشوف المقادير :

- بيض .

- خل .

- ماء ورد .

- ملح وفلفل أسود .

- زعفران

- هيل .


الطريقة :

1- نحط البيض بالماعون .

2- نحط قليل من كلشي الخل - ماء ورد- زعفران -هيل-ملح-فلفل أسود.

3- نخلط عدل

4- نجهز المقلاه وندهن زيت اشويه ونحط البيض ونخليه على نار عالية .

5- بعدها تقصر على النار ونغطي المقلاه .

6- بعدها تقريبا 5 دقايق نرفع الغطا وراح تكون بهذا الشكل.

7- بعدها نقلبها على الويه الثاني.

8- هذا شكل البيض القرص (( لذيذ)).

يتبع...​

 

[keeka]

ما شاء الله شي عدل تسلم ايدج دموع

 

[^^دموع الكويت^^]

9- تحمص شريحتين توست ونحط البيض بشكل حلو ونقصه نفس الصورة .

شوفوها بشكل مقرب

صورة ثانية

يقدم مع الحليب الحار .

لا يطوفكم لذيذ واحلى ريووووووووووووق والحلو انه اكل صحي طبعا تقدرون تبدلون التوست الأبيض بالأسمر بس ترى ماكو فرق كبير بالسعرات الحرارية الفرق الوحيد انه التوست الأسمر فيه اللياف:eh_s(6):


ملاحظة: طبعا بنات انا كنت اغلط غلطة احط بهارات مع البيض وكان ما يصير حلو نفس اللي تسويه الوالدة بس جربت طريقة الوالدة الله يطول بعمرها هالطريقة تسويها حق البيض اللي تحطه فوق البلاليط ولذيذ وريحته تهببببببببل ما جنه بيض لا زفر ولاشي .


جربوها وادعولي >>> اللي يسمع مجبوس مو بيض :eh_s(6):


انتظر ردودكم ؟؟


اختكم : دموع الكويت​

 

[xxx]

تسلم ايدج دموع

روعه هالطريقه والله يخليلنا الوالده ​

 

[زيـنـه]

حلوه الطريقه يا دموع .. احنا نسويها بس بدون الهيل و الزعفران و ماي الورد .. و سر انتفاخها غطا الجدر اللي فوقها .. بس المفروض موطيه النار عليها عشان ما تصير بنيه

و مشكوره

 

[يمامة]

تسلم ايدج دموع

 

[QUMAR]

تسلمين حبيبتي علي الطريقه

 

[جرح الليالي]

تسلم الايادي

انا اسوي هالطريقة بس اضيف طحين اسمر وحلبة وحبه حلوة

الحلبة حق عوار الظهر يمدحونها

احط شوية واحط هيل وزعفران بس ماي الورد والخل ما جربته

يبيله نجرب طريقج خيتووو

 

[ام ناصر82]

تسلم ايدج ان شالله اجربها باقرب وقت :eh_s(6):

 

[^^دموع الكويت^^]

خوااااااااااااااااااااااتي


^^بنت الكويت^^
زيـنـه

يمامة

QUMAR

جرح الليالي

ام ناصر82


مشكوووووووورين على مروركم ... حياكم الله​

 

[جورية كويتية]

تسلم ايدج
بس مو مقتنعه بالمقادير -_-
الزعفران ممكن اتقبله مع البيض
الهيل يالله نمشيه غصب ^_^
بس الخل وماي الورد ليش ؟؟؟؟؟؟؟؟
لا لا مو متخيله يؤيؤيؤيؤيؤيؤ
بس تدرين بروح الحين اسوي حق امي
اجرب فيها
خنروح الحق قبل لا تتريق
اسويه واقولج اشصار
^_^

 

[بنت الحزن]

شكراً لكي اختي الكريمه على هذا المشاركة

 

[جورية كويتية]

ياهاهاهاهاهاها
سويته توني
والله طلع حلو مافي شي

امي لما قتلها المقادير
قالتلي صار صب القفشه هذا ^_^

ان شالله اليوم بليل لما اقعد بحط صورته بالاطباق المجربه
الحين حدي فيني نوم بصلي وبنام
احنا البطاليه اللي ما عندنا شغل انام بالنهار ونقعد بليل
^_^

 

[^^دموع الكويت^^]

شكراً لكي اختي الكريمه على هذا المشاركة

العفووووووووووووووووو اختي حياج الله​

 

[^^دموع الكويت^^]

ياهاهاهاهاهاها
سويته توني
والله طلع حلو مافي شي

امي لما قتلها المقادير
قالتلي صار صب القفشه هذا ^_^

ان شالله اليوم بليل لما اقعد بحط صورته بالاطباق المجربه
الحين حدي فيني نوم بصلي وبنام
احنا البطاليه اللي ما عندنا شغل انام بالنهار ونقعد بليل
^_^

ناطررررررررره الصور :eh_s(6): وناااااااااسة تطبيقج سريييع وحمدالله انه اعجبج
:eh_s(9): ​

 

[جارة القمر]

^^دموع الكويت^^

تسلم ايدج حبيبتي

 

[بطاطا]

عادي نلغي ماي الورد ​

 

[amoon]

اممممممممممممممم يوعتيني
انا شالله بجرب باجر

 

[bnt q8 in usa]

يهبل تسلم ايدج والله يبلنا نجربه والله
يارب الله يرزقج بالزوج الصالح انشالله

 

[jolie_q8]

حركات دمووووووع

تسلم ايدج وعليكم بالعافيه

هذي تنفع حق رجيم دشيتي ​