احلى تجمع مواليد مارس 2012

[زين ودلال]

السلام عليكم ورحمة الله وبركاته...

بسم الله الرحمن الرحيم


حبيت افتح هالتجمع حق عيالنا الحلوين فديتهم عسى ربي يبلغنا فيهم ويحفظهم ويستر عليهم ويرزقنا برهم يااارب انتناقش فيه بكل شي يخصهم

خلصنا من تحلطم الحمل والثقل الحين يا تحلطم السهر خخخخخخخ فديتهم فدوه ��


:eh_s(9)::eh_s(9)::eh_s(9):​

 

[زين ودلال]

صج اني ولدت بشهر ٢ بس فديتكم ماقدر اخليكم ��

 

[اجمل الذكريات]

الف مبروووك الافتتاح
وانا بعد ولدت بشهر ٢ بس ماقدر اهليكم تعودت عليكم
يالله بنات تعالو نتحلطم هني

 

[حبيبة عز]

مبروووك التجمع النيو

يعطيج العافيه زيون

وانا بعد جمول ولدت بشهر ٢ تاريخ ٢٩/٢/٢٠١٢

خخخخ بعد ٤ سنين احتفل بميلاد ولدي

-------

بنات ولدي يكح جنه فيه بلغم

شنو أعطيه أمس وديته عند دكتورة بالسلام اتوقع اسمها ايمان البصيري

وفحصته وقالت مافيه شي

وطالع له حبوب قالتلي عادي بماي وقطن مسحيهم يطلعون من الحر والحليب

بس تفخة راسه من الشفط قالتلي الدم متكلس ويبيلها وقت على ماتروح

وطهوره الحمدلله زين وبس

 

[حبيبة عز]

بنات باركولي اليوم بلشت أصلي الحمدلله

بنات وزني قبل الحمل ٥٠ بالتاسع صار ٧٢

الحين الحمدلله وبعد رجيم قاسي ونفسيهx صار ٥٩

يعني يبيلي أنزل ٩ كيلو شلون مادري

------

والله ضايق خلقي بنات

بدال لا اطلع الاربعين واسافر ولا استانس

ريلي يقولي خليج عند اهلج انا بسافر اسبوع وارد

كل التجهيزات اللي كنت بجهزها صار مالي خاطر فيها

وحده ضايق خلقي

ان شالله يشتري خاطري ويكنسل السفرة

 

[زين ودلال]

الله يبارك فيكم

 

[زين ودلال]

حبيبه حتى انا وديته وقالتلي مافيه شي والحبوب عادي مامنهم خوف وصج الحمدلله راحوا

والله يعينج على سفرة ريلح صج صج صج قهررررر ��

ان شاء الله يطفرج مو صج

 

[زين ودلال]

وحتى انا يبيلي 9 كيلوااااات ?

 

[أم راشد المطيري]

مبررررررروك عالتجمع والفال حق مواليد شهر 4
ادعولي اولد بالسلامة
مليت

 

[زين ودلال]

الله يبارك فيييج ام راشد

الله يسهل عليج يارب وتولدين بالسلامه ان شاء الله هانت مابقى شي

 

[بيادر أمل]

.
.
السلام عليكم
مبروك التجمع وجعلوه تجمعن مباارك
انا ولدي من موااليد فبرااير ^^
حبيبة عز ولدج رفيج ولدي في التااريخ لووووووووول
امي تقولي زوجيه في هالتااريخ ^^
عشاان ما يخسر نفسه وحرمته في هالهدية ^^
.
.

 

[حبيبة عز]

زيون

الله يسمع منج ويكون يطفرني بس ومايسافر

واااي زيون ٩ تعتقدين نقدر نزلهم؟

-------

ام راشد

الله يقومج بالسلامة يارب ويسهل عليج

-------

بيادر أمل


هههههه خوش فكرة

الله يحفظهم ويارب ويخليهم لنا ويصلحهم ويعطيهم الصحه والعافيه

ونشوفهم معاريس ياااااارب

 

[حبيبة عز]

بنات ولدي وايد يتعصر ويتمغط خخخخ

مادري ليش

مع ان عزكم الله خروجه زين

وامي شربته يانسون

بس مادري ليش يمكن طبيعته ههههه

وعصبي بعد وإذا زعل مافي شي يسكته

يصير استنفار بالبيت من بجيته

 

[بيادر أمل]

.
.
امييين حبيبة عز ^^
ياحلوهم مواليد 29 فبرااير
تدرين مااعرف امهد ولدي كل ما امهده الاقيه فااك المهااد وااجد يتحرك ويتمغط لوووووووووول
ناايم اغلب الوقت بس اذا بجى مو طبيعي يقومنا يبي الكل يفزع له لووووووووووول
.
.

 

[اجمل الذكريات]

بنات
انا طهرت من ٢٥ يوم ومن يوم ٣٠ استخدكت تجاميل بيتادين ٥ ايااام واليوم لي رابع حبه مانع وقمت اصلي بس اليوم لقيت فيني افراز اصفر شوي
يعني شنو؟؟؟؟

 

[خيوط الطيف]

الف مبروووك الافتتاح .........
ان شاء نشوفهم معريس����

 

[اتحداهم احلاهم]

هلا بنات شلونكم
مبروووك الافتتاح زين سويتو

 

[زين ودلال]

يالله انك تحيي ام عبدالوهاب <<<< تقلدج

الله يبارك فيييييييج

 

[حبيبة عز]

جمول أنا نفسج لقيت افراز ابيض واصفر

وقريت وصف افراز الطهارة

ولقيته نفسه


الحمد لله والصلاة والسلام على رسول الله وعلى آله وصحبه أما بعد: ‏

فالقَصَّة البيضاء عرفها العلماء بتعريفات متقاربة، فمن ذلك ما قاله الموَّاق في التاج ‏والإكليل والقصة ماء أبيض كالمني، يسمى قصة لأنه شبيه بالتراب الأبيض الذي تجصص ‏به البيوت. قال ابن حبيب: الحيض أوله دم ثم صفرة ثم تِرْية ثم كدرة ثم يصير ريقاً كالقصة ثم ينقطع ‏فتصير جافة).‏
وقال غيره: ماء أبيض يخرج آخر الحيض كالجير، لأن القصة مأخوذة من القص وهو: ‏الجير، وقيل: القصة ما يشبه العجين، وقيل غير ذلك.
وقال الزيلعي: القصة شيء يشبه الخيط الأبيض يخرج من قُبُلِ النساء في آخر أيامهن، ‏يكون علامة على طهرهن.‏
ولعل من تقدموا عرَّف كل منهم القصة كما توصل هو إليه بواسطة الثقات من النساء ‏اللائي يستطيع سؤالهن. وعليه فإن لون القصة - وإن تقارب- يختلف من امرأة لأخرى ‏اختلافاً لا يخرج عن نطاق ضيق، إذ ما ذكر في التعريفات السابقة متقارب تقاربا شديداً.‏
والله أعلم.‏

 

[زين ودلال]

جموله الاصفر او البني عادي اذا يا عقب ما طعرتي يمكن استحاضه توضي حق كل صلاة